2017年1月26日 星期四

冇論做深層斑或淺層斑激光療程都會結痂嗎?

冇論做深層斑或淺層斑激光療程都會結痂嗎?

不時有顧客問道:做完激光去斑療程後會結焦嗎?或者:冇論做深層斑或淺層斑激光療程都會甩痂嗎?所以我想藉著呢個機會黎分享關於激光去斑後既概念同護理心得.

首先大家要注意既係激光去斑一般唔會結『焦』而係結『痂』,因為專業地去分別既話,結焦代表由血液形成硬塊既痂,而痂就會代表薄薄既痂皮,再進一步清晰去表達可以分成以下兩種:
  • 由纖維蛋白將血液凝固的硬塊(即皮膚擦傷或割損後的狀況)
  • 細胞殘骸和老化角質層薄膜(即淺層激光療程後的狀況)
但並唔係所有激光去斑療程都會結『痂』,一般其實只有淺層激光去斑療程才會令皮膚結『痂』,因為淺層激光去斑療程係利用532nm既激光波長將表皮層內既黑色素擊碎,再經過皮膚既新陳代謝結成『痂』並脫落.

而深層激光去斑療程係利用1064nm既激光波長將真皮層內既黑色素擊碎,再由我地體內既巨噬細胞吞噬並經新陳代謝慢慢排出體外.

所以簡單理解為淺層斑係一種在表層更新(結『痂』並脫落)而深層斑是在內裡底層更新(由巨噬細胞吞噬並經新陳代謝慢慢排出體外),所以前者會有『痂』脫落而後者冇.

如果你係進行淺層激光去斑療程而又想效果更加顯著,咁就要留意以下事項了:
  • 切勿用手將痂抓落,要確保痂自然脫落(面部大約會在3-10日左右內自然脫落)
  • 期間多做補濕護理讓新陳代謝更新
  • 期間記得不應用力過度,輕力揉面
但冇論進行完淺層或深層激光去斑療程都要記得必須出門前要搽上物理性既防曬霜和期間盡量減少戶外活動(如行山,游水等),因為療程後既皮膚會對光比較敏感,所以要好好保護才能夠令去斑既效果更明顯哦.

如果大家想免費做一次皮膚分析,了解下自己既色斑情況?歡迎用以下方式聯絡我們哦,另外我地中心亦為第一次光臨既顧客提供一次半價激光療程試做,可在旁邊既連結登記哦:http://www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年1月25日 星期三

點解生唇瘡既,同一般暗瘡有冇分別?

點解生唇瘡既,同一般暗瘡有冇分別?

大家有冇試過生唇瘡?生唇瘡都幾尷尬又影響外觀,最快都要1-2星期先好番,其實唇瘡係咩黎架?同生暗瘡一樣嗎?可以點樣避免?生過一次唇瘡之後會唔會經常再生?

唇瘡患處初期會有灼熱,痛楚,出水泡和潰瘍症狀,一般唇瘡大約1-2星期可自行痊癒,如果潰瘍處理不當會增加細菌感染既風險,建議去睇醫生服用藥物或用抗病毒藥膏使加快復原.

但要留意唇瘡同暗瘡係唔一樣既,唇瘡係由疱疹一型病毒(Herpes Simplex I virus)感染而引致,通常出現係嘴唇和鼻孔邊緣,而且唇瘡既分泌物含有具傳染性既病毒,可經由公眾場所傳播或感染.

另外生過一次唇瘡之後會唔會經常再生?答案係會!因為曾經生過唇瘡者,病毒會潛伏係身體內,當患者身體抵抗力下降和免疫力轉差時此病毒會再度活躍,再次造成感染,所以點解之後時不時都會再生.

而導致抵抗力下降和免疫力轉差既因素有:精神壓力大,過度疲勞,唔夠瞓,月經週期,曬太陽/紫外光燈,患感冒或有其他疾病,另外乾燥天氣皮膚容易爆拆有破損或有傷口,就以上種種都會增加感染既風險. 

CLEAN SKINCARE小TIPS - 患唇瘡期間要注意,避免和預防既事項:
  • 保持患處清潔及乾爽,以免受細菌感染.
  • 避免進食太熱,辛辣或堅硬既食物,以免刺激患處.
  • 避免用手碰觸患處,如有碰觸應立即洗手,以免身體其他部分,例如眼睛、性器官等因受病毒感染而引致角膜炎或其他皮膚病.
  • 避免與他人共用物品,包括食肆或公用毛巾、化妝品如唇膏等.
  • 增強身體的抵抗力,如有:足夠休息,均衡飲食,適量運動和保持愉快心情
  • 乾燥天氣時使用潤唇膏,避免嘴唇爆拆.
如果大家想了解自己既皮膚狀況,歡迎用以下方式聯絡我們預約做一次免費既專業皮膚分析哦。 另外我地中心亦為第一次光臨既顧客提供不同的試做優惠如凹凸洞射頻,激光去斑 / 去暗瘡印,眼部療程等,可在旁邊連結登記哦http://www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年1月23日 星期一

能夠令妊娠紋消失嗎?

CLEAN SKINCARE 小Tips - 能夠令妊娠紋消失嗎?

如果妳有生過BB或者望鏡時見到自己既大腿或者腰肚位置有一條條銀白色好似疤痕既紋,果d就係妊娠紋啦。但點解會有呢d紋既?

係分享之前,想提醒大家橙皮紋同妊娠紋係兩種唔同既問題,妊娠紋係一條條銀白色好似疤痕既紋,而橙皮紋係當燈光照射下見到皮膚表面一舊舊凹凸不平咁,但今篇我地先講解妊娠紋先。

妊娠紋又叫萎縮紋,主要因為皮膚底層既膠原纖維撕裂而引起既,而出現既原因有:
  1. 青春期發育過快,皮膚底層既膠原纖維產生速度慢過機體的發育速度
  2. 短期內過度肥胖,彈性纖維被撕斷
  3. 懷孕期間既身型變化
  4. 葯物刺激(如類固醇)
  5. 等等。。。
而現時有兩種可以減淡妊娠紋既方法: 

產品:
  • 市面上有唔同既產品說明可以減淡妊娠紋,但建議要多做資料搜集來確定其效果,因為妊娠紋屬於皮膚真皮層問題,可以完全進入真皮層既產品並不多,而且亦要好小心該產品既成份,因為如真能進入真皮層,咁我地既身體會將該產品既成份全部吸收,所以要多加留意。
療程:激光療程 / 射頻療程
  • 可視乎嚴重程度而選擇激光療程或射頻療程,但基本原理都係將能量 / 熱能帶入真皮層並刺激纖維母細胞增生真皮層膠原蛋白,在修復過程中細胞既機制下會大量製造骨膠原,從而將凹陷既皮膚(如凹凸洞或皺紋)承托起來,而射頻既技術係將熱能係皮膚組織內不斷運行直到熱力散去,所以令膠原蛋白細胞快速持續增生,令療程效果更快和更顯著. 
除了進行療程,另外亦要配合飲食習慣(避免進食太過油膩或加工化學成份既食品),做帶氧運動(促進新陳代謝,加快膠原纖維增生),做伸展運動(增加肌肉彈性)等等,咁就可以好快就回復靚靚既皮膚了。

如果大家想了解自己既皮膚狀況或想知道更多有關納米點陣式射頻療程,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次30% off既納米點陣式射頻療程試做www.cleanskincare.com.hk/zh/rf.html或一次半價既激光療程試做www.cleanskincare.com.hk/zh/trial.html哦:
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年1月19日 星期四

健康皮膚既酸鹼度?

CLEAN SKINCARE 小知識-健康皮膚既酸鹼度?

我地可能從網路上既文章或短片知道健康皮膚既酸鹼度應該維持係PH 5-6 之間,但其實皮膚既酸鹼度係d咩?日常護膚程序中要選用PH 5-6既產品嗎?我地皮膚如果係油性或乾性肌既酸鹼度會係幾多呢?

而皮膚既酸鹼度係同遺傳,用既產品和飲食習慣有關? 我地今次既分享就會為你講解:

PH值亦稱為酸鹼值或氫離子濃度指數,由丹麥生物化學家瑟倫索倫森係1909年提出既,通常係用黎衡量酸鹼程度既標準.

以下可見唔同膚質既酸鹼值同如何護理:

油性肌=偏鹼性(PH 6.5)
  • 皮膚既皮脂腺會分泌出汗水,而汗水中既乳酸同油脂融合後就變成皮脂膜,如果乳酸越多皮膚越會出油,咁皮膚就會變成油性肌,如果去到PH 7.5以上就好容易滋生細菌感染而發炎.
  • 肌膚狀況:容易出油,易滋生細菌,易生暗瘡,內乾外油,皮膚毛孔粗糙等.
乾性或敏感肌=偏酸性(PH 4.5)
  • 對於乾性或敏感肌,皮脂膜係天然既防護層,可以阻擋外來既細菌和黴菌等既入侵,但如果係皮脂膜不足下失去左防護層,水分會加快流失,又或經常用鹼性清潔產品(泛帶有泡沫性成份)去清洗皮膚,咁面部會因去除掉過多既皮脂膜和缺水下而感覺繃緊,令肌膚呈現鹼性狀態.
  • 肌膚狀況:皮膚偏乾,泛紅敏感,水分流失快,痕癢脫皮,易長出色斑,易長出乾紋皺紋等.
健康皮膚或中性肌=弱酸性(PH 5-6)
  • 弱酸性既肌膚有良好既抵抗力,去對抗外來細菌既傷害,新陳代謝維持正常,可以維繫皮膚良好既保護狀況和延緩衰老.
  • 肌膚狀況:水油平衡,不乾不油,富有彈性光澤,膚色均勻,膚質平滑等.
皮膚長期處於偏酸性或偏鹼性既狀況會使皮膚過早老化,出現各種皮膚問題,自我收復機能減退,所以要幫助皮膚回復到弱酸性會有益皮膚既健康:
  1. 第一部係留意用緊既清潔產品,現時大部份既清潔類產品,清潔力強破壞力強,多屬於鹼性配方係破壞皮脂膜既元兇之一,建議選用不含強鹼成份.
  2. 另外係日常護理時係需要為皮膚補充爽膚水、精華液、乳液、面霜、面膜等產品,令皮膚多一層人造皮脂膜,使肌膚回復到弱酸性既狀態.
  3. 又或者可以選擇定時做深層注滲保濕治療,使肌膚既基底層保持充足既水份,處於弱酸性狀況維持皮膚健康.
如果想了解多d關於保濕治療如何能幫助皮膚,歡迎用以下方式聯絡我們同事,另外我地中心亦為第一次光臨既顧客提供一次半價既高效注滲面部療程試做,可在旁邊既連結了解更多和登記哦:http://www.cleanskincare.com.hk/zh/trial.html 
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年1月17日 星期二

電池如何影響環境?

CLEAN 環保 - 電池如何影響環境?

日常生活中或多或少都會有需要用到電芯,比如鬧鐘,時鐘,玩具,搖控器等.而當電力用完後好自然就會掉落垃圾桶.而除了乾電池電芯外,仲有鋰電池(以鋰金屬或鋰合金為陽極材料做)如:手提電話,相機用的電池等

但唔好睇小一粒小小既電池,其實都會對環境產生好大影響,因為一般電池已含有對自然環境威脅最大既五種物質之三種:汞,鉛,鎘.

以下講解一下呢3種物質對環境做成有乜影響:

  • 汞:亦即水銀,屬於有毒既重金屬,影響植物苗同根既水份及養份吸收,降低葉綠素含量,抑制光合作用,另外對海洋生物會防礙嗅覺同味覺功能,而對人類更有致命既影響,如:過敏,記憶力衰退,神經系統受損同埋腎臟傷害等
  • 鉛:工業常用既原材料之一,對生物影響最大,會損害神經系統及腎臟,而且仲會妨礙身體製造血紅素(製造紅血球既物質),而除了電池含有鉛成份外,日常生活也會接觸到,比如食水,空氣,食物等.
  • 鎘:影響土地既細菌含量和繁殖,令土地缺乏營養,植物難以生長,而對人類既影響係骨骼脆弱,腎臟損傷,嘔同肚痾等.

相信各位對電池影響環境有更深一步既了解,而我亦相信大家都會作出回收既動作黎減少污染,但係咪所有電池都能夠回收呢?原來唔係,因為只有可充電池先可以作回收用途,所以建議大家用可充電池而唔再用即棄電池啦.

而香港有約600個回收站回收可充電池,可參考以下地點:

  • 7-ELEVEN (37間分店)
  • 中國移動香港 (所有分店)
  • 豐澤 (20間分店)
  • 港九小輪 (2個碼頭)
  • 英之傑香港集團
  • 皇冠汽車,英倫汽車,世譽汽車 (總公司、陳列室及維修中心)
  • 麥當勞 (所有餐廳 - 與餐廳職員聯絡)
  • 流動世界 (1間分店)
  • 港鐵公司 (87個車站及4個港鐵商場)
  • 實惠家居 (所有分店)
  • 香港小童群益會 (33個中心)
  • ThreeSixty (1間分店)
  • 屈臣氏 (20間分店)
  • 惠康超級市場 (4 間分店)
  • 聯辦公司的店舖

2017年1月13日 星期五

維他命C可以解決黑眼圈嗎?

CLEAN SKINCARE 小tips – 維他命C可以解決黑眼圈嗎?

相信大時大節既狂歡Party過後應該會有好多熊貓眼出現*^^*(其實就連我都唔例外(-_-lll)),所以而家就要黎個急救大行動!雖然有聽講過維他命C可以解決黑眼圈問題,但係咪真?點解?咁用搽既方法定係食既方法?

之前都分享過維他命C既功效比如有:

  1. 預防和消除色素沉澱.
  2. 令荷爾蒙既分泌平衡化,幫助暗瘡和粉刺減少.
  3. 幫助氨基酸合成膠原,防止形成皺紋及使肌膚帶有光澤.
  4. 幫助身體降低膽固醇,消除疲勞和增強免疫力.
  5. 增加免疫力,預防感冒,幫助排除體內有害物質和毒素等等功能.

而維他命C因為能有效中斷黑色素既形成,所以從而有效地令色斑,暗沉膚色和炎症後色素沉澱等問題得到舒緩.

但由於黑眼圈既形成主要因為眼部既血液循環受到阻塞或緩慢,所以係眼皮下積聚著瘀血和毒素而令該部位呈現瘀黑色,亦即黑眼圈.所以解決方法就要分解或將瘀血帶走.

維他命C雖然有助預防和舒緩黑色素形成,另外亦都有助促進新陳代謝,所以如果是輕微或想預防黑眼圈既形成,維他命C確實可以做到(進食或外搽),但如果想解決已形成既黑眼圈,建議進行眼部療程或可在家中進行眼部按摩.

而現時治療眼部既療程有:

  1. 眼部射頻治療:利用分段式射頻技術和SmartScan技術將能量平均分佈在機頭上前端並可將能量熱能滲透到皮膚深處,從而促進血液循環,疏通微血管,更能有效地撫平和緊緻眼袋.
  2. 磁力射頻眼部療程:增加眼部循環,減退眼腫和黑眼圈
  3. 眼部全方位護理療程:透過醫學認可及臨床實驗既眼部療程,可將超微細分子滲透入眼部皮膚底層,從而清除已累積既毒素,改善並解決黑眼圈問題.

最後亦分享一篇搽眼霜時既簡單眼部按摩比大家:http://clean-skincare.blogspot.hk/2015/07/blog-post_18.html

如果大家有興趣想知多d有關我地既眼部療程既細節,歡迎用以下方式聯絡我們哦,另外我地中心亦為第一次光臨既顧客提供一次半價試做不同種類既眼部療程,可在旁邊既連結登記哦:http://www.cleanskincare.com.hk/zh/eye.html


免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年1月10日 星期二

生暗瘡同毛囊蟲有關?


CLEAN SKINCARE 小知識-生暗瘡同毛囊蟲有關?

大家有冇發現有時係生暗瘡既位置生完好番一陣又有反覆再生既情況,如果呢D暗瘡長時間反覆發作,其中可能同毛囊蟲有關,毛囊蟲係咩黎架?會唔會傳炎?可以點避免呢?

我地皮膚表面本身存在有幾百種菌和病原微生物,作用係維護身體既平衡,而當中毛囊蟲就係屬於係皮膚上寄生蟲既一種.毛囊蟲(學名Demodex)又稱蠕形蹣或毛囊蟎,俗稱「蟎蟲」,而寄生於人類既有兩種,分別為毛囊蠕形蟎與皮脂腺蠕形蟎.

雖然聽個名好嚇人,但其實唔洗太過擔心,因為每個人既皮膚上都有機會有毛囊蟲,而毛囊蟲既大小約0.10 至0.40mm,肉眼係睇唔到,主要透過空氣,個人用品,手既接觸等等而黏附係皮膚表層既毛囊上,另外亦可經由皮膚接觸、共用毛巾,枕頭等方式傳染.一般較多寄生於油脂分泌較多既人士身上,通常會係面,頸,前胸,額頭,兩頰及鼻部等,而當面部既皮脂腺較發達時,毛囊蟲會依靠吞噬皮膚組織內既營養物質以獲得生存,但死後亦會跟隨新陳代謝脫落.

根據美國一項研究推算,當地約25%既人口都帶有毛囊蟲,多數位於頭髮或暗瘡內找到,牠本身對人體無害,但因其繁殖速度好快,大約3-4日孵卵一次,約 7日成蟲,壽命長達數星期,所以如果毛囊蟲數量越多,感染暗瘡機會越大,因為毛囊蟲多匿藏在毛囊內,而當毛囊蟲進入毛孔大肆破壞就會出現暗瘡,另外如毛囊蟲既數量集中在一處,可能有機會令毛囊變大,使毛孔變得更明顯.

其實面上既粉刺,面頰兩邊既暗瘡,鼻和下巴既黑頭粉刺,又或者面部有膿既暗瘡都有可能係毛囊蟲在作怪,呢種毛囊蟲暗瘡又稱毛囊蟲皮炎,如果放置唔處理就會惡化,有機會令暗瘡範圍擴散,所以要及早進行醫學用既果酸治療黎改善暗瘡問題,因為果酸可以迅速滲入皮膚,有效地消炎殺菌,平衡油脂分泌,達到減輕皮膚紅腫和發炎情況,從而有效地改善暗瘡問題,另外應注意以下事項黎避免毛囊蟲既滋生:
  • 平日應該選用溫和既護膚產品,洗面時不應使用太油性太滋潤既洗面用品,但同時亦唔可以用刺激性既泡沫洗面產品,以免令皮膚太乾反而刺激油脂分泌.
  • 化粧後必須要徹底卸粧,不要殘留化粧品令毛孔阻塞.
  • 調節內分泌要保持作息定時,遇上壓力要懂得紓緩,多做運動.
  • 飲食方面,應避免高脂、高糖份及奶類食物.
  • 控油補水:補充肌膚所需既水分,有效調節皮膚水油平衡.
  • 衣物,枕頭被套和毛巾要定期清洗更換.
如果想了解多d果酸治療如何能改善暗瘡皮膚或免費做一次皮膚分析,歡迎用以下方式聯絡我們同事,另外我地中心亦為第一次光臨既顧客提供一次半價既果酸療程或激光療程試做,可在旁邊既連結了解更多和登記哦:http://www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年1月6日 星期五

額頭生瘡關頭髮事?



CLEAN SKINCARE 小tips - 額頭生瘡關頭髮事?

近來身邊既朋友越來越多改剪瀏海髮型,聽髮型師話瀏海唔單只可以修飾臉型,而且仲可以幫助整體髮型面形輪廓更加突出,不過唔知係咪因為咁所以令到額頭出咗好多暗瘡.

但其實頭髮係咪真係會令到暗瘡生多左呢?如果唔係,又點解會剪完瀏海髮型後好似生多左暗瘡呢?...

其實頭髮當然唔會直接令到皮膚出現生暗瘡問題啦,不過就可能會受到間接既影響而導致額頭生瘡,比如:
  • 皮膚如果屬於油性既話,一般都較容易生暗瘡.原因係油性既皮膚本身油脂分泌較旺盛,過多既油脂堵塞毛孔,引發生暗瘡既機會較大.然後當空氣中既灰塵同細菌沾到頭髮上再加上面部既油脂,咁就會引起細菌滋生而變成暗瘡.
  • 經常用手撥動頭髮,手中既細菌和油脂帶到頭髮上,再經頭髮轉到額頭既皮膚中而產生暗瘡.
  • 汗水較多造成皮膚和頭髮之間既細菌溫床,令毛孔堵塞,所以形成暗瘡. 
其實由於香港天氣大部份時間較為潮濕,細菌容易滋生,所以無論用係皮膚或頭髮上既產品都要注意成份,唔好用太多含有化學成份或太過滋潤既產品,而有暗瘡既位置就唔好經常用手觸碰,因為手指有細菌會有機會令暗瘡惡化哦.
如果想整個新髮型但有擔心會影響皮膚,咁建議大家:
  1. 如發現自己汗水多或皮膚偏油性,最好盡量避免將頭髮沾到皮膚上,可以選擇將頭髮紮起或夾起,應該保持皮膚和頭髮乾淨和乾爽度.
  2. 護髮素應該只搽係頭髮既髮尾上而避免搽到頭皮上,而且記得要徹底沖洗乾淨,唔好留低係頭髮或背部上,以免護髮素既殘留成份阻塞毛孔,引致暗瘡問題.
  3. 保持頭髮潔淨,避免使用太多造型產品,如當日有使用任何造型產品,當晚應清潔乾淨,避免讓街上所沾染既塵埃和細菌帶到面部而滋生暗瘡.
  4. 建議定期做一D幫助皮膚平衡油脂既護理,減低油脂堵塞毛孔既情況.
如果大家想了解自己既皮膚狀況或想做一次皮膚分析並諮詢皮膚顧問既意見,歡迎用以下方式聯絡我們預約做一次免費皮膚分析哦,另外我地中心亦為第一次光臨既顧客提供一次半價試做暗瘡和暗瘡印激光療程,可在旁邊既連結登記哦:http://www.cleanskincare.com.hk/zh/Promotion-2016.html
(*)免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人士諮詢

2017年1月2日 星期一

頸,背脊同身體其他部位好多印,可以點整走?

CLEAN SKINCARE 小知識 - 頸,背脊同身體其他部位好多印,可以點整走?

部份朋友可能當時由於夏天出汗較多或油脂分泌較多既情況下,令到頸,背脊同身體其他部位生左唔少暗瘡,需然而家氣溫冇咁高而減少左出汗同油脂分泌,所以生暗瘡既情況減少左,但就留低左唔少暗瘡印。

其實令到身體上會生暗瘡既原因通常有以下幾種:

  • 背部既毛髮比起面部會較粗,所以容易令皮脂堵塞於毛孔,然後形成暗瘡。
  • 如果本身較為容易出汗和大汗,而出左汗又唔經常擦拭,汗液會導致細菌繁殖,令暗瘡滋生蔓延。
  • 經常穿著如人造纖維或尼龍等既不透氣物料衣服,都會激發暗瘡生長。
  • 使用刺激性強沐浴露或洗澡時太用力,都會令暗瘡情況加劇嚴重。 有些沐浴露,護髮素既滋潤成份會堵塞毛孔,清洗得不夠乾淨都會容易形成暗瘡。

但要留意冬天盡量唔好搽太油膩既潤膚膏或者容易阻塞毛孔成份既產品(如石油副產品),如果皮膚真係好乾,建議早上出門前只搽薄薄一層,之後晚上再搽,因為如果早上搽太多之後著衫d潤膚膏會一直黐住係衣服上並會和汗水混合一齊,咁d細菌就會一直同油脂,汗水,潤膚膏混埋一齊,令到毛孔阻塞最後滋生暗瘡然後就容易留低暗瘡印。

點可以點整走d暗瘡印?

之前既文章都有提及過暗瘡印其實係「炎症後色素沉澱」,等同色斑一樣,所以現時最有效既治療有兩種:

  1. 暗瘡印激光療程:原理係透過激光能量,聚焦一點治療係暗瘡印位置,將已沉澱係皮膚底層既黑色素擊碎,最後經過新陳代謝排出體外,而該暗瘡印位置亦會慢慢回復原有膚色。
  2. 果酸換膚:利用果酸既酸性加速皮膚更新周期和新陳代謝,如果暗瘡印既黑色素係較面層既話,咁就可以有效地將黑色素連著皮膚更新時既痂一同脫落,而且果酸能有效地治療暗粒同暗瘡哦。

其實要避免遺留暗瘡印係皮膚上就要多留意護膚產品成份,個人衛生習慣,控制飲食習慣,保持健康飲食,避免進食油炸或刺激性食物(如麻辣火鍋,味精食物等),定期做運動,加速新陳代謝。

如果大家想了解自己既皮膚狀況,或想做一次皮膚分析並諮詢皮膚顧問既意見,歡迎用以下方式聯絡我們預約做一次免費皮膚分析哦,另外我地中心亦為第一次光臨既顧客提供一次半價試做暗瘡印激光療程,可在旁邊既連結登記哦:http://www.cleanskincare.com.hk/zh/Promotion-2016.html

(*)免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人士諮詢