2016年6月28日 星期二

男性與女性膚質的分別

CLEAN SKINCARE 小知識 - 男性與女性膚質的分別

相信現時不同年齡既男性都會越來越注重自己既外表整潔儀容,當然護理皮膚都一樣唔例外,而男性既護膚產品相對也越來越多,所以我地作為女性又點可以係皮膚護理上再馬馬虎虎呢!但講起護膚心得,大家又知唔知女性和男性既膚質有乜分別呢,男性與女性當中護理方法係咪一樣呢?!今次小編就想分享少少有關男性與女性膚質既分別同保養方法比大家,等大家有時亦可以因應另一半既膚質去給予適當既護理哦.

先了解一下男性與女性皮膚既結構

男性皮膚結構和膚質:
  • 皮膚表面既水脂膜中含脂類物質,皮膚較為粗厚,會比較結實D,唔容易受損傷.
  • 一般男性皮膚角質層比女性厚24%-40%,導致皮膚吸收力較低.
  • 皮膚既ph值偏酸性,油脂分泌較多,毛孔較為粗大和容易有粉刺.
  • 由於毛孔較為粗大,所以亦容易積聚油脂污垢,引致細菌滋生,而出現炎症和產生暗瘡.
  • 男性黑色素含量較多.
男性皮膚既護理方法:
  • 男性皮膚一般偏向油性, PH值約為4.5~6.0, 因為男性荷爾蒙比較活躍令油脂和汗水分泌相對較多,所以主要重點係保持皮膚既清潔.
  • 注意保持皮膚清爽既同時,亦要注重保濕,要選擇保濕和不含油份既產品,用保濕型產品可以有效減少油脂分泌哦.
女性皮膚結構和膚質:
  • 角質層較薄,皮膚較為柔嫩和有彈性.
  • 抵抗外界刺激能力較弱,水份容易流失.
  • 一般皮膚油脂比較少,較難保住水份.
  • 皮膚黑色素亦比男性含量較少,顯得比較白淨
  • 皮脂腺分泌受雌激素影響很大,所以在生理週期,懷孕和哺乳期間都會察覺到皮膚狀態出現時好時壞既情況.
女性皮膚既護理方法:
  • 由於女性皮膚失去膠原蛋白既速度比男性快,所以除注重水份流失之外,更加要注意膠原蛋白既流失,要確保皮膚維持彈性和減少細紋既出現.
  • 除每日出外皮膚需要塗防曬保護之外,其實護膚產品係需要在轉換季節既時候而選用水份較重或滋潤型既產品,去確保皮膚能維持保濕和有彈性.
如果大家想了解自己既皮膚狀況,歡迎用以下方式聯絡我們預約做一次免費皮膚分析哦,另外我地中心亦為第一次光臨既顧客提供一次半價激光療程試做,還可以從其餘6款激光療程自由選擇多1款試做哦(如:去紋嫩膚美肌激光療程 + 膠原再生激光療程),即1半價錢2款激光療程,可在旁邊既連結登記哦:www.cleanskincare.com.hk/zh/Promotion-2016.html
(*)免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人士諮詢

2016年6月24日 星期五

激光去斑後可以用含有美白成份既產品嗎?

CLEAN SKINCARE小Tips-激光去斑後可以用含有美白成份既產品嗎?

白雪雪既皮膚相信係大部份女士都想擁有,妝又易化d,望落去又後生d,所以某部份既女性會選擇搽d美白產品,但有無諗過搽美白產品有機會會越搽越黑和越搽越乾燥?如果進行緊激光去斑療程既話,就更加建議唔好用帶有美白成份既產品哦,因為會有機會越搽越多斑添!

其實大部份既美白產品或帶有美白成份既化妝品都會含有具吸光性既成份,當皮膚吸收紫外線既照射後,會出現黑色素增加既現象,造成反黑情況.而普遍一般既美白成份會有:
  • 對苯二酚 (Hydroquinone):化學合成品,高濃度長期使用會引起皮膚發炎,紅腫和過敏等,需要醫生指導下使用
  • A酸 (Tretinoin):帶有刺激性嘅藥物,主要針對痤瘡嘅外用藥物,但需要醫生指導下才能使用.
  • 麴酸 (Kojic acid):天然嘅真菌代謝產物,可抑制黑色素形成,具有美白功效,但日本厚生省用白老鼠實驗,發現會有機會致癌,所以要多注意該產品所含有嘅劑量才可使用.
  • 維生素C (Vitamin C):以左旋維生素C效果較好,可以有抗氧化和修復傷口功效,保持皮膚健康.但吸光性較強.
所以如果選擇使用美白產品,但又唔清楚所屬成份既話,建議在晚上使用較為安全,而美白護膚品既成份好多都帶刺激性,容易導致皮膚乾燥,所以相對要搽番多d保濕產品,係日間就要記得搽上物理性防曬,每隔一段時間就要補搽,避免吸光性既美白成份增加皮膚既黑色素哦.

其實膚色暗沉除左外在因素外(如角質層過厚),另一方面亦因為黑色素既影響,所以美白去斑產品會短暫抑制黑色素增生,另膚色比較均勻,但由於只是一直抑制而並非分解,所以如果一段時間無繼續搽,有可能會一次過浮現上面或形成色斑.

如果想擁有白滑既肌膚可以選擇做美白激光護理,之前有解釋過美白嫩膚激光既好處,如有興趣可(按此)回顧哦.

如果大家想了解自己既皮膚狀況,歡迎用以下方式聯絡我們預約做一次免費皮膚分析哦,另外我地中心亦為第一次光臨既顧客提供一次半價激光療程試做,還可以從其餘6款激光療程自由選擇多1款試做哦(如:去紋嫩膚美肌激光療程 + 膠原再生激光療程),即1半價錢2款激光療程,可在旁邊既連結登記哦:www.cleanskincare.com.hk/zh/Promotion-2016.html 
(*)免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人士諮詢

2016年6月22日 星期三

點解會生頭瘡既?

CLEAN SKINCARE小知識-點解會生頭瘡既?

大家有冇生頭瘡呢個煩惱呢?小編去做頭髮護理時有同專業既髮型師探討過呢個問題,髮型師每日都會接觸不同既客人,發現原來好多人都有生頭瘡呢個問題,但就唔知道應該要點處理,於是我整理左D資料同大家分享下生頭瘡既成因,同埋可以點樣去避免或護理.

頭瘡和暗瘡其實都係毛囊炎既一種,是指頭部皮膚發炎而長出瘡,長出紅點、膿頭或酒米,頭瘡除左會令頭皮痕癢外,通常也會伴隨頭皮屑和影響外觀,嚴重時會導致脫髮,所以建議大家及早處理呀. 

頭部生瘡的成因有:-
  • 頭部皮膚油脂分泌過剩,會容易滋生細菌,造成頭痕及生頭瘡等情況
  • 若日常疏忽頭部清潔,不勤洗頭或者洗頭洗唔乾淨,令細菌滋生下使頭瘡產生.
  • 因過度搔抓頭皮,導致發炎,也可引致頭瘡產生.
  • 護髮素和護髮產品搽在頭皮,常用造型產品或直接噴搽在頭皮,都會令頭皮既毛囊被堵塞,引致頭瘡產生.
  • 染髮劑常用成份為「對苯二胺」(PPD)及雙氧水,其中PPD是一種容易引起皮膚敏感既化學物質,可致頭部痕癢等敏感發炎反應而產生頭瘡.
  • 脂溢性皮炎屬內發性濕疹的一種,可引起頭皮痕癢,頭屑增多,當皮損出現細菌感染,也可引致頭瘡產生. 
如何避免生頭瘡和護理方法:-
  • 避免油脂分泌過剩,不宜用過熱既水洗頭,水溫不應高於37℃.
  • 定時洗頭,洗頭後避免讓頭皮長時間濕淋淋,要用風筒吹乾頭皮和頭髮,風筒吹頭髮時溫度不宜過熱.
  • 手甲容易沾有細菌,避免經常用手抓頭,摸頭和挖焦.
  • 保持頭皮乾爽,護髮素應只塗在髮尾位置,造型產品不應直接噴搽於頭皮上.
  • 染髮或電髮不宜太頻密,因可減低頭皮敏感反應,建議使用天然染料和低化學成份產品.
  • 當發現頭皮痕癢,頭屑增多,頭瘡有越生越多,要避免讓情況惡化應盡早求醫.
  • 戶外活動宜使用棉質及通風帽子,避免頭皮受暴曬.
  • 洗頭水內含刺激既化學物會引致過敏,譬如常見既防腐劑MI或MCI、乳化劑/起泡劑SLS,可嘗試轉用不含這些成份既洗頭水.
如果大家想了解自己既皮膚狀況,歡迎用以下方式聯絡我們預約做一次免費皮膚分析哦,另外我地中心亦為第一次光臨既顧客提供一次半價面部護理試做,包括激光療程,果酸換膚,高效注滲保濕護理等,可在旁邊既連結登記哦:http://www.cleanskincare.com.hk/zh/trial.html
(*)免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人士諮詢

2016年6月18日 星期六

癈紙係點樣循環再做?

CLEAN環保 - 癈紙係點樣循環再做? 

大家平時行街時都會留意到道路旁邊會出現三個顏色既廢物回收箱!分別為黃色(回收金屬),藍色(回收廢紙)和啡色(回收塑膠) ,但當中藍色既廢紙回收箱其實係咪所有既紙類都可以放入去回收呢!比如紙巾,濕紙巾,零食包裝紙或帶有金屬和塑膠既紙張等都可以嗎? 

不如今次帶大家了解一下『廢紙係點樣循環再做』,亦分享一下紙張究竟係點樣分類啦~ 

每年香港用黎包裝和印書所用既紙有超過萬噸,而我地平常所用既紙一般都係由樹木混合棉質或其他物料處理後所造出,至於再造紙就係混合冇用或比丟掉既廢紙黎代替樹木之後再經處理造成,如一噸廢紙可約再造800公斤既紙哦,所以如果我地多d努力去實行協助廢紙回收,咁廢紙又少左,樹被砍少左,環境都好好多啦,所以大家一齊為保護更多樹木,環境和地球去出一分力啦!

而家就一齊了解紙張既循環過程啦

首先當循環再造工廠收到癈紙時,會先進行機器初步分類,但有時由於有太多唔同既物料和物質都不合乎循環再做,所以需要多重分類,雖然現階段機器比以往先進,不過最後都要利用人手再分類,整個過程大概係:

1. 初步將廢紙加入化學物品變成碎紙張
2. 溶解成糊物再過濾
3. 加入化學製品和番梘清洗當中含有顏料既物質(脫色)
4. 經過機器高溫烘乾最後變成一張再做紙

如果過程中發現不合規格物質既話(如太大件既金屬夾或其他污染物),就會又要運到另一堆廢料或垃圾堆填區,到時候係需要更多既人力和物力,所以希望大家在捐送時,要留意分類哦~ 

以下係屬於可以回收既紙張:
  • 辦公室用紙(例如信箋,影印紙和商業表格)或複印本
  • 顏色紙
  • 報紙
  • 索引卡
  • 電腦打印本
  • 信封和文件夾(撕去黏性紙條及透明膠面)
  • 標準商業名片
  • 小冊子,雜誌,通訊刊物,非機密報告,書本和電話簿(撕去膠封面或膠面紙,及除去釘裝圈)
  • 包裝紙皮(不包括膠面紙)
  • 瓦通紙及廁紙筒
溫馨提示:大家如果都想將公司或者家中既廢紙送去廢紙回收箱,如廢紙黏附有細小既橡根,夾和書釘都可以唔需要除去,因為在再造既過程中,都會自動被除去,但就記住如有太大件既金屬夾或其他膠封面,污染物就必須先除去哦~

2016年6月12日 星期日

咖啡飲得多會影響膚質嗎?

CLEAN SKINCARE小知識 - 咖啡飲得多會影響膚質嗎?

相信飲咖啡文化已經融入左係大部份人既生活中,小篇我更是被咖啡融化了(---_---),但我地每日咁飲,咖啡裡既咖啡因其實對皮膚或身體有無影響呢?對於一個咁中意飲咖啡但有貪靚既我,當然立即搜集資料,加以分析再分享比大家作參考啦! 

了解咖啡因

咖啡因除左係咖啡豆裡能夠發現外,另外還有約5至60種以上既植物果實裡能夠發現咖啡因,而咖啡因對呢d果實扮演著非常重要既角色,因為昆蟲食左含有咖啡因既果實就會麻痺,達到殺蟲效果.

咖啡因好與不好

對人類而言,咖啡因屬於一種興奮劑,能夠刺激中樞神經,短暫消除眼睏感覺,除外咖啡因亦有藥用性,如:
  • 能令血管擴張,舒緩頭痛
  • 放鬆支氣管,舒緩呼吸系統疾病
  • 增加身體機能,促進短期運動爆發力
  • 利尿等...
當然有好亦有不好既地方啦,當您攝取過多既咖啡因會令身體產生副作用如:
  • 心跳率過快
  • 神經過敏
  • 失眠和焦慮
  • 腸胃病等...
咁究竟對皮膚有影響嗎?

好多時都會聽講話咖啡因會令膚質變差,但經過資料搜集後並未發現有醫學研究確實報導咖啡因會對皮膚產生好或壞既影響,而就以上資料顯示,咖啡因對人體既影響多屬神經區而並非皮膚組織,所以相信對皮膚既影響係較低.

咖啡雖然係一種生活文化和享受,但過量(如一次飲2~3大杯)既話就會對身體健康構成威脅,甚至破壞身體機能,所以每日分開飲1~2杯係OK既,由於咖啡因會令排尿量增加,所以注意補充水份即可.

如果大家想了解自己既皮膚狀況,歡迎用以下方式聯絡我們預約做一次免費皮膚分析哦,另外我地中心亦為第一次光臨既顧客提供一次半價面部護理試做,包括激光療程,果酸換膚,高效注滲保濕護理等,可在旁邊既連結登記哦:http://www.cleanskincare.com.hk/zh/trial.html
(*)免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人士諮詢

2016年6月11日 星期六

CLEAN成份解碼 - 洗面產品成份

CLEAN成份解碼-洗面產品成份

我地每日都會用到唔同既清潔劑,而一般既洗面皂和洗面產品都會添加左「起泡劑」,而大部份都採用石油系既化學合成品.用途係破壞水和油脂既表面張力,而將髒污和油脂去除,常見於洗面產品,洗頭水,洗衣液,沐浴乳,洗潔精,地板清潔劑等各種家用清潔劑等.

雖然清潔力超強,但如果用係個人清潔用品中和經常接觸既話,除左對身體皮膚產生不良影響外,該清潔劑既化學成份仲會隨着污水流入河流而影响自然生態哦.

以下幾種既起泡劑成份會較常係洗面產品中見到:-
  • SLS (Sodium Lauryl Sulfate) 硫酸月桂酸鈉
  • SLES (Sodium Laureth Sulfate) 十二烷基醚硫酸鈉
  • Sodium Lauryl Ether Sulfate月桂醚硫酸鈉
  • Ammonium Lauryl Sulfates月桂基硫酸銨
其實已有研究報導指出SLS對皮膚具有刺激性既事實,主因係SLS會去除皮膚既「皮脂膜」(皮脂膜功能:維持皮膚既PH值,達到抑制細菌繁殖既作用,防止表皮水份留失,抵抗外界物質既傷害),繼而令皮膚受損,比如:
  • 令皮膚既防禦能力和皮膚表層濕度下降,導致皮膚敏感,如會引發敏感,乾燥,濕疹,粉刺,皮膚炎,皮膚老化等現象,而且對於敏感肌會產生不適及加重刺激.
  • 長期使用含有起泡劑既產品會令皮膚毛囊阻塞,生粉刺,更有機會令皮膚泛紅起疹,嚴重會造成體內代謝異常.
  • 洗髮產品則會造成脫髮,毛鱗片阻塞等現象.
所以購買任何用於皮膚上既清潔產品都盡量避免含以上提到既成份,慢慢希望從洗面產品到家用清潔劑亦能避免就最好啦,令皮膚健康d,又能夠環保d,兩全其美,何樂而不為呢*^^*

如果想問更多關於自己用緊既皮膚產品究竟適唔適合自己,又或想了解自己既皮膚狀況,歡迎用以下方式聯絡我們預約做一次免費皮膚分析哦.
 (*)免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人士諮詢

2016年6月5日 星期日

成日話補濕,其實d水份去左邊?

CLEAN SKINCARE小知識 :成日話補濕,其實d水份去左邊?

“大家都想皮膚靚D既話,咁就要勤力做多D補濕啦!” 相信呢句說話經常都會聽到,一D都唔會陌生.而我地亦知道皮膚需要有充足既水份,不過成日都話要補濕,補濕...其實d水份到底去左邊呢?皮膚點解又要有充足既水份呀?

今次小編同大家分享同分析一下「點解要補濕」 同 「補完濕後d水份去左邊?」 ,等大家可以對補濕有更深既了解啦.

皮膚既水份係邊?
  • 之前幾篇都有提及過皮膚主要分為表皮,真皮和皮下組織三部份.而真皮層係皮膚主要儲水既一個地方.佔60-70%水份.當中水份可以和糖胺聚糖(舊稱黏多糖,係屬於雜多糖既一種物質,功用有修復傷口,潤滑,儲水等)結合而變成水質凝膠(稱為基底物質),其中包括原纖維,蛋白纖維(骨膠原,彈性蛋白)和細胞外基質.結合時水份可以幫助皮膚吸取骨膠原和彈性蛋白纖維.
  • 另外角質層亦會儲水,但由於係皮膚最表面既一層,所以流失既速度會比其他層數快.
皮膚點解要補濕呢?
  1. 水份對真皮層結構係非常重要,如果皮膚缺少水份,彈性蛋白會失去彈性度,逐漸硬化而變得更容易斷開.
  2. 身體上係由各種細胞組成,維持皮膚新陳代謝正常運行也主要在於水.
  3. 缺乏水份既皮膚會出現水油失衡既情況,令到出油情況更多,導致毛孔阻塞,滋生暗瘡.
  4. 當皮膚唔夠水份而缺水時,會出現乾燥細紋,膚色暗啞無光澤,鬆弛和皺紋現象等.
  5. 水份流失過多時,皮膚角質同時亦無法正常代謝,導致失去保護機能容易受外部侵害,引致細菌感染出現過敏徵狀.
咁皮膚係點樣吸到水份㗎?
  • 其實皮膚本身有抵抗機制,唔會好似海綿咁不斷吸收,無論水,油或其他物質都唔會容易地入到皮膚底層,就算我地浸係水裡,極其量只會暫時將皮膚表面既含水量提高,但好快就蒸發晒,因為浸水時會將皮脂和保濕因子洗走.
  • 所以我地平時做既補濕動作,主要係利用該補濕產品提高吸水能力,幫助皮膚保持表皮角質層達到正常既含水量和延長流失速度,盡量補給在日常生活和代謝而引致水份流失既基本需求.
  • 另外搽完任何補濕產品後,記住一定要搽面霜黎阻擋水份流失,如果唔係就會好快從皮膚內流失走哦.
咁補完濕既水份到底係去左皮膚邊一層呢?
  • 一般既補濕產品只會停留係角質層,但亦有一些持有醫學研究認証既產品証實能進入皮膚更深既層數(如基底層,亦即表皮層既最底一層,甚至乎真皮層),另外亦能透過一d專業導入儀器將補濕產品帶到皮膚底層,如高效注滲技術,將營養液導入到皮膚基底層,為乾燥既皮膚補水和修復.
總之記住補完水就一定要儲水哦,如果大家想了解自己既皮膚狀況,歡迎用以下方式聯絡我們預約做一次免費皮膚分析哦,另外我地中心亦為第一次光臨既顧客提供一次半價高效注滲面部護理試做,可在旁邊既連結登記哦:http://www.cleanskincare.com.hk/zh/trial.html
(*)免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人士諮詢

2016年6月3日 星期五

點解激光能夠增加骨膠原?

CLEAN SKINCARE 小知識:點解激光能夠增加骨膠原?

衰老,皮膚鬆弛,皺紋等等都係開始進入年長期既一種「狀況」,雖然年齡和身體既變化我地冇得去控制,但我地可以透過不同既保養或護理療程來「改善」或「延長」以上既皮膚問題,但最有效既方法就係從皮膚底層增加膠原蛋白黎支撐鬆弛既皮膚,令皮膚變得更有彈性!

但膠原蛋白對皮膚真係咁重要?

真的!因為皮膚70%都係骨膠原,而骨膠原主要功能就係給予皮膚彈性,平滑既膚質,幫助肌膚鎖住水分保持濕潤等,但從進食上並不能補給,因為經過消化系統再受到胃酸分解後變成氨基酸(蛋白質嘅基本單位 )先至能被消化系統吸收,所以換言之係會失去左原本嘅結構同功效,就算有剩下小許功效,[膠原蛋白] 亦唔會只去我地嘅皮膚底層,最終都係會補充到身體各部份.

咁激光能夠增加骨膠原?

可以,其實除了激光能夠做到外,射頻亦能做到同樣效果,主要都係將能量帶都皮膚底層(真皮層)並轉變為熱力,令骨膠原(膠原蛋白纖維)即時收緊,達到緊緻效果,而熱力更能刺激膠原蛋白纖維變得更活躍,製造更多膠原蛋白細胞,達到令皮膚飽滿和回復彈性.

用以上既方法來「改善」或「延長」皮膚衰老既問題係絕對做得到,但當然最好既方法梗係皮膚開始進入衰老期前就好好保養啦,年輕時多為皮膚做足防護措施和養成定期做皮膚護理既習慣,如發現有皮膚上既問題就要尋求正確既解決方法或專業既諮詢哦!勤力d,皮膚就會靚d啦*^^*

如果大家想了解自己既皮膚狀況或肌齡,歡迎用以下方式聯絡我們預約做一次免費皮膚分析哦,另外我地中心亦為第一次光臨既顧客提供一次半價膠原再生激光療程試做,還可以從其餘6款激光療程自由選擇多1款試做哦(如:膠原再生激光療程 + 毛孔緊緻),即1半價錢2款激光療程,可在旁邊既連結登記哦:www.cleanskincare.com.hk/zh/Promotion-2016.html
(*)免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人士諮詢