2017年2月28日 星期二

身體點解會排放氣體嘅?(俗稱放屁)

CLEAN BLOG - 身體點解會排放氣體嘅?(俗稱放屁)

呢個話題其實都幾另類,哈哈哈,但一諗到點解會放,點解有時會有味而有時冇,同皮膚有冇關係等等問題之後,咁我就決定寫呢一篇啦,如果您同我都一樣對呢一個問題有好奇心,咁就快d閱讀落去啦!

其實我地排放既氣體主要來自:

  • 食野或飲野時既空氣
  • 消化系統內既發酵食物殘渣

而一般正常既情況下,我地所排放既氣體係唔會有氣味既,而每日排放6至20次係屬於正常,但點解有時會有味既?

其實主要原因係同進食既食物有關,當進食肉類或高蛋白質既食物時,消化系統內既細菌開始分解該食物時就會產生一種叫硫化氫既物質而影響所排放既氣味,而進食澱粉含量較高既食物就會影響排放量.即係話進食多肉類或高蛋白質就會增加氣味,而進食多澱粉質就會增加排放量.

但除左肉類或高蛋白質既食物,蒜頭,洋葱,豆類製品同韮菜等含刺激性既食物都會有影響哦.所以當大家發現d屁屁開始有味既時候就要注意飲食了,因為呢種係一個由身體發出既警號話比你聽消化系統開始處於負荷狀態,所以要停止再加重消化系統既負擔,相反就會造成便秘,係體內分泌毒素,造成肝臟負荷等等.

除此之外,皮膚亦因此而受到影響,因為肉類或豆類製品含有高嘌呤 (Purine) 成份,進食後會令體內既尿酸(Uric Acid) 升高,影響血液濃度,令血液偏酸,從而引起:

  • 皮膚免疫力下降,容易產生敏感
  • PH值上升,另皮膚油脂分泌失衡,容易滋生暗瘡
  • 血液變得黏稠,循環降慢,令黑色素難以排出體外,引起色斑問題
  • 等等。。。

其實我地既身體係好奇妙既,因為佢會透過唔同方式黎表達一d訊息比我地知,要我地留意,所以多d聆聽自己身體,注意健康哦~*^^*

2017年2月26日 星期日

一般保濕產品能滲入皮膚真皮層嗎?

CLEAN BLOG - 一般保濕產品能滲入皮膚真皮層嗎?

相信對於平時都會注重護膚既您.一般都唔會缺少保濕既步驟,但其實每日搽係面上既保濕產品到底能滲入皮膚有幾深呢,究竟有冇滲入到真皮層呢?同埋護膚品係皮膚上點樣為皮膚做保濕既呢?大家如有興趣可以一齊黎了解下啦.

皮膚由外至內同水份保持最密切關係既係皮膚表面頭三層(角質層、透明層、顆粒層).而一般護膚品既補水同保濕能力只會停留係表皮層,亦即只係為角質層補水同保濕,因為皮膚有自身屏障既保護下,水份基本上滲入唔到去真皮層,即使添加左各種保濕成分,比如話透明質酸/玻尿酸/B5/膠原蛋白/天然保濕因子/氨基酸等等,佢地既作用只限於係角質層.

保濕最主要既功能係保持表皮角質層有正常既含水量,皮膚角質層就好似一層海綿,海綿吸滿水時柔軟度就會增加,皮膚睇落好柔軟平滑而且帶有明亮感,仲可以加強皮膚既自身屏障功能,而角質代謝亦可以正常進行,但如果海綿一但乾的既話,不但會變得硬繃繃,睇落肌膚仲會好粗糙,容易感到乾燥同緊繃,暗沉無光,而且當角質層缺水時,角質細胞無法正常代謝,容易產生角質增厚及脫皮等現象,此時就容易出現皮膚炎/產生刺癢/疼痛/灼熱等既不適狀況,其實皮膚缺水時不但只整體膚質質素下降,而且老舊角質既代謝亦會異常,由此可知保濕對於皮膚既重要性.

總言之做保濕主要係增加皮膚吸收水份和减少蒸發水份:

當清潔皮膚後在未搽護膚品時,角質層既含水量會偏低,但搽左化妝水/爽膚水>保濕精華>乳液/面霜於皮膚上時,由於護膚品中帶有既保濕成份能保持角質層在短期內既含水量提升,所以我地需要用保濕護膚品來幫助保水、鎖水,在角質層表面形成一層油脂膜防止水分蒸發.

但要為皮膚既真皮層補濕令保濕能力更持久,咁就要借助護膚補濕既專業儀器(如高效注滲儀 / Electroporation moisturizing)來將營養液帶去基底層並為皮膚深層補濕保濕.

保濕提示:

  1. 但其實飲水先係補水既基礎,我地每日大約需要補充1.2至1.5公升既水先可以滿足身體既需要,維持皮膚既含水量,所以要隨身帶備水和按時飲水呀.
  2. 係乾燥既環境或者在冷氣房內會使皮膚失去過多水份,不妨係室內用空氣加濕器,使空氣濕度增加亦可以增加皮膚角質層既含水量.
  3. 紫外線照射可導致產生過量既自由基,表皮細胞加速老化,導致皮膚水分流失,破壞皮膚屏障結構,所以建議日間在皮膚補水後最好搽上防曬產品保護皮膚哦.

如果大家想了解自己既皮膚狀況,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既高效注滲保濕療程($375.00),可在旁邊既連結登記哦:www.cleanskincare.com.hk/zh/trial.html


免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年2月23日 星期四

黑眼圈是如何形成的?

CLEAN Blog -黑眼圈是如何形成的?

其實之前都有分享過類似既文章,但今次想再仔細d再清楚d分享比大家知黑眼圈是如何形成,希望能令大家對黑眼圈既形成,預防,消除等有更深既了解啦。

但開始前想提提大家,眼部周圍既皮膚只有約其他部位既5份1既厚度 (約0.3 ~0.5mm),所以要加倍好好保護和保養,相反好後生就有機會出現眼紋和黑眼圈哦。至於點解會出現黑眼圈?以下分享小小心得:

1-)睡眠不足:由於睡眠不足會影響血液循環,所以會令血液行得較慢,微絲血管受到阻塞,亦由於眼部皮膚較薄,所以當微絲血管一但阻塞就容易形成瘀血,導致顯現於眼部周圍變成黑眼圈。
  • 解決方法:足夠既休息,熱敷,輕微按摩來帶走阻塞住既瘀血,除了睡眠不足外,疲勞,煙酒等亦會影響哦。
2-)維他命C不足:缺乏維他命C會令血管壁變弱,當用手去揉眼睛時,有機會令微絲血管出血,形成瘀血,導致顯現於眼部周圍變成黑眼圈。
  • 解決方法:攝取足夠既維他命C,熱敷,輕微按摩來帶走阻塞住既瘀血。
3-) 色素沉澱:分別有先天性同後天性,先天性即眼部周邊黑色素較為活躍,任何刺激(如紫外線)都會較容易令眼部周邊顏色變得較為暗啞,而後天性係指眼部皮膚曾經發炎或受外來刺激而導致敏感(如化妝品)而刺激到周邊黑色素增生。
  • 解決方法:可進行眼部護理療程(如眼部射頻治療,眼部全方位護理等),將黑色素分解並排出體外。
4-) 炎症:如鼻竇炎,鼻子過敏症等。。。影響了周邊的血液循環,造成靜脈血流阻塞,血管擴張,所以會顯現較瘀紅既黑眼圈。
  • 解決方法:用葯物先控制炎症情況,之後可進行眼部護理療程(如磁力射頻眼部療程,眼部全方位護理等),舒緩周圍阻塞既血管,促進血液循環,幫助修復。
除了以上情況外,有時亦會因眼窩較深或顴骨和眉骨較突而造成黑眼圈既假像,但一般亞洲人(如香港,台灣等)較少有這種情況。

如果想了解更多有關眼部護理既資訊,可參考『眼部護理篇

另外如果大家有興趣想知多d有關我地既眼部療程既細節,歡迎用以下方式聯絡我們哦,另外我地中心亦為第一次光臨既顧客提供一次半價試做不同種類既眼部療程,可在旁邊既連結登記哦:http://www.cleanskincare.com.hk/zh/eye.html
  • Our website: www.cleanskincare.com.hk
  • Facebook: PM
  • Mail: info@cleanskincare.com.hk
  • Tel: 2628 3242
  • What's app: 9843 8821
  • We Chat: cleanskincare
  • Line: cleanskincare
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年2月21日 星期二

皮膚薄弱咗係咩意思?

CLEAN Blog - 皮膚薄弱咗係咩意思?

有時可能會聽到:d皮膚薄弱後會容易敏感,做激光會做到d皮膚薄弱左,要做多d補濕先可以修復d薄弱左既皮膚等等。。。但點先為之『皮膚薄弱』?薄弱係指皮膚薄左嗎?如果真係薄弱左,點先可以修復呢?

其實皮膚薄弱一般係指皮膚既防護能力或抵抗力下降,所以受傷害既風險會因此而增加,比如敏感,泛紅,乾燥,皮膚疾病(比如濕疹,疣),等等。。。

但有咩因素會令我地既皮膚變得薄弱呢?以下列出幾個較為普遍既原因:

  • 缺水:當水份流失過多時,皮膚角質同時亦無法正常代謝,導致失去保護機能,容易受外部侵害,引致細菌感染出現過敏徵狀
  • 過度去角質層:經常去角質,就等於一直削薄皮膚既防護屏障,咁做會令皮膚不能有效地鎖住水份,令皮膚更容易變得乾燥,另外仲會增加各種細菌感染既機會添(如暗瘡菌)
  • 經常生暗瘡:長期處於發炎狀態,令皮膚不能正常地進行新陳代謝,當水油不平衡,皮膚會容易滋生細菌
  • 化妝品或護膚品成份:如該產品含有高比例既化學成份而每日都在使用既情況下,咁成份會慢慢進入皮膚並造成皮膚既負荷,漸漸降低抵抗力和令膚質下降

另外『激光會做到d皮膚薄弱左?』其實係一個誤解既講法,正確黎講如果做激光過於頻密和選擇既能量過高,咁樣係會令皮膚變得較敏感缺水,但如果適時相隔每3-4星期進行做一次,用適合皮膚既能量,係適當和安全既情況下,激光既能量會刺激到真皮層內既膠原蛋白增生更多新既細胞,所以做激光護理可以令皮膚真皮層既厚度增加,當真皮層內有增生既膠原蛋白支撐住皮膚下,反而會收細左毛孔和減淡皺紋既情況,覺得面上飽滿左,所以進行激光療程係唔會做到d皮膚薄弱左哦。

皮膚係我地與所有物質接觸既第一層『器官』,所以要好好保護和保養哦!如果大家想免費做一次皮膚分析了解下自己既皮膚類型同狀況,歡迎用以下方式聯絡我們哦,另外我地中心亦為第一次光臨既顧客提供一次半價試做不同種類既護膚療程,可在旁邊既連結登記哦:http://www.cleanskincare.com.hk/zh/trial.html


2017年2月18日 星期六

點解我D暗瘡印會越來越黑?

CLEAN BLOG-點解我D暗瘡印會越來越黑?

最近多左d年輕人(其實我都係年輕人哦...呵呵)問:點解d暗瘡印會越黎越黑既?幾時先會退架?有d都留低左超過6個月都仲係好黑好深色,有時會用遮遐膏遮下,但有時又唔想化妝喎,當要見人見客時都會好尷尬,所以好想整走佢,試過用D美白既去印產品,但好似覺得有越黎越黑既情況,其實有暗瘡印應該要點處理好呢?

之前有解釋過有暗瘡印係因為之前當暗瘡發炎時造成了皮膚組織既破壞,刺激左皮膚既黑色素增加,而發炎後增加左既黑色素會沉澱跟住留低左深暗紅色或者啡黑既暗瘡印顏色,但呢D顏色點解會久久不散,而且有D仲會覺得有越黎越黑既情況呢?

一般既原因係因為護理不當或用錯方法,以下列出較常發生既情況,只要改變以下習慣就能有機會改善暗瘡印問題哦:

1. 夏天時會想曬多d太陽,曬下d暗瘡印,等脫皮後d色素就會減淡?

  • 誤解1:經紫外線反覆照射下,暗瘡印既顏色會增加再沉澱,所以脫皮後d色素不單只唔會減淡,反而仲會覺得有越黎越黑既情況.

2. 因為有暗瘡印所以會用好多去印和美白產品,但係就覺得d印有越黎越黑既情況?同埋皮膚變得好乾?

  • 誤解2:好多去印和美白產品既成份都係感光性(即係提高左皮膚對光既敏感度,令皮膚更易吸收多D紫外線)和多數都係化學合成物,所以如果一邊用去印和美白產品但另一邊係冇用防曬產品去保護皮膚免受紫外線入侵既情況下,咁暗瘡印既顏色會增加再沉澱,色素會加深和越黎越黑.另外因為美白產品既化學成份會帶走皮膚既水份,慢慢令皮膚越變越乾,皮膚在水份不足既情況下新陳代謝會減緩,進一步使色素難以分解.

3. 皮膚沒有護理沒有搽保濕產品,缺水或水油不平衡等等狀況.

  • 有暗瘡印其實要為皮膚搽上保濕產品,因為皮膚在水份增加下抵抗力會加強,會加速新陳代謝,暗瘡印都會得分解.

4. 每日有外出或有戶外活動時要搽上物理性防曬產品,出汗後要補搽.

  • 因為如果經紫外線反覆照射下,暗瘡印既顏色會增加再沉澱,另色素加深和難以分解.

如果想處理暗瘡印建議可以選擇做暗瘡印激光治療,治療是透過激光既能量去分解沉澱既色素,如果想了解多d如何能處理暗瘡印皮膚或免費做一次皮膚分析,歡迎用以下方式聯絡我們同事,另外我地中心亦為第一次光臨既顧客提供一次半價既暗瘡/暗瘡印激光療程試做,可在旁邊既連結了解更多和登記哦:www.cleanskincare.com.hk/zh/laser-a.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年2月14日 星期二

減少食肉類能延緩皮膚老化嗎?

CLEAN Blog - 減少食肉類能延緩皮膚老化嗎?

最近天氣凍返,朋友們紛紛都話要打邊爐,而一般都會食得較多肉類,比如肥牛,黑毛豬,丸類等等,但最近食多左肉類皮膚好似越來越差,好似老左幾年咁。。。係咪真係因為食肉多左而引起呢?

先撇開肉類對皮膚既影響,進食過多或過密肉類時,身體會難以分解,積聚係身體裡造成負荷,因為:
  • 需要較長既消化時間(約3到4個鐘)
  • 肉類食物既膳食纖維幾乎係零,所以難以令腸道蠕動,容易造成便秘
  • 難以排出體外,慢慢在體內分泌毒素,造成肝臟負荷
  • 等等。。。
至於點解會對皮膚造成負面影響?因為肉類含有高嘌呤 (Purine) 成份,進食後會令體內既尿酸(Uric Acid) 升高,影響血液濃度,令血液偏酸,從而引起:
  • 皮膚免疫力下降,容易產生敏感
  • PH值上升,另皮膚油脂分泌失衡,容易滋生暗瘡
  • 血液變得黏稠,循環降慢,令黑色素難以排出體外,引起色斑問題
  • 等等。。。
雖然和牛,黑毛豬等食品真係好吸引,但為左身體既健康著想同時能保持年輕美貌,從今日開始減少食肉,多食蔬菜水果啦!

如果大家想了解自己既皮膚狀況,歡迎用以下方式聯絡我們預約做一次免費既專業皮膚分析哦。 另外我地中心亦為第一次光臨既顧客提供不同的試做優惠如凹凸洞射頻,激光去斑 / 去暗瘡印,眼部療程等,可在旁邊連結登記哦http://www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年2月9日 星期四

食甜食真的會引發生暗瘡嗎?

CLEAN BLOG - 食甜食真的會引發生暗瘡嗎?

香港生活節奏快,大家多吃快餐,速食為主食,愛吃煎炸甜食等香口食物,又喜歡吃甜食如朱古力,雪糕,奶類產品,糖果及蛋糕等...小編我都係一個嗜甜者,冇甜不歡^_^,但身邊有朋友就話唔知係咪食得太多甜食所以搞到生左唔少暗瘡,所以身為嗜甜者既我,今篇就分享下食甜食會唔會引發生暗瘡啦。

近年有醫學界研究發現部份食物如甜食,奶類產品或其他食物有可能會導致暗瘡形成,以下係一d研究有關食物對暗瘡影響既資料:-

  • 奶類產品:由於呢類食品含有令暗瘡形成既脂肪,高脂肪會影響脂肪代謝速度及功能,影響免疫細胞功能,從而有可能引發皮膚表面既炎症如暗瘡問題
  • 甜食和香口煎炸食品:當攝入過高糖份和油份,會引致血糖上升使男性賀爾蒙分泌過多,刺激增加油脂分泌令毛孔堵塞引致生暗瘡.另外高血糖會引發體內化膿性細菌既滋生,從而誘發肌膚和暗瘡發炎,亦會減少皮膚和骨骼既結締組織,減少膠原纖維加速衰老,還會引發其他皮膚病症等

就以上資料甜食確實可以有機會令暗瘡滋生或惡化,但咁又唔代表唔可以食任何甜食,只要避免進食得過密同埋避免脂肪含量過高(如忌廉,牛油餡餅等)既甜點即可。

除左甜食會影響暗瘡既情況外,以下既食物亦會哦:

  • 動物性蛋白:動物性蛋白質因含過多飽和脂肪酸和膽固醇,所以有機會影響心臟,肝臟和腎臟機能,亦會導致身體毒素積聚而引致生暗瘡
  • 缺乏進食高纖維食品:引致便秘,令腸胃功能紊亂和毒素積聚引致生暗瘡
  • 飲水不足:少喝清水會出現乾燥,脫皮等現象,人體由許多細胞組成,每一個細胞每分每秒都在進行新陳代謝,代謝既廢物會溶在水裡,透過尿液排出體外,所以當沒有足夠既水分,代謝廢物就不能從身體內被徹底地排走,當毒素增加還會產生暗瘡或其他問題如:皮膚色素沉著,彈性減少等

最後提醒各位,過多一段時間就準備踏入又濕又熱既春夏季了,呢個季節係寇較易滋生「暗瘡」,大家可以注意少吃極甜,奶類及煎炸熱氣既食物哦,多吃蔬菜水果,多飲水,避免熬夜及休息不足,仲有就係唔好咁頻密洗面,因為咁會刺激暗瘡增加,所以建議一天洗面不多於兩次.

另外如想了解更多關於暗瘡皮膚既飲食,可以參考CLEAN BLOG-暗瘡皮膚-飲食攻略篇

如果想了解多d如何能改善暗瘡皮膚或免費做一次皮膚分析,歡迎用以下方式聯絡我們同事,另外我地中心亦為第一次光臨既顧客提供一次半價既暗瘡/暗瘡印激光療程試做,可在旁邊既連結了解更多和登記哦:www.cleanskincare.com.hk/zh/laser-a.html


免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年2月7日 星期二

拉筋的重要性!

CLEAN 運動 - 拉筋的重要性!

至從上年開始做多左運動比如跑步,打拳,跳舞等。。。就發覺做運動既人越黎越多,另外最近行山露營既人亦越黎越多。要孭住咁重既裝備如水,食物,露營用品等行上山,其實都要用到幾多肌肉同體力,而且如果對於唔係經常有做開運動既人(如一星期有2-3次),咁之後要回復肌肉既疲勞可能需要幾日既時間。

但係經過以上既運動後有冇發覺成身都好似梗晒咁,想彎腰又彎唔到,條頸又硬晒咁。。。其實係因為肌肉經過一定既運動量後就會收緊和收縮,就好似一條麻繩咁,越扭越緊咁,久而久之就會降低身體既靈活度,造成腰酸背痛。

所以每星期抽一至兩天做下d伸展運動可以:
  • 促進血液循環,改善或加快新陳代謝
  • 改善淋巴阻塞情況
  • 減低運動後既肌肉痛楚
  • 舒緩,預防或改善坐骨神經痛
  • 軟化過硬既肌肉,筋腱同埋關節
  • 預防疾病等等。。。
如果能夠參與瑜珈課程就更加好,因為可以從外到內都得到放鬆和平衡,另外做運動前進行適當既拉筋係可以降低運動時因過硬既筋肌而增加受傷既機會,但運動後既拉筋亦同樣重要哦,所以記住運動前後到拉一拉,減低對身體既負荷。

除左拉筋其實亦可以係屋企試下用瑜珈滾輪(Foam Roller),好處係只需要利用自身既重量就可以為深層肌肉按摩,舒緩肌肉痛楚,改善淋巴阻塞問題等。

身體對自己黎講實在太重要了,因為冇論日常活動,返公做事,遊樂玩耍,周遊列國等都要透過我地既身軀才能進行,所以多d愛錫自己身體,聆聽多d自己身體既需要,咁先可以無憂無慮做自己想做既事哦!小編我祝大家身體健康啦~~!!

免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年2月5日 星期日

為什麼面上有紅印?

CLEAN Blog - 為什麼面上有紅印?

之前分享過有關暗瘡印既起因,處理和治療方法等,而一般既暗瘡印都係深啡至淺黑色,原因係皮膚發炎時(成熟暗瘡),色素母細胞就會製造黑色素黎保護皮膚,發炎後呢d黑色素因為未能分解,所以就會沉澱而變成炎症後色素沉澱,亦即暗瘡印。

但暗瘡印除咗黑色亦有紅色哦,原因係當皮膚發炎時會令患處同周邊血管擴張而呈現紅色皮膚,但當患處退炎後,血管未能收縮,所以就會留下一個個紅色既印。

另一個原因係因為發炎既地方需要更多既血液來修復,所以會令患處血管增生,加速修復,但當患處退炎後,血管仍然且處於充血狀態,所以就會留下一個個紅色既印。

但以上情況一般會經過數月或以上才開始減淡或退去,但亦有個案係沒有減淡而一直存在或有機會轉變成炎症後色素沉澱,如果唔想因為d紅印而影響外觀或轉變成炎症後色素沉澱既話,可選擇進行激光療程來解決暗瘡紅印問題。

因為當激光既能量被血管內既紅血素吸收再轉為熱能後會收縮,凝固並選擇性地分解該患處既微絲血管,之後跟隨身體既新陳代謝並排出體外,回復原有膚色。

當然,如果在滋生暗瘡既初時能正確地處理(如發炎前有黑頭粉刺或暗粒就要先去處理,避免之後發炎而演變成暗瘡,或在發炎中避免使用含刺激性產品,如輕微狀況就可以搽消炎抗菌既暗瘡產品,較嚴重者可選擇進行暗瘡療程如激光或果酸或向醫生求診),咁就可以降低留下暗瘡印既機會啦。

如果大家想免費做一次皮膚分析,了解自己既皮膚狀況,歡迎用以下方式聯絡我們,另外我地中心亦為第一次光臨既顧客提供一次半價試做果酸換膚或暗瘡或暗瘡印皮膚激光療程體驗,可在旁邊既連結登記哦:http://www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年2月2日 星期四

什麼是橙皮紋?點樣可以令橙皮紋消失?

CLEAN Blog - 什麼是橙皮紋?點樣可以令橙皮紋消失?

上次分享:能夠令妊娠紋消失嗎(回顧請按此)解釋過妊娠紋和橙皮紋是屬於兩種唔同既問題,前者外觀是一條條銀白色好似疤痕既紋,而橙皮紋係當燈光照射下見到皮膚表面一舊舊凹凸不平咁,今篇就會分享點解有橙皮紋,有冇得預防同埋點可以消除橙皮紋. 

點解有橙皮紋?

橙皮紋(Cellulite)既情況係指皮膚會顯現凹凸不平,而通常會係大腿後上方或者臀部出現.而通常85%既女性都會有橙皮紋但男性就好少會有橙皮紋.

因為身體結構問題(如1.脂肪小葉:女性較大 / 男性較細,2.隔膜(septa):女性偏直 / 男性偏斜,等等...),所以女性較男性多會有橙皮紋情況.

雖然而家未有一個好確定既原因,但醫學研究顯示以下既因素會有機會產生橙皮紋狀況:
  • 新陳代謝
  • 生理
  • 飲食和運動習慣
  • 脂肪比例
  • 結締組織結構既突變
  • 細胞外基質
  • 遺傳因素
  • 等等... 
有冇得預防同埋點可以消除橙皮紋?

預防同解決方法暫時都未有一個好肯定而有經臨床報告顯示既方案,但以下方法可以減少皮下脂肪從而減輕凹凸既橙皮紋狀況:
  • 控制飲食,保持運動,控制脂肪比例
  • 定期做淋巴按摩,改善新陳代謝和血液循環
  • 激光溶脂
雖然透過以上方法可減輕橙皮紋狀況,但要留意當你成功減輕橙皮紋狀況後,要記得依然Keep住良好既飲食和生活習慣哦,咁先可以令身體和皮膚都健康強壯哦!

免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.