2017年10月28日 星期六

點處理一達達蚊叮後既印?

CLEAN Blog : 點處理一達達蚊叮後既印?

而家涼涼地就最啱去行山喇,好多行山既朋友可能都會帶定一支蚊怕水,因為擔心去到一D較多樹林既地方就會被蚊叮,之後原來發現d朋友曾經被蚊叮完後,皮膚除左出現又紅又腫既狀況,後來仲變成好似一達達暗瘡印咁,相信都係同炎症後色素沉澱有關(有關炎症後色素沉澱可參考:為什麼面上有紅印?),但我從小到大都好少被蚊叮,所以就冇乜留意有冇印,但有人提到D蚊只會叮某一種血型既人,唔通係真既?另外有咩方法可以處理一達達既『蚊印』呢?

首先想解釋一下其實我地被蚊叮既原因並唔係因為血型既關係,其實係因為D蚊利用左佢地既嗅覺,視覺再加上我地體溫既熱度去判斷目標,就好似一個雷達咁不斷掃目標咁.因為我地人體會發放出一D信號令到D蚊係遠距離都可以搵到合適目標,而呢D信號正係由我地體內所釋放出既二氧化碳,之後再因應汗液中既乳酸,體溫,濕度同埋皮膚既細菌代謝物所發出既氣味而令d蚊靠近.

而被蚊叮後皮膚會出現痕癢同紅腫既原因係因為蚊子既唾液(口水),蚊既唾液腺分泌中含有令我地皮膚產生發炎既毒素,呢D物質可以令人體皮膚毛孔和血管擴張,令微血管變大後就能幫助佢地係短時間內盡情吸取血液,所以導致皮膚產生紅腫發炎既原因就係呢d唾液腺分泌出黎既毒素.

但因為被叮既部位通常都係腳部(原因係腳部係較為靜態既位置),所以係經常被蚊叮既部位之一,但亦由於手或者腳都係最容易『搲』到既地方,所以一痕就會不斷『搲』,但如果大家唔想留低一達達既蚊印,咁就要注意以下2點哦~

  1. 痕癢既時候就盡量要忍,就算『搲』都唔好用手指甲一直『搲』,因為指甲當中有好多細菌,咁有機會引致發炎部份擴大或令患處更難復原.
  2. 另外不斷『搲』既話唔單止會令皮膚表皮層受損,而且會另發炎部份既黑色素分泌更多,所以形成炎症後色素沉澱既情況.

咁如果真係遺留下來既一達達既蚊印咁要點做好呢?

  1. 出門時記得搽上防曬產品,保護好皮膚,因為抵擋紫外線係能有效降低色素加深既方法.
  2. 加強補濕,因為皮膚在水份增加下抵抗力會加強,會加速新陳代謝,有助分解黑色素.
  3. 但如果d印一直唔散,咁可以選擇做激光療程(亦即暗瘡印激光療程,詳盡可參考:http://www.cleanskincare.com.hk/zh/pricing.html),利用激光既能量將色素快速分解並排出體外,回復原有既膚色.

如果想了解多d如何能利用激光療程黎處理呢d印或想免費做一次皮膚分析,歡迎用以下方式聯絡我們同事,另外我地中心亦為第一次光臨既顧客提供一次半價既激光療程試做,可在旁邊既連結了解更多和登記哦:www.cleanskincare.com.hk/zh/laser-a.html


免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年10月25日 星期三

什麼是新陳代謝?

CLEAN Blog - 什麼是新陳代謝?

新陳代謝呢個過程係同我地既皮膚有著密切關係,因為要皮膚靚,新陳代謝就要夠好,點解?因為:
  • 如果有色斑可以利用激光將表皮層內既黑色素擊碎,再經過皮膚既『新陳代謝』結成痂並脫落.
  • 深層激光去斑療程係利用激光將真皮層內既黑色素擊碎,再由我地體內既巨噬細胞吞噬並經『新陳代謝』排出體外.
  • 面上有紅印同血管未能收縮或血管增生有關,其實亦同身體既『新陳代謝』有關.
  • 等等...
但『新陳代謝』既過程係點?具體黎講係點?可以點樣維持係一個好既『新陳代謝』狀態?今篇會帶大家探討以上既問題:

新陳代謝(Metabolism):整個過程簡單黎講其實就係當身體從食物攝取營養後再轉化成能量黎維持身體既日常運作,同時將非需要既物質或有害物質排泄出體外,如再進一步了解就可分為:
  • 分解代謝 (Catabolism):將大既分子分解成細既分子供給身體吸收(如蛋白質)同埋將非需要既物質或有害物質排泄出體外(亦即分解黑色素並排出體外既過程)
  • 組成代謝(Anabolism):將唔同營養元素組合成為一個大分子黎供給身體吸收和修復(亦即由胺基酸合成蛋白質既過程)
所以新陳代謝對身體黎講係不可缺少既過程,因為身體既整個運作是否正常就要視乎新陳代謝是否正常地運作,但新陳代謝既速度從25歲開始就會以每10年2%下降,而新陳代謝速度亦同身體既健康有密切既關係,因為當新陳代謝過快或過慢,咁意味著你既甲狀腺功能有機會出現左問題,因為甲狀腺同新陳代謝率係相連既!
  • 如果過快就叫甲狀腺功能過高(Hyperthyroidism):會出現精神過敏,失眠緊張,難集中,易激動,多汗,心跳加快,容易感到飢餓但身形消瘦,疲乏無力等...
  • 如果過慢就叫甲狀腺功能過低症(Hypothyroidism):會出現呆呆滯滯,皮膚乾燥粗糙,身體低溫,面部及眼會出現水腫等...
  • 但有一種叫簡單性甲狀腺腫(Simple Goiter),雖然甲狀腺係較普遍肥大,但功能是一切正常
所以如果當一發現身體突然暴瘦或暴肥,或者甲狀腺有肥腫既跡象,咁就要快d求診,越早求醫就會減少對身體既影響哦.

好啦,相信現在大家對新陳代謝都已經有進一步既了解,下篇:如何提高新陳代謝率會分享一d心得同埋會分享如何計算基礎代謝率哦!

我地中心為第一次光臨既顧客提供一次免費皮膚分析和半價既激光療程試做,可在旁邊既連結查看細則並登記哦:www.cleanskincare.com.hk/zh/trial.htm
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年10月23日 星期一

如何解決濕疹印?

CLEAN BLOG: 如何解決濕疹印?

有一種皮膚問題係香港經常會聽到身邊既家人或朋友講起,而且通常一轉天氣就會發作,呢種皮膚問題就叫做濕疹!有時痕起上嚟會抓到甩皮,甚至乎抓到損晒添,久而久之被抓損既部位就會留低D一噠噠既印仲要久久不散,究竟有咩方法可以解決同避免呢?

其實之前都有分享過引發濕疹既原因同埋如何避免或舒緩濕疹發作,以下連結可以睇番CLEAN BLOG 之前既分享《濕疹又發作?乜唔係夏天多汗時先至發作?

但都提提大家以下既人會較容易誘發濕疹發作哦:

  1. 本身係過敏體質:如有鼻敏感,氣管敏感,哮喘或皮膚敏感.
  2. 皮膚乾燥,年長人士和糖尿病患者,由於此類人士皮膚較乾燥,皮膚和體內水份在不足又不夠濕潤下易出現濕疹.
  3. 遺傳,當父母一方患有濕疹亦有可能會遺傳給子女.

但濕疹復發後點解會留下一噠噠既濕疹印既?

治療濕疹既方式普遍係睇西醫,中醫,服藥,戒口,塗濕疹藥膏等.但通常係濕疹發痕時都會偏向第一時間搽濕疹藥膏去止痕,而呢類藥膏一般都含有類固醇,因為類固醇能有效消炎止痕,但類固醇有唔同既劑量,如用到高劑量既類固醇會較容易出現使皮膚變得弱,皮下血管擴張等副作用.但如果只係短時間內使用較溫和既類固醇其實都係安全既.
但如果患者反覆發作又未能痊愈而長久塗藥膏在相同位置,當長期使用類固醇搽得耐,皮膚就開始適應類固醇既劑量然後出現抗藥性,藥效會漸漸減退,在痕癢和不能自制下又忍不住抓到d皮膚損晒,從而令傷口有機會發炎,仲要有時傷口愈合後又再抓損,咁就進入左一個惡性循環,令炎症後色素沉著,加上因為長期使用類固醇,咁會破壞微血管而令皮膚變弱變紅,所以就形成了一噠噠既濕疹印.

怎樣可以避免及預防有濕疹印?

  • 患者既皮膚鎖水功能較弱偏乾燥,要保持皮膚濕潤度做好保濕,避免使用含酒精,羊毛脂,人造香料,化學防腐劑,礦物油及石油副產品,以上成份有機會使顏色增加再沉澱.應塗上天然成份和低刺激性既保濕產品,尤其係洗澡後及皮膚感到痕癢時.
  • 患者不應隨便購買含類固醇既藥膏,一般都標榜多功效,所以類固醇成分偏高,有機會對皮膚身體有傷害.
  • 切忌使用不明來歷,不明成份或未經醫生處方既藥物使皮膚受傷.
  • 盡量不要用手指甲去抓患處,可避免有損傷形成濕疹印.

咁有咩方法可以去除濕疹印?

  • 首先係要避免令患處變得更深色,所以搽物理性防曬產品係濕疹印位置上,咁可預防濕疹印因受紫外線反覆照射下使顏色增加再沉澱,令色素加深和難以分解.
  • 濕疹印係黑色素沉澱所造成,建議可以搽維他命C,E產品針對局部皮膚.
  • 如果想快速有效,可進行激光治療去除濕疹印,治療是透過激光既能量去分解沉澱既色素.

就以上資料,其實濕疹印係可以治療,只要悉心咁去照顧皮膚,其實就會好快痊癒,但如果想快d整走d印,咁您可考慮用以下方式聯絡我們預約做一次免費既專業皮膚分析,另外我地中心亦為第一次光臨既顧客提供一次半價既試做激光療程,可在旁邊既連結查看細則並登記哦:www.cleanskincare.com.hk/zh/trial.htm


免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年10月17日 星期二

CLEAN食玩行之食:百香果的好處

CLEAN食玩行之食:百香果的好處

最近愛上食一種水果,聞起黎唔只有種酸酸甜甜既感覺,而食落仲會散發出好多種唔同水果既濃郁香味,而食完後整個人都變得好開心,好滿足~哈哈~講到咁誇張,大家係咪好想知係咩呢~~就係『百香果』英文名:Passionfruit ^^ 

百香果又稱為「巴西果」或「熱情果」,因為原產地於巴西,屬於西番蓮科(Passiflora,屬蔓性植物),熱情果D葉有三枚深裂片,而且葉色深綠,當中有白紫色既花,當花中既雌蕊授粉後,熱情果會係花中生長出黎,而該花朵就會消失而變成熱情果啦。 

熱情果既30至40%都係果汁,加埋酸酸甜甜咁,超開胃!而且果香更含有好多種唔同生果既香味添,比如香蕉,橙,檸檬,菠蘿等等,所以好多人都叫百香果

熱情果除左超香同好食外,其實營養亦非常豐富,因為熱情果含有:
  • 豐富既膳食纖維,促進腸胃道蠕動,改善便秘,宿便問題
  • 維他命A(比木瓜高4倍左右),身體自己唔識合成,一定要從食物攝取,有效預防乾眼病
  • 維他命C:對免疫力,皮膚,膠原合成都好有幫助
  • 另外仲有鉀,鈣,鐵等營養素
而食法好簡單就已經好好味,例如混合果醬搽麵包,放入冇糖原味乳酪一齊食等。。。而我最常既製作方法一定係果汁,將一個百香果,切開,再用匙羹將果肉刮入攪拌機再加埋您中意既蔬菜水果咁就完成一杯又香又好味既果汁哦,而果汁最好就係早上空肚飲用,因為咁有助身體更易吸收當中既營養價值哦.

如果大家想了解自己現在既皮膚狀況(如皮膚底層色素分佈等),歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既療程試做激光療程,可在旁邊既連結登記哦:www.cleanskincare.com.hk/zh/trial.htm
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年10月11日 星期三

玫瑰糠疹和玫瑰疹是一樣嗎?

CLEAN Blog - 玫瑰糠疹和玫瑰疹是一樣嗎?

唔知大家會唔有聽過以下對話呢:
  • A:我阿b出左d玫瑰疹啊,紅色一達達咁
  • B:我家姐近黎都出左啊
但其實以上既對話並唔完整,因為玫瑰疹通常係6個月至兩歲內既嬰兒先會發作,而成年人係指玫瑰糠疹(Pityriasis rosea),以下等我分享下呢兩種疹既分別啦

玫瑰疹(Roseola infantum)

屬於過濾性病毒既一種(叫過濾性病毒係因為病毒既大小能通過體內最小孔徑既過濾器),一般病情都唔會嚴重,病發既歲數通常係6個月至2歲大既小孩

  • 初期:發高燒(39至40℃),有機會帶輕微既流鼻水,肚痛,咳嗽等。
  • 中期:三四日後會開始退燒,但身體開始出現一粒粒既紅疹,唔係突面既,一般唔痛唔痕,但就會佈滿全身如頭,手腳,肚,背等。
  • 尾聲:兩三日後紅疹會開始散去。

玫瑰糠疹(Pityriasis rosea)

一般係小年或成年人(10至35歲)會病發既皮疹,暫時未有研究報告指出病發原因,亦暫時未有預防方法,但病發率大概只有3%,而且只會出一次,病發後就唔會再發,一般維持數星期至數月不等。

  • 初期:些許感冒症狀,如疲倦,冇力等
  • 中期:出現橢圓形既紅色皮疹,輕度至中度痕癢,如果留心d睇就會發現出疹既部位會好似聖誕樹咁(就好似一個向上既箭嘴咁)
  • 尾聲:數星期至數月後會自行散去,但某部份人就會留低一d印

所以最容易分辯既方法就係歲數,小孩就係叫玫瑰疹,小年或成年人就叫玫瑰糠疹,而d印同濕疹或暗瘡印類似,都係由炎後色素沉澱而引起(類似暗瘡印),解決方法就有d自己過一段時間就會慢慢被皮膚吸收並經過新陳代謝排出體外,但有d就一直唔散,仲會黑左(想知點解可參考:點解我D暗瘡印會越來越黑?),咁呢種就要做激光療程將沉澱既色素擊碎了。

如果大家想了解自己現在既皮膚狀況(如皮膚底層色素分佈等),歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既療程試做激光療程,可在旁邊既連結登記哦:www.cleanskincare.com.hk/zh/trial.htm

免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年10月10日 星期二

宿便同皮膚差有冇關係?

CLEAN BLOG - 宿便同皮膚差有冇關係?

大部份都市人平時既飲食習慣都係食肉多過食菜,而飲食唔均衡既情況下會容易導致便祕或宿便情況哦,但有宿便皮膚係咪就會變差?咁對皮膚會有咩影響?

宿便是黏附係腸道既老舊廢物,唔輕易排出體外,而且更會產生有害既毒素影響身體皮膚。首先便秘會令自律神經功能變差(自律神經系統係控制體內各器官既系統功能),然後皮膚既血液循環跟住都變差,如果長時間有便秘情況,咁係腸中腐敗既糞便和宿便就會增加,令壞菌大增而產生有害物質,而呢d有害物質和毒素會導致人體既免疫力減弱,身體會容易感覺疲倦,然後藉由血液循環影響皮膚,使營養無法充分吸收,皮膚會產生以下狀況。 

皮膚容易敏感
  • 因為肉類含有高嘌呤 (Purine) 成份,進食後會令體內既尿酸(Uric Acid) 升高,影響血液濃度,令血液偏酸,從而引起皮膚免疫力下降,容易產生敏感。 
肌膚失去光澤,出現色斑
  • 宿便堆積使毒素在腸道反覆吸收,身體內部既新陳代謝速度變得紊亂和遲緩,影響內分泌失調,從而有機會令黑色素增加。 
生暗瘡
  • 由於肉類含有飽和脂肪,而一般係街外既餐廳都唔會將呢d脂肪切除,所以我地通常會一拼進食,之後身體吸收過多既油份而導致油脂分泌旺盛,最後令皮膚既水油失衡,令毛孔被油脂阻塞,經過氧化同細菌感染後就變成暗瘡了。 
皮膚變黑,暗沉
  • 當宿便一直儲存係體內,咁d有害物質就會係身體內遊走,影響身體既循環系統,形成口臭,皮膚暗啞(因不能正常更新而造成角質層過厚)等。
其實要排走宿便並唔難,分享一個大家都容易做到既排走宿便方法,就係早上起身後空肚飲500 mL暖水,目的係溫暖腸道,促進循環及增加代謝,刺激腸胃蠕動,可以有助清除宿便又可以防止便秘,提升排毒器官既機能,一齊排走毒素啦。

如果大家想了解自己現在既皮膚狀況(如含水量,皮膚底層色素分佈等),歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價或七折既療程試做,可在旁邊既連結登記哦:www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年10月6日 星期五

加速衰老的食物(壞脂肪)

CLEAN Blog - 加速衰老的食物(壞脂肪)

現時既飲食模式已慢慢偏向健康飲食,有機飲食,甚至『食生』等等,相信係因為大家都了解到身體會吸收每日所食既食物,冇論好與壞都會吸收,當然身體遇到壞物質時係會過濾,但同時亦等於已經對身體構成負擔,當到一個極限後,身體就會開始將剩下既物質(好與壞)亦都一拼吸收,最後因吸收過多壞物質,咁就會開始係身體反映出黎話俾我地知『要開始注意健康了』,而其中最能明顯見到呢種反應既器官就係『皮膚』,比如膚色變得暗沉,乾燥,出現細紋,鬆弛,暗瘡和色斑問題等等。

而一般最常見既壞物質之一就係壞脂肪,而壞亦有兩種之分,所以今篇會講講壞既脂肪分別,來源,同埋壞脂肪對身體同皮膚構成咩影響。

壞脂肪有兩種:
  • 飽和脂肪(saturated fat):
主要係來自動物既油脂比如皮層(雞皮,豬皮),牛油,豬油,雞油等,另外一d合成調味料如忌廉,起酥油等。飽和脂肪被認為唔健康既原因係因為研究顯示會增加體內壞膽固醇(低密度脂蛋白膽固醇(low density lipoprotein cholesterol 簡稱LDL-cholesterol),令身體患上心血管疾病和種風既機會上升。但亦有研究顯示飽和脂肪同心血管疾病等問題並沒有直接既關係,所以小篇在此認為飽和脂肪屬於較唔好既脂肪,因為增加左LDL同埋會令身體較易肥胖,但由於飽和脂肪亦屬於天然脂肪,而身體亦需要脂肪提供能量,所以適量攝取還是可以的(每日既總脂肪攝取量低於10%)
  • 反式脂肪( Trans Fat):
大部份既反式脂肪都會在加工既食物裹可以搵到如薯片,餅乾,蛋糕,速食麵等等,因為要做到唔易變壞狀態穩定,可以儲存得較耐,亦可以降低成本,造出既零食口感較爽,冇咁油同肥膩,但由於反式脂肪會增加體內既壞膽固醇同埋令身體患上心血管疾病和種風既機會上升,另外肝臟係代謝唔到反式脂肪,所以當反式脂肪係身體慢慢累積既時候,咁就會影響我地既血脂同肝脂既指數,令身體患病既風險增加。

其實影響我地身體同皮膚既主要壞脂肪係反式脂肪,對身體既影響有以上了解,而對皮膚既影響有以下:
  • 令皮膚既油脂分泌失衡,容易滋生暗瘡外,仲會產生自由基,之後造成骨膠原和彈性纖維流失,令皮膚變得鬆弛脆弱,最後令皮膚加速衰老
  • 令細胞膜變硬,使皮膚水份,代謝能力同營養吸收能力變差,令皮膚變得乾燥,暗啞,鬆弛而加速衰老。
  • 間接影響荷爾蒙運作,令皮膚出現色斑,暗瘡等問題增加。
所以我地除左要留意護膚同化妝產品既成份外,食物成份亦同樣重要,如果想靚得健康,咁就要食得健康!大家一齊努力啦!

如果大家想了解自己現在既皮膚狀況(如含水量,皮膚底層色素分佈等),歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既高效面部注滲保濕療程($375.00),可在旁邊既連結登記哦:www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年10月3日 星期二

激光療程會令皮膚生瘡嗎?

CLEAN Blog - 激光療程會令皮膚生瘡嗎?

可能夏天大家都曬多咗,所以最近多左顧客做激光去斑療程,想快D整走D斑同埋想皮膚變番白滑D,但有時我地d顧客或一d未做過激光既顧客會問:做激光療程後會令皮膚生瘡嗎?

其實激光既功能除左去斑外,仲可以去暗瘡,原理係激光既能量可以係唔造成傷害既情況下透過皮膚表層將能量帶到底層為皮膚殺菌消炎,令暗瘡患處快D凋謝同得到治療。

但確實有個別既個案係在進行完激光療程後1-2天內會有生油脂粒既情況發生,原因係激光既能量熱力會令皮膚水份流失,令皮膚含水量降低,造成水油失衡,皮膚就會開始增加更多油脂分泌黎保護皮膚,咁就會造成油脂過剩,形成暗粒(即閉合性粉刺)或出現油脂粒既情況,另外如果再加上與空氣細菌接觸後就有機會造成毛囊發炎變成暗瘡。

所以如果想避免以上情況發生,建議療程前一日係屋企敷一次補濕面膜,提高皮膚含水量,或在進行完激光療程後用上補濕產品,另外如果想皮膚有深層補濕,可以係激光療程後配合做高效注滲面部護理療程,有效增加皮膚底層含水量和有利激光療程既效果哦。

如果想知點樣令皮膚水份充足,可參考我地Blog既保濕護理篇(保濕護理篇連結),如果大家想了解自己現在既皮膚狀況(如含水量,皮膚底層色素分佈等),歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既療程試做(激光,補濕等療程),可在旁邊既連結登記哦:www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.