2016年8月30日 星期二

暗瘡的分類

CLEAN SKINCARE小知識 - 暗瘡的分類

之前分享過唔少關於暗瘡既文章,如果有興趣重溫可以入:暗瘡皮膚護理篇,但今次想分享既唔係關於護理而係如何分辯唔同類型既暗瘡.

其實暗瘡滋生既原因可以簡單地分為三種:毛囊閉塞,荷爾蒙失調,細菌感染,而以上三種既原因往往都同我地既生活習慣息息相關比如:飲食習慣(多甜,多油等),生活習慣(夜訓,缺乏運動等),衛生習慣(卸粧不淨,常用手摸面,毛巾潔淨度等).

至於類型方面可分為發炎性和非發炎性:

非發炎性
  • 黑頭粉刺:當油脂分泌過多時會使毛囊容易閉塞,使皮脂腺受到阻塞,然後接觸空氣後會氧化變成黑頭.
  • 油脂暗粒:亦叫封閉性粉刺,細細粒拱起而沒有開口既丘疹,用手指去擠亦擠唔出,而有研究75%既暗粒會變成發炎性既痤瘡,25%會自己消失. 
發炎性
  • 膿胞性痤瘡:稍微腫起並有膿頭,當膿頭破裂時會流出由細菌和死左既白血球細胞混合而成既白黃色黏液.

  • 結節性痤瘡:因為毛囊皮脂既結構被破壞而引起既發炎性痤瘡,一般為紅色或淺紅色既丘疹,摸落會較硬,稍為大力按壓會感到痛楚,如果放置不理會有機會變成炎症後色素沉澱,亦即係暗瘡印.
  • 囊腫性痤瘡:大小不一既囊腫,一般為瘀紅色,如囊腫破裂後會流出帶血既啫喱狀膿液.
  • 聚合性痤瘡:由以上不同既痤瘡症狀聚集而成,屬於較少發生但頗為嚴重既病例,有機會併發其他細菌而令皮膚組織被受破壞.   
一般醫治方法
口服方式
  • 抗生素:減少游離脂肪酸既生長,有助抗發炎,但非殺菌用途.
  • A酸:改變皮膚既結構,抑制皮脂腺既分泌,抑制毛囊角化,抑制細菌既繁殖,抑制毛囊發炎
  • 口服避孕藥(只適合女性):抑制雄性激素,降低皮脂分泌,減少痤瘡病發機會. 
療程治療
  • 果酸換膚:令過厚既角質層軟化去掉,加速新陳代謝,幫助令細菌加速死亡並舒緩發炎狀態.
  • 激光療程:熱能有助殺菌,舒緩發炎情況,清除毛孔內既多餘油脂減少痤瘡病發機會.
其實最有效既治療就係預防,多留意和持續改善自己既飲食習慣,生活習慣和衛生習慣,亦要持續保養皮膚,如發現有非發炎性痤瘡就要去尋求治療,唔好等到變成發炎性痤瘡才行動哦.

如果大家想免費做一次皮膚分析,了解自己既皮膚狀況,歡迎用以下方式聯絡我們,另外我地中心亦為第一次光臨既顧客提供一次半價試做果酸換膚或暗瘡皮膚激光療程體驗,可在旁邊既連結登記哦:http://www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2016年8月29日 星期一

Zinc Oxide是什麼?

CLEAN護膚產品成份解碼-Zinc Oxide是什麼?

有用開防曬產品既朋友都可能有聽過Zinc Oxide(氧化鋅)呢個成份,防曬產品大致分為化學性和物理性兩類,而物理性防曬主要係透過二氧化鈦(Titanium Dioxide)或氧化鋅(Zinc Oxide)成份均勻塗在皮膚表面,形成一層保護層,通過該保護層對紫外線既反射,折射和散射作用,保護皮膚表面免受紫外線對皮膚產生傷害.

氧化鋅(Zinc Oxide)和二氧化鈦(Titanium Dioxide)兩種成份都係來自天然礦物,兩者都為光穩定性(意思當吸收光後會分解或轉化為其他物質),好處係唔容易致敏,對於唔同波段既紫外線反射程度都有唔同作用.

成份Zinc Oxide和Titanium Dioxide是什麼?有咩好處?
  • Zinc Oxide氧化鋅係天然礦物紅鋅礦既主要成分,白色六角晶體,主要利用反射方式抵抗紫外線UVA和UVB,幾乎抵抗所有波段,安全度高而且不帶刺激性.
  • Titanium Dioxide二氧化鈦係天然礦物又俗稱鈦白粉,是一種白色細小顆粒狀粉末,無氣味,通過反射和散射既方式阻隔紫外線UVB,如需要阻隔紫外線UVA就要達到超過5%既濃度時才能有效,美國FDA對於二氧化鈦在防曬化妝品中既最大濃度是25%.二氧化鈦幾乎不會被皮膚吸收,所以安全度高.
總括黎講,氧化鋅在防禦UVA(註)方面較有效,而二氧化鈦在防禦UVB(註)方面又比較有效,所以需要使用兩者既混合配方或者係高濃度既氧化鋅配方,先能夠達到同時抵禦UVA和UVB既效果,所以買防曬時要認著呢兩個有效成分哦! 
  • (註)UVA使皮膚變得乾燥,黑色素沉澱而產生色斑,能深入真皮層破壞膠原蛋白組織,令肌膚失去彈性,加速皮膚老化.
  • (註)UVB則只能到達表皮層,但會即時灼傷皮膚引致發紅發炎,令角質層增厚變乾.
如果大家想了解自己既皮膚狀況,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既療程試做,可在旁邊既連結了解更多和登記哦:www.cleanskincare.com.hk/zh/trial.html 
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2016年8月27日 星期六

羽衣甘藍(Kale)既好處

CLEAN食玩行 之食:羽衣甘藍(Kale)既好處

越食越健康係我地現時生活既指標,大家都想由飲食習慣開始去改變,所以對於食物既營養和價值相信都比以往更加著重,近來係香港開始流行食Superfood,但有一種係美國已經流行左一段時間而又有一個十分優雅名稱叫做『羽衣甘藍(Kale)』既蔬菜,唔知大家有無聽過呢?

『羽衣甘藍』屬於十字花科既蔬菜類,係源於地中海沿岸一帶,在較早時期慢慢逐漸傳到歐洲各國栽培,經過長時間人工栽培演化至今,已經成為歐洲人同埋北美人喜愛既蔬菜之一.

羽衣甘藍既營養和好處:
  1. 研究發現『羽衣甘藍』中既葉綠素可以有效抵擋致癌物質,幫助肝臟毒素減少,抑制致癌物質既活性,特別對於乳癌,子宮內膜癌同埋卵巢癌都有抗癌既幫助,另外卡路里相當低之餘又有豐富既營養價值,而且有極高既纖維素,可以改善便秘問題.
  2. 蘿蔔硫素(sulforaphane):不但可以有抗癌既作用,而且有抗氧化和抗紫外線功能.
  3. 維他命 A:可以保持細胞正常既分裂和生長,增強抵抗力,令皮膚和黏膜健康,維持正常視力,另外都有幫助頭髮保濕既效果.
  4. 維他命C:一種天然抗氧化劑,可以增強身體和皮膚既免疫系統,減少病毒和預防感染.
  5. 有高濃度維他命K:可以幫助鈣既吸收,提升骨質密度和骨骼強度,預防骨骼疏鬆.
  6. 葉酸(Folate):幫助血液組成,維持免疫系統既正常運作,而且孕婦在懷孕期間都好需要充足既葉酸去防止嬰兒神經管缺損.
  7. 含有極高既礦物質元素:如鉀,鐵,鈣,銅,錳,硒和鋅等,特別適合素食和缺乏奶類人士.
羽衣甘藍雖然好處有好多,但係都要吸收唔同既蔬菜種類,先可以攝取到均衡既營養.另外要注意如有腎病/鉀高既人士係要留意份量哦~因為羽衣甘藍既鉀質比較高,不宜過量進食.而正在服食薄血藥既人士都要小心控制食量,因為維他命K含量都比較高,大量進食可能會導致出血.所以如果有以上問題既人士,建議先詢問醫生或註冊營養師應如何進食正確方法和進食份量哦.

2016年8月24日 星期三

淺層斑的種類

CLEAN SKINCARE小Tips - 淺層斑的種類

之前分享過關於色斑如何形成,如何避免,激光療程後既注意事項,小知識等...所有文章都可以係色斑分類,構成,處理資訊裡查看!今次既分享會再深入少少講關於如可分辨淺層斑既種類.

何謂淺層斑?

皮膚可分為三大層:表皮層 (Epidermis),真皮層 (Dermis) 和皮下組織 (hypodermis),而淺層斑係位於表皮層內,而表皮層再細分會有:角質層(stratum corneum),透明層(stratum lucidum),顆粒層(stratum granulosum),棘狀層(stratum spinosum)和基底層(stratum basale).

當黑色素係皮膚淺層形成斑點時就叫做淺層斑,一般有:雀斑,曬斑,老人斑,咖啡牛奶斑,貝克氏母斑,以下會將每一種斑既特點資訊分享比大家:

雀斑
  • 出現位置:較常出現在面頰兩邊和鼻上,亦有機會出現係背部.
  • 特徵:一般大細係2mm左右,形狀不均如圓形,橢圓形或不規則形狀的啡色斑點,而女性因受賀爾蒙分泌既影響所以比男性較易有雀斑出現.
  • 成因:受紫外線照射,受某護膚產品或化學成份影響等.
曬斑
  • 出現位置:面上和手背
  • 特徵:一般大細約米粒到5毫左右,形狀如橢圓形或不規則形狀的啡色.
  • 成因:係長期在沒有做好防曬並曝曬在太陽下.
老人斑
  •  現位置:面上,頭上,耳朵,頸部,前胸,上背和手腳
  • 特徵:和曬斑非常相似,但色斑處皮膚會較粗糙,嚴格講老人斑並不算是『色斑』既一種,學名叫『脂漏性角化症』其實算係表皮腫瘤既一種,初期和曬斑相似,但後期就會漸漸變成凸
  • 成因:基因,曝曬,年齡增長和可能有人類乳突病毒感染
咖啡牛奶斑
  • 出現位置:身體任何部位
  • 特徵:由0.5到20公分等,形狀不一,淺啡色並頗為均勻,邊界亦很清楚
  • 成因:先天性,神經纖維瘤病患者
貝克氏母斑
  • 出現位置:面上,身體
  • 特徵:屬於胎記既一種,淺或深啡色,很大範圍,有毛髮
  • 成因:先天性,基因

以上均是較為普及既色斑,而所有色斑都建議在初期時及早治療,因為到後期時有機會導致色素性病變,到時將會需要更多既治療和時間才能解決,多點關注自己身體既變化才能更健康哦!

如果大家想了解自己既皮膚狀況或想知道自己的斑點是屬於那一類的話,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既療程試做激光去斑治療,可在旁邊既連結了解更多和登記哦:http://www.cleanskincare.com.hk/zh/Promotion-2016.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2016年8月23日 星期二

做瑜珈可以排毒?

CLEAN 運動 – 做瑜珈可以排毒?

有時會聽到身邊朋友話要為身體皮膚做定期既排毒,而做瑜珈話有排毒功效,但究竟點解我地要排毒,做瑜珈係咪真係可以排毒?排毒有d咩要注意?

其實我地日常生活中所累積既毒素係由:呼吸既空氣,進食既食物和飲料等進入體內,但自身既壓力和緊張會令身體既健康體液和細胞轉化成為毒素(如自由基和其他有害物質),然後肌肉因為緊張而收緊時會將毒素儲存係各結點,黏著組織,筋膜和脂肪上,所以我地需要為身體皮膚去做定期既排毒去除毒素架.

想要擁有健康既身體和滑溜既皮膚就要定期為身體排毒,而做瑜珈已被證明可以有效地抗衰老,因為瑜珈既動作通過姿勢既練習有以下排毒功效:
  • 練習拉伸脊椎,使脊骨拉長,令身體向上提,肺部同樣得到伸展,而係呢個情況下進行深呼吸,可以令身體排走二氧化碳,毒素等.
  • 練習側彎時腸道會由橫變直,更易借助地心吸力促進消化系統蠕動,有效排毒. 練習扭腰姿勢則有助刺激消化系統蠕動,擠壓腸道作內部按摩.
  • 練習身體前傾時會壓著器官,呢個情況下可以將毒素從細胞中排出來.
  • 練習倒轉動作,可以加速頭部血液循環、放鬆脊椎、腰椎和頸椎,期間身體會自動將體內代謝物排走.
  • 練習繩繫於身體既淋巴位置,產生節流作用,刺激淋巴,從而達到排毒及減輕下身水腫既問題.

但大家做瑜珈和排毒時要注意:
  1. 一般練習瑜伽適合任何年齡既人士,不過患有心臟病高血壓視網膜脫落、頭頸背有傷患者懷孕重病或手術後,更要注重運動既安全,因為某d瑜伽體位會對身體構成負荷或壓力,所以係練習前應請先徵詢醫生意見,並係課前通知導師自己既健康狀態,以作出適當既跟進和指導.
  2. 練習瑜伽前2至3小時宜保持空腹狀態,可以預防因消化系統運作時搶去供應大腦及四肢既血液,削弱排毒功效,同時又可以避免因身軀扭動、屈曲對胃部及內臟引起既不適.
  3. 皮膚係身體上最大既排毒器官,出汗係排毒過程重要的,有唔同既運動可以令身體排汗 (跳舞,跑步,熱瑜珈,排毒瑜珈和有氧運動等),出汗可以淨化細胞,排除身體既毒素.
  4. 大量攝取鹼性食物如蔬菜和水果,進行排毒時,避開所有加工類食物,煮過既肉,乳製品和糖類等,因為我們會在脂肪和黏液中儲存毒素,在排毒過程中避免乳製品是關鍵.
  5. 每日最少飲8杯水,排毒時你要喝12杯或更多,水能把毒素從身體中沖走.
  6. 有充足既休息,每晚至少要有8-9小時既睡眠,讓身體有足夠時間做修復和更新.
  7. 按摩亦可以加快排走毒素.
  8. 練習瑜伽和排毒不是一天兩天就可以睇到效果,關鍵係堅持、要持之以恆,毒素就會慢慢從身體排出,皮膚和身體會漸漸變得越來越健康哦.


2016年8月17日 星期三

海洋裡既膠粒是來自於我地既磨砂產品?

CLEAN 環保: 海洋裡既膠粒是來自於我地既磨砂產品?

上一編『CLEAN環保-塑膠(如膠樽,膠盒等..)回收後會如何處理?』既分享提到大部份既塑膠垃圾係來自於用後既膠樽膠盒,但其實係我地d護膚產品裡亦有塑膠垃圾既存在,而且仲要係直接沖向大海,嚴重影響海洋生態添!佢就係我地日常用緊既磨砂產品啦,當中一粒粒既物體叫做「微膠粒(Microbeads)」,主要作用係產生磨擦效果以達到去角質既功效,但由於體積太細所以香港既過濾系統未能隔離呢d微膠粒,所以會直接沖出大海!

其實市面上好多既磨砂產品都含有微膠粒(Microbeads)作為磨砂和清潔產品成份,之前一直誤以為係一D會溶化既粒子,後來發現原來係一種大細少於5毫米又難以分解既塑膠粒.

呢d微膠粒(Microbeads)通常由以下幾種物料生產而成,所以在產品成份如見到呢d物料既話就建議選擇其他產品,因為塑膠始終係化學原料,有機會造成皮膚敏感之餘又影響海洋生態,所以最好用使用其他無含有以下物料既產品啦:
  • 由聚乙烯/Polyethylene (PE)
  • 聚甲基丙烯酸甲酯/Polymethyl Methylacrylate(PMMA)
  • 聚對苯二甲酸乙二酯(PET)
  • 聚丙烯/Polypropylene(PP)
  • 尼龍造成/Nylon-12,Nylon-6
較早前香港浸會大學做過電話訪問,得知受訪者平均每星期用太約4次含有微膠粒作為磨砂清潔,因此估計我地每日用約48億顆微膠粒,而另外調查研究報告顯示,發現海洋生物吞食微膠粒既問題越來越嚴重,超過170種魚類如我地經常食到既烏頭魚,生蠔,青口,丁香魚(白飯魚),龍蝦和藍鰭吞拿魚等都發現牠們體內有塑膠粒.當魚類吞食微塑膠後,會導致腸臟變形,令到活動和反應能力降低,容易被捕獵者獲得,嚴重影響生態平衡,另外海洋生物進食膠粒之餘,我地人類亦有機會進食含有膠粒既海鮮哦,所以微膠粒(Microbeads)既問題唔單只影響緊整個海洋生態和生物,仲影響緊我地既健康添!

如果大家都想為大自然和海洋出一分力,以後我地在選擇產品前更加要注意成份哦,又或者可以DIY一D天然成份既磨砂產品如椰子油溝用過既咖啡粉或黑糖,咖啡粉和黑糖既體積細唔會整傷皮膚又能達到磨擦效果,椰子油又有潤膚功效,一方面唔需要擔心影響大自然既生態,而且又係全天然既物料,健康又有效一舉兩得,大家都一齊快D行動啦 ^^

2016年8月16日 星期二

化妝會令皮膚變差嗎?有暗瘡能化妝嗎?

CLEAN SKINCARE 小知識 – 化妝會令皮膚變差嗎?有暗瘡能化妝嗎?

相信大部分既女士們都會同我一樣每日返工出們口前一定會先整理好自己,用一個最好狀態既一面黎迎接每一日.而化妝係女士們不可忽略既一個動作.但其實我地每日都化妝會唔會令皮膚變差呢?如果有暗瘡又化妝咁會唔會令暗瘡惡化?

其實現時未有數據既研究講到化妝品會令皮膚變差,但有研究顯示皮膚大概會吸收產品40%至60%既成分,而如果每日化妝或護膚,一年可以吸收入體內嘅化妝或護膚產品成分有5磅之多,即是2公斤多!所以皮膚會唔會變差並不在於化唔化妝,反而係你所選擇既化妝品成分好與壞,因為皮膚會吸收你所搽既產品.

所以選擇化妝品時應多了解一下產品既成分,但大家可能會話:我點知所有產品既成分好與壞喎!?所以之前分享過一個幾好既網站黎查詢產品既成分同作用(網站連結請按此),建議買前先影低成分再上網查一查,又或者如果知到產品名就試下係網上揾成分再查下先再決定買唔買.而產品成分既排位亦等於含量比重,寫係越前就等於比例越重,如果該產品無成分標籤就建議唔好買了.

一般常見又會影響膚質既成分有:酒精 (Alcohol),防腐劑 (Parabens),石蠟(paraffine),礦物油(mineral oil)和人工香料(Fragrance)等等,如果呢幾種係成分標籤放到好前位置,建議考慮清楚再決定買唔買.

只要留意產品既成份,就算皮膚生緊暗瘡時都可以化妝既,但如果唔清楚產品既成份而又可以避免化妝既話就最好啦,因為有d成分會有機會刺激到發炎既暗瘡而令狀況惡化,所以能避免就最好,如果想知更多可以按旁邊連結了解更多哦:暗瘡皮膚可以化妝嗎? 

總言之皮膚係接觸外邊既器官,我地要好好保護和避免令皮膚受太多負荷,另一邊就要從內至外做好保養,因為身體內在既問題亦會從皮膚上反映出黎哦!要為皮膚做多步,去多了解自己用緊既產品成份啊!*^^*

如果大家想了解自己既皮膚狀況,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既療程試做,例如有果酸換膚或激光去暗瘡印治療,可在旁邊既連結了解更多和登記哦:http://www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2016年8月13日 星期六

益生菌的好處

CLEAN SKINCARE 補健食品小TIPS-益生菌的好處

今次想同大家分享一款補健食品『益生菌(PROBIOTICS)』,益生菌係咩菌?對皮膚身體真的有好處嗎?對改善過敏疾病者有用嗎?

上次分享過對皮膚好既其中一款補健食品『碧蘿芷(Pycnogenol)』,如果有興趣重溫一下可以按呢個連結睇下哦http://clean-skincare.blogspot.hk/2016/07/tips-pycnogenol.html

今次講既『益生菌』係乳酸菌和部分酵母菌結合而成,而乳酸菌係體內最重要既益生菌之一,存在於人類或動物既腸道,甚至係昆蟲和土壤中都有,主要功能係促進腸道蠕動和幫助消化.乳酸菌亦有用於製造酸乳酪、芝士、醬油、泡菜、義大利臘腸、味噌等相關產品.

益生菌對肌膚身體既好處?

益生菌主要係腸道進行發酵,分解醣類,產生乳酸或醋酸,使腸內環境保持酸性,因而抑制壞菌既增生,從而調節免疫功能及提升抵抗力.

對改善過敏疾病者有用嗎?
  • 近幾年來,免疫學界經過好多既科學研究發現,攝取一些對人體有益既細菌,可以改善過敏疾病者既免疫系統,而又唔會有藥物既副作用,仲可以改善過敏性症狀例如:過敏性鼻炎、氣喘、異位性皮膚炎及蕁麻疹等.過敏性疾病係一種免疫反應異常既疾病,意思係人體內既免疫功能失調,出現不平衡既狀況,導致過敏症狀發生.而人體75%既免疫組織集中係腸胃附近,所以維護腸道健康係可以減低過敏疾病既發生及有效強化身體既免疫系統,達到免疫系統平衡,因此益生菌對於過敏症狀係有良好既療效.
  • 腸道內既益菌以雙歧桿菌為主,亦係真正既人體原生菌種,能有效調節細胞免疫反應,亦能改善因抗生素及食物病原菌造成既腹瀉.
其實益生菌既好處有好多,一般人都適合補充益生菌,但使用時要注意以下事項: 
  1. 益生菌最好能持續服用才能營造優質既腸道環境,調整免疫系統,改善過敏症狀.
  2. 益生菌產品不可加熱,以免降低益生菌既活菌數.
  3. 冷藏保存會更好,但亦要特別注意產品所標示既不同保存方法.
  4. 乳酪要注意保存期限.
  5. 攝取前應與你的醫生諮詢服用益生菌既劑量,以確定是否該補充和適合你.
如果大家想免費做一次皮膚分析,睇下自己既皮膚情況和肌齡係點?歡迎用以下方式聯絡我們哦,另外我地中心亦為第一次光臨既顧客提供一次半價試做不同種類既護膚療程,可在旁邊既連結登記哦:http://www.cleanskincare.com.hk/zh/trial.html 

與我們聯絡:
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2016年8月7日 星期日

角質層和暗瘡有關連嗎?

CLEAN SKINCARE 小Tips - 角質層和暗瘡有關連嗎?

「暗瘡」係屬於皮膚炎症既一種,一般係青春時期出現較多,因為皮膚油脂分泌較為旺盛,毛孔(毛囊)容易閉塞,加上外在因素(如:空氣污染,清潔護理等)而形成暗瘡.而當年紀較大時亦會因身體狀況有所改變,例如:荷爾蒙既影響,飲食習慣不良,工作壓力和情緒既困擾等,種種因素都會令到我地皮膚油脂分泌失衡而導致出現暗瘡.

但除了要注意清潔護理,飲食習慣等,有另一因素亦會引發暗瘡既就係「角質層」!點解角質層和暗瘡有關連?

在皮膚既皮下組織中會分泌適量既油脂,由毛囊帶到皮膚表層,幫助滋潤和防止水份流失,但如果油脂分泌增加,而角質層又過厚的話,油脂就會好難排出,毛囊亦因被過多既油脂造成閉塞,形成黑頭粉刺,加上積聚在毛囊內既油脂亦會滋生細菌,當處理不當仲會引致周邊皮膚發炎,形成紅腫或者有膿既暗瘡.而角質層過厚的話亦會阻隔吸收,做補濕護理既效果相對會冇咁吸收,難以去為皮膚補充水份和控制水油平衡.

所以要預防暗瘡既出現,平時一定要注意自己既皮膚,著重清潔護理,多做補濕和定時地去角質層,護理方面可選擇磨砂護理去角質,但如果面上有暗瘡就不宜做磨砂哦,因為當有暗瘡既時候再做磨沙護理就好大機會令暗瘡問題惡化,反而果酸換膚治療可以有助改善暗瘡情況,所以要多注意哦!

如果大家想了解自己既皮膚狀況,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既療程試做,例如有果酸換膚或激光去暗瘡印治療,可在旁邊既連結了解更多和登記哦:http://www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2016年8月4日 星期四

食辣會對皮膚有影響嗎?

CLEAN SKINCARE 小知識 - 食辣會對皮膚有影響嗎?

唔知大家有冇聽過話食辣會令皮膚滑d靚d,但亦有人話辛辣會令膚質變差,咁究竟食辣會唔會對皮膚有影響呢?

雖然以上說法暫未有証明能指出辛辣對皮膚既直接影響,但有研究証明指出辛辣植物(如辣椒)對人體有莫大幫助!辣椒含有豐富既營養如胡蘿蔔素,維他命 B1, B2, C,P,鈣,磷,鐵等等營養可有效地促進新陳代謝,有助抗氧化,降低膽固醇,增強免疫力等.而辣椒含有既辣椒素可有效地對抗炎症,鎮痛,降血糖,預防胃潰瘍等.

其實辣椒對皮膚雖然未証實有乜既直接影響,但可以肯定適量進食係可以對身體健康有幫助,但如有以下狀況就不宜進食:-
  • 痔瘡人士:因為辣椒素會直接排出體外,所以當經過肛門時會刺激到並惡化患處.
  • 玫瑰痤瘡:避免患處惡化,因為辣椒能促進血液循環和提升體溫.
  • 慢性膽囊炎患者:辛辣會刺激胃酸分泌,有機會造成膽囊收縮,誘發膽絞痛. 
但辣椒可以瘦身嗎?

雖然辣椒素可以增加燃燒脂肪效果,但要食頗為大量和每日進食才有明顯既效果,另外此說法亦是具爭議性的,所以唔建議進食辣椒來達到減肥效果.

點解食得多麻辣火鍋會生多左暗瘡?

其實辛辣會唔會令暗瘡生多左暫時未有任何研究証實,但麻辣火鍋或打邊爐都會食進大量既油脂,所以有機會令身體油脂過剩而引發暗瘡.

如果想皮膚好其實唔需要偏向靠辣椒黎維持,只要多著重皮膚護理,做好防曬,有均衡飲食和多做運動,咁皮膚自然就會靚d,身體都健康d啦!

如果大家想了解自己既皮膚狀況,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既療程試做,可在旁邊既連結了解更多和登記哦:http://www.cleanskincare.com.hk/zh/Promotion-2016.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.