2017年12月29日 星期五

令傷口保持濕潤會快好d?

CLEAN Blog : 令傷口保持濕潤會快好d?

日常生活裹面總會有好多唔小心擦傷或者割傷嘅情況,但大家一般都會有個觀念就係要將傷口清洗乾淨後要保持乾爽,蓋上膠布,但而家d膠布就寫住可令傷口保持濕潤,咁其實傷口應該要保持乾爽定保持濕潤?邊種方式會好得快d?今篇不如就同大家探討一下啦~

相信大家一聽到傷口要保持濕潤的話可能都會擔心影響到傷口容易滋生細菌,所以就認為傷口越乾燥越好,先可以正確地幫助傷口盡快癒合

但其實如果傷口一直保持乾燥既話,傷口周邊既皮膚亦會變乾,變硬,一郁動到該部位就會裂開,傷口循環咁復合裂開,導致傷口好難癒合,增加發炎和色素沉澱既機會,而且因為皮膚缺乏水份,所以細胞生長變得緩慢,傷口復合亦變得緩慢。

其實要傷口癒合得快係需要有充足嘅水份,先可以幫助我地嘅皮膚促進細胞令組織細胞增長,提高傷口免疫力和減低傷口再裂開既情況.一般濕潤嘅傷口大約會在2星期內癒合,反而傷口皮膚過乾的話就需要時間較長約20日或以上才能完全癒合

另外當皮膚有足夠既含水量,咁新陳代謝亦會加速,另皮膚不斷修復和更新,加快復原速度和復原效果。

對於傷口處理,建議有以下 4 個方法:
  1. 讓傷口保持清潔乾淨同埋用大量清水或者消毒藥水沖洗傷口位置,減小傷口上既細菌同血塊
  2. 令傷口維持濕度均衡,亦可用防水防菌(或有些儲水功能)嘅合適膠布覆蓋傷口,避免因傷口乾燥而結痂,減低癒合嘅速度
  3. 在更換覆蓋傷口膠布時,要小心地撕去,然後再以清水或消毒藥水沖洗傷口
  4. 若果發現傷口出現紅腫或出現嚴重痛楚,就要立即去醫院診所檢查處理
當傷口癒合後如出現色素沉澱,可選擇果酸療程或激光療程將沉澱既色素去除,回復皮膚原有顏色,如果您想知道自己既狀況是否適合做激光療程還是果酸換膚?歡迎用以下聯絡方式預約一次免費皮膚分析,了解自己既皮膚狀況,又或者可在旁邊既連結登記一次既半價試做激光療程體驗或果酸換膚療程體驗哦:http://www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年12月28日 星期四

食海鮮點解會皮膚敏感?

CLEAN Blog – 食海鮮點解會皮膚敏感? 

最近過冬,聖誕加埋黎緊既新年一直食食食,當中梗係少不了香港人最中意食既海鮮啦,又燒烤又打邊爐咁,諗起都流晒口水~~但有朋友就對海鮮有敏感,但又唔知點解會咁,所以今篇想分享究竟係咩原因引起過敏,如本身冇敏感但突然有過敏症狀,有冇方法可以改善等。。。 

開始前,想大家先知道我地身體有過千種既酵素,大可分為代謝酵素,消化酵素和食物酵素,呢d酵素主要都係用黎維持我地既生命運作,而代謝同消化酵素我地自身能夠產生,主要係幫我地分解,合成同消化,而食物酵素就要從食物吸取,主要係提供營養同補充消耗左既酵素,所以我地之前有一篇關於酸性食物對身體的影響?(連結)裡有提及到身體會完完全全吸收我地每日進食既食物,冇論好與壞都會一概吸收,所以我地有冇吸取到足夠健康既酵素就要睇您有冇進食對身體有幫助既食物了。 

了解到酵素係我地身體不可缺少既元素,咁我地一定要保持呢d酵素不斷係身體內運作,但隨著年齡既增長,製造酵素既數量亦慢慢下降,加上如果我地不斷進食一d負荷性食物如化學成份,肉類,酒精等都會令我地身體造成負荷。 

而當進食大量海鮮,咁當中既蛋白質對身體而言係屬於異性蛋白,如果消化酵素能及時消化,咁就會冇事,但因為身體未能及時分解,所以先會引起過敏,因為身體會辨認呢d蛋白質為外來入侵物質,所以免疫力系統會進行防衛而引發過敏狀況如痕癢和紅腫等情況。 

另外一個原因會引發過敏既就係組織胺,如果海鮮唔新鮮既情況就會有細菌滋生,而呢d細菌會產生組織胺,之後進食帶有組織胺既海鮮到我地體內而未能及時分解既話咁就會引發過敏狀況,嚴重起黎可以令血壓急劇下降,喪失意識,甚至產生過敏性休克添。 

所以冇論幾好食都好,要適量同埋配合均衡飲食,加上我地要盡量『食清』(可回顧『食清』能夠令身體和皮膚都健康d嗎?連結)黎減少對身體既負荷同埋減慢酵素既消耗,咁食海鮮而引發敏感既情況就有可能減少哦。

當然,如果想再確實清楚了解點解自己會有敏感狀況或如果您既敏感情況係較嚴重到如會嘔吐,全身腫脹,呼吸困難等問題,咁建議請直接到醫院或皮膚專科診所就診或進行血液檢查黎確診喔。

2017年12月22日 星期五

激光去深層斑Q&A

CLEAN Blog - 激光去深層斑Q&A

上次分享過激光去淺層斑Q&A,今次就分享下關於顧客常會查詢關於激光去深層斑既Q&A和療程既細節,例如:荷爾蒙(係深層斑其中一種)係咪好難處理㗎?要做幾多次先可以清除?療程後有d咩要注意呀。。。等等。如果有深層斑既朋友或對深層斑想了解多d可以一齊睇落去啦

問:做激光去深層斑會痛嗎?
  • 答:其實唔痛,會有d似咭咭地既感覺咁,做完皮膚有機會有微微泛紅,大約當天1-2小時後會退去
問:深層斑激光療程會結痂嗎?
  • 答:唔會呀,因為深層斑位於皮膚深層真皮層內,激光既波長和能量會擊碎深層斑既黑色素細胞,跟住會由我地體內既巨噬細胞吞噬並經新陳代謝慢慢排出體外,所以深層斑在激光療程後係唔會結痂既
問:深層斑激光療程要做幾多次先有效?
  • 答:一般治療約3次都會見到色斑有減淡,如進行大約6至10次左右會較有利於淡化大部分色斑和有效移除色素.
問:激光去深層斑療程要幾耐做一次?
  • 答:約3-6星期
問:做幾多次可以去除深層色斑呢?
  • 答:係一般正常情況下約6-10次。要視乎斑既種類,分佈,大小,淺深等等,所以開始療程前建議先進行經過皮膚分析儀器同埋專業既皮膚顧問了解後先再進行療程。
問:做完深層斑激光療程可以化妝嗎?
  • 答:可以。因為皮膚表層並沒有任何傷口,療程後既當日已經可以照常化妝哦.
問:做完深層斑激光療程係咪唔可以曬太陽?
  • 答:避開做激光療程前後5天唔好去曬太陽就可以了,其餘時間如有戶外活動會曬太陽,只要做好防曬大約2-3小時補搽物理性防曬產品就可以哦.
問:做深層激光去斑療程期間要注意用既護膚品?
  • 答1:要多用保濕產品,當皮膚有足夠既保濕度可增強皮膚既新陳代謝,有效地代謝走擊碎後既深層斑色素。
  • 答2:避免使用任何刺激性產品,如含有美白,酒精和果酸等感光成份,避免增加皮膚會產生反黑既風險
最後提提大家進行完激光去深層斑療程後要記得每日出門前要搽上物理性防曬同埋要加強保濕,咁療程效果會更佳哦

如果大家想了解自己既皮膚狀況或想知道自己既皮膚底層會唔有更多既色斑,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既療程試做激光去斑治療,可在旁邊既連結了解更多和登記哦:www.cleanskincare.com.hk/zh/laser-a.html
(*)免責聲明:以上所載的資料只供參考用途,均不能作為替代執業西醫的建議。在採取任何行動之前,你必須與有適當資格的執業醫療人仕諮詢。

2017年12月21日 星期四

玫瑰果油對皮膚既好處

CLEAN Blog - 玫瑰果油對皮膚既好處

呢幾日嘅氣溫突然下降咗咁多,相信大部份朋友既皮膚都會變得較為乾燥,所以要加緊做多D面部補濕,但可能天氣突然轉變,一般面霜未必夠保濕,所以建議晚上搽完面霜後可以再搽《玫瑰果油》哦,而《玫瑰果油》唔同其他植物油咁有油膩既感覺佢係屬於比較薄身既油容易吸收,因為《玫瑰果油》性質較溫和同埋對皮膚有好多好處哦,今篇就等我分享比大家啦!

玫瑰果油 (Rose Hip Seed Oil)主要係將玫瑰果種子以冷壓法(Cold Pressed)提取而成,而當中既種類有:鏽紅薔薇(Rosa rubiginosa) ,狗薔薇(Rosa canina),麝香薔薇(Rosa Moschata )。

呢D野生灌木玫瑰主要產地係來自南美洲智利、歐洲、西班牙加納利群島等地方,各品種唔單只對環境適應力極強,有堅毅嘅生存力量,而且各有獨特嘅香氣,再加上發現在新鮮嘅果實中係含有大量維他命C添。

採取由冷壓法從玫瑰果同埋種子壓榨出黎嘅玫瑰果油,當中不含任何化學成份,防腐劑既純天然植物油,而油裡面既成份有多種不飽和脂肪酸,例如有:果酸 、軟硬酯酸、亞麻油、棕櫚酸、檸檬酸、維他命A、C、類胡蘿蔔素等等

以上既多種不飽和脂肪酸能夠促進幫助皮膚增生新細胞既能力,修護皮膚同時又可以有效地改善疤痕、暗瘡、乾紋等問題.而且亦可預防色斑形成等問題添

另外含有既維他命C和維他命A對皮膚既幫助有:
  • 維他命C係皮膚既抗氧化劑,可清除對人體皮膚有害既自由基,增強皮膚免疫力,可促進皮膚再生嘅機會。
  •  而維他命A就具有改善皮膚紋理同埋色素嘅能力,亦可幫助加強皮膚水分量,減淡皺紋和幼紋,對預防同埋撫平因懷孕引起嘅妊娠紋同埋橙皮紋都有幫助㗎。
而使用方法係搽完面霜後,直接係皮膚輕輕按拍直至自然吸收,就好似形成有層保護膜瑣住d水份,令我地嘅皮膚保持滋潤噢。但如果想再加強補濕,可考慮試做高效注滲保濕療程,詳情可參考:http://clean-skincare.blogspot.hk/2016/07/blog-post_7.html,又或者如果大家想了解自己既皮膚狀況,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價高效注滲保濕療程($375.00),可在旁邊既連結登記哦:www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年12月17日 星期日

點解個妝唔貼架?d粉浮晒!

CLEAN Blog - 點解個妝唔貼架?d粉浮晒!

有化開妝既女性朋友們一到轉天氣就忙住換化妝品,護膚品等。。。但我發覺好多女士既最大問題係化妝既時候都冇乜問題,但出街後返到公司(或到要補妝時)一望鏡就發覺d粉浮晒,搞到好似d皮膚好差咁。。。

其實呢個問題同皮膚狀況有關,因為d粉能唔能夠有貼服既感覺就要睇皮膚既含水量夠唔夠啦,試想一下d粉搽落皮膚既角質層上,但如果皮膚一直處於乾燥既狀況下,咁角質層就會冇黏力,甚至乎有d會乾到有小小甩皮咁,所以唔貼粉既時候就要注意皮膚既含水量係唔夠喇,係時候要開始補濕了。

但亦有可能唔係浮粉反而係d粉好似濕左水既面粉咁一舊舊聚係d鼻翼位度,呢種情況都係同皮膚既含水量唔夠有關,因為當皮膚水份唔夠,咁身體為左保護皮膚就會開始分泌油份黎保持皮膚有一定既滋潤度,但同時d粉亦因為咁就聚埋一齊變左一舊舊咁。

所以如果想令d妝再貼d咁就要多注意補濕同保濕哦,以下分享一d補濕同保濕既心得比大家:
  • 『補水』:補水動作最好係洗面後,因為先洗去皮膚上既油份同污垢,而且有助軟化角質,咁d爽膚水同保濕精華讓皮膚吸收得更好,達到即時補水既功效。
  • 『保水』:利用產品中含有鎖水性油脂成分黎保住或鎖住水份,防止流失,因為如果只用爽膚水同保濕精華雖然可以做到即時補水,但如果用冇將水份鎖住,咁水份蒸發後仲會帶走更多水份添,皮膚反而更乾哦。
  • 『儲水』:利用療程將水份帶到皮膚更深層,加強皮膚既保濕能力,比如高效注滲保濕療程咁,將水份帶到去基底層(亦即係表皮層既最深一層),令營養滲透到基底層內,達到更持久更深層既補濕
如想知更多有關高效注滲保濕療程,可參考:http://clean-skincare.blogspot.hk/2016/07/blog-post_7.html,又或者如果大家想了解自己既皮膚狀況,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價高效注滲保濕療程($375.00),可在旁邊既連結登記哦:www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年12月12日 星期二

激光去淺層斑Q&A


CLEAN Blog :激光去淺層斑Q&A

不少顧客致電或 What’s app我地查詢關於激光去淺層斑療程既細節,例如:係咪好痛㗎?要做幾多次?療程後復原要幾耐㗎。。。等等。所以我就集合左幾條問題黎分享俾大家,希望能幫助到大家對激光去淺層斑有更清晰既概念啦。

:做激光去斑會好痛嗎?
:其實唔痛,就好似比橡筋輕輕彈一下既感覺咁。

:淺層斑激光療程會結焦嗎?
:首先大家要注意既係激光去斑一般唔會結『焦』而係結『痂』,因為專業地去分別既話,結焦代表由血液形成硬塊既痂,而痂就會代表薄薄既痂皮,所以淺層斑激光療程係會結『痂』既。而原因係療程後既皮膚會因為新陳代謝既循環令一D過厚既角質細胞連被擊碎既色素一齊脫落,之後跟住新陳代謝既循環又再組成新細胞往表皮層推來原成一個更新並慢慢令色斑變淺或消失哦。

:其實結痂係點樣?幾耐先會甩呢?
:一般結痂既情況只會出現一層薄薄既依,面上亦唔會出現有浮凸,所以平時係摸唔到有任何不平滑,只見色斑位置只會深色咗D,而且3至7日內會慢慢自然脫落。

:結痂可以化妝出街上班嗎?
:可以。因為呢D只係一層薄依既痂,皮膚表層並冇任何傷口,療程後既當日已經可以照常化妝出街上班哦,但注意係卸妝既時候要較為輕手,以免用力過度,令結痂既薄依甩掉。

:激光去淺層斑療程要幾耐做一次?
:約3至4星期,因為我地皮膚係正常情況下既更新期約為21-28天,皮膚係更新既同時令一D過厚既角質細胞連被擊碎既色素一齊脫落,之後跟住新陳代謝既循環又再組成新細胞往表皮層推來原成一個更新,所以要等皮膚完成更新後再進行下一次既療程哦。

:做幾多次可以去除色斑呢?
:係一般正常情況下約3至6次。要視乎斑既種類,分佈,大小,淺深等等,所以開始療程前建議先進行經過皮膚分析儀器同埋專業既皮膚顧問了解後先再進行療程。

最後提提大家進行完激光去淺層斑療程後要記得出門前要搽物理性防曬同埋要加強保濕,咁療程效果會更佳哦。

如果大家想了解自己既皮膚狀況或想知道自己既皮膚底層會唔有更多既色斑,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既療程試做激光去斑治療,可在旁邊既連結了解更多和登記哦:cleanskincare.com.hk/zh/laser-a.html 
(*)免責聲明:以上所載的資料只供參考用途,均不能作為替代執業西醫的建議。在採取任何行動之前,你必須與有適當資格的執業醫療人仕諮詢。

2017年12月10日 星期日

什麼是接骨木莓果(Elderberry)?

CLEAN 補健食品小Tips: 什麼是接骨木莓果(Elderberry)?

大家如果患有喉嚨痛,咳嗽,傷風等病症時多數都會選擇食西或中既合成葯去舒緩病症,但如果唔想食咁多合成葯,其實可以選擇食西草藥(天然草本既保健品)去幫助舒緩病症哦。如果有食開保健品既朋友可能有見過「接骨木莓果(Elderberry)」呢個天然草本名稱。

市售分為兒童和成人配方兩種(不含藥物成份),主要功效能鞏固上呼吸道健康,可舒緩喉嚨痛,咳嗽,患傷風等病症,要抵禦轉季天氣既變化,除咗可以選擇攝取維他命C,仲有接骨木莓果可以幫助增強免疫系統既保健功效。

接骨木(Sambucus)屬於忍冬科家族既一種落葉灌木,果實富含多種花青素,類黃酮(如槲皮素,芸香苷)和多酚,但接骨木有多種品種,其中以西洋黑接骨木(Sambucus nigra L.)最為常見,包括葉子,樹皮,花和漿果都可作為藥用,其中以接骨木莓果(elderberry)最常作為保健品。

接骨木莓果含有:豐富維他命B1,B2及B6,鈣,磷及生物類黃酮等,而接骨木莓果個既作用有:

  • 係歐洲就已經有使用接骨木莓作為藥用草本植物,接骨木莓果分為黑,藍,紅三類,三者中黑和藍接骨木莓果既用途最廣,藍黑色既接骨木莓果含豐富既生物類黄酮,有效提升免疫能力及幫助紓緩上呼吸道感染既症狀。
  • 當患有傷風或流感時病毒所分泌出既酵素會刺破細胞膜,讓病毒得以進入細胞內做自我複製,從而引發感冒症狀。而接骨木莓果含有豐富生物類黃酮能強化細胞膜,令到細胞膜不易被刺穿,所以能減少病毒進入人體細胞,其實已有實證指它或有直接抑制感冒病毒進入人體細胞既作用。

接骨木莓果另外還有以下功效:

  • 舒緩傷風,感冒,咳嗽及氣管感染
  • 有效增強免疫力及抵抗力
  • 含豐富維他命B1,可減輕腦部疲勞,增強記憶,增加體力,緩解肌肉酸痛
  • 含豐富維他命B2,B6,促進細胞再生,維護皮膚健康,消除口腔炎症

注意:每一種保健品其適應既人群各有不同,建議服用前應先全面瞭解其成份,生產來源,安全性,功效,服用時間和服用份量等,建議孕婦或未成年人士不要隨便使用。

免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年12月9日 星期六

飲酒會傷皮膚嗎?

CLEAN Blog - 飲酒會傷皮膚嗎?

就到聖誕節了!可以趁著節日既藉口放鬆下自己,可能玩夜d,飲少少酒咁,但而家d酒太好飲了,甜甜地易入口,仲要有好多唔同既味道揀添,所以飲下飲下就會越飲越多,但狂歡後既隔日,d皮膚就感覺到超乾同埋毛孔變大晒,但點解既?關唔關飲酒事?

絕對關事哦,因為酒精會加速蒸發體內水份,令我地皮膚處於乾旱狀態,從而令毛孔等失去彈性而變大哦,但如果你有習慣一星期飲多次酒既話,咁就建議要開始減少或戒掉哦。

因為酒精會妨礙我地身體吸收營養如維他命A,C,E和硒等原素,而呢幾種原素既功能正正就係幫我地修復皮膚同抗氧化,而且酒精仲會有機會令身體產生肝癌外,其實亦有機會引發皮膚癌呢。

早係2012年歐洲皮膚病學雜誌上曾經發表一項研究發現,飲酒係有可能增加侵襲性基底細胞癌既風險,研究既內容未有詳細列明,但結果顯示,如果每日攝入10克既酒精量,咁患基底細胞癌既風險就會增加7%,而鱗狀細胞癌既風險就會增加11%。而且曾有16份國際研究顯示,共有六千宗既黑色素瘤個案,發現同飲酒有著密切既關係添。

最後酒精亦會令身體內臟產生炎症,從而影響荷爾蒙分泌而令色斑加深,其實基於我地既身體根本就唔需要酒精呢種物質,所以建議大家為左身體既健康,不如用茶,咖啡或其他飲品黎代替飲酒啦!

如果大家想免費做一次皮膚分析,了解下自己既色斑或者皮膚狀況?歡迎用以下方式聯絡我們哦,另外我地中心亦為第一次光臨既顧客提供一次半價激光療程或高效注滲補濕試做,可在旁邊既連結登記哦:http://www.cleanskincare.com.hk/zh/trial.html
  • Our website: www.cleanskincare.com.hk
  • Facebook: PM
  • Mail: info@cleanskincare.com.hk
  • Tel: 26283242
  • What's app: 98438821
  • We Chat: cleanskincare
  • Line: cleanskincare

免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年12月1日 星期五

食飽飯會更眼訓?

CLEAN Blog - 食飽飯會更眼訓?

飯氣攻心呢句說話大家由細聽到大啦,雖然唔知咩叫飯氣,亦唔知點解攻心會令到個人咁眼訓,但確實食飽後個人真係超眼訓(特別係晏晝時段),所以我就搜集下資料,睇下點解同埋有冇解決方法,最後當然揾到d資料啦,今篇就等我分享比大家啦!

食得越飽就越想訓?

係,因為大部份上班族都係叫外賣或出街食,又或者夜晚為左快同方便,所以食材就可能簡單d用鑵頭,加工或即食既食材黎煮一餐食,但餐廳同埋鑵頭,加工或即食等食材含有大量味精、油、鹽等等,所以當進食後身體需要大量既維他命B去分解,而且午餐總離不開澱粉質如白飯,麵,麵包等食材,而身體要將呢d澱粉質分解成碳水化合物再轉化為能量就需要大量既維他命B,所以如果日常吸取唔夠維他命B既人就會覺得更加眼訓和疲倦。

但點解眼訓和疲倦關維他命B事?

由於維他命B既功能係調節新陳代謝(即身體內既合成同分解既工作),維持免疫系統和神經系統既健康,將碳水化合物轉化為能量等等,所以維他命B可以話掌管住我地身體既精神狀態和健康,所以當身體缺乏維他命B時就會:提唔起精神、失眠、神經系統問題、抑鬱、思考力下降、大腦反應變慢、四支反應變慢等等。。。(詳細可參考:維他命B同維他命B雜既分別

而且維他命B必須靠吸取,因為身體唔識合成,所以如果平時冇吸取維他命B,咁就會一直消耗而造成身體負荷,咁就形成非常疲倦既狀態了。所以建議每日都平均進食榖殼類、蔬菜、豆類、糙米、魚類等食物黎吸收維他命B。

但留意維他命B屬於水溶性同埋熱力亦會破壞維他命B,所以所有食材建議唔好放係水裡太耐或煮太耐,如能生食就更佳喔!

總之多d關心自己身體,留意同進食多d對身體有益既食物哦!