2016年9月30日 星期五

遊水運動量大嗎?可以瘦身嗎?

 CLEAN運動-遊水運動量大嗎?可以瘦身嗎?

大家喜歡游水嗎?係香港游水都算係較方便既運動之一,因為幾乎每一區都有泳池,有d區仲有暖水池添,其實游水既好處真係有好多,除左能夠郁動全身既肌肉,又有物理治療同紓解壓力既效果,仲係屬於有氧運動添,最大既好處就係可以提高心肺功能,對減重瘦身都好有幫助架.

因為根據以體重50kg既成人以30分鐘運動既熱量消耗黎睇,快行可消耗110卡、踩單車可消耗75卡,但游蛙式就可以消耗297卡,游自由式仲可以消耗435卡,雖然係水裡面有浮力,好似輕飄飄咁,但由於水既阻力亦好大,所以游水算係頗能消耗熱量既運動之一.

相比起其他運動因為係水裡身體唔需要負重呢個係優點,一來可以減少關節既傷害,即使係較年長、有關節炎既人士,都可以藉著游水去鍛煉身體,增強抵抗力哦.

但游水點解可以瘦身既?
  1. 水既密度同傳熱性比空氣大,所以消耗既能量會比其它運動要多,係12度既水中停留4分鐘所消耗既熱量,相當於係同等溫度既陸地1小時所消耗既熱量,所以係同等時間下水中消耗既熱量會比陸地大好多.運動中所消耗既能量係靠體內既糖同脂肪來不斷補充,所以經常游水係會逐漸消耗掉體內既多餘脂肪.
  2. 當人係水中活動時既阻力會比起係陸地上大12倍,係水中運動時你會感受到手腳有強大既阻力,所以背部、胸部、腹部、臀部和腿部既肌肉係游水時都能夠得到好好既鍛煉.
  3. 游水時人既新陳代謝速度好快,30分鐘就可以消耗掉300-500卡熱量,而且呢個代謝速度係你離開水之後仲能夠保持住一段時間,所以游水係可以減肥瘦身.
但游水要注意以下既事項哦:
  • 忌飯前飯後游水,空腹游水亦會影響食慾和消化功能,有可能出現頭暈乏力既情況,飽肚游水亦會影響消化功能,有可能產生胃痙攣,甚至嘔吐或腹痛等情況.
  • 忌長時間曝曬游泳,長時間曝曬會產生色斑,或會引起急性皮炎或灼傷,為防止色斑既出現要做好防曬,定時補搽防曬霜,上水後最好用傘遮陽或到有樹蔭既地方休息,亦可用大毛巾蓋在身上保護皮膚.
  • 如經物理治療師檢查而診斷有膝關節內側韌帶撕裂或盤骨髂關節既人仕便不宜游蛙式了,患有急性肩周炎既人仕亦不應游水,應待關節痛楚稍為減輕才去游水.
  • 患心臟病、高血壓、肺結核等嚴重疾病,沙眼、中耳炎、皮膚病等傳染性疾病人仕都不適宜游水.
  • 游泳池裡面有氯氣,如天天都游水對皮膚和毛髮會受損,時間長了頭髮乾燥分叉,皮膚變得乾燥,所以每次游水後要為皮膚頭髮搽上護膚霜哦.

2016年9月28日 星期三

吸光或對光敏感是什麼意思?

CLEAN SKINCARE 小知識 - 吸光或對光敏感是什麼意思?

有時都會聽到有客人話“ 我D皮膚會好吸光咖”又或者係“ 我皮膚有對光敏感咖”唔知可唔可以做激光治療呢?

其實皮膚吸光同光敏感係兩種唔同既問題,但呢兩種問題都同「紫外線」有關,咁到底“吸光同光敏感”既意思係代表D咩呢?

首先講關於「光敏感」

簡單d理解就係一種皮膚對紫外線既過敏症,如果受到紫外線既照射或曬到太陽後,某d人皮膚會出現紅疹,產生刺痛或痕癢等情況,呢d就係紫外線過敏=光敏感

而光敏感(Photosensitivity) 有分為兩種:
  1. 光敏感(photoallergy) 係經過紫外線照射後,只對皮膚造成表面既傷害,就好似曬傷咗時會出現紅腫同埋痛既反應,光敏感於約半數係系統性紅斑狼瘡既患者.
  2. 光毒性(phototoxicity)亦係經過紫外線照射後,誘發我地身體既免疫反應而造成既皮膚發炎,伴隨有腫脹,痕癢和痛楚,如嚴重時候更會形成水泡等症狀,然後皮膚會出現色素沉澱情況現象.
其實光敏感既成因係紫外線與皮膚上過敏物質之間既互動,可能係局部用既產品(如:香水、皮膚護理產品、藥膏),還有服用既醫藥產品(如:抗生素藥、抗抑鬱藥、消炎藥等等),接觸以上後光敏感情況未必會立刻發生,而係同陽光紫外線接觸後48小時後出現.

但吸光又係乜意思呢?

皮膚本身唔識「吸光」,但對光(亦即紫外線)會有反應,比如會溫度提升,會痛,會變黑等等,但呢d係「反應」而唔係「過敏」,所以唔好混亂.

所以好多人話:我D皮膚會好吸光咖!其實正確d黎講係:我D皮膚對光較易有反應,黑色素會較為活躍,所以照到紫外線後會比一般人較高機會出現色斑.

但皮膚對光較易有反應係因為先天性?當然唔係,除左某些人係天生皮膚對光較易有反應,其實外在因素亦會有影響哦,比如:
  • 日常生活中,我地所選用既護膚產品和攝取既食物中,有某d會造成和增加皮膚既感光度(=提高對光既敏感度),因為護膚產品既成份同物質會通過皮膚吸收而食物就經過消化系統後會分布到皮膚組織裏,導致皮膚對光既敏感度提升,黑色素細胞亦會較為活躍,最後還造成色素沉澱,形成色素和斑點等情況.
但睇完以上分享又唔需要太過擔心既,以下分享點樣避免或造成皮膚對光敏感既事項:
  • 應避免進食感光(=提高對光既敏感度)既既食物如:田螺、油菜、菠菜、萵苣、無花果、香菜、芹菜、韭菜、紅豆等.
  • 注意可能引發光敏感既藥物有: Fluoroquinolones類抗生素,A酸既抗痘藥物,Retin-A ,利尿劑hydroc-hlorothiazide,鎮靜劑Chloropro-mazine,口服抗生素四環黴素Tetracyclines,降血糖藥Chlorpropamide,非類固醇消炎藥Piroxicam,Naproxen,另外還有抗病毒藥物,抗黴菌藥物和抗精神劑等等.
  • 注意可能會帶來光敏感既疾病有:先天性遺傳疾病如:柯凱因氏症候群 (Cockayne Syndrome)、布隆氏症候群症(Bloom Syndrome)、白化症、紫質沈著症(Porphyria)等,另外青春痘、酒糟鼻、異位性皮膚炎、日光性蕁麻疹與紅斑性狼瘡等疾病,以上患者也常出現光敏感反應.
總言之大家出外時應避免直接曝曬,盡量要保護好皮膚,同埋做好防曬措施,例如:攜帶有防曬度數既傘,穿上防曬薄外套,擦SPF30~50指數既物理性防曬產品等,咁就可以減少受到光對皮膚造成既傷害!而如果當你發現面上開始有色斑既出現,記得要去做皮膚分析,睇下自己皮膚既底層會唔有更多既色斑,及早發現係可以阻止色斑問題惡化哦!

如果大家想了解自己既皮膚狀況或想知道自己既皮膚底層會唔有更多既色斑,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既療程試做激光去斑治療,可在旁邊既連結了解更多和登記哦:http://www.cleanskincare.com.hk/zh/Promotion-2016.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2016年9月23日 星期五

深層斑的種類

CLEAN SKINCARE小Tips - 深層斑的種類

上篇「淺層斑的種類」分享過關於幾種較為普及既淺層色斑,而今篇我就會繼續分享有關深層斑既出現位置,特徵和成因.

何謂深層斑?

我地皮膚分為三大層:表皮層 (Epidermis),真皮層 (Dermis) 和皮下組織 (hypodermis),而深層斑係位於真皮層內.

真皮層內既組織包含左:基質(細胞既一種),纖維組織,細胞,血液及淋巴液和神經等,而真皮層是皮膚組織中最厚的部分,手掌或腳掌可達3mm厚呢,當黑色素係皮膚深層形成斑點時就叫做深層斑,一般有荷爾蒙斑,顴骨斑,炎症後色素沉著和太田母斑,以下我會將每一種斑既特點資訊分享比大家作參考的:

荷爾蒙斑
  • 出現位置:面頰兩旁,鼻樑,顴部,額部,上唇,甚至散佈整張臉.
  • 特徵:淺啡色,平滑,不規則,大面積一塊塊或一達達.
  • 成因:體內荷爾蒙分泌失去平衡,沒有搽防曬而經常接觸紫外線,使用化學成份化粧品,服食避孕藥,情緒因素(如壓力,失眠,緊張,憂慮)等. 
顴骨斑
  • 出現位置:顴骨位置
  • 特徵:深啡色或帶小許藍色既斑點或斑塊,平滑,不規則.
  • 成因:荷爾蒙變化,遺傳,日積月累護膚或化妝品中既重金屬,沒有搽防曬而經常接觸紫外線等. 
炎症後色素沉著
  • 出現位置:皮膚上任何一個位置(如面,手掌,手臂,腳,背等)
  • 特徵:平滑,不規則,淺或深啡色,有機會1星期內自然退去或一直不退.
  • 成因:皮膚發炎後(如生暗瘡後,割傷,擦傷等),皮膚底層細胞遭受破壞,黑色素不斷係皮膚底層增加,慢慢係皮膚底層形成黑印.
太田母斑
  • 出現位置:單則面頰至眼皮,眼球
  • 特徵:紫藍色,大面積,平滑,不規則
  • 成因:先天性,可能胚胎發育過程時細胞移動異常,但有代確實原因.

以上均是較為普及既色斑,而所有色斑都建議在初期時及早治療,因為到後期時有機會導致色素性病變,到時將會需要更多既治療和時間才能解決,多點關注自己身體既變化才能更健康哦!

如果大家想了解自己既皮膚狀況或想知道自己的斑點是屬於那一類的話,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既療程試做激光去斑治療,可在旁邊既連結了解更多和登記哦:http://www.cleanskincare.com.hk/zh/Promotion-2016.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2016年9月20日 星期二

貼式面膜(PAPER MASK)既成份

CLEAN 護膚品成份解碼 – 貼式面膜(PAPER MASK)既成份

剛有朋友去完日本就買左一大堆貼式面膜(PAPER MASK)返黎,其實貼式面膜(PAPER MASK)又真係幾方便既,敷完又唔駛洗,直接訓覺就得.但另一邊廂我就諗其實經常敷PAPER MASK對皮膚好唔好架?PAPER MASK通常有D咩不良成份?有咩要留意呢?如果你都有敷開貼式面膜(PAPER MASK) 既話咁就要留意而下既分享啦:

PAPER MASK既主要不良成份

敷面膜當然係為左想令皮膚變得更好,所以面膜既成份非常緊要,但PAPER MASK有d常見既成份會容易引起皮膚過敏或者會令皮膚變差哦.
  • 防腐劑
由於面膜中含水量多,容易受微生物污染,所以面膜中會添加較多既防腐劑,防腐劑容易滲入皮膚而引起過敏反應,就算即使面膜中既防腐劑含量符合標準,過敏性皮膚也要慎用,更不可頻繁使用.
  • 螢光劑
會沉積在面部,往往很難代謝走,之後皮膚會出現紅疹現象. 
  • 人造香料
香料既添加會導致皮膚過敏、紅腫和其他皮膚病既首要原因. 
  • 酒精
酒精會造成皮膚乾燥,刺激與自由基傷害,你未必會即時感覺出來,但慢慢會破壞皮膚既癒合能力,亦會阻礙膠原蛋白製造.
  • 人造色素
色素中含有重金屬鹽,並會在皮膚上留下有毒副產品,造成皮膚過敏和接觸性皮膚炎,更已經被證明使用於皮膚具致癌性.
  • 礦物油
又稱石蠟油係石油副產品,會干擾皮膚既天然免疫屏障,使皮膚提早老化,容易阻塞毛孔,使粉刺、暗粒等形成,如長期塗抹加上紫外線照射既刺激,會引起化學變化容易產生斑點.
敷PAPER MASK既問題和要注意事項
  • 應選用含有以下成份既PAPER MASK:維他命B3,B5,透明質酸,玻尿酸,溫泉水,神經醯胺,天然保濕因子,尿素,荷荷巴油,洋甘菊, 蘆薈或其他天然成份等等.
  • 避免選用含有人造香料/色素、酒精、化學防腐劑,化學美白等等的成份.
  • 選用面膜時要選用無色透明或乳白色產品,其他有顏色既面膜基本上都有添加左色素.
  • 敷面膜時間大約敷15~20分鐘,係呢段時間內肌膚能充分吸收水份及精華液,如使用時間過長反而有機會導致過敏情況發生,所以敷面膜既時間應該適可而止,一般肌膚每星期1-2次就足夠了.
  • 敷後一定要用清水洗淨,不能讓成份停留過夜,化學成份會阻塞毛孔和使膚色變得暗啞暗沉.
  • 應避免敷用時間過長,免得面膜乾後反而從皮膚中吸收水分和影響皮膚呼吸.
  • 應避免每天敷面膜,過度刺激皮膚,若是敏感性或暗瘡皮膚,則建議1-2星期先敷一次,如過度刺激皮膚,反而引起紅腫、癢、脫皮及使暗瘡情況惡化.
當大家更加了解PAPER MASK既成份之後,再揾一款適合自己既面膜就可以令皮膚變得更好更健康哦.

如果大家想免費做一次皮膚分析,了解自己既皮膚狀況,歡迎用以下方式聯絡我們,另外我地中心亦為第一次光臨既顧客提供一次半價試做果酸換膚或激光療程體驗,可在旁邊既連結登記哦:
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2016年9月17日 星期六

玻璃是如何環保再造?

CLEAN 環保:玻璃是如何環保再造?

相信大家提起環保回收,不其然就會聯想到廢紙,鋁罐,膠樽呢幾類物料,但近年慢慢發現各地區不論公共屋邨或者私人屋苑都設立有玻璃樽回收站,細心再諗唸...其實我地平日既生活當中的確有唔少玻璃器皿和用品,例如:護皮膚品,鏡,香水,飲品,橄欖油,調味料,果醬等...咁香港係咪真係有好多棄置既玻璃呢?而呢D又係唔係全部都可以回收呢?應該點做好?今次一齊探討下玻璃是如何環保再造啦.

香港每年平均產生不同種類既廢玻璃樽,而每日大約有166公噸左右既飲料玻璃樽, 85公噸係食物同埋醬料既玻璃樽,另外約 7 公噸係其他既玻璃樽,但只有1%至2%將會被回收,其餘大部份都同一般垃圾一樣,一齊運送到堆填區棄置,而唔係真正回收再用或者循環再造,所以如果我地都無好好利用呢d玻璃物料或拿去回收箱而被棄置到堆填區的話,除左增加堆填區既空間壓力之餘仲會變得浪費資源添.

咁如果d玻璃被回收後又會點環保再造呢?

其實玻璃主要有3種天然物質(矽砂,純鹼(蘇打),石灰石)並經過高溫熔製轉變而成,但雖然係含有天然物質,但玻璃唔屬於一種可以自然分解既物料.

當回收後就會經過以下過程而製成環保磚既物料之一哦.
  1. 首先回收後經人手仔細分類.
  2. 如玻璃直徑大過 30 cm既話,需要經人手敲碎,因為唔能夠直接放入機器.
  3. 將玻璃樽放入機器後,會壓碎成3毫米(mm)或以下既玻璃砂.
  4. 之後經過篩網,將大過3毫米既玻璃砂同埋雜質篩出後再重新放入機器再次壓碎.
  5. 最後被打成既玻璃粉就可以作為建築材料如環保磚既成份,亦即行人道路上既街磚.
但拿去回收箱前,要留意以下事項哦:
  • 只接受酒樽,啤酒樽,果汁汽水樽,礦泉水樽,同埋其他已清潔既玻璃樽.
  • 如藥物,燈膽和鏡等玻璃是不能回收的.
  • 樽蓋需移除.
  • 要保持清潔衛生和回收既質量,並將餘物清理,然後清乾淨.
  • 不要將膠袋一齊放入玻璃樽回收桶內完成.
玻璃回收點可參考:
其實當廢物變成有用既物品係一件好開心既事哦,因為可以減少廢物之餘又可以令環境更美好,所以不如大家都從呢一刻開始將屋企既廢物拿去回收啦!

2016年9月13日 星期二

証書的分類

CLEAN SKINCARE 小知識 - 証書的分類

相信大家都知道我地中心既儀器都會經過嚴選和必須要有國際認可既証書才會採用為大家來進行療程,但可能有聽過証書個名稱但其實d証書究竟係証明邊一方面呢?所以今次想簡短咁解釋一下俾大家聽啦.

FDA (美國食品藥品管理局)
  • 証書隸屬國家:美國
  • 機構目的:主要負責管理全國既食品,醫療器械,生物製品,藥品,化妝品,獸藥以及診斷用品等,亦係國際醫療範圍既審核權威.
  • 証明:主要審評該醫療儀器或以上產品既安全性,規格,效果和真實性評估.
KFDA (韓國食品藥物管理局)
  • 証書隸屬國家:韓國
  • 機構目的:主要負責管理全國既食品,醫療器械,生物製品,藥品,原料藥,化妝品及診斷用品等,所有以上物品都必須要經過KFDA當局許可才能入口或生產.
  • 証明:主要審評該醫療儀器或以上產品既安全性,規格,效果和真實性評估.
CE (歐盟合格認證)
  • 証書隸屬國家:歐盟
  • 機構目的:是一種歐盟法律對產品提出既強制性要求,以表明該產品(玩具,電子產品或儀器)都符合歐盟《技術協調與標準化新方法》既要求和評估程序.
  • 証明:確保已遵從和達到了對安全,健康,環保等方面既要求.
ITC (檢測和認證研究所)
  • 証書隸屬國家:捷克
  • 機構目的:屬於一間第三方提供檢測,認證,監督,資訊和檢查為一體的公司,並獲得歐盟CE與國際ISO的核可驗證.
  • 証明:確保和監督產品既質量和安全性
ISO9001:2008
  • 証書隸屬國家:國際標準化組織 (總部設於瑞士日內瓦)
  • 機構目的: 提供一套機構和產品既品質管理系統國際標準準則
  • 証明:機構運作品質管理監測
ISO13485
  • 証書隸屬國家:國際標準化組織 (總部設於瑞士日內瓦)
  • 機構目的:提供一套在法規環境下(如:FDA,MDD等的規範下)既品質管理和風險管理標準準則.
  • 証明:醫療設備開發,生產,安裝和服務或相關服務的設計和開發標準國際認證.
希望透過以上既簡介能幫到大家對唔同類型既認證有進一步既了解,如果想了解更多,歡迎用以下聯絡方式提出您的問題,我們非常樂意為你解答,又或者如果大家想用半價試做一次激光療程,可在旁邊既連結了解更多和登記哦:http://www.cleanskincare.com.hk/zh/Promotion-2016.html 
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2016年9月12日 星期一

割傷或皮膚發炎後後變左黑色一達,好耐都仲係度?!

CLEAN SKINCARE小知識 - 割傷或皮膚發炎後後變左黑色一達,好耐都仲係度?!

大家有冇發現當濕疹或敏感發作,生暗瘡或跌倒受傷而令皮膚發炎後,果D位置皮膚就會留下深色左一達達既印?呢種情況其實係發炎後產生既色素沉澱,而色素沉澱一般係需要長達一個月至幾年既時間不等先至會漸漸減褪和淡化.

究竟呢D一達達既印係點形成?
  • 發炎後產生既色素沉澱係當皮膚細胞受到外界既刺激和破壞下,自身既黑色素細胞會釋放出大量既黑色素去保護皮膚,然後d黑色素就會沉澱在皮層內,跟住皮膚就留低左d一達達既印,理論上呢個係對抗外界刺激既自我保護機制.
  • 皮膚發炎後留下既色素沉澱情況,如果位置係四支的話,會因為手腳既血液循環相較面部慢,所以係手腳上既色素沉澱亦會淡化得比較慢.
特別提醒注意:
  • 建議日常應注意搽防曬產品,因為紫外線會令色素加深難以淡化,當然最好係避免唔好比皮膚發炎,咁就可以避免又有新既色素沉澱啦,但如果皮膚出左狀況如:生濕疹,生暗瘡,敏感,跌倒受傷等任何皮膚發炎情況,就應及早治療以免造成色素沉澱.
咁如果真係變左色素沉澱了,可以點樣去除呢?
  • 如果唔想等佢自動淡化,臨床實驗證明有兩種方式可以有效治療,包括非激光治療或果酸換膚治療同樣都有助改善.
如果您想知道自己狀況是適合激光療程還是果酸換膚?歡迎用以下聯絡方式預約一次免費皮膚分析,了解自己既皮膚狀況,又或者可在旁邊既連結登記一次性既半價試做激光療程體驗或果酸換膚療程體驗哦:http://www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2016年9月7日 星期三

什麼情況下不能做LASER?

CLEAN SKINCARE 小知識 - 什麼情況下不能做LASER?

激光療程雖然可以有效地改善皮膚上既問題如:深 / 淺層色斑,暗瘡,暗瘡印,皺紋等..但提提大家如有以下情況就要多多注意避免係服用藥物或在以下狀況期間進行激光療程哦!

1.正在服食暗瘡藥(如維A酸)或外用A酸既藥物: 

口服A酸(Retinoic,Isotretinoin)可以對皮膚有加快皮膚新陳代謝既作用,而且抑制皮脂腺分泌,食用期間確可以使皮膚減少油脂分泌,解決暗瘡問題.不過A酸可能會出現多種副作用,如:嘴唇乾燥,裂口,鼻黏膜乾,流鼻血,乾燥性皮膚炎,乾眼症等乾燥既癥狀.而進行激光療程時既熱能會令皮膚水份流失,所以不建議皮膚在欠缺水份和不穩定狀態下進行激光療程,如使用過外用A酸的話,建議停止兩週以上才進行激光療程,如口服A酸則要由醫生指示並允許既情況下先可以進行激光療程.

2.在懷孕期間 

懷孕期間進行激光療程係唔會影響腹中胎兒,因為激光既波長只會係皮膚上產生反應,但為了安全起見,一般都建議產後才繼續進行激光療程,另外懷孕期間荷爾蒙既變化會較大,而黑色素細胞亦較為活躍,所以為了有更佳既激光療程效果,建議產後3個月才進行激光療程.

3.患有紅斑狼瘡 

紅斑狼瘡屬於一種免疫系統失調症,病人既免疫系統會誤以為自己身體係敵人而進行攻擊自己,所以會造成直接或間接既傷害,影響既器官包括皮膚,腎臟和關節,而病徵包括有:曬完太陽後皮膚出現紅疹,一直低燒,體重變動(上升或下降),眼乾,口腔或喉嚨潰瘍,甩髮,小便帶血絲等.建議一定要有足夠休息,做足防曬保護,留意皮膚變化和加強護理等,為了避免皮膚受到任何刺激而引發併發症,所以紅斑狼瘡病患者應避免在病發期間進行激光療程.

4.過度曝曬或曬傷後 

由於皮膚因為受到紫外線既傷害,被曬傷既皮膚細胞會流失大量水份而變得乾燥,紅腫,血管擴張和出現炎症問題等反應.情況就好似高溫灼傷一樣,等如再嚴重一級的話皮膚會產生水泡同埋膿皰.所以建議曬傷後應舒緩皮膚既炎症,為皮膚降溫,護理直到修復為止之後才進行激光療程

如果您想進行激光療程但又唔肯定自己狀況是否適合?歡迎用以下聯絡方式提出您的問題,我們非常樂意為你解答,又或者如果大家想免費做一次皮膚分析,了解自己既皮膚狀況,亦歡迎用以下方式聯絡我們哦!
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.