2017年10月17日 星期二

CLEAN食玩行之食:百香果的好處

CLEAN食玩行之食:百香果的好處

最近愛上食一種水果,聞起黎唔只有種酸酸甜甜既感覺,而食落仲會散發出好多種唔同水果既濃郁香味,而食完後整個人都變得好開心,好滿足~哈哈~講到咁誇張,大家係咪好想知係咩呢~~就係『百香果』英文名:Passionfruit ^^ 

百香果又稱為「巴西果」或「熱情果」,因為原產地於巴西,屬於西番蓮科(Passiflora,屬蔓性植物),熱情果D葉有三枚深裂片,而且葉色深綠,當中有白紫色既花,當花中既雌蕊授粉後,熱情果會係花中生長出黎,而該花朵就會消失而變成熱情果啦。 

熱情果既30至40%都係果汁,加埋酸酸甜甜咁,超開胃!而且果香更含有好多種唔同生果既香味添,比如香蕉,橙,檸檬,菠蘿等等,所以好多人都叫百香果

熱情果除左超香同好食外,其實營養亦非常豐富,因為熱情果含有:
  • 豐富既膳食纖維,促進腸胃道蠕動,改善便秘,宿便問題
  • 維他命A(比木瓜高4倍左右),身體自己唔識合成,一定要從食物攝取,有效預防乾眼病
  • 維他命C:對免疫力,皮膚,膠原合成都好有幫助
  • 另外仲有鉀,鈣,鐵等營養素
而食法好簡單就已經好好味,例如混合果醬搽麵包,放入冇糖原味乳酪一齊食等。。。而我最常既製作方法一定係果汁,將一個百香果,切開,再用匙羹將果肉刮入攪拌機再加埋您中意既蔬菜水果咁就完成一杯又香又好味既果汁哦,而果汁最好就係早上空肚飲用,因為咁有助身體更易吸收當中既營養價值哦.

如果大家想了解自己現在既皮膚狀況(如皮膚底層色素分佈等),歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既療程試做激光療程,可在旁邊既連結登記哦:www.cleanskincare.com.hk/zh/trial.htm
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年10月11日 星期三

玫瑰糠疹和玫瑰疹是一樣嗎?

CLEAN Blog - 玫瑰糠疹和玫瑰疹是一樣嗎?

唔知大家會唔有聽過以下對話呢:
  • A:我阿b出左d玫瑰疹啊,紅色一達達咁
  • B:我家姐近黎都出左啊
但其實以上既對話並唔完整,因為玫瑰疹通常係6個月至兩歲內既嬰兒先會發作,而成年人係指玫瑰糠疹(Pityriasis rosea),以下等我分享下呢兩種疹既分別啦

玫瑰疹(Roseola infantum)

屬於過濾性病毒既一種(叫過濾性病毒係因為病毒既大小能通過體內最小孔徑既過濾器),一般病情都唔會嚴重,病發既歲數通常係6個月至2歲大既小孩

  • 初期:發高燒(39至40℃),有機會帶輕微既流鼻水,肚痛,咳嗽等。
  • 中期:三四日後會開始退燒,但身體開始出現一粒粒既紅疹,唔係突面既,一般唔痛唔痕,但就會佈滿全身如頭,手腳,肚,背等。
  • 尾聲:兩三日後紅疹會開始散去。

玫瑰糠疹(Pityriasis rosea)

一般係小年或成年人(10至35歲)會病發既皮疹,暫時未有研究報告指出病發原因,亦暫時未有預防方法,但病發率大概只有3%,而且只會出一次,病發後就唔會再發,一般維持數星期至數月不等。

  • 初期:些許感冒症狀,如疲倦,冇力等
  • 中期:出現橢圓形既紅色皮疹,輕度至中度痕癢,如果留心d睇就會發現出疹既部位會好似聖誕樹咁(就好似一個向上既箭嘴咁)
  • 尾聲:數星期至數月後會自行散去,但某部份人就會留低一d印

所以最容易分辯既方法就係歲數,小孩就係叫玫瑰疹,小年或成年人就叫玫瑰糠疹,而d印同濕疹或暗瘡印類似,都係由炎後色素沉澱而引起(類似暗瘡印),解決方法就有d自己過一段時間就會慢慢被皮膚吸收並經過新陳代謝排出體外,但有d就一直唔散,仲會黑左(想知點解可參考:點解我D暗瘡印會越來越黑?),咁呢種就要做激光療程將沉澱既色素擊碎了。

如果大家想了解自己現在既皮膚狀況(如皮膚底層色素分佈等),歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既療程試做激光療程,可在旁邊既連結登記哦:www.cleanskincare.com.hk/zh/trial.htm

免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年10月10日 星期二

宿便同皮膚差有冇關係?

CLEAN BLOG - 宿便同皮膚差有冇關係?

大部份都市人平時既飲食習慣都係食肉多過食菜,而飲食唔均衡既情況下會容易導致便祕或宿便情況哦,但有宿便皮膚係咪就會變差?咁對皮膚會有咩影響?

宿便是黏附係腸道既老舊廢物,唔輕易排出體外,而且更會產生有害既毒素影響身體皮膚。首先便秘會令自律神經功能變差(自律神經系統係控制體內各器官既系統功能),然後皮膚既血液循環跟住都變差,如果長時間有便秘情況,咁係腸中腐敗既糞便和宿便就會增加,令壞菌大增而產生有害物質,而呢d有害物質和毒素會導致人體既免疫力減弱,身體會容易感覺疲倦,然後藉由血液循環影響皮膚,使營養無法充分吸收,皮膚會產生以下狀況。 

皮膚容易敏感
  • 因為肉類含有高嘌呤 (Purine) 成份,進食後會令體內既尿酸(Uric Acid) 升高,影響血液濃度,令血液偏酸,從而引起皮膚免疫力下降,容易產生敏感。 
肌膚失去光澤,出現色斑
  • 宿便堆積使毒素在腸道反覆吸收,身體內部既新陳代謝速度變得紊亂和遲緩,影響內分泌失調,從而有機會令黑色素增加。 
生暗瘡
  • 由於肉類含有飽和脂肪,而一般係街外既餐廳都唔會將呢d脂肪切除,所以我地通常會一拼進食,之後身體吸收過多既油份而導致油脂分泌旺盛,最後令皮膚既水油失衡,令毛孔被油脂阻塞,經過氧化同細菌感染後就變成暗瘡了。 
皮膚變黑,暗沉
  • 當宿便一直儲存係體內,咁d有害物質就會係身體內遊走,影響身體既循環系統,形成口臭,皮膚暗啞(因不能正常更新而造成角質層過厚)等。
其實要排走宿便並唔難,分享一個大家都容易做到既排走宿便方法,就係早上起身後空肚飲500 mL暖水,目的係溫暖腸道,促進循環及增加代謝,刺激腸胃蠕動,可以有助清除宿便又可以防止便秘,提升排毒器官既機能,一齊排走毒素啦。

如果大家想了解自己現在既皮膚狀況(如含水量,皮膚底層色素分佈等),歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價或七折既療程試做,可在旁邊既連結登記哦:www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年10月6日 星期五

加速衰老的食物(壞脂肪)

CLEAN Blog - 加速衰老的食物(壞脂肪)

現時既飲食模式已慢慢偏向健康飲食,有機飲食,甚至『食生』等等,相信係因為大家都了解到身體會吸收每日所食既食物,冇論好與壞都會吸收,當然身體遇到壞物質時係會過濾,但同時亦等於已經對身體構成負擔,當到一個極限後,身體就會開始將剩下既物質(好與壞)亦都一拼吸收,最後因吸收過多壞物質,咁就會開始係身體反映出黎話俾我地知『要開始注意健康了』,而其中最能明顯見到呢種反應既器官就係『皮膚』,比如膚色變得暗沉,乾燥,出現細紋,鬆弛,暗瘡和色斑問題等等。

而一般最常見既壞物質之一就係壞脂肪,而壞亦有兩種之分,所以今篇會講講壞既脂肪分別,來源,同埋壞脂肪對身體同皮膚構成咩影響。

壞脂肪有兩種:
  • 飽和脂肪(saturated fat):
主要係來自動物既油脂比如皮層(雞皮,豬皮),牛油,豬油,雞油等,另外一d合成調味料如忌廉,起酥油等。飽和脂肪被認為唔健康既原因係因為研究顯示會增加體內壞膽固醇(低密度脂蛋白膽固醇(low density lipoprotein cholesterol 簡稱LDL-cholesterol),令身體患上心血管疾病和種風既機會上升。但亦有研究顯示飽和脂肪同心血管疾病等問題並沒有直接既關係,所以小篇在此認為飽和脂肪屬於較唔好既脂肪,因為增加左LDL同埋會令身體較易肥胖,但由於飽和脂肪亦屬於天然脂肪,而身體亦需要脂肪提供能量,所以適量攝取還是可以的(每日既總脂肪攝取量低於10%)
  • 反式脂肪( Trans Fat):
大部份既反式脂肪都會在加工既食物裹可以搵到如薯片,餅乾,蛋糕,速食麵等等,因為要做到唔易變壞狀態穩定,可以儲存得較耐,亦可以降低成本,造出既零食口感較爽,冇咁油同肥膩,但由於反式脂肪會增加體內既壞膽固醇同埋令身體患上心血管疾病和種風既機會上升,另外肝臟係代謝唔到反式脂肪,所以當反式脂肪係身體慢慢累積既時候,咁就會影響我地既血脂同肝脂既指數,令身體患病既風險增加。

其實影響我地身體同皮膚既主要壞脂肪係反式脂肪,對身體既影響有以上了解,而對皮膚既影響有以下:
  • 令皮膚既油脂分泌失衡,容易滋生暗瘡外,仲會產生自由基,之後造成骨膠原和彈性纖維流失,令皮膚變得鬆弛脆弱,最後令皮膚加速衰老
  • 令細胞膜變硬,使皮膚水份,代謝能力同營養吸收能力變差,令皮膚變得乾燥,暗啞,鬆弛而加速衰老。
  • 間接影響荷爾蒙運作,令皮膚出現色斑,暗瘡等問題增加。
所以我地除左要留意護膚同化妝產品既成份外,食物成份亦同樣重要,如果想靚得健康,咁就要食得健康!大家一齊努力啦!

如果大家想了解自己現在既皮膚狀況(如含水量,皮膚底層色素分佈等),歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既高效面部注滲保濕療程($375.00),可在旁邊既連結登記哦:www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年10月3日 星期二

激光療程會令皮膚生瘡嗎?

CLEAN Blog - 激光療程會令皮膚生瘡嗎?

可能夏天大家都曬多咗,所以最近多左顧客做激光去斑療程,想快D整走D斑同埋想皮膚變番白滑D,但有時我地d顧客或一d未做過激光既顧客會問:做激光療程後會令皮膚生瘡嗎?

其實激光既功能除左去斑外,仲可以去暗瘡,原理係激光既能量可以係唔造成傷害既情況下透過皮膚表層將能量帶到底層為皮膚殺菌消炎,令暗瘡患處快D凋謝同得到治療。

但確實有個別既個案係在進行完激光療程後1-2天內會有生油脂粒既情況發生,原因係激光既能量熱力會令皮膚水份流失,令皮膚含水量降低,造成水油失衡,皮膚就會開始增加更多油脂分泌黎保護皮膚,咁就會造成油脂過剩,形成暗粒(即閉合性粉刺)或出現油脂粒既情況,另外如果再加上與空氣細菌接觸後就有機會造成毛囊發炎變成暗瘡。

所以如果想避免以上情況發生,建議療程前一日係屋企敷一次補濕面膜,提高皮膚含水量,或在進行完激光療程後用上補濕產品,另外如果想皮膚有深層補濕,可以係激光療程後配合做高效注滲面部護理療程,有效增加皮膚底層含水量和有利激光療程既效果哦。

如果想知點樣令皮膚水份充足,可參考我地Blog既保濕護理篇(保濕護理篇連結),如果大家想了解自己現在既皮膚狀況(如含水量,皮膚底層色素分佈等),歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既療程試做(激光,補濕等療程),可在旁邊既連結登記哦:www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年9月27日 星期三

暗瘡如有膿頭,擠定唔擠?

CLEAN BLOG - 暗瘡如有膿頭,擠定唔擠?

有生暗瘡既朋友應該對今次既題目好有共鳴,某部份人見到有暗瘡就更係擠左佢,有膿無膿都想整走佢啦,咁礙眼.而另外有部份人覺得擠完隔離會又生,又或者擠完就留印留疤等,咁究竟擠唔擠好?

暗瘡有膿無膿都係唔建議自己擠,因為好多時自己唔識控制力度而擠壓暗瘡位置,但因為用力過度而令該位置皮膚組織受破壞,另外如果係未經消毒去擠壓暗瘡,再加埋手指甲縫既細菌,咁樣會令傷口細菌感染增加令表皮發炎,而且擠時亦冇注意傷口或工具既消毒及後續護理,之後傷口就會繼續惡化,重復地和附近皮膚既細菌交叉感染,令發炎既程度加劇,最後就會產生色素沉澱,暗瘡印久久不散,傷口會留下明顯既暗瘡疤(凹凸洞)或 / 和暗瘡印,所以如果面部生多左暗瘡,建議透過專業人員黎做分析,再經由消毒過,無菌既工具和有技巧黎進行療程和護理等,又或者可以選擇進行暗瘡果酸治療或暗瘡激光治療去處理.大家記得要忍忍手唔好自己亂咁擠暗瘡啦.
 
最後分享減少生暗瘡既注意事項:
  • 每日早晚使用溫和中性洗面乳(PH 5.5),搽保濕產品.
  • 避免熬夜,減少吸菸飲酒
  • 多飲水,多進食新鮮蔬菜水果
  • 清淡飲食,少吃煎炸油膩食物
  • 避免飲牛奶,少吃甜食
  • 可使用局部消炎藥物於暗瘡位置
  • 可選擇做暗瘡果酸或暗瘡激光治療
如果想了解多d關於激光療程或果酸換膚療程,歡迎用以下方式聯絡我們,另外我們亦為第一次光臨既顧客提供一次半價療程試做優惠,可在旁邊既連結了解更多哦:www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年9月26日 星期二

割傷後留有一達好似暗瘡印既黑印,點解同整得走嘛?

CLEAN Blog - 割傷後留有一達好似暗瘡印既黑印,點解同整得走嘛?

大家有冇曾經試過當唔小心割傷後,會出現一達好似暗瘡印既黑印?而且通常需要一段較長既時間先會見到開始淺色,但呢種黑印到底點解會出現呢?同埋有方法加快整走嗎?

其實呢種割傷後而留低既黑印係炎症後色素沉澱既一種,同暗瘡印類似,形成既過程係因為當身體既組織結構受到傷害後(例如:刀傷,手術傷口),係恢復既過程中持續發炎,受感染,缺乏護理等都有機會形成呢種黑印哦.

咁其實係咪每次發炎就會產生呢種黑印?

唔一定,其實發炎本身只係一種人體既防禦自然反應,出現紅腫等情況係因為血漿同白血球湧去傷口處抵抗細菌入侵同做修復,所以先會有發炎既反應,之後慢慢就會停止發炎而進入纖維增生期及疤痕重塑期,除非傷口斷斷續續發炎一段長既時間(如1個月或以上)或割得好深先會較大機會出現炎症後色素沉澱哦,所以當割傷後,記得要好好護理,比如消毒,換膠布,結焦時要搽d潤膚產品黎保護傷口同加快復原等.

但如果真係形成黑印了,咁整得走嘛?

可以既,一般發炎後色素沈澱會隨著時間慢慢淡化,但如果當中受到外來既刺激如紫外線,重化學或刺激性既護膚或化妝產品等,咁黑印就難以淡化或更有可能變得更深色哦.所以要多留意自己用緊既產品成份同埋記得搽防曬哦.但如果真係想加快回復原有既膚色,咁可以選擇進行激光療程或果酸換膚療程,將皮膚底層既沉澱色素擊碎或分解去還原膚色,如果想了解多d關於激光療程或果酸換膚療程,歡迎用以下方式聯絡我們,另外我們亦為第一次光臨既顧客提供一次半價療程試做優惠,可在旁邊既連結了解更多哦:www.cleanskincare.com.hk/zh/trial.html 
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年9月21日 星期四

面上既汗和油應該用印走既方式定抹走既方式較好?

CLEAN Blog - 面上既汗和油應該用印走既方式定抹走既方式較好?

最近天氣多變,又受風球影響,令到市區溫度濕度一直高企,但最慘係塊面係咁出油,搞到d妝成日唔貼,經常要補妝,有d朋友仲嚴重到係呢斷時間生多左暗瘡添。

一般如果發覺到開始油光滿面時都會立即用紙巾去捽或抹既方式去清潔,而有部份人就會選擇用吸油紙(或面油紙)印乾面上既油脂。甚至有部份人(男士較多)會入洗手間用清水洗。

但應該用印走既方式定抹走既方式較好,我會建議用輕印既方式,因為用抹既方式會有機會令皮膚變得鬆弛,就如不斷捽眼會令周邊既膠原纖維受損而令細紋增多,所以如果用擦或抹既方式會有機會令皮膚鬆弛,毛孔擴大等。

但如果用印既方式亦建議唔好用吸油紙(或面油紙),因為面上出油既原因係皮膚水份唔夠,所以造成水油失衡,令致皮膚要分泌油脂黎保護皮膚,所以如果徹底咁將油份印走或洗走但又冇為皮膚補水,咁出油既情況就會持續或出較多既油份,所以用一般既紙巾黎輕輕咁印走皮膚上既多餘油脂即可。

其實如果想解決面部經常油脂分泌出現過多既問題,首先就要令皮膚水份充足,之後就要盡量鎖住水份,咁面部油脂過剩既問題就可以得到解決啦。

如果想知點樣令皮膚水份充足,可參考我地Blog既保濕護理篇(保濕護理篇連結),如果大家想了解自己現在既皮膚狀況(如含水量,皮膚底層色素分佈等),歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既高效面部注滲保濕療程($375.00),可在旁邊既連結登記哦:www.cleanskincare.com.hk/zh/trial.html 
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年9月19日 星期二

撞傷後點解會黑色一達? 咩係瘀血?

CLEAN Blog: 撞傷後點解會黑色一達? 咩係瘀血?

大家應該都有試過撞傷後皮膚留下瘀血,一般瘀青停留係皮膚既時間大約4至8星期左右然後就會自然消退,但其實瘀血係點形成,有時會發覺患處會慢慢變色,咁唔同顏色既瘀血呈現係代表咩情況,瘀血形成後有乜嘢要注意?要搽跌打酒或去瘀膏?

瘀血既形成:

因為意外撞傷最常見,當受到撞擊傷害時,受創組織包括皮下脂肪,微絲血管,小靜脈及小動脈等會因外力過大造成斷裂,嚴重時連肌肉同神經都會受傷害,如皮膚表面冇破裂就會出現常見既皮下瘀血(亦即我地常講既『瘀左』)。

另外除左撞擊外,患有心血管病既患者所服用既藥物如薄血藥,阿士匹靈等都會影響血小板凝固功能,另患者會較一般人容易出現瘀血。

唔同顏色既瘀血呈現係代表:
  • 紅色:受到撞擊後既頭幾分鐘會出現紅色瘀血,代表帶有鐵質和氧氣既血液正從你受傷既血管流入患處。
  • 青色:受到撞擊過左幾個小時後會轉變成青色,因為血液中既氧氣開始流失。
  • 藍紫色:藍紫色瘀血和青色瘀血好相似,通常係受傷3至4日後就會轉變成藍紫色。受傷得越嚴重瘀血既顏色就越深,甚至有可能出現黑色,係呢個階段血液正在快速製造紅血球送到患處而呈現既顏色。
  • 綠色:之後再過多幾日,瘀血就會變成綠色,由於紅血球係破裂後會產生血紅蛋白,身體在復原階段中,會將血紅蛋白轉變成新物質,所以會係皮膚上產生新既顏色。
  • 黃色:係復原既最後階段,大部分既血紅蛋白已經被分解完畢,並製造出膽紅素黎回復原來膚色。
瘀傷要注意既事項:
  • 冰敷:用冰毛巾或冰袋敷係患處上,可以減低腫脹和疼痛既不適,1日可以敷數次,每次約10-20分鐘。
  • 抬高患處:要減輕患處附近既腫脹可以將患處抬到高於心臟之上,可將腳放係枕頭或椅子上。
  • 受傷兩天后熱敷:在受傷48小時內避免飲酒和令患處遇熱,但係等過左2-3日後確定腫脹消失後,就可以開始進行熱敷。通常一日內可熱敷數次,每次10-20分鐘,咁樣可以幫助患處既血液循環加快復原。
  • 包裹患處:如果可以開始稍微動動患處,幫助該部位恢復彈性,可使用彈性包帶包裹患處,但不要包得太緊,否則可能導致患處再度腫脹。
但如果該患處係受到嚴重傷害或數天仍覺得痛楚,咁建議盡快向專業醫生求診,避免令患處惡化哦。

2017年9月6日 星期三

屁股點解會生瘡?

CLEAN Blog - 屁股點解會生瘡?

今篇講既話題可能有小小尷尬,但我覺得pat pat生瘡(非痔瘡)係每個人都會試過,部份人更可能生瘡既次數比較頻密,造成日常生活既困擾,比如坐下時會感到痛楚或穿一d較緊既褲時會感到痛楚,而呢d瘡好多時都係較硬身同大粒,其實係咪都屬於暗瘡既一種呢?

係,如用醫學角度黎講,冇論暗瘡,石頭瘡,膿頭瘡等都叫做毛囊炎,主要係因為毛囊受到細菌同黴菌既感染導致發炎,而pat pat瘡亦係一樣。雖然面部既毛孔好多時候因為化妝品既刺激,油脂分泌過剩,空氣既污染等令毛囊發炎,但點解Pat Pat位置都會發炎既?

主要原因係因為我地製造左一個環境俾細菌同黴菌滋生同繁殖,比如:
  • 著過緊或過厚既衣褲,令皮膚同汗水一直黐住,經過一整日咁就較容易滋生同繁殖細菌同黴菌。
  • 經常坐住,令該部位一直焗住,製造了一個溫床比細菌同黴菌慢慢滋生同繁殖。
  • 衣物或床鋪既潔淨度。
  • 個人衛生等等。
除左以上情況會令Pat Pat生瘡外,其實有另一無可避免既原因會令毛囊發炎,學名叫:鬚部假性毛囊炎(pseudofolliculitis barbae),亦即毛髮倒生,男性既機會較大,因為男性既毛髮生長會較女性旺盛。

而要預防既話,建議:
  • 避免穿著過緊或過厚既衣服,保持通爽。
  • 坐住一段時間起一起身,拍一拍patpat,整理一下褲子,順便伸展一下。
  • 如果汗水較旺盛,可多帶一條內褲作替換。
  • 衣物切記要係一個乾爽既地方涼乾,避免潮濕環境滋生細菌。
  • 洗澡時多擦擦Patpat位置。
最後,冇論係面上或身體其他部位有生瘡既話,記住唔好大力唧哦,因為除左會整傷皮膚外,留下暗瘡印既機會亦會較大哦,如果大家想了解自己現在既皮膚狀況或做一次免費皮膚分析,歡迎用以下方式聯絡我們同事,另外我地中心亦為第一次光臨既顧客提供一次半價既暗瘡或暗瘡印激光療程試做哦,可在旁邊既連結了解更多和登記哦:www.cleanskincare.com.hk/zh/laser-a.html 
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

鼻側兩邊有d似雞皮粒既嘢係乜黎?

CLEAN Blog - 鼻側兩邊有d似雞皮粒既嘢係乜黎?

有時係額頭,鼻邊,兩頰,下巴都會出現d凹凸不平又粗糙既粒粒,但又唔係暗瘡,呢d粒粒係咩黎架?點解會有既?要點樣處理?

呢d粒粒睇起黎白色突起有大有細,有d可以擠出一粒黃白色米粒形狀既顆粒,有d如果太大力擠仲會見到有血水,但就冇好似暗瘡咁有d膿或者脂肪粒咁,其實呢d係閉口粉刺.

粉刺分為開口和閉口兩種:

開口粉刺
  1. 黑頭白頭粉刺,毛孔開口較大,容易和空氣發生氧化反應形成黑頭.
閉口粉刺
  1. 毛孔開口較細,粉刺會關係裡面,唔容易排出黎,表面粗糙凹凸不平.
  2. 閉合粉刺同暗瘡唔同,通常一個範圍內有好多細細粒出現. 
閉口粉刺係點樣形成?

主要係因為老化角質堆積-->油脂堵塞毛孔-->導致皮脂無辦法順利排出-->所以皮膚表面形成突起閉口粉刺,以下係一d較常見引起閉口粉刺既原因.
  • 有化妝和搽防曬習慣,但卸妝唔夠乾淨會導致有閉口粉刺.
  • 角質層過厚,油脂分泌過多會引起生閉口粉刺.
  • 飲食習慣和情緒會影響內分泌失調,體內激素異常都會引起生閉口粉刺.
  • 唔注意補水,皮膚處於乾燥狀況使代謝減慢,皮脂冇法排出.
如果唔及時治療閉口粉刺會點呢?
  • 放置耐左唔理既話,油脂漸漸令毛孔撐大,之後毛孔大就會容易產生氧化反應,然後就變成開口既黑頭粉刺.
  • 皮脂中有痤瘡桿菌然後形成暗瘡.
點樣預防長出閉口粉刺?
  • 注意皮膚清潔乾淨,要徹底卸妝.
  • 定期去角質,防止角質層過厚.
  • 給肌膚做好補水補濕護理,保持水油平衡.
  • 避免用營養高或較油膩既護膚品堵塞毛孔.
  • 平常要搽物理性防曬,避免紫外線導致炎症情況加劇.
  • 選擇用天然溫和既護膚品.
如果大家想免費做一次皮膚分析,睇下自己既肌齡和皮膚狀態,歡迎用以下方式聯絡我們哦,另外我地中心亦為第一次光臨既顧客提供一次半價試做不同種類既護膚療程和激光去班試做哦,可在旁邊既連結登記:http://www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

經常食零食會加速皮膚衰老嗎?

CLEAN Blog:經常食零食會加速皮膚衰老嗎?

平時一向貪靚既女士們經常會想盡一切唔同既方法,防止自己出現皮膚老化等問題,例如:定期會做下d運動,食一d抗衰老既保養食物,避免捱夜...等等.但如果你係一個中意煲韓劇或者經常工作時習慣性地一路做野就一路食野既話,咁你會發覺你既身邊總會有零食既存在,但係如果習慣經常食零食既話,咁會唔會加速皮膚衰老呢?

其實市面上既零食,例如:糖果,餅乾,薯片,百力滋,魚肉腸,肉乾等...裏含既糖,鈉,化學調味劑,化學增味製,色素等都含量偏高,呢類所有加工過既食物都會令我地既皮膚加速皮膚衰老,點解?大家睇下以下既零食背後製作同成份就會明白:
  • 糖: 當攝取過多既糖時而身體又未能分解到,咁就會產生一種叫糖化終產物既物質,簡單理解就係糖與蛋白質既合成品,經過一連串既反應後就會產生一d不可還原既物質,而呢d物質係會改變,影響及破壞身體其他蛋白質既正常功能,包括皮膚既膠原蛋白,所以攝取過多既糖就會令皮膚失去膠原,皮膚亦會失去支撐,導致老化跡象如:出現鬆弛、皺紋、毛孔粗大等情況.
  • 油炸過既零食(如薯條/薯片):一般呢類既油炸零食都係用左一d叫氫化油(hydrogenated oils)黎炸,因為
  1. 唔易變壞,可以儲存得較耐,有效降低成本
  2. 熔點較高,狀態穩定
  3. 造出既零食口感較爽,冇咁油同肥膩,口感更好
但呢種油含既飽和脂肪同反式脂肪較高,呢類既脂肪除左會令皮膚既油脂分泌失衡,容易滋生暗瘡外,仲會產生自由基,之後造成骨膠原和彈性纖維流失,令皮膚變得鬆弛脆弱,最後令皮膚加速衰老.

  • 加工食物(如即食魚肉腸/乾肉類):在肉類既保存過程中,用咗大量既磷,防腐劑,調味劑,增味製等,呢類既成份會令我地皮膚加速老化既原因有:
  1. 扯乾皮膚含水量,減低飽滿度,出現細紋,令皮膚出現老化跡象
  2. 產生自由基,造成骨膠原和彈性纖維流失,令皮膚變得鬆弛脆弱,加速衰老
  3. 容易引起炎症(如皮膚敏感,濕診等),增加皮膚負荷和傷害,加速皮膚老化等...
其實雖然零食真係好吸引,又好味又多款式,但食得多既代價係增加身體既負荷同影響健康,仲要令我地一直保養緊既皮膚加速老化,所以建議大家都係少食(或戒掉)為妙,保持健康年輕同防止皮膚衰老先係最重要!

如果大家想免費做一次皮膚分析,睇下自己既肌齡和皮膚狀態,歡迎用以下方式聯絡我們哦,另外我地中心亦為第一次光臨既顧客提供一次半價試做不同種類既護膚療程和激光去班試做哦,可在旁邊既連結登記:http://www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.


2017年9月3日 星期日

『食清』能夠令身體和皮膚都健康d嗎?

CLEAN Blog:『食清』能夠令身體和皮膚都健康d嗎?

『食清d啦,唔好食得咁濃味啦』,『噚晚食得太heavy,今日要食清d先』,『最近皮膚好似差左,都係食返清d先』。。。相信大家都可能有講過或聽過以上對話,我估因為大家都認為食得清淡d,身體和皮膚各方面都會好d,咁到底『食清』能夠令身體和皮膚都健康d嗎?點樣又為之『食清』呢?今篇就分享下小小心得啦。

『食清』係咩意思呢?

其實『食清』既意思係進食一d對身體唔會構成負擔或傷害既食物,等身體可以係短時間內進行消化,吸收並排出。因為當食物停留係身體越耐,咁就會係食道內發酵或腐壞,產生自由基,毒素等等,如果係化學加工既食物,咁仲會慢慢地降低身體機能,引起唔同既大小毛病。

邊d食物會造成負擔?

  • 肉類,動物內臟,動物油脂,高油高糖高鹽既食品,加工食品如:香腸,即食麵,經過調味既包裝食品(如意大利麵或飯,加工過既咖哩磚等),薯片或其他零食,醬類等。
邊d食物唔會造成負擔?

  • 蔬菜,水果,天然調味料(如:胡椒粒,天然香料,香草等),榖類麥類等等。

以上造成身體負擔既食物主要係因為需要較長既時間去消化,變得難以令腸道蠕動會容易造成便秘,難以排出體外,令身體製造更多毒素積聚,而且呢類既食物多數係屬於酸性,咁身體酸性過高就會令身體機能下降,皮膚急速老化,失去彈性和光澤,另外因吸取過多飽和脂肪或油份而令身體油脂過剩,從而引起滋生暗瘡暗粒等問題。。。

相反,蔬果有天然既抗炎同埋抗氧化功能,而且不含任何飽和脂肪又含大量纖維,加速體內消化,令身體吸收更多既營養,增強免疫力.

另外蔬菜水果中含有好多既營養物質如:維他命C,B,胡蘿蔔素等.但經過高溫煮食後導致本來既營養物質流失,所以建議生食黎保留住蔬菜水果既營養哦~

總括黎講『食清D』對我地身體功能幫助有咁多,增強各方面既免疫能力,所以為左自己既身體和皮膚都可以更加健康,咁就大家都快d一齊開始『食清d』啦~

如果大家想免費做一次皮膚分析,睇下自己既肌齡和皮膚狀態,歡迎用以下方式聯絡我們哦,另外我地中心亦為第一次光臨既顧客提供一次半價試做不同種類既護膚療程和激光去班試做哦,可在旁邊既連結登記:http://www.cleanskincare.com.hk/zh/trial.html


免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年8月31日 星期四

十大抗衰老食物

CLEAN BLOG - 十大抗衰老食物

之前分享過一篇『酸性食物對身體既影響?』http://clean-skincare.blogspot.hk/2017/07/blog-post_9.html有提及到『身體會完完全全吸收我地每日進食既食物,冇論好與壞都會一概吸收』,所以如果想皮膚健康D個樣睇落年輕D,咁就要進食多D抗衰老食物啦.

其實抗氧化既意思係停止或減慢細胞氧化,因為當皮膚受到氧化後會增加體內既自由基,而當自由基不斷生產到影響體內既自由基平衡,咁就會產生一連串既連鎖反應,比如細胞慢慢死亡或變異,之後造成骨膠原和彈性纖維流失,使皮膚變得鬆弛脆弱,之後皮膚就會提早衰老.

所以今篇分享十大抗衰老食物比大家作參考啦:

1. 橙紅色蔬果(維他命A)

  • 維他命A常見於橙紅色既食物中,而主要食物來源包括,番薯,南瓜,甘筍,橙椒,黃椒,芒果及杏莆等橙紅色蔬果。
  • 維他命A既前驅物質是Β-胡蘿蔔素,兩者都具有抗氧化功能,如防癌,抗老化及維持免疫系統既正常運作等功效。另外維他命A尤其對眼睛既保健起了好大作用,有助形成眼睛視網膜中既視紫素,可抵抗視力衰退,維持正常視力。

2. 堅果類食物(維他命E)

  • 在絕大部分既堅果類食物中都可以找到維他命E,如芝麻,核桃,果仁,花生及杏仁等,而由植物種子提煉既植物油中亦可攝取到,另外五穀類食物如糙米及麥皮等亦有豐富維他命E。
  • 維他命E係一種強力既抗氧化劑,主要保護皮膚,防止老化,保持青春活力。堅果類食物同時含有不飽和脂肪酸,有助降低血脂及膽固醇,維持免疫系統正常運作及擴張血管,以預防血管栓塞,保護心臟血管健康。但由於果仁類含有高脂肪,如攝取過量會致肥,應該注意食量。

3. 藍莓

  • 藍莓中富含花青素,它可以防止膠原蛋白分解,這種蛋白主要集中在肌膚,關節以及血管中,負責爲大腦輸送養分,並保持肌膚既彈性,一旦這種蛋白分解人體就會漸漸衰老,因此在抗氧化能力上,花青素要比維他命E強50多倍。莓類水果還富含β胡蘿蔔素以及維他命C,而這兩種成分是抗氧化物裏最爲醫學界所肯定既物質。

4. 綠葉蔬菜

  • 25歲之後,大腦會每10年以2%既速度遞減萎縮。一項研究顯示,每天吃兩份以上既蔬菜(尤其是綠葉蔬菜,綠葉蔬菜如菠菜和羽衣甘藍),可以使人既注意力年輕5歲。
  • 而當中綠菜花含有黃酮醇,它具有增強體質和防癌既作用。有大學研究人員對34,000名女性進行調查研究後證實,綠菜花所含既黃酮醇能好好地保護心臟,並降低心肌梗塞既發病率15%-20%。此外,每日食用200克水果和蔬菜(約相當於兩個蘋果和一份蔬菜)既女性,其患心肌梗塞既風險亦能降低60%。所以綠菜花係好好既保健蔬菜,它既可防癌,又可整腸,又有减肥作用,有相當高既營養價值哦。

5. 綠茶

  • 綠茶有助於延緩衰老,茶多酚具有很強既抗氧化性和生理活性,是人體自由基既清除劑。研究證明1毫克茶多酚清除對人體有害既過量自由基既效能相當於9微克超氧化物歧化酶,大大高於其它同類物質。茶多酚有阻斷脂質過氧化反應,清除活性酶既作用。
  • 據日本試驗結果,證實茶多酚既抗衰老效果要比維他命E強18倍。抹茶含有豐富既抗氧化劑,含量更是綠茶既10倍,能夠幫助抗炎,抗氧化和防衰老。

6. 胡蘿卜(又稱紅蘿白)

  • 胡蘿卜被譽為「皮膚食品」,因為胡蘿卜富含維他命A和胡蘿卜素。
  • 維他命A可使頭髮保持光澤,皮膚細膩,仲能潤澤肌膚添。而胡蘿卜素可清除致人衰老既自由基。
  • 另外,胡蘿卜所含既B族維他命和維他命C等招牌營養素也有滋潤皮膚,抗衰老既作用。

7. 魚肉

  • 魚肉能提供大量蛋白質,對肌膚既彈力纖維構成能起到很好既強化作用,有效地保護肌膚,緩解皺紋,尤其對壓力,睡眠不足等精神因素導致既早期皺紋,有奇特既緩解功效。

8. 牛油果

  • 牛油果素有"森林黃油"之稱,係屬於營養價值很高既水果,它富含抗衰老營養素,如維他命C,E,D和歐米茄-3脂肪酸,維他命E能對抗衰老,防治色斑,提高皮膚彈性哦。

9. 蜂蜜

  • 據美國既一項研究發現,深色既蜂蜜係人體細胞最好既捍衛士,因為它含有豐富既抗氧化作用且能保護細胞既物質,呢種物質對淨化血液大有好處,仲能預防心腦血管系統既疾病,所以購買時儘量選擇深顏色既蜂蜜哦。
  • 另外蜂蜜含有豐富既碳水化合物,冬天進行戶外跑步鍛煉時,吃一勺蜂蜜,能幫助鍛煉者有效地維持血糖水準。

10. 大蒜

  • 大蒜含有200多種有益身體健康既物質,有抗氧化,防衰老既特性,大蒜含有既物質除蛋白質,維他命E,維他命C及鈣,鐵,硒等元素,仲有最受人們關注既係能增強人體免疫力既S-烯丙基-半胱氨酸(S-allyl-cysteine,簡稱SAC)以及極具殺菌力既大蒜素。

如果大家想免費做一次皮膚分析,睇下自己既肌齡和皮膚狀態,歡迎用以下方式聯絡我們哦,另外我地中心亦為第一次光臨既顧客提供一次半價試做不同種類既護膚療程和激光去班試做哦,可係旁邊既連結登記:http://www.cleanskincare.com.hk/zh/trial.html

2017年8月27日 星期日

飲牛奶和生瘡有關嗎?

CLEAN Blog - 飲牛奶和生瘡有關嗎?

細細個媽咪就灌輸飲多d牛奶就可以健康d,又可以補鈣同皮膚都會白滑d,但自從約2年前左右就已經冇飲牛奶了,改左飲植物奶(其實係將豆或堅果磨成粉末再沖水),點解?

其實最初係因為身邊有朋友轉左食素,所以戒牛奶,但過左一段時間後,本來不斷生瘡既佢話自從戒左牛奶後有好轉到,所以就開始做下資料搜集。

發現有某d國家會打荷爾蒙或一d激素黎刺激隻牛牛製造多d乳汁,咁又係,乳汁係黎自生完寶寶後先會有,但點可能不斷生寶寶,就算不斷生,但牛寶寶又要飲,農場又要搾,咁牛媽媽點可能有咁多乳汁呀,所以會打荷爾蒙或激素黎刺激牛媽媽,令乳汁量大大增加(聽到都為牛媽媽感到攰)。

所以或多或少來自該乳牛既奶亦會含有某份量既外來荷爾蒙或激素,如果我地每日都吸取該物質,咁係會擾亂我地自身既荷爾蒙,從而增加油脂分泌,增加毛孔閉塞既機會導致滋生暗瘡。

雖然而家已經有好多國家都禁止使用外來荷爾蒙或激素黎刺激牛隻(如台灣,美國,歐洲,紐西蘭等),但動物既乳液裡含有脂肪,所以亦會從而增加體內既含脂量,另外如每日都要生產奶水,該牛隻既乳房亦會發炎,所以一般會喂食抗生素黎醫治,直到好返才繼續『工作』。

牛奶雖然從小到大都『被灌輸』係好有營養,每日一定要飲,但了解左生產牛奶既背後工作,大家就會了解到:

  • 牛隻需要被關在一個地方不斷地『生產』乳汁,由每日既數十磅增加到百磅不等,所以係不斷受壓力既情況下牛隻所『生產』既乳汁有可能會較高酸性,有病菌和細菌等
  • 乳汁含有抗生素或激素既風險
  • 增加體內既含脂量等等

既然有以上等等既風險,而又要牛牛不斷受壓下工作,咁點解唔試下改飲植物奶呢?營養指數唔會比牛奶低,而且更健康更環保添!所以大家都一齊試下改飲植物奶啦。

如果想了解多d如何能改善暗瘡皮膚或做一次免費皮膚分析,歡迎用以下方式聯絡我們同事,另外我地中心亦為第一次光臨既顧客提供一次半價既暗瘡激光療程試做哦,可在旁邊既連結了解更多和登記哦:www.cleanskincare.com.hk/zh/laser-a.html


免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年8月26日 星期六

漆黑既環境真的可以更熟睡?

CLEAN Blog:漆黑既環境真的可以更熟睡?

在日常生活中,我地可能會受到工作壓力,緊張步伐或各種瑣碎事而影響睡眠質素,導致隔天變得精神唔夠而影響了當日既表現或心情,所以要保持良好既身體休息狀態就要有足夠既睡眠和良好既睡眠質素好重要哦,想改善其實有一個方法好簡單,就係改善睡眠環境既光線。

首先最初入睡階段既心率,血壓同埋呼吸頻率會逐漸下降,使全身既肌肉鬆弛下去。經過約90分鐘後,進入第2個階段令身體既感覺功能再減慢一些,眼球的轉動較少,視覺,聽覺,嗅覺,觸覺及味覺五種感覺功能關閉,記憶功能暫停,血壓下降,脈搏減慢。

其實身體一種叫『松果體』既分泌腺體,而呢D松果體細胞係負責製造內分泌荷爾蒙稱為『褪黑激素-melatonin』,係一種調節生物鐘既激素,所以要擁有一個好既睡眠質素就要先令『褪黑激素』正常咁分泌。

由於呢種褪黑激素係由視網膜到松果體中的松果體細胞製造的,而光暗既規律會影響褪黑素的製造,因為褪黑激素既分泌係黑暗的情況下先會分泌較為最多,反而光猛既情況下會抑制褪黑激素既分泌,即使只係微弱既光線都同樣會受到影響,所以一般晚間中段分泌較為多,反而到晚間後段和直至到天亮既時候,分泌就會因為環境光線影響而慢慢會開始減少,就好似我地既生理時鐘一樣。

所以如果要令身體係睡覺時能夠製造足夠既褪黑激素,就必須在漆黑既環境中睡覺,減少我地既眼球接觸到光線,防止褪黑激素被抑制住,身體先可以容易去到深層熟睡哦。

如果大家想提升睡眠質素,建議睡前做以下事情就有助提升睡眠質素哦:

  • 漆黑環境中睡眠

將室內環境調到最黑,比如將全屋燈光關掉,遮住所有窗戶來避免外面光線透入,手機調至睡眠模式

  • 放鬆心情

避免睡前:進食刺激或濃味食物 / 飲品,玩刺激遊戲或睇刺激電影(如恐怖片,追蹤片等)

  • 放鬆繃緊肌肉
聆聽柔和既純音樂,做簡單既伸展動作,有助放鬆肌肉和心情

免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年8月16日 星期三

最常見護膚品中既化學物

CLEAN Blog - 最常見護膚品中既化學物

我地每日用係面上既產品由洗面到面霜到防曬再到化妝品,一早一晚共用到既產品加起嚟隨時多過6種,而每款產品中所加入既成份都唔一樣,當中有害既成份加起嚟對皮膚和身體所造成既慢性傷害絕對唔可以睇小

皮膚科醫生認為產品中既防腐劑和化學物係導致皮膚產生問題既源頭,另外亦有研究顯示,長期使用含防腐劑成分既產品,會令皮膚細胞加速老化和令皮膚變得脆弱.最常見既反應係:出現乾燥,甩皮,角質變厚,痕癢,泛紅,刺痛,暗瘡,發炎和過敏等症狀.但大部分人既皮膚並唔會即時產生以上狀況,反而係用左一段時間後,當化學成份慢慢累積和滲透,皮膚就會出現狀況,所以一般都未能及早察覺自己所用既護膚品其實已經對皮膚造成慢性傷害.

以下係一啲常見既防腐劑和其他化學物,呢D成份會對皮膚造成不同既傷害和影響,大家要多留意呀:

防腐劑

Parabens/羥基苯甲酸酯類
  • MethylParaben,Ethylparaben,PropylParaben等…
  • 係實驗中發現其具有微弱既動情素(雌激素),現已禁止在歐洲使用,有影嚮心血管疾病,身體免疫系統,血液,皮膚,大腦,神經系統,還損害DNA和其它毒性效應下而引起哮喘和致癌物質.
Formaldehyde/ 甲醛類
  • 如Quaternium-15,Imidazolidinyl Urea,Diazolidinyl Urea,DMDM,DMDM Hydantoin等…
  • 作用係釋放有毒甲醛嚟做殺菌效果,如長期使用可能引起皮膚過敏,加速皮膚衰老,對健康既影響有嗅覺異常,刺激,肺功能,肝功能,免疫功能異常等,現時已被世衛組織確定為致癌和致畸形物質.長期接觸低劑量甲醛,都可引起慢性呼吸道疾病,鼻咽癌,結腸癌,腦瘤,月經紊亂,細胞核基因突變等等情況.

  • 香港消委會曾測試過市面約30款粉底液,發現最少有6款被驗出含鉛,成份作用係加強產品既美白功效,雖然產品既含鉛指數沒有超量,但積少成多,當毒素累積下就會影響神經系統,血液,肝臟及腎臟,經皮膚進入體內後,亦能由母體傳至胎兒,對胎兒長遠健康構成威脅.
香料/Fragrance
  • 人造香料係好多人既致敏原,暫時只有歐盟化妝品條例要求在產品包裝上作相關標示,主要協助有皮膚敏感問題既消費者作適當選擇,敏感皮膚一但接觸人造香料會造成皮膚炎症.
酒精/Alcohol
  • 如:SD Alcohol,Benzyl Alcohol,Ethanol,Ethyl Alcohol,Methanol,Isopropyl Alcohol,Alcohol Denat,Isopropanol等…
  • 如果長期使用含有酒精成分既產品,會容易讓皮膚水分蒸發變成乾燥肌,失去光澤變得暗啞,尤其對暗瘡發炎皮膚會造成刺激敏感,使傷口難以收復,酒精在護膚品中既主要作用係改善觸感黏膩,作溶劑幫助某些成份溶入產品,滲入皮膚表面.
化學起泡劑
  • 如:Sodium Laureth Sulfate,Sodium Lauryl Ether Sulphate
  • 作用係起泡及去油但具刺激性,常使用於強力清潔用品中,會令角質層既保濕物質流失,保水能力降低產生乾噪,同時讓表皮細胞剝落脫皮,使角質層喪失作用讓水份流失,無法抵抗異物入侵,最後會傷害到肌膚基底層細胞,導致敏感出現濕疹,粉刺,皮膚炎,癬類情況.
防腐劑同化學物有好多不同種類,大家係買產品前要停一停,睇一睇,了解清楚成份係咪真係無相關防腐化學物,就算產品宣傳寫明「不含防腐劑」都要反轉後面睇清楚產品標籤上成份,要特別留意無以上啲成份先好選購,大家都一齊做個精明又健康既消費者啦^^

如果大家想了解自己現在既皮膚狀況,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既療程試做,可選擇既療程比如有:激光療程,果酸換膚療程,眼部療程等等...可在旁邊既連了解並結登記哦:www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年8月12日 星期六

點解皮膚缺水時毛孔會變得粗大?


CLEAN Blog -點解皮膚缺水時毛孔會變得粗大?

夏天咁熱,當然唔想化太濃既妝啦,薄薄地舒服d,感覺都冇咁焗啦,除此之外防曬功夫亦要做得好,但好多時候會缺乏左為皮膚補濕,以為冬天天氣乾燥d所以要多補濕,但夏天亦都唔可以忽視哦,因為夏天雖然冇冬天咁乾燥,但係:
  • 公司或商場既冷氣往往會開得較大,令室內空氣濕度降低,帶走皮膚既水份
  • 夏天溫度較高,令出汗情況加劇
  • 猛烈既太陽會蒸發皮膚和體內既水份
  • 某部份人會一日多次用清水洗面,但由於洗完面並冇搽上補濕同保濕既產品,所以令水份容易流失等。。。
而毛孔粗大既原因都係由皮膚缺水而引起,點解?以下既資訊分享俾大家作參考啦:

皮膚缺水會引起既問題有:
  • 皮膚水油失衡,容易泛紅
  • 角質層代謝減慢,導致角質層過厚,造成膚色暗沉,毛孔閉塞
  • 出現乾紋,敏感狀況
  • 失去彈性等。。。
而由於皮膚缺水既機制下會分泌更多既油份來保護皮膚,從而造成水油失衡,但過多既油脂分泌會造成毛孔閉塞,從而撐大毛孔,即變成毛孔粗大。

另一原因係因為皮膚缺水而失去彈性,就等於海棉吸夠水就會漲卜卜,表面會較為平滑,其實皮膚一樣道理,當有足夠既彈性,咁毛孔周邊既皮膚亦會撐起,令毛孔既開口亦冇咁大。

但除左缺乏水份會令毛孔粗大外,過度擠壓皮膚,使用含有酒精或刺激成份既產品,飲食習慣太過油膩等亦會造成毛孔粗大哦,如果大家想了解自己現在既皮膚狀況,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既高效面部注滲保濕療程($375.00),可在旁邊既連結登記哦:www.cleanskincare.com.hk/zh/trial.html
  • Our website: www.cleanskincare.com.hk
  • Facebook: PM
  • Mail: info@cleanskincare.com.hk
  • Tel: 2628 3242
  • What's app: 9843 8821
  • We Chat: cleanskincare
  • Line: cleanskincare
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

香港用膠樽既數量?

CLEAN 環保 - 香港用膠樽既數量?

最近收工後同朋友一齊去做開運動,發現大部份人運動完後,都會買返支飲品解下渴,嗰一刻令我諗到如果每人每日都經常買呢類膠樽飲品(仲要可能一日多於一次),咁到底香港每日用膠樽既數量會有幾多呢?

早前環境保護署有資料顯示,香港每日棄置 PET 膠樽(亦即飲料膠樽)已經有136公噸(2015),比起再早一年(2014)已經上升咗4公噸,直到現在2017年都一直上升.估計每日大概棄置約544萬個 PET 膠樽,比以往多出16萬個,而回收率只得7.6%.加上調查顯示到,香港超級市場同埋一般便利店等合共售出樽裝水約2.86億公升,正正平均每日消耗182430毫升既膠樽,而反影出樽裝水係膠樽垃圾既主要來源.

其實大家如有留意到我地經常飲用既膠樽底,印有三角形回收標誌「1」字,意思係代表 PET「聚脂纖維塑膠樽」呢類既膠樽並唔係垃圾,而係有價值既資源,係可以作回收用途循環再造.

可能聽到呢類膠樽係可以循環再造時,相信以為唔太影響環境問題,但大家估唔到原來香港膠樽既數量實在超出過多,環保回收團體人手物力又相對太小,而且大眾既回收意識唔強,所以令到香港每個暗角落有無處不在既膠樽,最終都需要流落堆填區棄置處理,另外由於數量太過龐大,中國內地從今年尾不再接收廢棄既塑膠,從而增加香港堆填區既負擔.

而雖然PET膠樽係可以變回原材料再用,但需要經過清洗,切碎同埋熱溶等呢種種步驟,加上每製造一公噸物料就會損耗用7公噸水,因此就算回收循環再造後亦會對環境做成污染同浪費哦.

所以最有效既方法就係減少購買和使用膠樽飲品,既然大家想解渴都鐘意飲水,咁不如就一齊用番最原始既方法自備水樽作循環再用,盡量唔好再買膠樽飲品,同時亦唔會製造過多既塑膠垃圾啦 ^^

2017年8月9日 星期三

香港多唔多人有嚴重既皮膚問題?如皮膚癌?

CLEAN Blog - 香港多唔多人有嚴重既皮膚問題?如皮膚癌? 

皮膚癌係常見既癌症之一,全球既發病率有上升既趨勢,而香港既發病率雖然比起外國低,但每年既發病數字都有不斷上升,根據統計中心既數字顯示,香港每年有超過900多人發病,雖然皮膚癌既發病率高,但其實當出現病變時一般都容易在皮膚表面察覺到,所以如果我地能夠及時發現和求醫,咁復原率亦會相對較高啦,而且有研究證明80%以上的皮膚癌是可以預防的哦.

所以今篇想分享一d有關皮膚癌既資料,希望大家都能夠關注多d啦,如可以的話亦希望大家能幫忙分享出去哦!

皮膚癌既成因?

常見既皮膚癌有3種:基底細胞瘤 (Basal Cell Carcinoma, BCC),鱗狀細胞瘤 (Squamous Cell Carcinoma, SCC), 黑色素瘤 ( Melanoma),而引發皮膚癌既主要因素就係紫外線(Ultraviolet,簡稱UV),紫外線既來源可以係陽光或照射紫外光燈.

紫外線有3個波長(UVA / B / C),其中UVB就係引致基底細胞瘤及鱗狀細胞瘤既主兇,而UVA則容易引致黑色素瘤癌,人工曬燈床釋放大量UVA引致黑色素瘤癌既風險亦特別高.

而紫外線對皮膚既損害係累積既,即使表面冇被曬傷,但經過長年累月在戶外接觸陽光,皮膚組織已受損.有研究顯示,皮膚細胞在兒童時可能已受損,假如成年後沒有適當地保護,繼續曝曬,就會令本來已受損既細胞產生癌變哦.
所以皮膚癌大部分出現於陽光照射到既位置,如臉,唇,頸等,但手掌,腳掌,但腳趾縫等不常接觸到陽光的部位亦有可能患上.

任何膚色既人都有可能患上皮膚癌哦,比如: 
  • 身上既痣特別多或身上有色斑
  • 家族中曾有人患過黑色素瘤癌
  • 長時間係烈日下工作,經常曝曬,尤其曾曝曬至脫皮
  • 膚色白晳,曬不黑但容易灼傷泛紅
  • 免疫系統弱,例如曾接受器官移植或愛滋病測試呈陽性反應既人
  • 皮膚曾燒傷或受傷,曾接受其他皮膚病既治療,如需要塗濕疹或牛皮癬藥
  • 經常接觸化學致癌物質.
患上皮膚癌既徵狀,以下係比較常見:  
  • 皮膚上發現新既斑塊,睇上去和附近旁邊既斑點唔同
  • 患處痕癢,疼痛或發炎
  • 傷口長期無法癒合
  • 痣或斑點變大,變形或變色 
  • 當身上既痣出現 外觀,邊緣不對稱,顏色不均勻,深淺不一, 大小超過6cm或有變大既情形和表面有不規則既隆起現象等等…  
大家要多觀察留意自己皮膚和身體既變化,如果一旦發現皮膚上有任何唔尋常既變異就應及早求醫,會有助增加可治療既機會.而保護皮膚既第一步就係做好防曬,選用一款適合自己既物理性防曬霜用呀. 

免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年8月8日 星期二

類固醇對暗瘡治療有效嗎?

CLEAN Blog – 類固醇對暗瘡治療有效嗎?

大家可能都有用過暗瘡膏,而市面上有些暗瘡膏既成份更含有類固醇,但類固醇真係可以治療暗瘡嗎?類固醇會對皮膚產生乜影響?

一般暗瘡膏既成份都含有以下幾種成份:
  • 硫磺(Sulfur)- 具殺菌作用,緩和發炎及紅腫皮膚.
  • 間苯二酚(Resorcinol)- 具殺菌和止痕作用,亦可防腐,但歐盟已將呢種成份列入為對人體和環境會有害.
  • 壬二酸(Azelaic Acid)- 主要抑制油脂和細菌滋生.
  • 水楊酸(Salicylic acid)- 消炎殺菌,抑制真菌滋生,溶解油脂.
  • 過氧化苯酰(Benzoyl Peroxide)- 利用釋放氧氣令暗瘡菌死亡.
  • 茶樹油(Tea Tree Oil)- 消炎抗菌.
  • Glycyrrhetic Acid(甘草次酸)- 抗炎抗敏感.
如有興趣可回顧之前既文章:暗瘡膏點解能有效去暗瘡?

至於類固醇其實主要醫治濕疹,因為類固醇有消炎同收縮血管既功效,能控制炎症,而且有抗抑細胞分裂,能夠控制患處擴散範圍。由於有消炎同收縮血管功效,所以能夠控制或醫治發炎中既暗瘡,但問題係類固醇會抑制人體的免疫能力,所以如果暗瘡有傷口既話,咁就有機會受其他細菌感染,令暗瘡惡化,又或者暗瘡菌傳染都皮膚別處,令其他皮膚亦生暗瘡。

所以類固醇雖然可能醫治到暗瘡,但基於副作用較多同埋當類固醇同其他成份混合時,有機會會令皮膚產生敏感哦,所以如果只係少量暗瘡(如2-3粒),會建議先試下一d天然消炎產品(如茶樹油)黎處理,如果情況有惡化或暗數量較多和密既時候,咁就建議進行暗瘡激光療程或果酸療程,如果係非常嚴重既情況,咁就要向皮膚專科求診哦。

如果大家想免費做一次皮膚分析,歡迎用以下方式聯絡我們,另外我地中心亦為第一次光臨既顧客提供一次半價試做暗瘡激光療程或果酸換膚體驗,可在旁邊既連結登記哦:http://www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年8月3日 星期四

止汗劑會令毛孔閉塞嗎?

CLEAN Blog:止汗劑會令毛孔閉塞嗎?

呢段時間香港天氣咁炎熱,身體既流汗量自然都會多咗~有時身體都會發出汗味,其實都幾尷尬!所以而家大部份既男士或女士都會有使用止汗劑既習慣,不過經常用止汗劑來克制汗水排放會唔會令毛孔閉塞?對身體有影響嗎?

我地身體既汗腺主要分別有兩種腺體,分為大汗腺同埋小汗腺:

  • 『小汗腺』:液體分泌較少,排口位亦較細,主要係皮膚表皮而遍及全身,比如手掌,腳底,面額等等,而排出既99%主要係汗水,當中固體(如蛋白質)不到1%,所以小汗腺所流出既汗基本上係唔會產生異味,除非有細菌滋生.
  • 『大汗腺』:排口位相對較大(3 – 5mm),除左排出液體外,蛋白質同脂肪酸亦會從大汗線排出,雖然呢兩種物質不含味道,但當排出體外同細菌接觸後就會產生刺激既味道了,而大汗腺主要分佈係腋窩和排泄器官.

而止汗劑主要成份係聚合氯化鋁(Aluminum chlorohydrate),當氯化鋁進入毛孔後會開始膨脹,阻塞汗腺排口,達到止汗作用,而聚合氯化鋁所含既量越多,止汗效果越明顯(衛生署既上限係25%),但係含量越高,令毛囊和汗腺排口閉塞而患上毛囊炎,暗瘡,增加皮膚色素沉澱等既風險亦高.

另外有一種叫體香劑(Body fragrance),作用有抗菌,消毒,散發香味,令汗水唔會因為接觸到細菌而產生異味,但冇止汗作用,而且某些產品含有酒精和人工香料成份,呢d成份會有機會令皮膚敏感和增加皮膚色素沉澱而變黑哦.

其實出汗係人體既正常功能之一,作用係令皮膚降溫,排水,排泄等,如果用咗止汗劑後而會令皮膚和身體出現其他狀況,所以建議選用不含酒精既天然體香劑,減少細菌滋生從而減少產生異味.如排汗量較多既人,建議多帶1-2件衫出門替換,同埋帶一條手巾仔黎抹汗.另外以下事項亦可以加注意哦,咁就唔洗再因為體味而尷尬啦:

  • 如保持身體清潔可以減低細菌滋生,所以運動後或戶外行走後而大量出汗,要儘快洗澡或抹乾,否則會令細菌滋生繁殖,產生異味.
  • 注意飲食:唔好食過多既辛辣刺激性食物,因為會隨著身體既新陳代謝變化成汗液排出時散發較濃既氣味.或減少食過多肉類,因蛋白質同脂肪酸排出體外同細菌接觸後就會產生刺激既味道哦.
  • 清洗後既衣服要確保係一個通風或有陽光既地方涼乾,相反就會容易滋生細菌,如衣服本身已經發出異味,再加上汗水,味道就會更加刺激哦.

免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年8月1日 星期二

黑鬼油係乜,對皮膚會構成傷害嗎?

CLEAN Blog - 黑鬼油係乜,對皮膚會構成傷害嗎?

以前為左曬一身鈷銅色,經常去海灘同必備一支俗稱黑鬼油既太陽油,因為搽左呢種太陽油之後會加快曬黑既效果同埋會令效果更平均。但呢種油既成份係乜?點解好似會有加快曬黑既功效?

其實經過小編我對黑鬼油成份和功效既資料搜集後,發覺好多黑鬼油既品牌都只有好少既防曬成份,甚至乎某些品牌已在標籤上寫明係冇防曬既功效,所以首先要記得黑鬼油並沒有足夠既防曬功效哦。另外,成份方面通常主要有礦物油,植物油,香料,化學防曬成份等,有部份產品會添加有蘆薈提取物或維他命A和E等等。

但礦物油既特質較潤滑但如果長時間在皮膚上就會容易令毛孔閉塞或者敏感,而香料和其他化學防曬成份側會增加皮膚既負擔,加速老化和增加患皮膚癌既風險。

其實產品要放多種油類或修復皮膚既成份,主要係要等你皮膚係長期暴曬下仍然唔會覺得乾同埋火燒既感覺,另一方面就降低灼傷既機會,咁你就可以冇乜痛楚又可能唔會灼傷既情況下暴曬,但問題係皮膚底層一直受緊紫外線既傷害,不斷增加黑色素黎保護皮膚,但同時地不斷增加患色斑或皮膚癌既風險!

而有d黑鬼油搽左之後好快就黑左,其實係因為加左一種化學物質叫二羥丙酮(DHA)既成份,呢種成份會同我地既皮膚蛋白產生化學效應令皮膚暫時變成棕色,但一般經過數日後就會變回原有膚色,意思就係用化學物質黎改變皮膚本質,所以建議盡量避免用此類成份既產品。

其實冇研究,論文或臨床實驗說明市面既黑鬼油能加快變黑既功效,主要係用化學物質黎改變皮膚本質而變黑,但反而有資料顯示此類既防曬油冇防曬功效和會增加皮膚患上色斑或癌症既機會,所以建議大家要好好保護皮膚啊^^

如果大家想免費做一次皮膚分析,睇下自己既色斑情況,歡迎用以下方式聯絡我們哦,另外我地中心亦為第一次光臨既顧客提供一次半價試做不同種類既護膚療程,可在旁邊既連結登記哦:http://www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年7月28日 星期五

青瓜對身體和皮膚既好處

CLEAN Blog - 青瓜對身體和皮膚既好處

一年四季都食到既青瓜係好多朋友都鍾意食既食物,食落脆嫩爽口,味道鮮美,青瓜既營養豐富對身體同皮膚都有好多唔同既好處,今篇就分享小小心得俾大家作參考啦

青瓜既含水量高達90%,係所有食物中含水量最高,另外含有豐富既鉀鹽,胡蘿蔔素,維他命A, B1, B2, B3, B5, B6, B9, C, E,糖類,蛋白質以及芥,磷,鐵等既營養成分.

而青瓜對皮膚既好處有:
  • 青瓜既營養素能夠補充體液增加皮膚既水份,可以滋潤肌膚,令皮膚變得柔軟嫩滑,有強力既保濕作用.
  • 含有既維他命C可以維持皮膚彈性,有效抑制黑色素形成,阻止色素沉澱而達到有美白,抗氧化,消炎既功效.
  • 含有既維他命E有潤膚和抗皺等抗衰老既作用.
而青瓜對身體既好處有:
  • 青瓜有解渴既功效,同時可補充身體流失既水分,有助維持人體正常體溫.
  • 新鮮既青瓜含有丙醇二酸,可抑制糖類物質轉化為脂肪,常被視為減肥食品.
  • 含有既維他命B1,可以治療失眠症.
  • 含有既黃瓜酶有效促進人體新陳代謝,排出身體囤積既毒素.
多吃青瓜同其他蔬菜水果對身體同皮膚都有好多益處,每款都有唔同既營養價值,下次再同大家分享其他好味既蔬菜水果^^

如果大家想了解自己現在既皮膚狀況,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既高效面部注滲保濕療程,可在旁邊既連結登記哦:www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2017年7月24日 星期一

點解d紅印咁耐都唔退?

CLEAN Blog – 點解d紅印咁耐都唔退?

相信大家係生暗瘡時,都會嘗試過用各種唔同既方法黎處理d暗瘡,但當暗瘡凋謝後就留低咗好多紅印,而呢d紅印結果又一直都唔退,有d更越來越深紅色添,點算好呢?點解會咁耐都唔散同點解有d會越來越深色既?

較早前其實有分享過一篇關於紅印既文章,簡單解說就係紅印係因為暗瘡發炎時令患處同周邊既血管擴張或發炎既地方需要更多既血液來修復而呈現紅色皮膚,但當患處退炎後,血管未能收縮所以會令患處同周邊既血管增生,但當患處退炎後,血管仍然處於充血狀態,所以就會留下一個個紅色既印.(可按旁邊連結回顧之前文章『為什麼面上有紅印?

而有關紅印難退既原因通常有以下幾點:

1-) 就如以上所提到,紅印同血管未能收縮或血管增生有關,其實亦同身體既新陳代謝有關,如果面部既血液循環足夠既話,咁係可以避免血液停滯和血管未能收縮等情況.
  • 建議:做適量運動可以幫助身體代謝加速,減少血液積聚,同時配合充足既睡眠更加可以令皮膚細胞幫助修復,對紅印亦有大大減淡既功效.
2-) 如果長期使用化學性成份既產品,唔單止會令皮膚細胞加速老化,更會增加皮膚負擔黎分解化學物質,減慢新陳代謝而令紅印加深.
  • 建議:盡量避免使用含化學成份既產品,多選用天然有機成份既產品.
3-) 經常要在戶外工作或經常曬太陽都會令紅印加深,因為皮膚溫度一直處於高溫和充血狀態,令已擴充既血管未能收縮,所以紅印亦難以退去,另外陽光中既紫外線更會令紅印變深.
  • 建議:盡量避免讓陽光直接照射,出門前搽好物理性防曬,晚上多做補濕護理,令皮膚可以得到收復,另紅印更快退去.大家如果想了解更多關於防曬既重要性,都可按旁邊連結回顧之前既文章哦 (連結

不過一般皮膚出現紅印既情況都可以經過數月後開始慢慢減淡,但如果發現一直都未能轉淡的話,咁可選擇進行激光療程,因為當激光既能量被血管內既紅血素吸收再轉為熱能後會收縮,凝固並選擇性地分解該患處既微絲血管,之後跟隨身體既新陳代謝並排出體外,回復原有膚色.

如果大家想免費做一次皮膚分析了解下自己既皮膚類型同狀況,歡迎用以下方式聯絡我們哦,另外我地中心亦為第一次光臨既顧客提供一次半價既激光療程試做,可在旁邊既連結登記哦:www.cleanskincare.com.hk/zh/laser-a.html


免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.