2017年3月29日 星期三

點解皮膚經常都會泛紅,係咪皮膚敏感?

CLEAN BLOG:點解皮膚經常都會泛紅,係咪皮膚敏感?

大家既皮膚有冇出現泛紅既情況,有時會紅D有時會冇咁紅,要返工返學見人既時侯都幾尷尬,其實點解成日都會面紅紅咁呢?會唔會好番架?因為都維持左好耐下.

如果泛紅既情況只係暫時發生一下跟住就退咁就冇關係,但係如果經常持續會泛紅或好難退,咁就要先了解下泛紅既徵狀和原因係以下邊一種類型:

1. 敏感型

  • 誘發原因:接觸致敏原如食物,藥物,護膚品,化妝品,動物毛,塵埃,花粉,香料或其他等等..
  • 徵狀:皮膚紅腫脹起/發熱/痕癢/痛楚/流眼水/打噴嚏等等
  • 注意:找出或遠離致敏原及盡早求診.

2. 乾燥型

  • 誘發原因:皮膚缺水乾燥,過度使用去角質,鹼性洗面乳產品,用含酒精和美白成份既刺激產品,飲水不足,缺乏睡眠,服用藥物等等..
  • 徵狀:皮膚乾燥泛紅,感覺繃緊缺水,尤其在轉季時更常出現泛紅,嚴重時會痕癢脫皮和引起發炎.
  • 注意:多選用溫和成份天然既保濕產品,多飲水和多攝取蔬菜水果,有充足既睡眠時間.

3. 玫瑰痤瘡型

  • 誘發原因:如遺傳,天生皮脂腺發達,外在環境因素致血管運動神經失調,情緒,心境,壓力等精神因素和體內荷爾蒙既轉變有關.
  • 徵狀:面部血管有增生,膨脹及充血現象,兩頰長期泛紅現微絲血管,容易發癢,當身處悶焗環境,情緒激動,做運動後,沖涼後或喝酒後,泛紅情況會增加,反應較常人強烈,持續時間也較長,嚴重時甚至出現紅粒子狀似暗瘡粒.
  • 注意:避免令皮下微絲血管膨脹及充血,避免用力刷面和抹面,避免用熱水洗面,避免喝酒或喝太熱既飲料,使用溫和既護膚品,當察覺情況有嚴重或惡化建議求診.

4. 急性或慢性發炎型

  • 誘發原因:皮膚受感染出現皮膚炎,急性的像是病毒疹,慢性的像是長暗瘡,癬,紅斑狼瘡症,過敏性或異位性皮膚炎.
  • 徵狀:皮膚泛紅乾燥,又紅又癢、有時會有出水,有刺痛感等等..
  • 注意:定時擦上低刺激性保濕產品,可以改善皮膚乾燥情況和調節皮膚既生理功能,降低發炎頻率,如病情有嚴重化建議盡早求診.

5. 暗瘡型

  • 誘發原因:細菌滋生引發暗瘡發炎
  • 徵狀:紅腫發炎,痕癢痛楚,患處周邊位置持續泛紅,水油唔平衡.
  • 注意:定時清潔個人用品如面巾,枕頭套,化妝品用具避免細菌滋生,選用溫和不刺激既護膚品,維持正常作息,少吃刺激性食物.

皮膚會持續出現泛紅既情況除左有以上5種較常見既類型外,其實仲有其他皮膚問題都會有泛紅情況,所以大家要多留意觀察自己既皮膚狀況,如發現有持續或惡化既症狀要及早求診呀.

另外如果大家想了解自己既皮膚狀況,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既高效注滲保濕療程($375.00),可在旁邊既連結登記哦:www.cleanskincare.com.hk/zh/trial.html
Our website: www.cleanskincare.com.hk
Facebook: PM
Mail: info@cleanskincare.com.hk
Tel: 2628 3242
What's app: 9843 8821
We Chat: cleanskincare
Line: cleanskincare

免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年3月28日 星期二

用牛奶洗面會令皮膚滑d嗎?

CLEAN BLOG - 用牛奶洗面會令皮膚滑d嗎?

一直以來牛奶都被認為係對我地身體同皮膚有好多好處,例如有幫助身體補充所需嘅營養素如:維他命B2,維他命A同埋各種胺基酸等.

但係有部份既人會用牛奶黎洗面,因為話說可以令皮膚變得再滑d,認為含有多種營養物質和保濕功效,能夠幫助皮膚增加攝取維他命C令皮膚變得白滑,有消炎和消腫功效等.聽落好似有好處,但係如果用牛奶黎洗面係咪真係有效呢?

其實暫時未有科學根據証明用牛奶洗面會令皮膚變得白滑d既數據或論文,但從醫學既角度用牛奶洗面係會增加令皮膚敏感既風險,而且大家要注意牛奶中係含有動物性脂肪同大量既蛋白質成份,一旦清潔得唔夠乾淨,毛孔更容易堵塞,令皮膚出現油脂粒或發炎添.

而某部份既人亦會用牛奶敷面,但建議唔好,因為牛奶係空氣之中同溫度既變化下係好容易變質,如果變質嘅牛奶在我地面上有傷口嘅皮膚停留太長時間的話,有機會引致細菌滋生,令皮膚出現敏感發炎等問題.

最後,從環保既角度,我地要盡量珍惜食物,因為食物資源係好寶貴同埋好有限,所以如果想用天然既護膚產品可考慮用植物比如蘆薈,椰子油,天然精油等.如果你有用開牛奶洗面或其他食物做護膚,建議改用其他方法和產品啦.

如果大家想免費做一次皮膚分析,了解下自己既皮膚狀況或肌齡?歡迎用以下方式聯絡我們哦,另外我地中心亦為第一次光臨既顧客提供一次半價美白去紋激光嫩膚療程試做,可在旁邊既連結登記哦:http://www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年3月21日 星期二

面部蒸氣機能為皮膚補濕嗎?

CLEAN BLOG -面部蒸氣機能為皮膚補濕嗎?

面部蒸氣機對各位有做開護膚保養既女士們應該唔會陌生,其原理係將水份變為蒸汽(或納米化)再噴去面上,話說可以為皮膚增加補濕,令化妝更貼更有光澤。

但如果再細緻d去解釋會係:蒸完既當時確實會令皮膚角質層短暫地補濕,但好快就蒸發晒,因皮膚本身有抵抗機制,唔會好似海綿咁不斷吸收,無論水,油或其他物質都唔會容易地入到皮膚底層,就算我地浸係水裡,極其量只會暫時將皮膚表面既含水量提高,所以水(H2O)只會短暫停留係角質層,但就去唔到基底層。

而如果妳蒸完面並即刻化妝確實係會睇落更貼更有光澤。因為當時既皮膚含水量被提高,但由於水(H2O)係會好快蒸發走,所以如果皮膚本身係屬乾性唔夠水份,咁好快就會打回原形,隔一陣d粉會浮晒出黎,特別個鼻會見到d粉一粒粒咁。

所以面部蒸氣機可以當做軟化角質或護膚程序前將毛孔擴張,增加護膚時既效果,但就建議唔好將蒸面視作補濕方法哦。

如果要為皮膚既真皮層補濕,令保濕能力更持久,咁就可以考慮借助護膚補濕既專業儀器(如高效注滲儀 / Electroporation moisturizing)來將營養液帶去基底層並為皮膚作深層補濕保濕.
另外如果大家想了解自己既皮膚狀況,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既高效注滲保濕療程($375.00),可在旁邊既連結登記哦:www.cleanskincare.com.hk/zh/trial.html
Our website: www.cleanskincare.com.hk
Facebook: PM
Mail: info@cleanskincare.com.hk
Tel: 2628 3242
What's app: 9843 8821
We Chat: cleanskincare
Line: cleanskincare 
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

曬得太多會令皮膚老化嗎?

CLEAN BLOG:曬得太多會令皮膚老化嗎?

從醫學研究顯示,曬太陽對身體唯一既好處係幫助合成維他命D,但以我地現代人既飲食習慣已經唔一定要從曬太陽中取得維他命D,因為我地可以由食物中攝取比如:蛋黃、吞拿魚、沙丁魚、奶品類、魚肝油、酵母、蔬菜等.

而從皮膚科學既研究觀點指出,曬太陽多反而會令皮膚加速老化,因為陽光係穿過大氣層之後主要剩下可見光,紅外線同埋紫外線,而其中紫外線可因應唔同既波長再細分為:-

UVA(波長320至400nm)
  • 會導致慢性曬黑,主要會造成雀斑及其他色斑既惡化,並造成皮膚曬黑曬傷,但有新既研究顯示,UVA亦係造成皮膚老化既幫兇,因為UVA既穿透力強,連一般透明玻璃都可以穿透,所以有開車及長時間坐在窗邊既人士會加速皮膚老化,UVA亦會穿透入皮膚既真皮層,位於真皮層既膠原蛋白會去反射UVA以保護細胞,反射多了膠原蛋白會失去彈性、萎縮,不再能撐起皮膚, 造成皮膚鬆弛毛孔粗大既情況,係皮膚老化和出現皺紋既主因.
UVB(波長280至320nm)
  • 會導致急性曬黑,主要會引起曬傷和皮膚紅腫熱痛感,係致癌性較強既波長,造成皮膚既傷害及老化既成因之一,過度曝曬可能導致慢性皮膚癌既產生.
UVC(波長200至280nm)
  • 因為波長太短,穿透力不足,一般而言在到達地表之前已被臭氧層所阻隔,對人體幾乎不造成影響,並不需特別顧慮它。
  • 除此之外,曬得太多會令皮膚漸漸變得粗糙暗啞,產生色班,皺紋及細紋等,嚴重既話仲會增加患上皮膚癌既機會添,所以大家一定要記得搽防曬哦,因為除左可保護皮膚外,仲能夠減低引發皮膚癌既風險,尤其係皮膚比較白既人士就更要加強防曬哦.因為皮膚基底細胞含有色素,有助吸收紫外線,所以膚色愈深色者,蘊含黑色素愈多,愈能減低紫外線對皮膚既直接破壞,反之膚色較淺者皮膚防紫外線能力會相對較低,於是曬傷機會就越大.

溫馨提示:
  • 香港既濕度較高,如果在戶外既時間較長,建議大家每1-2小時要補塗一次,補充流失或抹走了既防曬液,即使冇化妝但有塗防曬產品,回家後亦必須徹底清潔皮膚,因防曬霜混合空氣中既灰塵污物,加上一整天既油脂分泌,有可能會阻塞毛孔.假如曬傷了可以用凍毛巾敷患處降溫,及使用低刺激性既潤膚霜塗搽患處,有助紓緩紅腫,脫皮及乾燥等情況.
如果大家想免費做一次皮膚分析,了解下自己既色斑情況?歡迎用以下方式聯絡我們哦,另外我地中心亦為第一次光臨既顧客提供一次半價激光療程試做,可在旁邊既連結登記哦:http://www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年3月17日 星期五

有需要連一個紙杯既杯蓋都要拿去回收嗎?

CLEAN環保 - 有需要連一個紙杯既杯蓋都要拿去回收嗎? 

相信大家在日常生活中經常都會有叫外買既需要,又或者係屋企會食下D零食咁,好多時食完食物既垃圾如:紙杯,紙杯蓋或包裝袋等都會好自然咁掉去垃圾桶,其實係好習以為常既事,而呢D塑膠或廢紙物料係我地生活之中亦確實係好小好小既垃圾,但如果大家諗深一層,香港人口咁多,假使每日每人都有用到呢D紙杯既杯蓋,咁呢度加埋就唔係好小既垃圾喇,其實呢d塑膠物料係好難分解並且會一直遺留係地球上數百年,最後對我地和環境既影響會有幾大呢? 

香港每人每日都會產生好多不同類型既廢物,而環保署係1986年成立至今,定期都會計出每種廢物既數量統計 ,當中包括廢物既成份同埋回收再做既數量,希望以唔同既方式去分享比市民知道環保既資訊,另外透過一D廢物回收系統去幫助回收同處置各種既廢物,增加循環再造,減少棄置廢物帶來對環境既影響. 

其實大家千祈唔好睇小每一個人既力量,只要大家做出小小既幫助,將用過既杯蓋,飯盒或餐具拿去沖一沖,又或者將一d包裝用既外膠袋潔淨再放到回收箱,咁樣做唔單只可以減少每日習以為常地棄置塑膠物,仲可以將本來想丟掉既塑膠物變成有用既物品添,比如再造紙,再造塑膠產品,再造餐具等...其次都可以多d分享下給身邊既親戚朋友有關環保既資訊,一齊保護地球環境生態,令地球更健康美好,所以係咪連一個紙杯既杯蓋都要拿去回收?梗係要啦*^^* 

大家一齊黎改善環境生態啦!

2017年3月12日 星期日

帶銀飾品點解有時會令皮膚變黑?

CLEAN Blog - 帶銀飾品點解有時會令皮膚變黑?

相信無論男士或女士們有時都會帶下d銀飾品比如戒指,耳環,頸鍊等等。。。但唔知有無試過帶戒指或頸鍊後皮膚會變黑色左?而有時反而係我d銀飾品變黑而唔係皮膚變黑,之後我媽話因為個人有火所以d銀吸左d火出黎。。。Well,今次不如從科學d既角度睇下點解帶銀飾品點解有時會令皮膚變黑又或者D銀飾品變黑啦

其實銀飾品本身係唔會令皮膚變黑,但一定要925或990銀先係,因為市面上有d飾品為左降低成本,會夾雜左銅呢種物料黎打造銀飾物,所以有時帶完一d飾品後會發現皮膚變左綠綠黑黑咁.

但點解銅會令皮膚變得綠綠黑黑咁?因為銅係空氣中會慢慢同氧氣產生一層紅色的氧化銅,然後氧化銅會再同埋空氣中既二氧化碳結合,之後就會產生左一種綠色既物質,就好似生鏽咁,而呢d綠色既物質就會黏住係我地d皮膚上,所以會見到d皮膚變左綠綠黑黑咁.但呢種物質有機會令皮膚致敏,所以都係唔好帶用銅打造既或含有銅既飾物了.

而銀飾品變黑既原因係氧化,因為空氣中有少量既硫化氫氣體或硫離子,之後當呢種物質同銀接觸時就會產生化學作用,令銀器變黃,再慢慢出現一點點黑斑咁,最後就慢慢擴散令銀器變黑了.

而人既汗亦含有少量既硫同酸性,所以當人體既酸性越高,令銀器變黑既機會亦會越高,但就唔會好似銅器咁產生綠色既物質而有機會引致皮膚敏感,所以配帶銀飾物係安全過配帶或含有銅既飾物哦.

如果大家想免費做一次皮膚分析,了解下自己既皮膚情況?歡迎用以下方式聯絡我們哦,另外我地中心亦為第一次光臨既顧客提供一次半價試做不同種類既皮膚治療,可在旁邊既連結登記哦:http://www.cleanskincare.com.hk/zh/trial.html


免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年3月9日 星期四

鈉是甚麼?對皮膚同身體有乜影響?

CLEAN BLOG:鈉是甚麼?對皮膚同身體有乜影響?

如果有注意營養標簽既朋友對“鈉”呢個礦物質成份應該唔陌生,幾乎大部份既食物同埋飲品包裝標簽都有呢個成份,但係鈉其實係咩黎?攝取過多對皮膚或身體有乜影響呢?

日常生活裡常用到既鹽係由40%既鈉同埋60%既氯(係元素一種)組成,即係每1g既鹽就含有0.40g既鈉成份,世界衞生組織(WHO)和聯合國糧食及農業組織(FAO)建議,健康成年人正常每日攝取量不應多於2g/2000mg鈉,其實亦即等於5g鹽(1茶匙).

市面上賣既大部份食品及飲品都經加工過,而呢一類製品既鈉含量一般都高,再加埋我地既現代速食文化極有可能每日都攝入過量既鈉,而攝入體內既鈉幾乎全部由腸胃吸收,然後再經由血液到腎臟,而鈉既排出主要途徑是通過腎臟,皮膚同埋消化道來完成,而皮膚對鈉既排泄主要係通過汗液,亦有少量隨著糞便排出,雖然我地既身體能夠將鈉排出,但如果攝取過多就會有以下情況:
  • 鹽以鈉離子和氯離子既形式存在於人體血液和體液中,作用係保持人體滲透壓,酸鹼平衡和水分平衡方面,但當吃鹽過多體內鈉離子會增加,就會導致面部細胞缺水,從而造成皮膚老化失去彈性和光澤,時間長了就會使皺紋增多.(簡單去理解就係鈉會令身體失去平衡,導致面部細胞缺水)
  • 吃鹽過多會産生口渴感覺,需要喝大量既水來緩解,從而導致身體浮腫,造成水腫疲倦感,仲會大大加重腎臟既負擔.
  • 當攝取過多既鹽胃中保護性黏液既黏度會降低,使胃壁既保護力下降,然後食物中既各種有害因素就容易進入胃壁,因而促進多種胃病既發生.
  • 當攝取過多鹽會增加罹患高血壓和心臟病等既心血管疾病風險.
為左皮膚同埋身體健康著想,建議大家降低攝入鹽量,係購買食品時多d留意鈉既含量,仔細閱讀產品包裝營養成分,多選擇含鈉量相對較低既加工產品,減少吃醃製品,少喝濃湯,少吃重味食物,公仔麵和罐頭產品哦~.

如果大家想免費做一次皮膚分析,了解下自己既皮膚情況?歡迎用以下方式聯絡我們哦,另外我地中心亦為第一次光臨既顧客提供一次半價試做不同種類既護膚療程,可在旁邊既連結登記哦:http://www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年3月7日 星期二

我地所食既食物會影響膚色嗎?

CLEAN BLOG:我地所食既食物會影響膚色嗎?

食物係我地身體每日所需既營養品,相信大家亦有聽過食某某食品會對身體有什麼好處,又或者食D咩對皮膚會好D...等等.但我地所食嘅食物會對膚色產生變化嗎?

每個人都會有自己既天然膚色,偏黑或偏白都係由每個人既DNA而決定的.但因受到種種既內在或外在因素而令皮膚既顏色起變化.

而食物會影響膚色嗎?答案係會既,因為如果進食含有高鹽份,反式脂肪,飽和脂肪等食品,身體肝臟功能會受影響,從而減慢新陳代謝,令黑色素累積係體內,最終會係皮膚上顯現,比如膚色暗啞,膚色不均勻,色斑等問題.

但如果想預防或改善以上問題,可進食多d帶抗氧化和維他命C和E既食物,另外亦要注意唔好係冇搽防曬既情況下受到紫外線既照射,又或多留意護膚或化妝品既成份,因為如果該護膚或化妝品含有高化學成份,咁會令皮膚受到刺激,產生黑色素,從而令膚色變深或出現色斑情況.

所以如果想皮膚靚靚,咁我地就要多d留意身體變化,無論從外至內都要好好照顧哦.

如果大家想免費做一次皮膚分析,了解下自己既色斑情況?歡迎用以下方式聯絡我們哦,另外我地中心亦為第一次光臨既顧客提供一次半價激光療程試做,可在旁邊既連結登記哦:http://www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.