2017年4月30日 星期日

Raw Food /食生的好處

CLEAN Blog 食玩行之食: Raw Food /食生的好處

近幾年經常聽到有人開始生食/食Raw Food,上網查下都可以睇到好多相關資料,意思其實係將d蔬菜水果打成汁飲用或用風乾機風乾食物等等...目的係攝取食物內既天然酵素,而資料顯示生食會令身體變得健康,皮膚又話會好d等等...其實係咪只食蔬菜水果同埋唔駛煮呀?小編我對呢方面都有少許認知,所以今篇就分享小小個人心得比大家啦^^

食生『=』食Raw Food(又稱為生機素食),以下係食生既一d心得:

  1. 食生包括五個要素:整體(Whole),新鮮(Fresh),成熟(Ripe),有機(Organic)及生吃(Raw)
  2. 食生是指進食不經煮熟既植物,因為當食物一經煮熟後,便會流失營養及酵素,生食既飲食概念係唔食動物肉類以及唔食以攝氏47度以上煮過既食物.
  3. 食生主要進食生既蔬菜,水果,果仁,堅果,豆芽,發芽種子,穀物,純植物油(如初搾純既天然油),海藻,藥草(甚至可食用既花),蔬菜根莖(蕃薯,蘿蔔,山藥之類)等等...
  4. 生食者主張盡量食當地出產,當季食物,食有機耕作既農產品,主要攝取食物原有既營養及酵素,因為研究發現大部份植物都可以提供人體所需要既維他命,蛋白質,脂肪,礦物質,碳水化合物等.

生食者無規定要進食100%生機素食,大部份人士是循序漸進增加比例既.
每個人都有自己飲食既一套餐單,有人喜歡咩都食,有人選擇食生,但蔬菜水果中含有多種不同既營養素呢個大家都唔會否定,所以就算晤係完全100%食生,而係每日既飲食餐單中加入多d蔬菜水果,咁樣對身體對皮膚都會有一定既好處.

香港近幾年都有餐廳提倡食Raw Food,宣揚食生既好處,小編都有食過幾次,覺得比想像中好食,發現食生都有好多選擇和每款菜式都可以做出唔同既味道,進餐中還有專員解釋每款菜式既製造過程,從中會了解多左食物既配搭,大家有機會都可以試下哦.

2017年4月26日 星期三

點解染頭髮會令皮膚痕癢

CLEAN Blog - 點解染頭髮會令皮膚痕癢?

轉眼間夏天轉季既時候又到啦~想比人有種煥然一新既感覺,我地除咗可以喺衣服上有唔同既顏色配搭外,近年來頭髮上既顏色都一樣千變萬化,所以有時都會係屋企染髮,不過唔知大家會唔會每次染完頭髮後既頭皮或近住耳仔既皮膚都會變得痕癢!?

其實市面上染髮劑既牌子種類有好多,一般我地亦未必會注意到每種染髮劑既成份,可能純粹因為被個色澤吸引而購買.但原來染髮劑都同護膚產品一樣,亦有機會含化學物質既成份而引致皮膚過敏或痕癢情況出現哦.

某d化學染髮劑一般都含有苯類和氨水(Ammonia 阿摩尼亞),雙氧水同埋化學色素,而染髮劑內既成份主要係令毛髮膨潤,令表皮層既毛鱗片張開,取代頭髮當中既原色.

而最常導致皮膚痕癢既成份有以下2種:
  • 對苯二胺 PPD 全名 Para Phenylene Diamine 、1,4-diaminobenzene等
  • 對甲苯二胺 PTD全名Toluene 2,5-diamine
以上既成份雖然可以令頭髮容易上色,但都係一d化學性致癌物成份,它是從煤焦油、石油衍生既化學品,包括苯,萘,酚,苯胺,和其他化學物質製成。如部份人既皮膚較為敏感接觸到以上既化學物質,除左會令頭皮受到傷害之餘,仲會造成皮膚過敏性痕癢,紅腫,皮膚發炎同埋出濕疹等反應添.

而且疾病控制與預防中心都將呢個成份列為接觸後會引致皮膚敏感源頭,另外衛生署亦規定產品中,用量不得超過4%.

咁意思係咪唔好再染頭髮呀?其實又唔係,只不過建議大家日後要多d留意用係身體上既成份,而染髮劑其實都有天然成份既產品哦,總言之我地既頭皮亦都係同面上既皮膚一樣需要好好照顧哦,咁就靚得黎又健康啦!*^^*

2017年4月19日 星期三

點解香港既溫度好似特別高既?

CLEAN 環保 – 點解香港既溫度好似特別高既?

依家香港既溫度雖然維持係27至30度左右,但唔知大家會唔會覺得好焗,好似好難呼吸咁,雖然話香港因為潮濕所以先係咁,又可能有部份人認為因氣候暖化而影響,但其實大家又知唔知除左潮濕之外原來有其他原因架?

如果有行山既朋友可能會感受到當我地離開市中心既高樓大廈去到郊外時,會發覺到有風既感覺同埋空氣無咁焗,因為除左d花草樹木幫我地吸走某部份既熱氣外,其實另一個主要原因係因為冇咁多高樓大廈,但點解關高樓大廈事?高樓大廈唔係幫我地擋左d陽光咩?

正正相反,咁多高樓大廈所以先令市區咁焗咁熱,因為:
  • 研究發現我地香港建築大廈又高又密,外牆容易收集太陽輻射熱力,儲存熱力高之餘但又未能散熱快,造成熱力被困係市區內
  • 大大小小不同類型既招牌廣告,間接地遮擋住自然風向流入,令熱氣停留
  • 高樓大廈既玻璃亦會反射太陽光到地面,令地面溫度上升
  • 每棟高樓大廈都安裝左幾十部冷氣機,不斷排放熱氣,直接令氣溫上升
就以上原因,所以香港既天氣會咁焗咁熱,雖然絕大原因係因為高樓大廈,天氣潮濕同氣候暖化等,但其實我地大家係咪冇野可以做到黎減輕氣溫持續上升既問題?其實又唔係既,大家可以參考以下方法就可以幫助減輕氣溫持續上升既問題哦:
  1. 屋內可加裝一層白紗或百葉簾,可幫助減低光熱,令室內氣溫冇咁高,自然冷氣既溫度變相唔需要開太大
  2. 種植綠色嘅植物亦可以有效降低室溫
  3. 減少開冷氣機既時間或數量
  4. 減少駕駛同停車時請熄匙可以幫助減少排放廢氣
  5. 少吃肉,因為動物既排泄物會產生甲烷(沼氣)會令氣溫上升,另外種植飼料稻草等都會釋放二氧化碳,(詳情可參考:http://clean-skincare.blogspot.hk/2016/01/blog-post_22.html
其實仲有好多唔同既方法可以幫助減輕氣溫持續上升既問題,所以大家唔好睇小任何一分力哦,只要大家同心協力,盡自己力量就可以保護屬於大家既地球哦~!因為你所做既一切亦有可能感染到其他人亦會出一分力哦,大家加油啦!

2017年4月18日 星期二

除了黑色素仲有什麼會令膚色暗啞?(上)

CLEAN Blog - 除了黑色素仲有什麼會令膚色暗啞?(上)

相信睇開我地d分享既朋友會明白防曬既重要性,因為暴曬會令皮膚製造黑色素,從而產生色斑和令皮膚變得暗黑。除左黑色素會令皮膚變得暗啞外,仲有其他因素會令皮膚變得暗啞嗎?

有!除左黑色素外,角質,胡蘿蔔素同血紅素亦會影響膚色哦。角質會令皮膚變暗啞,胡蘿蔔素會令皮膚變黃,血紅素就變紅,而今次首先同大家分享點解血紅素會影響膚色。

血紅素係血液裡既主要工作係將我地吸入既氧氣帶到身體各部位,令身體有足夠既氧氣來應付日常生活既活動。有足夠氧氣既血紅素係鮮紅色,而當氧氣不足既血紅素會呈現暗紅色。

由於我地面部皮膚底層有無數既微血管,所以某皮膚較白既人面部會呈現較粉紅色,而當我地血液運行得較快既時候面部會呈現紅色,比如如進食辛辣食物,做運動,情緒激動等都會令血液運行加快,此時面部皮膚亦因此而變得較紅。但如果我地既血液如果係處於含氧量不足時,血液亦會相對變得較暗紅,從而影響膚色變得暗啞。

所以如果想令皮膚保持紅潤,除左要注意防曬外,仲要注意皮膚保養,飲食習慣同保持做運動,令身體既血液有足夠既氧氣同健康既血液循環,咁就又靚又健康啦!

另外激光療程亦可有效地改善膚色哦,想了解更多或預約進行一次皮膚分析,可以用以下任何一種聯絡方式與我們聯絡預約哦,另外我地中心亦為第一次光臨既顧客提供一次半價既激光療程試做,可在旁邊既連結登記哦:www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

色素沉澱同反黑係一樣嗎?

CLEAN BLOG- 色素沉澱同反黑係一樣嗎?

大家覺得色素沉澱同反黑係一樣嗎?其實可以話呢兩種都係屬於引發更多黑色素產生既原因,但其實兩種係有分別哦,以下等小編我解釋俾大家參考下啦: 

色素沉澱:
  • 意思係指當皮膚產生黑色素(原因可能有暴曬,護膚產品成份,皮膚發炎,身體變化等)但由於自身較慢既新陳代謝機能(可能因先天性或生活習慣既影響),所以令一部份既黑色素細胞一直停留係身體裡面未能排走,從而產生色斑或影響膚色既情況發生,所以如果冇好好改善身體代謝機能或冇做好保護皮膚措施,咁只會令色素沉澱既情況加深。 
反黑:
  • 反黑既意思係指激光去斑或美白療程後冇好好護理,比如讓敏感既肌膚再受紫外光照射,使用較刺激既護膚品成份或不當既皮膚護理等都會導致反黑情況出現,因為皮膚受到刺激後,皮膚既機制下會增加黑色素細胞去保護發炎或受刺激後既皮膚,當黑色素細胞增加後就會較容易出現色素過度沉澱,導致本身已擊碎既色斑又再次加深,亦即反黑現象.
所以以上兩種情況可簡單理解為:
  • 色素沉澱係本來沒有任何色斑問題或膚色不均問題既皮膚,但由於外來既刺激加上內在既代謝機能問題,令色素沉澱,導致色斑問題或膚色不均問題。
  • 反黑係本身有色斑問題或膚色不均問題既皮膚,經過激光或其他治療後回復原本既膚色,但因缺乏療程後既護理,所以導致反黑現象。
希望以上既解釋能夠令大家更了解色素沉澱同反黑既分別啦,如果大家想免費做一次皮膚分析,睇下自己既色斑情況,歡迎用以下方式聯絡我們哦,另外我地中心亦為第一次光臨既顧客提供一次半價試做不同種類既護膚療程,可在旁邊既連結登記哦:http://www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年4月9日 星期日

點解會有黑痣?


CLEAN BLOG -點解會有黑痣?

黑痣,亦稱為墨,基本上每個人都會有,但有冇諗過點解會出現既?對健康有冇影響?

但其實係醫學既角度冇論係墨(凸起)或痣(平面)都統稱為痣,而呢種痣係由黑色素組成,有先天性亦有後天性,後天性既出現暫時未有一定既原因,可能因為隨著荷爾蒙既變化,外來既刺激,飲食等等。。。

雖然一般既痣對身體健康都唔會有影響,但如果發現慢慢開始有變化既話(如變大或變凸),咁就要多d注意了,因為有機會變成惡性既黑色素瘤呢!

由原本既痣變成惡性黑色素瘤一般既原因有:經過紫外線暴曬和體質基因變異。如果當發現有以下情況既話,建議向醫生求診:

對稱性(Asymmetry)

  • 指痣既外觀唔對稱,因為黑色素細胞癌向外既擴展速度頗快,所以造成外觀不對稱。

邊緣(Border)

  • 如果是一般既痣,邊緣通常比較圓滑,但病變後既痣,一般邊緣會呈現鋸齒狀,蹦左,或不規則形狀。

顏色(Color)

  • 正常既痣通常顏色均勻,但病變後既痣會睇落好似有顏色深淺不一。

直徑大小(Diameter)

  • 愈大的痣或斑點愈容易有病變的可能,大於6公釐以上或持續變大既話就要注意。

快速隆起或起變化(Elevation或Evolvement)

  • 一般既痣最大會到3至5cm左右就停止,但如果發現開始隆起或者擴大,而且邊緣唔均勻,咁就要留意了。

雖然如果冇以上情況,理應係冇問題既,但都要記住出門前要做好防曬,特別而家開始踏入夏天,如果會去海灘游水既話,咁一定要記住不時補防曬,避免暴曬哦。

如果因為外觀而想脫痣,建議先留意有冇以上所講既情況後才好進行脫痣療程哦,如果唔肯定,建議向專業既皮膚科醫生求診。

另外如果大家想了解自己既皮膚狀況,歡迎用以下方式聯絡我們預約做一次免費既專業皮膚分析哦:


免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年4月7日 星期五

紅血痣是什麼?

CLEAN BLOG:紅血痣是什麼?

大家有冇發現身上會隨住年齡既增長會增加長出墨痣,色斑等情況,但有試過出現紅色的痣?而紅色既痣係咩黎架?好似有越來越多咁,唔知關唔關身體有事?

先了解血痣最常見有兩類,一種係因血管積聚或增生所致,而可分先天和後天性,前者多在出生時已存在,後者會比較係30歲後既成年人身上出現,一般較常見既形狀係明顯圓滑窿起既小紅點,呢種血痣變大既速度非常緩慢,一般唔會有痕癢又唔容易出血,除非受到創傷.

而另一種常見既血痣叫蜘蛛痣,一般正常健康既人士身上等可以發現到一至兩粒蜘蛛痣,但若數量較多及同時有其他肝臟疾病既話,咁有機會係患上肝病既病徵哦.

就以下再深入了解多少少關於血痣和蜘蛛痣啦:

1) 血痣醫學上稱<櫻桃血管瘤cherry angioma>,是一種生長在皮膚淺層的紅色痣.
  • 起因:與皮膚老化及血管增生有關,由於皮膚周圍既結締組織鬆散和老化,導致微血管擴張所形成.
  • 形狀和位置:一個紅點像枸杞子般大,呈圓形或橢圓形狀不癢不痛,顏色呈鮮紅或深紅,多出現在軀幹上,有少數會長在手腳以及臉上.
  • 有關提示:
  1. 有血痣的人士容易發生脂肪肝,慢性肝炎,肝硬化,膽囊炎,脂肪積聚等情況,對見於以上既病患血痣主要長在胸或腹部.如血痣越大越多,肝代謝功能就越差,脂肪代謝差,容易有血脂過高和膽固醇過高問題.
  2. 肝病專家指出如果孕婦在懷孕期間出現紅痣既現象,一般屬正常.
  3. 進食過量油膩食物或睡眠不足,或進補過度也有可能讓櫻桃血管瘤加快生長.如果血痣破損會出現較多的出血,避免用手擠壓弄破,有可能會刺激它們生長得更大.
2) 蜘蛛痣(spider angioma)
  • 起因:與體內既雌激素增多和日曬誘發血管擴張有關,有可能與肝功能有關.
  • 形狀和位置:皮膚表面血管擴張,蜘蛛痣既小紅點係小動脈,紅點周圍則布滿擴散既小血管,有如蜘蛛腿一般向外延展貌似蜘蛛網,出現於上半身,少則幾個,多則數百個.
  • 有關提示:
  1. 如果患有肝膽疾病時,面部、頸部、前胸、後背等都會出現紅痣,此時雌激素在體內蓄積起來,使身上出現蜘蛛痣既癥狀,如果身體發現有好多蜘蛛痣就要特別留意,建議作進一步檢查.
其實一旦皮膚上出現無論什麼顏色形態既痣都好,大家都要注意同防範哦!如果大家想了解自己既皮膚狀況,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既療程試做,比如有激光療程,凹凸洞治療,補濕療程等,可在旁邊既連結登記哦:www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年4月5日 星期三

果酸PHA & BHA既分別

CLEAN BLOG - PHA & BHA既分別

相信大家可能都有聽過或使用過果酸AHA(Alpha Hydroxy Acid),一般家用既潔淨或護膚產品上都有機會含有果酸成份,但當大家對果酸越了解時就會發現除左AHA原來又有PHA,BHA,咁兩者又有咩分別呢?作用分別又係點?都係果酸之一嗎?

其實PHA和BHA都係果酸嘅一種,以下先了解『PHA』:

PHA(Polyhydroxy Acid)屬於係一種多重水基既果酸,成份為『葡萄糖酸內酯』(Gluconolacctone),『乳糖酸』(Lactobionic Acid).

  • 葡萄糖酸內酯(Gluconolacctone)唔單只可以有對抗痤瘡嘅作用,而且臨床實驗證明,葡萄糖酸亦可以有幫助皮膚抗氧化功效,防止皮膚衰老.
  • 乳糖酸(Lactobionic Acid)具有高保濕性,可加強皮膚結合膠原蛋白和修補作用.
  • 所以PHA果酸性質較為溫和,而且保濕度較高,刺激程度較低,一般適合暗瘡或者容易敏感,乾燥既皮膚.

另一種果酸『BHA』(Beta Hydroxy Acid)稱為B氫氧基酸,又稱水楊酸(Salicylic Acid):

  • 水楊酸(Salicylic Acid)為脂溶性成份,所以會較容易滲透到毛孔既油脂中,有助溶解黑頭粉刺,另外亦有效地令老舊角質容易剝落,避免角質堆積,使毛孔疏通.
  • 可以幫助皮膚促進角質代謝,減淡皺紋,令毛孔緊緻.
  • 同樣也可以預防暗瘡滋生.

就以上既了解:PHA果酸性質較溫和,適合敏感或乾性肌使用,而BHA就可以幫助毛孔疏通同埋溶解黑頭粉刺,所以適合油脂較多嘅皮膚使用.

其實我地可以先了解咗自己嘅膚質,選擇合適嘅果酸療程或產品,咁就可以對症下藥,改善自己既皮膚問題.但大家亦要留意果酸既不同濃度,份量和時間控制如選用不當時,皮膚極有可能因此而灼傷,所以建議應由專業既治療師進行果酸療程哦.

如果想了解多d果酸治療如何能改善暗瘡皮膚或免費做一次皮膚分析,歡迎用以下方式聯絡我們同事,另外我地中心亦為第一次光臨既顧客提供一次半價既果酸療程或激光療程試做,可在旁邊既連結了解更多和登記哦:http://www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年4月3日 星期一

點解年輕都有皺紋?

CLEAN BLOG - 點解年輕都有皺紋?

25歲,女士踏入呢個歲數就代表要係護膚同保養上要下多d功夫,因為研究顯示25歲開始我地既皮膚組織會停止成長或新陳代謝減慢,真皮層慢慢變得薄,脂肪和蛋白纖維流失,慢慢失去支撐和彈性,所以皮膚就會開始變得鬆弛,所以25歲雖然仲係年輕階段,但就唔可以忽視皮膚保養哦。

但其實有時未必係皺紋,有時只係乾紋,但乜係乾紋?乾紋通常係因為受到紫外線既影響或皮膚含水量下降,令到皮膚處於缺水狀態,係呢種情況下皮膚就會出現乾紋,所以當出現第一條細小乾紋時千其唔可以忽事呀,如果唔去處理和修護既話,一直令皮膚受損,到最後好有可能會變成皺紋哦!

要係屋企做保養其實好簡單,為皮膚補水後,建議搽D天然植物油,如100%天然有機玫瑰果油(因為玫瑰果油含有不飽和脂肪酸,容易吸收而且唔會留下多餘既油份係面上,有助防止皮膚老化,滋潤皮膚),阻止水份既流失,但亦要注意唔好搽太多滋潤既產品,因為擔心會令毛孔閉塞。另外可以定時敷d天然既補濕面膜(如蘆薈啫哩),咁效果會更加明顯。

之前都有分享過一d有關皺紋既資訊,如想回顧可入以下連結哦: 
另外如果大家想了解自己既皮膚狀況,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既高效注滲保濕療程($375.00),可在旁邊既連結登記哦:www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.