2017年5月31日 星期三

除了黑色素仲有什麼會令膚色暗啞?(下) 胡蘿蔔素會影響膚色嗎?

CLEAN Blog - 除了黑色素仲有什麼會令膚色暗啞?(下) 胡蘿蔔素會影響膚色嗎? 

上次分享過除了黑色素仲有什麼會令膚色暗啞(連結:http://clean-skincare.blogspot.hk/2017/04/blog-post_62.html)提及到血紅素會影響膚色,而今篇會同大家分享胡蘿蔔素點解會影響膚色喔。

胡蘿蔔素(Carotene),人體不能合成既營養之一,肉類亦未能提供,只能從蔬果植物裡吸收,如木瓜,橙,芒果,芥蘭,紅蘿蔔,西蘭花等。進食後會轉化變成維他命A,有助改善或預防眼睛毛病如:乾眼症,黃斑區病變,白內障等。。。,有抗氧化,保護血管,預防和抑制肺癌等功效。

但當吸收過量既胡蘿蔔素就會令皮膚變黃,類似黃膽病患者,但由於胡蘿蔔素既代謝係由皮脂線透過汗水排出,所以當吸收過量既胡蘿蔔素就會造成胡蘿蔔素沉澱(學名:Carotenoderma),胡蘿蔔素會沉澱於皮下脂肪(所以人類既脂肪係黃色),久而久之就會令皮膚呈現黃色,但由於胡蘿蔔素唔會沉澱於體內黏膜上,所以眼睛唔會呈現黃色,如果要分辯黃膽病同胡蘿蔔素沉澱,只需檢查眼睛有冇黃色就可以知道。

除左吸取過多胡蘿蔔素外,糖尿病,腎病,肝病和甲狀腺功能障礙病患者亦會較容易出現胡蘿蔔素沉澱,但胡蘿蔔素沉澱並唔會對人體構成健康問題,只會影響外觀。

只需減少進食含有胡蘿蔔素既食物就會慢慢減輕皮膚泛黃既情況,唔需要搽美白產品或進行任何療程,如果想加速減退就可以多做運動,提升身體既新陳代謝功能,咁就可以啦,但經過數星期後還未見有改善,建議檢查一下身體代謝功能哦,所以適量地進食蔬果係一件非常好既習慣,但要記住均衡飲食更重要喔!

2017年5月28日 星期日

蔬果亦能為身體提供足夠既能量嗎?

CLEAN Blog-食玩行之食:蔬果亦能為身體提供足夠既能量嗎?

喺日常既餐單中講到能量(Energy),大部份既人都會認為:『每日點都要食D肉既』 『唔食肉邊度有力架』 『唔食肉個人咪會變得好攰無晒力,無精神唔夠能量喎』等等...,甚至覺得自己無肉不歡.其實我地身體係咪真係需要每日都要進食肉類呢?用蔬果可以代替食肉黎換取能量同蛋白質嗎?

其實我地每日進食既原因除左飽肚外,另外係因為我地需要從食物吸收營養素如:維他命,礦物質,蛋白質,脂肪及碳水化合物等去維持身體既健康同運作,而進食後係消化既過程中我地要確保腸道健康才能發揮功效如:讓纖維素排出致癌物質,讓抗氧化劑去抗衰老抗發炎,將吸收到既營養素分配到身體各器官黎維持健康,排毒和抗病.

所以我地要食一d高營養而容易消化既食物,咁肉類和蔬果既消化過程一樣嗎?同埋一樣都有以上既營養素嗎?

肉類含有:動物性蛋白質,微量元素,維他命B,少量脂溶性維他命A和D,水溶性維他命C,脂肪和膽固醇等.

消化過程:係生理上人類既胃液酸性唔高,肉類係胃中唔易被消化,必需靠膽汁及胰液送至小腸將肉類消化,由小腸既絨毛膜吸收,另外肉類既筋,肌唔易分解,剩餘未消化既肉類會進入大腸,但大腸黏膜只會分泌少量黏液,主要係潤滑腸道將糞便排出,但並唔係做消化工作.所以最後剩下未消化既肉類會係大腸中有機會腐化,而腐化物既毒性對人體有害,會破壞身體器官,另外肉食後所產生既毒素會令我地體內既過濾器『腎臟』操作過勞,增加罹患腎病既機會,而且肉類既膽固醇會存積在肝及血管中能令人加速衰老,有增加血管硬化和心臟病之風險.

蔬果含有:蛋白質,高纖維素,抗氧化劑,礦物質,碳水化合物,脂肪和豐富既維他命等.

蔬果消化過程:蔬果既消化非常快,通常到達胃部時,有一部份已經被消化完了,而且蔬果含有高纖維素,有助腸胃蠕動,部份水果更含有食物消化酵素和蛋白質分解酵素,可以健胃整腸和幫助消化.

所以就以上既分析,肉類帶來既飽肚感係會比蔬果更多和更長,因為停留係消化系統裡更長既時間,但營養方面肉類同蔬果其實係不相伯仲,但肉類就有機會危害身體健康,所以總結係蔬果可以代替食肉黎換取能量同蛋白質!而且更加健康添,所以大家都開始少肉多蔬果既飲食習慣啦!

小貼士:
  • 要身體變得健康就要減小攝取肉類,在食物中增加穀類,蔬果既份量,呢類食物都含有豐富既維他命,礦物質及纖維素.
  • 多進食新鮮有機既蔬菜水果,可吸收不同種類既維他命.
  • 如要攝取較健康含量高既蛋白質和有豐富既微量元素食物可選擇穀物,堅果,果仁和豆類等食物.
  • 每日既進食中以低糖,低鹽,低脂,高纖維既食法,可以降低心臟疾病,癌症,高血壓既發生.

如果有興趣想了解減少食肉類可以延緩皮膚老化既文章可以按以下連結:減少食肉類能延緩皮膚老化嗎?http://clean-skincare.blogspot.hk/2017/02/blog-post_14.html

2017年5月24日 星期三

補濕面膜可以敷過夜嗎?

CLEAN Blog - 補濕面膜可以敷過夜嗎?

A小姐話:近來工作時間較忙碌,晚上無咩時間做補濕,諗住趁訓覺時用補濕面膜敷埋過夜,以為可以慳時間又可以更補濕...但點知第二日起身發覺皮膚好似仲乾咗既?點解會咁架!?咁補濕面膜敷過夜係咪冇用?

其實當我地忙碌完成日既工作後,確實夜晚返到屋企既心情係最放鬆既時候,最好就乜都唔做,好好咁休息下,又或者某部份既人返到屋企先可以做下自己想做既野,所以都諗住用訓覺既時間黎敷補濕面膜黎慳時間同埋以為越敷得耐就越補濕,但若果將補濕面膜敷過夜,而整晚既時間又咁長,皮膚唔單止吸收唔哂,相反重有機會做成皮膚既負荷哦~因為:
  1. 補濕面膜如果完全乾哂,缺少水份時,皮膚無法吸收到營養成份.
  2. 乾透既面膜反而會倒吸返皮膚裡面既水份出嚟,就好似吸水紙咁.
  3. 乾透既面膜封閉住皮膚毛孔,造成缺氧,對皮膚反而變咗係一種負擔.
  4. 皮膚毛孔難以疏通,對皮膚造成降低血液循環既速度,令膚色變得暗淡無光澤.
所以一般情況下都唔會建議大家做補濕面膜時敷埋過夜.其實皮膚正常只需要大約15至20分鐘就已經足夠吸收面膜上既營養成份.大家可以參考以下敷補濕面膜既程序:
  1. 做補濕面膜前,先清潔好皮膚然後用熱毛巾敷臉一陣,令毛孔擴張.
  2. 用爽膚水輕輕清潔毛細孔中既污垢,幫助角質軟化,令皮膚更易吸收面膜中既營養成份.
  3. 敷完面膜後記得要過水呀,之後要搽返補濕產品同面霜哦,咁樣會有效幫助皮膚鎖住水份.
  4. 以上既補濕程序每星期可做1至2次.
如果大家想了解自己現在既皮膚狀況,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既高效面部注滲保濕療程($375.00),可在旁邊既連結登記哦:www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年5月21日 星期日

敏感既皮膚點解需要保濕來舒緩?

CLEAN Blog – 敏感既皮膚點解需要保濕來舒緩?

相信有護理開皮膚既女士或男士們都可能有聽過如果皮膚出現敏感情況就要做補濕黎舒緩,又或者濕疹發作時就要補濕同保濕,但其實點解為皮膚補濕就能舒緩敏感和痕癢既感覺呢?

不如先了解一下點解發炎或敏感中既皮膚會紅腫:

  • 紅:發炎或敏感區域之微血管前小動脈立即舒張,微血管後小靜脈收縮,令血液流動增加而程現紅色。
  • 腫:因為充血所以令微血管通透性增加,令液體由管內移向附近既組織而引起水腫。
  • 熱:因為血液流動量增加

然後由於皮膚表面既水份會不斷流失,令角質層開始乾燥而產生痕癢既感覺,如果唔先處理痕癢既感覺就會惡性循環,不斷抓,令皮膚受傷,甩皮,甚至產生傷口,令紅腫痕癢既情況惡化。

所以如果有發炎或敏感既情況要先用冷水或冰袋敷住患處,舒緩沖血發熱既情況,之後要為皮膚補充水份,令皮膚有足夠既滋潤度來修復受傷或受刺激既皮膚,再為皮膚保濕,阻止皮膚水份流失而造成痕癢既感覺。

其實我地既皮膚係好奇妙,當受到不同既刺激時都會用唔同既方式來通知你,比如受到紫外線刺激就會變黑甚至乎產生色斑,受到刺激時(產品,天氣或物件)就會紅腫或痕癢,缺水時就會分泌更多油份等。

所以我地應多d留意皮膚既變化而作出適當既護膚程序,減少令皮膚受傷既機會,保持健康又有活力既肌膚啦,如果大家想了解自己既皮膚狀況,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既高效面部注滲保濕療程($375.00),可在旁邊既連結登記哦:www.cleanskincare.com.hk/zh/trial.html

免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年5月19日 星期五

麩質 (Gluten) 對身體係好係壞?

CLEAN Blog - 麩質 (Gluten) 對身體係好係壞? 

自問小編我係一個極度中意食西色麵包或麵類既人,但買之前都會盡量揀係Gluten Free (即不含麩質) 既食品,而且亦都發覺唔少人同我一樣亦會揀Gluten Free (即不含麩質) 既食品.但唔知大家有冇考究過麩質係乜,有乜作用,對健康有乜影響?今篇我會將以上既資料整合比大家作參考啦!

麩質 (Gluten) 係乜,有乜作用?
  • 簡單理解係麵粉裡既筋(亦即高或低筋麵粉),而「筋」亦即係麥類(大麥,小麥,黑麥)既蛋白質,所以做麵包時要選擇高「筋」,因為高「筋」先可以令麵包更挺身.
麩質 (Gluten) 對健康有乜影響?
  • 其實如果你冇麩質不耐症,乳糜瀉或小麥過敏,其實本身麩質係冇害既,因為麩質其實只不過係蛋白質既一種,但有以上症狀就要避開進食麩質,因為如進食後可引起免疫力系統失調,肚瀉,嘔吐等問題哦.
其實暫時還未有臨床實驗証明麩質對身體有壞處,亦冇臨床實驗証實冇麩質餐單能減肥,反而均衡飲食,良好作息時間,保持運動才是對身體最好既健康之道哦.

2017年5月17日 星期三

玻璃樽回收後會做d咩?

CLEAN環保-玻璃樽回收後會做d咩?

有時我將屋企儲落既回收物品攞去回收箱時,發覺玻璃回收箱有時都會滿晒,有時仲要唔只一個回收箱滿,間中兩三個回收箱都會滿左,感覺上玻璃既使用量都幾大,不過大家又知唔知到呢D玻璃樽回收後會做D咩呢?而大家估唔估到我地平均一日有幾多個玻璃樽送到去堆填區呢!?

原來一日會有大約500萬個750毫升玻璃樽送到去堆填區,而且重量約有250公噸左右,佔整個填堆區接收既廢物量 3%.當中有一半以上係:啤酒樽,紅酒樽,米酒樽等.其餘係食物同埋醬料樽,比如係:花生醬,豉油樽等.另外仲有小小既汽水或者非酒精飲品樽.

而每日有咁多既玻璃樽,如果唔送去堆填區會點處理呢?玻璃物料又唔會腐爛,又直接分解唔到,而且需要經過高溫約攝氏1400度先可以熔化.所以唔同一般廢紙或者金屬咁,可以運到外地作循環再造,加上外地對收購廢玻璃都唔太積極,所以會留在本地處理多.

當承辦商回收玻璃樽後會運到回收工廠循環再造,先經過分類,清洗同埋粉碎磨成幼細既粉末後便可取代一D天然既沙粒,大部份使用於唔同種類既建築物料當中,有混凝土同埋鋪設路面等用途,製造過程中亦唔會釋放化學物質,影響環境生態.

而現時回收到既玻璃樽大部份可變作環保磚鋪路同埋建築建材料既用途,又可以做到有隔音,遮光隔熱,和防火等物料,所以大家唔好睇少呢D廢玻璃樽既回收哦~

所以我地大家都一齊好好努力循環善用每一個玻璃樽,比如清洗乾淨用作儲存器皿,花盆等,如沒有其他用途就儲起再一次過攞去作棄置回收啦!

2017年5月8日 星期一

汗水會令皮膚發炎嗎?

CLEAN Blog - 汗水會令皮膚發炎嗎?

相信部份女士已經開始左塑身大計黎迎接夏天,而熱愛運動既我當然一直不斷地訓練自己啦,但發覺某部份既人做完運動後會出現皮膚痕癢或發紅,其實呢一類人係咪唔適合做運動?有冇野可以做黎避免導致皮膚痕癢或發紅?

做完運動大量出汗後會出現皮膚痕癢或發紅呢種好可能係汗疹(熱痱),熱痱其實唔止係小孩先有,其實成年人都會有機會出熱痱,因為由於大量出汗但未能完全蒸發或未及時沖洗而令汗管閉塞,汗水會滲入皮膚內而刺激皮膚令皮膚發炎。

對於某部份人只需保持潔淨乾爽,幾日後就會回復正常皮膚,如果嚴重者就必須求診或塗搽針對熱痱既葯物。

要避免其實好簡單,只要避免汗水停留係皮膚既時間過長,比如做完運動後沖洗乾淨,唔好帶住汗水一直返都屋企先沖洗,又比如出街時帶包不含酒精既濕紙巾同一件衫用黎替換等。

但大家要留意如果皮膚出現一達達白色,咁就要小心處理啊,因為呢種好可能係汗斑哦: 
  • 汗斑:學名係變色糠疹- Pityriasis versicolor,由黴菌感染而發炎,令到皮膚色素細胞未能正常地製造顏色,所以會令皮膚一達達白色。 
同白蝕既分別係汗斑經過治療後,皮膚既顏色會變回原有既膚色,只要將真菌消滅後,色素細胞功能慢慢回復正常,經過數月後皮膚就會回到原有顏色哦。
出汗後如冇即時清潔並任由汗水停留係皮膚上既話,除左出熱痱同汗斑外,仲有可能令毛孔閉塞而滋生暗瘡問題哦,所以做運動出汗係好,但大家都要多注意衛生同保護好自己既皮膚哦!

如大家對皮膚上有任何疑問或如果大家想了解自己既皮膚狀況,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價試做不同種類既護膚療程,可在旁邊既連結登記哦:http://www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

皮膚點解會敏感?



CLEAN Blog - 皮膚點解會敏感?

最近可能因為天氣轉變既關係,身邊既朋友和顧客都有出現皮膚敏感既情況,但其實『皮膚敏感』只不過係概括左唔同皮膚過敏症既總稱,但其實『皮膚敏感』亦可以細分以下幾種哦,希望透過今篇既分享能讓大家了解多d『皮膚敏感』同埋可以分享俾身邊亦都有『皮膚敏感』既朋友啦:

首先要了解『敏感』係指因為我地既免疫系統太過敏感(或免疫系統失調),好似打仗咁,敵人(細菌,毒素,病毒等)只有兩三個兵,但因為免疫系統將軍太敏感了,一知悉有敵人就唔理咁多,出晒火槍大炮去攻擊,但咁做唔單止殺死敵兵,連同周邊既平民百姓(自身細胞)亦會遭殃(令皮膚或器官產生炎症)。

但點解免疫系統將軍太敏感?暫時未有科學研究可百分百肯定原因,但可以分為以下兩種原因:

非接觸性,如:
  • 濕疹:因天氣轉變或皮膚過乾以引起痕癢,嚴重時可起水泡,滲出液體等。
接觸性,如:
  • 蕁麻疹(風疹):會腫起一舊舊,好似蚊叮咁,一般引起既原因有:食物(如海鮮),塵埃,化學品等。。。
雖然未能知道點解會突然出現非接觸性或接觸性既敏感(皮膚或其他器官),而一般都係短暫性,即出現一段時間(可能數日至數周)就會退去,但我地可以預防,比如:
  1. 避免刻意進食提高免疫系統既補充品或葯物(中,西葯),因為會有機會擾亂免疫系統,令系統變得敏感,由本身溫和既免疫系統將軍變成暴力既免疫系統將軍。
  2. 保持健康同均衡飲食,維持身體應有既營養和抵抗力,因為你所進食既食物都會被身體吸收,冇論好(營養)與壞(毒素)都會被吸收,當毒素積聚就會引起身體不同問題(包括免疫系統失調)。
  3. 保持運動,令身體既抵抗力,血液循環同新陳代謝保持健康水平。
  4. 自我壓力管理,保持健康既身心思維一樣重要,因為壓力影響荷爾蒙,從而影響身體內在機能,所以要適時減壓同管理壓力哦。
好啦,今次暫時分享到呢度,下次有機會再分享多d比大家啦!祝大家都身體健康哦!

如大家對皮膚上有任何疑問或如果大家想了解自己既皮膚狀況,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價試做不同種類既護膚療程,可在旁邊既連結登記哦:http://www.cleanskincare.com.hk/zh/trial.html
Our website: www.cleanskincare.com.hk
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年5月6日 星期六

皮膚乾燥時點解會痕癢?

CLEAN Blog - 皮膚乾燥時點解會痕癢?

唔知大家有無試過冬天係暖爐面前取暖時會越坐d皮膚會越痕?又或者比d風(暖風或冷風)吹到皮膚痕癢?雖然大家都可能知因為皮膚乾燥所以會痕癢,但到底乾燥點解會令皮膚痕癢?

其實係年輕既時候,皮膚保水既能力當然好好,就算間中懶惰唔搽任何產品,都唔會覺得皮膚好乾燥.但隨著年紀既增長,我地皮膚分泌油脂既能力會開始減弱,而油脂不足就唔能夠將水份鎖住,所以相對皮膚流失水份亦變得快.

但乾燥會令皮膚痕癢?答案係:是的,因為皮膚乾燥時會...: 
  • 引起角質層受損,加上衣物或棉被既磨擦而引起痕癢既感覺 
  • 產生甩皮,令皮內神經既末梢更容易受到刺激而產生痕癢 
  • 缺乏油脂和水份,令皮膚變得繃緊,產生痕癢既感覺
夏天我地要多注意,因為係香港既室內冷氣會開得較強,而我地係室內既時間又長,所以令皮膚水份流失得快,而係冬天天氣較冷時,皮膚出現乾燥痕癢問題就更加密,所以建議:
  1. 無論夏天/冬天都要留意皮膚接觸既水溫,因為溫度過高過熱,令皮膚水份更容易流失,變得乾燥
  2. 因為皮膚的水份係黎自體內既血液循環,而手臂,小腿和腹部都係身體上血液較為循環得慢既地方,通常都會較易痕癢,所以要多注重搽保濕和潤膚既產品
  3. 避免直接吹風(冷 / 暖風)
  4. 等等...
但如果皮膚持續痕癢或出現紅腫,痛楚或嚴重脫皮既時候就要立即求醫避免炎症問題增加擴大,因為有可能已經唔係單單既皮膚乾燥問題哦.

如果大家想了解自己既皮膚狀況,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既高效面部注滲保濕療程($375.00),可在旁邊既連結登記哦:www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年5月1日 星期一

點解d凹凸洞會越來越明顯?

CLEAN Blog - 點解d凹凸洞會越來越明顯?

前幾日同中心既同事傾計既時候得知最近多左顧客問關於凹凸洞射頻治療既細節,聽到話其中一位顧客問到:問點解d凹凸洞會越來越明顯既?已經冇生暗瘡亦冇再擠d皮膚啦,本來唔係好覺既凹凸洞但慢慢變得越黎越凹咁。

覺得呢個問題可能對某部份有凹凸洞皮膚既人會有同感,所以就想係度分享小小心得。之前都有分享過一d文章係關於凹凸皮膚問題既心得,文章亦提及到其實形成凹凸皮膚既原因一般有兩種:

  1. 皮膚組織受到破壞(如過度和強行擠暗瘡,曾生水痘等)
  2. 經常係同一位置生暗瘡

而如果係25歲前發生以上情況而形成凹凸洞,一般該凹凸洞唔會太過深又或者唔會形成凹凸洞(當然亦要視乎該時皮膚受到破壞既嚴重程度),因為皮膚會自己不斷增生膠原纖維,進行自我修復,但係從25歲起,膠原蛋白會不斷流失,如果冇做好皮膚保養既話,流失既速度會比想像中快,所以凹凸洞會越來越凹哦。

但我諗大家會問:我已經有做保養了喎,平時敷下面膜,又食d補充品咁,但點解d凹凸洞都係變得越黎越凹既?

其實有時雖然有做好保養,但可能另一方面缺乏保護皮膚同保養身體。因為比如冇搽好物理性防曬就出門,保養品既成份偏重化學或含有刺激性成份,缺乏作息時間,唔均衡既飲食習慣等。。。都會影響我地既皮膚狀態,所以除左進行療程黎改善凹凸皮膚,係個人生活習慣亦要好好配合先至會事半功倍哦!

如果大家想知有d乜係需要注意才可以改善凹凸洞問題?或想了解多d有關凹凸皮膚既形成等,可參考以下3篇文章:


又或者如果大家想免費做一次皮膚分析,睇下自己既皮膚平滑度情況和肌齡?歡迎用以下方式聯絡我們哦,另外我地中心亦為第一次光臨既顧客提供一次30% off既納米點陣式凹凸洞射頻療程試做,可在旁邊既連結了解更多和登記哦:www.cleanskincare.com.hk/zh/rf.html


免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.