2018年4月19日 星期四

即食麵袋,拖鞋,燈泡不能回收?

CLEAN 環保 - 即食麵袋,拖鞋,燈泡不能回收?

自問小編我對環保都有一定既意識同支持,而有時係網上睇有關環保既資訊時都會睇到唔少有關外國既環保方法,有時會睇到d人分享佢地日常既環保方式,無論家中任何廚餘或雜物嘅分類一概做得非常仔細整潔同認真,但無意中發現就算係膠袋,膠樽,玻璃等普通物件原來唔係所有都可以攞去回收喎。

其實日常做回收分類時,每當見到一D疑似塑膠之類,例如:即食麵袋同埋拖鞋等。。都會認為可以放到塑膠回收箱,而燈泡亦會認為係屬於玻璃之類,就會放到玻璃回收箱等等。。。 但其實呢d物件原來係唔可以作為回收用途㗎,等我以下簡短咁解釋一下啦:
  • 拖鞋或者鞋之類,在製造過程中會加入咗大量既化學物料,分解或再造過程會造成水質或空氣污染,而且呢D有關產品亦會有機會包含金屬配件,所以係唔適宜循環再造哦。
  •  即食麵包袋外層係玻璃紙,而內層就係含聚乙烯(polyethylene,簡稱:PE 係一種加入大量各種添加劑化學物質),所以稱為複合袋性嘅袋,呢d物質會破壞環境,所以同樣亦唔可以作回收用途。
  • 最後燈泡當中因為含有金屬同鋼絲,而發光部份為金屬複合物,較難分拆作回收用途,所以亦唔可以放入玻璃回收箱。
  • 裝油既膠樽(PVC或PS膠料)或似同類製成品(例如:汽車機油樽等):呢類既塑膠係回收再造過程中會帶有石油產品,從而產生化學作用,令環境受到污染,所以亦唔可以作回收之用。
  • 即沖咖啡膠囊(capsule)同即食麵包裝袋,用膠製成既掃把同埋牙刷等,同樣屬複合塑膠物料,所以較難分拆回收之用。
另外如果鑵頭類就要清洗後才好放去回收哦,如果唔係就會吸引昆蟲或滋生細菌哦,而發泡膠原來係可以回收架,當初以為再造過程會散發有毒物質,但原來唔會,今年年初有一位有心人發起發泡膠回收項目,而且已獲得環境及自然保育基金撥款資助,從街市菜檔或凍肉鋪回收,為香港為海洋出一分力。

見到咁多人都為保護環境出一分力時,我就會提醒自己都要堅持呢分心同感謝呢d有心人!大家都一齊努力啦!您我他都能做得更多更好!只要堅持同身體力行就可以了噢!

2018年4月15日 星期日

如何避免運動後既酸痛?

CLEAN Blog - 如何避免運動後既酸痛?

夏天就黎了,最近要將之前假期累積落黎既脂肪不斷燃燒,努力咁做運動!但係每次去之前都會好掙扎,因為一諗到做完運動後既肌肉酸痛就會卻一卻步,之後惰性就會走出黎。。。唉。。。~><~

所以為左為健康(同身形*^^*)著想,我要諗下辦法黎解決呢個問題先,如果妳都有同樣煩惱,咁就繼續閱讀落去啦:

根據過往既認知,運動後既肌肉酸痛係黎至乳酸積聚而令肌肉神經受壓而產生痛楚既感覺,但經過多年既研究,發現真相並非如此,美國加州有大學教授提到:乳酸其實好快會從肌肉中消失(約90分鐘內),所以肌肉酸痛和乳酸無直接既關係。

而呢種酸痛感叫延時發作肌肉酸痛(delayed onset muscle soreness,簡稱DOMS),原因大致有兩個:

  • 離心收縮運動:意思係肌肉係發力既時候收緊並拉長而引起良性撕裂(比如抽起啞鈴(因為重量令肌肉收縮)再慢慢伸直放下,令二頭肌肉(俗稱老鼠仔)拉長,咁呢個動作就係離心收縮既動作了)
  • 使用到靜止已久或不常用到既肌肉:當過左好耐都冇運動或進行某d新既運動時,因該部位既肌肉未能適應,所以會引起DOMS

咁有冇得避免同舒緩呢種症狀?

避免就只可以持續均衡地做運動,令肌肉『生硬』既情況降低,從而減少DOMS既產生,另外亦應避免久休後既過度運動,如經過久休後,應先進行一d輕鬆既運動如:伸展運動,慢跑或輕慢既帶氧運動黎令肌肉適應後再進一步慢慢加強。

而舒緩就可以做d伸展,熱敷同埋輕力按摩黎增加血液循環,減低肌肉繃緊度並令神經系統放鬆,又或者做完運動後既1個小時內攝取蛋白質黎幫助修補肌肉(網上有售全植物既蛋白質奶粉,會比動物性蛋白較為健康)。但其實一般兩至三日都會自行減退痛楚感。

最後結論係當您經過一段長時間冇做運動時開始做返,咁DOMS係無可避免,但當您適應返一段時間後就唔會咁容易產生喇,所以為左身體健康同埋減低DOMS既產生,大家都係持續均衡地做運動啦!

免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2018年4月13日 星期五

濕疹發作時用類固醇


CLEAN Blog - 濕疹發作時用類固醇

濕疹患者係寒冷同乾燥既天氣下都容易會濕疹發作,呢個都市病既病徵主要係患處皮膚會紅,腫,痕癢,粗糙,起水泡和有脫皮現象,而濕疹有唔同既種類,外觀都有唔同。係治療上主要係搽含類固醇成份既藥膏,一般會視乎濕疹既位置,形態,嚴重程度而決定用既藥量,嚴重者可能要配合口服類固醇。

好多人一聽到要用類固醇藥膏都會好擔心,怕用後會帶黎來好多副作用而唔敢使用,而事實上外用類固醇藥膏如果只係適量地使用係可以有效地消炎和止痕,能舒緩濕疹發作時既不適。但要小心類固醇藥膏有唔同強度,如用較強力既類固醇藥膏,長時間或高劑量地塗搽,有機會令該部位既皮膚出現變軟,淡化淺色,真皮萎縮,皺紋,微絲血管擴張等既副作用,所以要小心和根據成葯指引或醫生指引地使用

當使用類固醇藥膏前後要徹底清洗雙手,係患處薄搽一層就可以,唔洗搽太厚,因為咁樣不但唔會被吸收,反而會增加副作用產生既機會.如果唔係係醫生處方指示下使用,應盡量避免係面部,眼睛附近,腋下,大腿內側等皮膚較薄既位置使用,因為類固醇係薄既皮膚位置下會更容易被吸收,所以要小心和避免增加產生副作用既風險。

如果要防止濕疹發作可注意以下事項:
  • 濕疹係由皮膚乾燥下引起,患者要注意維持每日做好保濕,鎖水及滋潤三個步驟,所用到既沖涼液及潤膚霜要有滋潤和保濕作用,成份不要含太多化學性成份,如用天然既成份會更佳。
  • 避免用太熱既水沖涼,因為水溫越熱皮膚就會越乾燥,會刺激濕疹皮膚惡化。
  • 沖涼時要避免太大力或用磨沙產品磨擦濕疹位置,因為會有機會擦破傷口引起感染。
  • 塵蟎係常見致敏源,存在於家居環境,如地氈,牀單,被褥,隔塵網,毛公仔等地方,要定時做好清潔,遠離致敏源。
  • 避免抓濕疹患處,會抓傷皮膚令皮膚水份更容易流失和造成炎症。
如果一直持續不見好轉既話就要及早求醫哦,另外如果因濕診而留低既印係可以進行激光療程去回復膚色哦,我地中心有提供免費既專業皮膚分析,歡迎用以下方式聯絡我地,而我地中心亦為第一次光臨既顧客提供一次半價試做激光去印療程,可在旁邊既連結登記哦:http://www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢

2018年4月11日 星期三

飲礦泉水會便秘嗎?

CLEAN Blog - 飲礦泉水會便秘嗎?

相信大家都會知道多飲水係可以加快我地身體嘅新陳代謝,令體內嘅毒素容易排出體外,維持住各細胞狀態之餘,更令血液運行正常等。不過經常在外出工作,所以大部份時間都會買樽裝水飲,但有時聽到人地講話飲得多礦泉水會容易便秘或者甩頭髮?真係嘅?

其實真正天然嘅礦泉水係在於地底深層100多米之下循環而形成後再自然湧出黎又或者係經人工抽取既,所以一般較少會受到污染,當中水質含有不同既微量元素如:鈣,鎂,鐵,錳,鋅,銅等,而且愈來愈多研究證實,含有鎂,鈣等嘅礦物質微量元素飲用嘅水,係可以幫助預防心血管疾病,例如心臟病,高血壓同高膽固醇等等。。。

不過我地平時在街上買到嘅樽裝水(無著名天然礦泉水natural mineral water),大部份都係只屬人工製造嘅礦泉水,其實係先將蒸餾水變成不含任何雜質嘅水,然後再加添鎂,鈣,鐵等嘅礦物成份,而製造出類似礦泉水嘅效果.但在加工後,當中嘅鉀同鎂成份性質唔太穩定,所以就取代唔到真正礦泉水嘅功效,如果係天然既礦泉水,該水既味道會有少少金屬嘅味道喔。

另外大家亦要注意嘅就係礦泉水中雖然有微量礦物質係可以幫助到健康,但同樣攝取過量的話一樣會造成令腎臟無法排走礦物質嘅情況出現,形成結石,而且由於含有較多嘅鈉質,所以醫生建議肝腎同埋心臟衰竭人士不宜飲用。但至於會容易出現便秘又或者脫髮嘅情況,暫時就未經研究証實或臨床實驗啦。

其實建議自備家用煲過嘅水係最好嘅方法,健康之餘又可以更環保,但就有3點要留意哦:
  1. 煲滾起後,切勿再超過3分鐘,因為會導致水中亞硝酸鹽成份增多,亞硝酸鹽俗稱工業鹽,攝取太多有機會出現中毒嘅情況。
  2. 唔可以飲用電熱水壺內多次煲過嘅水,因為壺內會形成灰白色或黃白色嘅沉澱物,稱為水垢,同壺中內膽會產生化學反應就形成有害嘅物質。
  3. 唔飲用翻煲過嘅水,因為不斷翻煲會增加水內嘅金屬含量,長期飲會出現腹瀉同埋腹脹問題。 
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2018年4月6日 星期五

女性生理周期皮膚既變化

CLEAN BLOG - 女性生理周期皮膚既變化

女性既生理周期每月不斷地循環,除咗要面對生理期既身體不適外,某部份女士仲會出「生理痘(即因生理周期影響而出既暗瘡)」,但點解係經期間皮膚會容易出油,粗糙,生暗瘡,暗沉等問題呢?我都有出現以上狀況,所以希望係度分享下一d預防同處理心得比大家啦.

女性肌膚在28天生理周期既變化和注意事項:

第1星期:月經期要注意保濕補水

  • 因月經來潮,雌激素和黃體素分泌都會急速下降,皮膚容易變得乾燥,代謝較差,敏感,缺乏光澤和面部浮腫等情況,再加上生理期會排走血液既情況下,咁會加速體力消耗,營養流失,會感到疲倦等.呢個時間因肌膚抵抗力較低,所以護膚時主要多注重保濕補水,令皮膚保持一個正常既新陳代謝狀態.

第2星期:容易吸收護膚品

  • 月經期結束後係雌激素分泌既高峰期,排卵前1星期,新陳代謝會較為旺盛,肌膚光滑細緻,係皮膚狀態最好既時候,進行任何保養和美容療程既吸收效果最佳.另外可多攝取高纖和排水性高既食物,有助於加速體內新陳代謝,幫助改善經期水腫症狀.

第3星期:避免用太滋潤既護膚品

  • 黃體前期亦即係排卵後1星期,肌膚狀態會開始調整變差,皮脂腺和黑色素分泌會增加,可能會產生色斑,暗瘡和色素沈澱等問題.所以呢個時間要加強防曬,用清爽不油膩既護膚品,飲食方面要清淡,減少鹽類攝取以免水腫.

第4星期:做深層清潔去角質

  • 到左第4星期既黃體後期,即係月經前1星期,皮脂和黑色素分泌會比上一周更加旺盛和增強,係肌膚最唔穩定既時期,皮膚會較粗糙,毛孔粗大,暗啞,容易生暗瘡,色斑變深等問題,呢個時間要更加注重深層清潔和去角質,減低毛囊閉塞和發炎既風險,飲食方面要減少攝取油膩和高脂肪食物.

每個時期既變化同皮膚狀況都有關連,要多注意身體內外既改變,配合適當既護膚咁就可以令皮膚健康啦.

如果想了解下自己既皮膚類型同狀況或出現以上任何既皮膚問題,歡迎用以下方式聯絡我地做一次免費皮膚分析,另外我地中心亦為第一次光臨既顧客提供一次半價試做不同種類既護膚療程,可在旁邊既連結登記哦:http://www.cleanskincare.com.hk/zh/trial.html


免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2018年4月3日 星期二

色斑同年紀有關嗎?

CLEAN Blog - 色斑同年紀有關嗎?

最近假期多咗同D親戚朋友見面,當佢地知道我負責寫d關於護膚健康既文章,咁就問我點解年紀越大就好似越多斑嘅?做完激光去斑後d色斑都好似冇乜點淡咁,點解嘅?諗諗下好似都有一段時間冇寫關於色斑既資訊了,所以不如今篇就分享下啦。

其實隨著年紀既增長,皮膚既防禦力會減低和新陳代謝速度都會減慢,而色斑係當皮膚受到刺激後(比如紫外線,化學成份,炎症等等)而產生既色素細胞黎保護皮膚(亦即酪胺酸經過身體既化學作用而成的),但當呢d色素係皮膚裡面係咁不斷累積,所以慢慢就會轉變成色斑。

但由於皮膚既防禦力下降,所以對於外來既刺激反應相對亦會較大,比如皮膚會更容易釋放黑色素或較容易產生刺激等,所以相對色斑亦會較容易產生出來。

而隨著年紀既增長會加多或加深既色斑一般都係荷爾蒙斑,因為女性既荷爾蒙會隨著年齡而改變,尤其係生完BB既媽媽們,因為荷爾蒙既變化係由開始懷孕期間身體既黃體素,雌激素(動情激素),雄性激素等賀爾蒙分泌隨之增加,促進了「黑色素細胞刺激激素」生成,令體內黑色素大量增生,因而造成黑色素細胞沉澱而產生荷爾蒙斑,但當然亦有例外如雀斑或曬斑(即老人斑)等情況出現。

但點解做完激光去斑後d色斑都好似冇乜點淡咁?原因一般有:
  1. 新陳代謝速度減慢,所以療程後被擊碎既黑色素未能及時排出體外,所以可能需要較長既時間黎分解。
  2. 防曬措施不足,就如以上所說的,由於隨著年紀既增長,防禦力下降,對於外來既刺激反應相對亦會較大,所以要搽厚少少防曬同埋外出後要補搽多一次。
  3. 護膚產品含有美白或化學成份,呢d成份都會造成反黑(可參考:做激光後會反黑嗎?皮膚會變薄嗎?http://clean-skincare.blogspot.hk/2015/06/blog-post_18.html
除左以上3點外,其實仲有其他因素,比如生活同飲食習慣都會有影響,如果想知得更多更詳細或想了解下自己既皮膚類型同狀況,歡迎用以下方式聯絡我地做一次免費皮膚分析,另外我地中心亦為第一次光臨既顧客提供一次半價試做不同種類既護膚療程,可在旁邊既連結登記哦:http://www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2018年3月30日 星期五

嘴唇乾既原因同影響

CLEAN Blog - 嘴唇乾既原因同影響

最近天氣開始回暖,但公共交通工具或辦公室內既氣溫就越黎越凍,因為d冷氣開得越黎越大,同時另濕度下降,令到皮膚都開始有乾既感覺。但除左皮膚外,嘴唇亦不知不覺地變得乾燥,特別係少飲水同習慣用口呼吸既人。

另外有鼻敏感既人會比一般人既嘴唇較乾,因為冇論係訓覺或者日頭都會有好多時候用嘴呼吸,因為鼻敏感令到呼吸系統閉塞,所以需要用口黎代替鼻黎呼吸。

但好多人都會有個習慣就係當嘴唇一乾既時候就會用脷去舐,但係咁做就只會越舐越乾,因為當嘴唇皮膚既保護膜不斷比舐去,咁嘴唇皮膚既水份就會不斷流失,導致越舐越乾既情況了。

而不斷舐仲會有機會滋生唇瘡(口角炎)添,因為口水係口角停留,積聚,最後滋生細菌,導致生唇瘡,所以當覺得嘴唇一乾既時候就提醒自己唔好用脷舐,之後要搽潤唇膏黎保持濕潤呀。

但除左因為以上問題而產生唇瘡,另外其實缺乏維他命B2都會出現口腔,口角或舌頭發炎,或者睡眠不足導致抵抗力下降都會導致生唇瘡哦。

所以大家應該:

  1. 從榖殼類或豆類吸取維他命B,雖然某些維他命B可從肉類或內臟吸取(如B2 / B3 / B5 / B12),但還是建議少食肉同內臟,減少身體負荷。
  2. 改善作息時間和飲食習慣,因為唇瘡同飲食營養有好大關係,所以多食有營養同天然既食物,減少煎炸零食。
  3. 戒掉舐嘴唇既習慣,隨身一支潤唇膏。

當能夠改善以上3點後,可降低滋生唇瘡既機會。如果想了解更多關於唇瘡,可按入旁邊連結哦:點解生唇瘡既,同一般暗瘡有冇分別?

免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2018年3月29日 星期四

人心果既好處

CLEAN Blog - 人心果既好處

今編想同大家分享一種水果,其實在較早前已經聽聞過呢個名稱,起初只認為係其中一種藥材名,因為以為個寫法係『人參果』,但後來才得知原來係人心果,而且係一種水果嘅名稱,所以就買左黎試下同埋發現營養價值都高,所以想同大家分享呢種好食又有益既水果。

人心果又稱為:無鳳柿,鐵線子等,因為切開後似人心,所以命名為人心果,係一種熱帶水果類,原產於在中美洲,而家市面上買到既係來自於泰國,越南或台灣.從植物分類學講,係屬於山欖科嘅植物,初次見到人參果時,外皮皺皺地同啡色,裡面棕棕黃黃地色,有d似金奇異果咁。但味道就好甜同埋有一種獨特既果香味,本人就覺得超好食,但試過一次未完全熟透就食,嘩!個味道好澀好『嚡』,無可能食得落口,而且未熟透既人心果有可能對某部份人產生過敏,所以食之前要確保熟透同果身要『淋淋地』先好食喔。

但市面上有D果皮略帶金黃色,更有紫色條紋就好似一種瓜類,但其實呢d係來自中國內地(原產都係來自美州),又名香瓜茄同埋寫法係人『參』果,果肉比泰國越南種脆身,但小編我就未試過啦。

人心果既好處:
  1. 屬於非常高纖維既一種生果
  2. 營養含有碘,鉬,鐵,磷,硫,硒等人體必須既微量元素,亦含有維他命A,B,C,E等
  3. 非常高既鈣質,對比番茄高出114倍之多
  4. 含有硒元素既蔬果類十分罕見,而硒可以抗氧化外,仲有調控甲狀腺既代謝功能同埋有抗癌既可能性。
但雖然有文章說導人心果既營養成份對糖尿病患者有幫助,但同時因為人心果既糖份(葡萄糖)含量頗高,所以建議適量進食為妙。 

責聲明:以上所載的資料只供參考用途,均不能作為替代執業西醫的建議。在採取任何行動之前,你必須與有適當資格的執業醫療人仕諮詢。

2018年3月24日 星期六

天竺葵(Geranium)精油既好處

CLEAN Blog - 天竺葵(Geranium)精油既好處

相信大家都知道天然既精油有好多好處,比如消毒,消暗瘡,驅蟲等等,,茶樹精油和薰衣草精油係大家較常用到既,而今次想分享另一款既精油係天竺葵(Geranium),唔知大家有冇聽過呢?

天竺葵既原產地係非洲南部,但而家世界各地都有培植,而呢種植物係屬於開花類別既植物。市面上有數百種既天竺葵,有好多都只屬觀賞用途,只有少數能夠提煉出精油,以下四種係較具有代表性的品種:

  1. 波旁天竺葵(Pelargonium asperum)
  2. 芳香天竺葵(Pelargonium graveolens)
  3. 玫瑰天竺葵(Pelargonium roseum)
  4. 蘋果天竺葵(Pelargonium odoratissimum)

但最具知名度都係第一款,波旁天竺葵(Pelargonium asperum Typ Bourbon),因為其精油既親膚性高,意思係滲透力高,所以對皮膚既效果亦相對較為顯著。

咁天竺葵既好處同功效係乜?

  • 抗菌性能:經過研究顯示,天竺葵有抗菌能力,能有效抑制皮膚上既真菌,所以對癬類既皮膚病十分有效。
  • 傷口修復:當割傷後,係傷口上滴上混合基底油既天竺葵精油可幫助將傷口止血和快速修復,因為天竺葵能刺激皮膚表面既血液循環,令傷口修復加速。
  • 驅蟲:因為含有香茅醇和香葉醇,所以天竺葵有唔錯既驅蟲效果哦。
  • 止痛:研究發現天竺葵油可有效減輕疼痛,尤其是由糖尿病引起既神經疼痛。

仲有好多其他既功效比如對護膚,消化系統或消炎等都好有效哦。但係提提大家用既時候不可直接用精油搽上皮膚上避免灼傷,因為每款精油既濃度不一,要用
基底油稀釋後才可使用啊,如有任何不適或灼痛,請立刻沖洗,如沖洗後情況還未舒緩,請立即求醫。

免責聲明:以上所載的資料只供參考用途,均不能作為替代執業西醫的建議。在採取任何行動之前,你必須與有適當資格的執業醫療人仕諮詢。

2018年3月21日 星期三

泳池既水對皮膚會有影響嗎?

CLEAN Blog - 泳池既水對皮膚會有影響嗎?

游水應該係大部份人都會鐘意嘅一種運動,一方面可以幫助日常工作得到減壓,令心情放鬆一下,另一方面亦可享受在水中自由自在嘅感覺~

但好多時候都會聽話泳池水好污穢,d水有漂白水消毒水等,游完後皮膚可能會出現暗粒同埋過敏嘅情況,咁到底泳池既水對皮膚會唔會真係有影響呢?
 
其實泳池既水會加入一種叫『氯』既化學元素作為消毒嘅用途.氯係一種非常有效去破壞消除各種水中細菌和病毒既物質,亦係漂白水既主要成份之一

雖然呢種化學物質能夠將大部分既病菌,細菌同寄生蟲殺死,但係美國疾病控制與預防中心警告,其實唔係所有病菌,細菌同寄生蟲都能殺死,就比如隱胞子蟲(Cryptosporidium)卻有可能係帶有氯既游泳池裡繼續存活長達10日哦

而我地平時去到泳池時就會聞到一種刺鼻既氣味,好多人以為係氯嘅氣味,但其實正確黎講係當氯同其他物質結合時所發出既氣味,比如汗液同尿液

美國有實驗做過將『水加氯』和『水加氯再加尿液』放係兩個唔同既桶裡一斷時間,之後再打開黎聞,發覺『水加氯』係冇乜氣味既,但另一桶加左尿液既就有所謂既『泳池味了』,有興趣可睇旁邊既連結(實驗係第5分鐘開始,如需中文字幕,請在右下角設定)影片連結

而且帶有氯既水會對我地既皮膚同頭髮都做成傷害,因為氯會令水質變鹼性,咁會洗走皮膚上既油脂,加上其他既液體,咁會令皮膚變得乾旱同敏感,從而產生皮膚敏感,缺水,水油失衡導致出暗粒暗瘡等,亦有可能產生皮膚炎如濕疹,癬等皮膚問題

咁樣係咪最好唔好去游水先啱呢?其實都唔係既,但就建議揀一d較少人既公眾泳池或私人屋院泳池較好,同埋要注意一下游完水後嘅皮膚清潔,比如:
  1. 要刷牙漱口後進食:因為泳池水經常會進入口腔,以免有病菌進入胃腸道.
  2. 認真清洗皮膚:病菌容易殘留在皮膚上,用溫水同清潔產品淋浴,洗頭,令化學物品或鹽份洗掉,以防皮膚過敏問題出現.
  3. 清洗皮膚後最好塗上保濕同潤膚產品,保護皮膚滋潤度.
  4. 頭髮同樣重要:氯會直接損害髮質,導致枯黃,乾同開叉問題等,所以要仔細洗頭後,再加用護髮素. 
免責聲明:以上所載的資料只供參考用途,均不能作為替代執業西醫的建議。在採取任何行動之前,你必須與有適當資格的執業醫療人仕諮詢。

2018年3月15日 星期四

點解好似越訓越攰咁?

 CLEAN Blog - 點解好似越訓越攰咁?

有時會聽到朋友或同事講:訓極都好似唔夠咁,放假既時候個人仲好似越訓越攰添。

其實一般人都可能知道如果訓覺前玩一d較刺激既遊戲或睇一d緊張驚嚇既電影都會令大腦處於緊張狀態,從而影響睡眠質素。另外訓覺前食得太飽或飲酒都會影響睡眠質素哦,因為我地既消化系統要工作,本來大腦要休息但消化系統被迫要工作,導致身體系統錯亂,從而影響睡眠質素。

但除咗而上原因外,美國睡眠研究員兼神經學家,以及有關睡眠和運動既權威博士指出越訓越攰同睡眠呼吸中止症(又稱睡眠窒息症)有關,因為呢個症狀會迫使大腦係晚上做出艱難既決定,就係『要訓覺定呼吸』,因為當你訓覺時會因咽喉組織過多或呼吸道既肌肉鬆弛而發生反覆性既塌陷,堵住呼吸道造成呼吸變淺或困難,而嚴重者可能造成氣道阻塞而吸唔到空氣。所以當睡眠窒息症發生時就會破壞睡眠甚至乎做成腦部短暫缺氧,導致另一日會感到疲勞。

另外“磨牙症”亦都可能會造成以上越訓越攰既情況,因為磨牙症會令顎下頜關節紊亂,引起顎骨連接頭骨既肌肉和關節疼痛,影響睡眠質素。而且磨牙仲可能阻塞呼吸道,令身體唔能夠獲得足夠既氧氣導致同以上一樣既情況。

如果要改善以上問題可以選擇去牙醫診所做一個牙膠套黎改變口腔肌肉,從而改善睡眠窒息症狀(牙膠既作用和使用方法在此不作詳細解釋,請向牙科醫生查詢),而磨牙症亦有另一類既牙膠可以改善哦。

所以千萬唔好忽略睡眠質素,因為睡眠佔左我地人生大部份既時間,而要維持身體既健康就更加要有一個好既睡眠,如果唔係無論皮膚,身體機能甚至神經系統都會受創喔!

免責聲明:以上所載的資料只供參考用途,均不能作為替代執業西醫的建議。在採取任何行動之前,你必須與有適當資格的執業醫療人仕諮詢。

2018年3月13日 星期二

咩叫主婦手?

CLEAN Blog - 咩叫主婦手?

最近既天氣忽冷忽熱,搞到d皮膚都差左,有朋友d濕疹亦隨之而來,但某部份既人不嬲都冇濕疹問題,但突然係手部開始痕癢,甚至紅腫添,咁其實係咪濕疹黎架?定係呢d叫主婦手?咁主婦手同濕疹又有乜分別?

濕疹皮膚比一般膚質乾燥,而當天熱令身體排汗多左既時候,汗液停留係皮膚上太耐,就引起敏感反應.另外天氣太乾燥都會容易引起濕疹發作,因為濕疹皮膚偏乾燥,在沒有油脂層保護既情況下,導致水分流失,造成皮膚過敏或發炎既反應而引發濕疹發作!

而主婦手又稱為接觸性皮膚炎,引起既成因較多,比如:手部經常濕水,頻繁洗手,長期接觸肥皂,洗衣粉,清潔劑,消毒水或化學物品等等都會造成主婦手,因為以上既物質都會損害皮膚既保護膜,引致水分流失,皮膚會變得乾燥。由於皮膚失去保護,所以對外來刺激物既抵抗力會減弱,手部皮膚會變得敏感容易引發主婦手。

另外主婦手除左係一般家庭主婦外,某D職業如廚師,美容師,髮型師,護士,清潔工人等因工作關係,雙手需要經常濕水或接觸化學物質,所以患上主婦手既機會亦相對較高。

主婦手分為兩大類

  1. 刺激性皮膚炎:經常接觸刺激性物質,使皮膚受到刺激,通常即時或在短時間內發作。
  2. 敏感性皮膚炎:由於免疫系統受到致敏源刺激,不會即時發作,但當免疫系統對致敏源敏感化之後,皮膚便會發炎。

常見既主婦手特徵

  • 皮膚極度乾燥
  • 皮膚表面粗糙
  • 出現痕癢,刺痛
  • 甚致會有脫皮及龜裂
  • 長有小水泡

最後,以下分享小小既主婦手護理須知比大家啦,但如果病情嚴重時就要盡快求醫喔:

  1. 盡量減少以梘液洗手或用酒精搓手
  2. 洗手後即時塗上潤膚膏
  3. 避免用溫水或熱水洗手
  4. 如要接觸化學物時或洗腕時應戴上手套
  5. 切勿亂抓癢處,避免細菌感染

免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2018年3月8日 星期四

腳部發出異味既原因?

CLEAN Blog - 腳部發出異味既原因?

大家都會同身邊既朋友或家人出街食飯,去朋友家到訪或者去其他公眾場所,有時都有機會遇到需要除鞋才能進入室內既情況,但心裡當時第一個反應可能會擔心經過整日嘅勞動腳部會唔會發出較重既氣味呢?又或者有時身邊既伴侶會提醒自己聞到一些氣味,其實腳部係冇任何病患既情況下點解會發出異味呢?

以前記得聽過『着鞋唔着襪』就會發出氣味,起初以為唔夠通爽嘅關係,但其實係鞋部裡面有細菌,由於汗水直接和鞋內接觸,所以會有機會產生細菌,從而產生異味。

但有著襪又點解都會產生異味呢?

原因係對襪可能洗完後因潮濕所以未乾透就收埋,或者放置多日係潮濕既環境中而滋生細菌,甚至乎洗既過程未清洗乾淨等都會滋生細菌,仲有鞋和襪既質地問題都會影響腳部發出異味。

基本上腳部只要經過一整日嘅汗水停留係潮濕同埋溫暖嘅環境下,咁就會令黴菌或其他細菌迅速繁殖感染同有傳播機會,再經汗液中含乳酸同埋尿素混合,令異味嚴重加強。

但以上係針對短暫發生既情況,但如果長期都有呢個問題咁就好有可能已經變成『香港腳』了。

香港腳又叫做足癬,一樣受到真菌嘅感染,係關於表皮癬菌(Epidermophyton),小孢癬菌(Microsporum),毛癬菌屬(Trichophyton)等等嘅感染,令腳部變得又紅又腫同埋甩皮,而且會出現痕癢同嚴重嘅異味添。嚴重感染既話,仲會引起出現灰甲嘅問題噢。

所以為左避免發生以上問題,我地就要由個人衛生做起:

  • 選擇質地較好既鞋和棉質既襪
  • 注意著過嘅襪,每次都要更換,唔可以重複穿著,保持鞋裏清潔,就算唔會經常洗鞋,都要用清潔消毒酒精,作為殺菌作用。
  • 每日回家後,要首先用梘液清洗腳部
  • 蘇打粉有除臭作用,可每日換鞋之後,放入少量蘇打粉在鞋裏面除臭。
  • 如腳汗較多既人,請多帶備一至兩對襪黎替換,而回到家中要將當日著過既襪用醋或滴露消毒後才放入洗衣機清洗。

如果問題依然存在的話,就要搵皮膚科醫生哦。

免責聲明:以上所載的資料只供參考用途,均不能作為替代執業西醫的建議。在採取任何行動之前,你必須與有適當資格的執業醫療人仕諮詢。

2018年3月5日 星期一

正/負離子對身體既影響?


CLEAN Blog - 正/負離子對身體既影響?

較早前一篇『岩盤浴能透過皮脂線排出體內毒素?』分享過人體吸入負離子後,體內既血清素會隨著增加分泌,從而增強身體既耐力同埋能量,會有助舒緩壓力,降低憂鬱情緒,改善注意力等等。但乜叫負離子?係咪整頭髮既負離子?咁有負既話係咪都有正?如果有,咁個作用或影響又係乜呢?

今次要分享既負離子係同頭髮既負離子療程冇關係㗎,今次分享既正 / 負離子係涉及身體健康既。咁離子其實係乜?

簡單黎講離子係來自原子,而所有物質包括我地人體細胞都係由原子合成的,當原子受到磨擦或其他原因而產生電荷從而變成離子。

咁乜係正離子同負離子,而對我地身體有乜影響?

如果要深入研究同解釋正離子同負離子既分別同構造,咁會變成上物理學了,哈哈哈哈,所以簡單地去理解就係當離子既正電荷多過負電荷咁就係正離子,相反就係負離子。

正離子對身體既影響同來源:
  • 一般都市既電子器材都會釋放正離子,冇論小至電話,手提電腦,電熱水煲或大至冷氣機,微波爐,雪櫃等都會釋放正離子,所以我地冇論係屋企,辦公室還是街道上都會存在正離子。
  • 而當身體吸收過多正離子,咁會令身體失去平衡,產生自由基,從而影響身體健康如:精神緊張,失眠,內分泌紊亂,抵抗力下降,容易疲倦等症狀,而且正離子過多既人士會產生較多靜電喔。
負離子對身體既影響同來源:
  • 相反,負離子既來源係大自然,比如瀑布,樹林,海邊等環境都載帶住大量既負離子,所以當我地去到以上既地方時,身體就會覺得有一種好放鬆既感覺,就好似將身上既繃緊同疲倦都從深呼吸後一拼呼出黎咁,因為體內既正離子被負離子取代,令身體回覆平衡,減少自由基。
所以多接觸大自然就可以令身體內既離子得到平衡哦,如果未能經常去郊外,咁建議放d綠色植物係室內同比陽光照射室內,減少家中既電子器材,甚至去跑步場都可以吸收到負離子哦,因為一般跑步場周圍都有種植樹木,咁一來可以吸收負離子另一方面又可以做下運動,一舉兩得*^^*。

2018年3月3日 星期六

壓力大真係會爆多d瘡?

CLEAN Blog - 壓力大真係會爆多d瘡?

大家有無發現如果當因為功課,工作或家庭而壓力變大嗰排暗瘡就好似生多咗咁,除左塊面,下巴,有時連條頸都有生埋暗瘡,另外當心情有起伏都好似會影響生多d暗瘡咁,其實係咪真係有關連呢?同壓力荷爾蒙有關?

隨著繁忙既生活,工作過度疲累,長期處於緊張狀態,睡眠不足,壓力過大等各種內外壓力因素下除咗會影響心情外,其實真係仲會影響皮膚生多d暗瘡,原因係壓力會令腎上腺素分泌增加和雄性荷爾蒙上升,導致荷爾蒙失調,而荷爾蒙會影響油脂分泌量,當分泌過剩就會令油脂管道阻塞,所以容易引致油脂性發炎而長出暗瘡,另外女士經期前都會出現荷爾蒙紊亂情況喔。

怎樣避免或減少生壓力瘡?

  • 多攝取和補充足夠既維他命B和C:因為當身體面對壓力時會消耗大量既維他命B和C,然後當身體缺少維他命B和C時會感到焦慮,情緒低落及軟弱無力等情況.另外如腎上腺在製造壓力荷爾蒙時都會需要用到好多維他命C,所以可以多吃穀類,綠葉蔬菜水果去攝取維他命。
  • 飲食習慣:每當有厭力時情緒會改變味覺,會特別想食甜食或煎炸濃味類食物,而當中油膩既食物會誘發皮脂增生,使暗瘡滋生和惡化.所以要自我控制,避免進食或少食呢類甜食或煎炸濃味類食物,另外平常亦可以多攝取蔬果,蔬果中含豐富既抗氧化劑,可以減低體內既發炎情況,令皮質醇降低使情緒穩定。
  • 運動減壓:做運動可以有效地減壓係因為做運動時會分泌安多酚,而安多酚會使人感到快樂,同時排走體內毒素,不過建議運動後要即時潔面和沖身,避免汗水黏著毛孔引發生暗瘡哦。
  • 不能強硬擠暗瘡:由於壓力會造成油脂不正常地增生,無論暗瘡有膿,無膿都不能強硬擠壓,因為暗瘡菌會感染到暗瘡患處周邊既皮膚,令暗瘡範圍擴大,另外如果擠到有傷口既話就有機會引致發炎留疤。
  • 透過專業治療:可選擇做暗瘡果酸換膚治療或激光治療,有效地去除多餘既油脂污穢,去除增厚既角質,疏通毛孔,平衡油脂,消除細菌,加快暗瘡痊癒和去除暗瘡印。

如果您想知道自己既狀況適合做激光療程定果酸換膚?歡迎用以下聯絡方式預約一次免費既皮膚分析,了解自己既皮膚狀況,又或者可在旁邊既連結登記一次既半價試做激光療程體驗或果酸換膚療程體驗哦:http://www.cleanskincare.com.hk/zh/trial.html

  • Our website: www.cleanskincare.com.hk
  • Facebook: PM
  • Mail: info@cleanskincare.com.hk
  • Tel: 2628 3242
  • What's app: 9843 8821
  • We Chat: cleanskincare
  • Line: cleanskincare

免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2018年2月27日 星期二

皮膚結焦期間點解會痕癢?

CLEAN Blog - 皮膚結焦期間點解會痕癢?

從細到大一向都較為活躍,經常都會跌跌撞撞整損D皮膚,記得每次傷口差唔多好返嘅時候,都要經過結焦既階段先會好返,但每次到結焦階段都會有痕嘅感覺,好想搲但又唔搲得,所以成日諗點解會咁痕架,點解會結焦嘅,有無方法可以令佢唔好再痕呀!

想知點解咁就要先了解我地皮膚創傷後所作出嘅反應

當皮膚受傷後,第一個反應就是血管壁會收縮,之後血液中嘅血小板好快咁將在受傷或連帶附近嘅皮膚形成為膠原蛋白纖維去造黏結,作為止血作用(亦即結焦)

由於傷口部份突然製造多出血液,膠原蛋白同埋皮下組織去進行為皮膚修復過程,所以變得刺激到周邊嘅神經線,而產生痕癢或其他嘅反應.但當傷口完全有新組織生出復完後,神經線對刺激嘅敏感度亦會降低,痕癢就自然減少

之後傷口係結焦嘅期間,因為皮膚表面係會較為乾燥,所以會造成痕癢,但呢個階段千萬唔可以用手去抓,因為會影響皮膚復原效果或造成發炎後色素沈澱問題哦,如果真係太痕,建議用保濕乳液或潤膚產品,保持周邊嘅皮膚滋潤度或利用冰敷黎減去痕癢嘅感覺,復原期間亦可以為患處多做補濕,會令新陳代謝加速,皮膚不斷修復和更新,加快復原速度和復原效果哦。

而市面上有d鎖水膠布,可以令傷口保持濕潤,使用時要先將傷口消毒後才貼上,該膠布能鎖水之餘外層還可以防水,所以沖涼亦冇問題,但要記住每日更換哦,萬一發現有發炎或受感染既跡象,咁就要立即搵專業嘅醫生求診哦~

如果當傷口癒合後有出現色素沉澱,可選擇激光療程將沉澱既色素去除,回復皮膚原有顏色,如果您想知道自己既狀況是否適合做激光療程?歡迎用以下聯絡方式預約一次免費皮膚分析,了解自己既皮膚狀況,又或者可在旁邊既連結登記一次既半價試做激光療程體驗或果酸換膚療程體驗哦:http://www.cleanskincare.com.hk/zh/trial.html


免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.