2016年3月28日 星期一

用肥皂洗面好嗎?

Clean 小Tips:用肥皂洗面好嗎?

復活節假期同左D朋友出黎聚一聚,講到而家d男仔比女仔更加注重清潔面部和面部既護理,有d朋友問用番梘洗面其實好唔好,好似洗得好乾淨,洗到一d油都冇,又天然又香.

但其實小編我就唔太建議常用番梘洗面,原因?以下逐點同大家分享啦:-

番梘既成份通常有:油,水,氫氧化鈉,蠟

當中既氫氧化鈉係屬於一種化學合成品,係化學清潔劑和作用係皂化(液體變固體),屬高鹼性物質,所以基本上所有番梘都係屬於鹼性清潔用品.

鹼性既好處係清潔力特強和軟化角質層,但亦由於清潔力強會將面上所有油脂和角質層徹底洗走,所以洗完面會有一種乾爽既感覺,但慢慢開始會覺得皮膚有少少繃緊,再過一陣就會開始出油,情況仲要比未洗面前嚴重!

原因係洗得太徹底,連保護皮膚既水份和油脂亦一拼洗掉,所以造成水油唔平衡,令皮膚產生出油反應來保護皮膚.

所以用番梘洗面要注意:
  1. 建議中性皮膚,油性皮膚和暗瘡皮膚使用,但避免每天使用,一星期只可用一至兩次,當作深層清潔.
  2. 鹼性番梘屬刺激性成份,乾性和敏感性皮膚避免使用.
  3. 用完番梘洗面後必需進行補水,保水,儲水程序.(可參考保濕護理:http://clean-skincare.blogspot.hk/search/label/%E4%BF%9D%E6%BF%95%E8%AD%B7%E7%90%86
  4. 注意番梘香料和色素,建議使用無添加既洗面皂比較溫和.
  5. 隨著天氣和膚質變化,如果比較乾燥,不宜用太強既鹼性皂使皮膚變得更缺水.
而保存方法建議有以下3點:
  1. 要將泡沫和水分徹底隔走,切勿讓水份浸住番梘,引致滋生細菌.
  2. 番梘含有大量水份,容易溶解,所以用後唔好放在濕度高既地方.
  3. 留意保存期限,一般 有添加防腐劑可保存三年,若無添加防腐劑可保存期限是10~12個月,成分不同亦有個別差異,一般保存放於陰涼處即可.
其實番梘可用作為深層清潔用品,不過要注意皮膚會隨著年齡和外在環境而改變,所以要根據我地皮膚狀況改變而去轉換產品,而且洗面皂既保存方法亦都要好小心留意哦~

如果大家想免費做一次皮膚分析了解下自己既皮膚類型同狀況,歡迎用以下方式聯絡我們哦,另外我地中心亦為第一次光臨既顧客提供一次半價試做不同種類既護膚療程,可在旁邊既連結登記哦:http://www.cleanskincare.com.hk/zh/trial.html

2016年3月25日 星期五

牛油果真係會致肥?

CLEAN 食玩行之食 - 牛油果真係會致肥?

今次介紹既食物係小編其中一種最中意食嘅食物「牛油果」!我有好多朋友一聽到牛油果就話:好肥喎,好高卡路里喎,好高脂肪喎.

其實牛油果確實卡路里係高,100g既牛油果有160卡路里,但係呢160卡路里並非壞物質,反而對身體好有幫助,今次就等我為我愛既牛油果平反啦:-

卡路里係熱量既單位,人體必須要靠熱量來維持運作,而熱量係由脂肪,醣類,蛋白質呢三種物質吸取,而牛油果既熱量主要來自脂肪,以下係牛油果既營養表:
  • 100g既牛油果
  • 熱量:160cal
  • 碳水化合物:8.5g
  • 蛋白質:2g
  • 總脂肪:14.7g
  • 單元不飽和脂肪酸:9.8g
  • 多元不飽和脂肪酸:1.8g
  • 飽和脂肪:2.1g
蛋白質佔了8g既熱量,但脂肪已佔左132.3g既熱量,但其中有104.4g既熱量係來自好既脂肪酸(單元不飽和脂肪酸&多元不飽和脂肪酸),點解?

因為單元不飽和脂肪酸能有效地降低壞膽固醇更有可能提升好膽固醇,而多元不飽和脂肪酸屬於必需脂肪酸,由Omega3&9組成,人體冇辦法自行合成,一定要從食物吸取,其主要功能係增加細胞膜彈性,降低血壓,減輕發炎反應,加強免疫系統等.

所以吸取該脂肪酸對我地既身體有非常多既好處哦,除左單元不飽和脂肪酸&多元不飽和脂肪酸外,牛油果仲有好多其他營養哦,比如:高食用纖維,鉀,葉黃素,維他命B1,2,3,5,6,9,C,E,K,鋅,等等...

雖然牛油果既熱量係高,但對身體既好處亦非常多,所以我地絕對可以將牛油果列入日常餐單中,咁健康既食物係唔洗驚肥既!

2016年3月22日 星期二

食肉瘦身法?可行嗎?


CLEAN SKINCARE小知識 - 食肉瘦身法?可行嗎?

最近天氣越黎越熱,身邊d朋友都開始佢地既瘦身大計(當然我都係啦^.^lll),但就聽到有d朋友話要用食肉瘦身法...即係完全唔食澱粉質,只食瘦肉同蔬菜.

雖然可能真係work,但我就唔太建議,因為要將澱粉質既量變成肉類,意思即係要進食較大量既肉黎維持飽肚感,但當人體進食過量肉類既時候就會令身體產生負面既變化,點解? 

毒素源頭:
  • 動物亦有感覺,感情,佢地能夠感受到威脅,危險,甚至乎恐懼和痛楚,所以當動物面臨死亡既時候,體內會產生巨變,分泌大量既荷爾蒙,尤其係腎上腺素,到死後呢d分泌物會停留係肉內而變成毒素. 
對皮膚既影響:
  • 由於肉類既酸性同毒素引起大量既自由基,之後再經過高溫煎炒煮炸,釋放有害物質,當人體進食後會破壞體內既好細胞,令新陳代謝減慢,導致皮膚急速衰老.
對內臟既影響:
  • 每一磅既肉大概有14g既尿酸,美國有一位醫生就做左一個分析,從素食者同肉食者既尿液做左個腎臟測試,發現:肉食者既腎臟要用素食者既3倍工作量才能排出氮化合物.所以肉食者既腎臟會比素食者提早耗損過度,如果食肉量過大,更會令腎臟提早停止功能,最後患上腎臟病. 
關節既影響:
  • 當腎臟再無力處理負擔時,尿酸就會一直儲存係體內,而肌肉就會將尿酸既水分吸乾,之後尿酸會由液體變成結晶體並停留係關節裡,慢慢變成關節病(如關節炎,風濕,痛風等),如果尿酸積聚係神經位,嚴重既話就會引起神經炎或者坐骨神經問題.
消化系統既影響:
  • 肉類基本上係零纖維食物,而我地既消化系統需要非常耐既時間(蔬果類既四倍)才能將肉類消化並排出體外,容易造成便秘和產生毒素.
其實我覺得控制體重係必需既,但如果因為要控制體重而令身體失去健康,咁就失去左真正既意義了,所以如果我地要令皮膚同身體都健康,首先從食做起,之後再一直維持保養,咁人又健康左,皮膚又好左,成個人都精神晒啦!

如果大家有興趣想知道自己皮膚既肌齡,狀態,色斑分佈,我地歡迎各位光臨做一次免費皮膚分析,了解下自己既皮膚,只要用以下方式聯絡我們預約就可以了,另外我地中心亦為第一次光臨既顧客提供一次半價試做不同種類型既激光療程,可在旁邊既連結登記哦:http://www.cleanskincare.com.hk/zh/trial.html

2016年3月17日 星期四

製造衣物對環境的影響

CLEAN環保:製造衣物對環境的影響

大家會唔會都期待住每一季時裝界既新風格新款式,當每季開始時冇論在創意,顏色和風格上都會被深深吸引住,一向貪靚而又想緊貼潮流既我點可能唔係粉絲之一呢~

近幾年時裝界既快速時裝已經成為一種潮流文化,深受大家愛戴既原因係我地可以用便宜既價錢買到最時尚既品牌風格,除此以外轉換款式亦相當之快,又唔輕易同人撞款,再加埋網購亦非常方便容易,以前真係試過貨還未到手,又已經開始買新喇~

經常可以著新衫係一件開心事,但對於快速時裝文化既認知和生產時所造成既污染,我地知道幾多呢?同地球環境有咩關連呢?!當開始去了解在生產衣物時原來會對環境構成污染後,我對於追求時裝潮流既想法亦有所改變了.

因為生產衣服時係會需要用到大量既水源,電源,化學物質和其他天然資源,有幾嚴重?一齊睇下:
  • 由於快速時裝生產數量較一般時裝大,需要用到大量既資源,製衣界造成紡織廢料亦相對增多,數據顯示每年產生紡織廢料重量係中國大約有 2,600萬噸,英國大約有80至 100萬噸,而我地香港都有大約10萬噸,以上紡織品廢料都會一一送去堆填區,其實全球既工廠和各國既人民都已經習慣將多餘既衣服,紡織廢料送到堆填區中,至於會循環再用和衣物回收既百分比非常小,如果持續落去對環境會造成嚴重既傷害~
  • 另外生產衣服時係需要用到大量既水源,據估計全球既紡織業每年都會使用到大約378萬億公升水,要生產一件T恤所用到既棉花數量就要耗水約2700升,染一公斤既布料,用水量可達70-150升,整個過程極度浪費資源!
  • 而當中係生產過程時所造成既大量化學污染物,二氧化碳和其他有毒既物質都會釋放到我地既水道,河流,海中,泥土,甚至會停留在空氣中,以上既污染會對人體,動物和植物都會造成嚴重既傷害.所以以上驚人既數據係提醒我地要好好善用資源和保護地球!
當我地了解到原來生產衣服既背後係會造成『環境污染+耗用到大量既天然資源』,咁當大家在購買衣物時都認真地考慮和選購耐穿的款式,緊貼潮流其實都可以同時環保哦,比如選購耐穿和百答既款式再加mix & match,都可以創造出自己既style,避免購買已經有類似既款式,然後將放置唔著既衣物作循環再用或者捐贈給衣物回收機構,不要直接掉到垃圾桶送去堆填區.咁樣就唔會為左追求潮流而每季都棄置大量既衣物,大家在買衫前都多作考慮呀!(有興趣可以睇番我地之前分享過既POST如何處理衣物更環保http://clean-skincare.blogspot.hk/2015/12/blog-post_13.html

大家都可以為大自然和地球出一分力,好好珍惜天然資源和每一件衣物,請大家多D分享不同既環保意識比身邊既家人朋友,讓大家為地球都一齊出力啦.

2016年3月14日 星期一

暗啞膚色能夠透過激光療程來改善嗎?

CLEAN SKINCARE 小知識 – 暗啞膚色能夠透過激光療程來改善嗎?

唔知大家係咪為左黎緊春夏天做準備要着多d鮮色既衫,所以最近多左顧客問有關膚色既問題,比如美白,消除暗啞和膚色唔均勻等,所以就想係今次既分享講下有關激光療程點可以幫到大家改善膚色問題.

之前有分享過構成膚色暗啞既原因,以下兩個連結俾大家做參考: 
而要進行激光療程來改善暗啞問題之前要先了解起因,因為內在因素而引起同外在因素而引起既療程係有分別哦: 

外在因素:
  • 如因構成暗啞既原因係來自角質層堆積既問題,又或者係使用護膚品或化妝品後殘餘既化學物沉澱而使毒素積聚和黑色素增加的話,我地首先可以做毛孔緊緻激光療程黎解決角質層堆積既問題,去除角質後會令毛孔暢通,皮膚會變得明亮,,之後可以做嫩膚美肌激光療程去激走積聚既色素,令膚質再得到提升和去除暗啞.
  • 因為唔解決皮膚外層既問題,就算底層黑色素被激光分解,而面上膚色依然唔會得到改善,所以係從外至內咁去改善
內在因素:
  • 如因情緒影響,紫外光照射或不良生活習慣而令黑色素增加,膚色變得暗沉,我地會建議進行去紋嫩膚美肌激光療程,將皮膚底層既黑色素分解,另皮膚回復美白和光滑.
  • 反而因內在因素另膚色暗啞既話,咁就可以直接從皮膚底層入手,去除黑色素,回復均勻膚色
唔同既因素有唔同既處理方法,只要能正確地判斷問題既所在,並安排適合既療程,對症下藥,咁問題就得以解決啦.

如果大家想免費做一次皮膚分析了解下自己既皮膚類型同狀況,歡迎用以下方式聯絡我們哦,另外我地中心亦為第一次光臨既顧客提供一次半價試做不同種類型既激光療程,可在旁邊既連結登記哦:http://www.cleanskincare.com.hk/zh/trial.html

2016年3月11日 星期五

保持年輕的秘密VIII之前花青素是抗衰老既營養素之一?

CLEAN SKINCARE小Tips:保持年輕的秘密VIII之前花青素是抗衰老既營養素之一?

之前係『保持年輕的秘密II』有提及到巴西莓係小數含有多種不同營養成分既水果之一,而花青數含量亦頗為豐富,但係有d朋友會將花青素同前花青素混為一談,其實花青素主要功能係提升抵抗力和免疫力,針對炎症疾病,而前花青素有d唔同,其主要功能係保護皮膚,維持彈力等,以下我會更詳細地分享比大家有關前花青素既功效:- 

前花青素的營養價值:
  • 前花青素OPC (又稱原花青素或初花青素/Oligo Procyanidins/OPCs),抗衰老既營養素之一,亦係生物類黃酮(flavonoids)既一族(通常係花和植物裡發現),天然既類黃酮係世界上公認為最強既抗氧化劑,其抗氧化能力係維他命E既50倍,維他命C既20倍. 
前花青素可以有效地抗衰老?
  • 前花青素有幫助產生抗自由基既酵素,能協助維他命C儲存膠原,做到阻隔紫外線既傷害,前花青素分子結構小,易被人體吸收,可以穩定膠原質,維持彈力素,可以減少膠原蛋白流失和彈性纖維被破壞,亦可以減低細胞老化過程,防止皮膚塌陷而出現皺紋,保護皮膚並進一步達到皮膚抗老化的效果.
前花青素從哪些食物中攝取?
  • 前花青素主要於植物的表皮和種子內,可以從食物中如深紅,紫藍色既蔬果中攝取,例如葡萄籽,蔓越莓,藍莓,紅莓,山桑子,可可,蘋果,花生,杏仁等,其中葡萄籽所含前花青素的含量最為豐富. 
前花青素的其他好處:
  • 能阻止膽固醇,粘著血管,讓血管維持良好彈性,另全身血液循環流暢,抑制體內有害酵素,讓膠原蛋白避免受到攻擊,而且更可以維持關節,皮膚組織的健康.
  • 前花青素係強力既血管守護者,目前廣泛應用在心臟病既預防與高血壓治療上. 

CLEAN提示:

現時市售既前花青素保健產品大多由葡萄籽萃取而來,但松樹皮、花生皮、葡萄皮和許多植物中也含有前花青素.但如患有血液循環系統失調,正服用抗凝血劑 (薄血丸)、阿斯匹靈、蒜片或維他命E的人士,懷孕及哺乳期間的婦女,以上情況都不建議服用.為安全起見,計劃服用任何精華保健產品前,應先諮詢醫生和藥劑師的意見哦,下次再分享其他營養素比大家參考啦.

如果大家想免費做一次皮膚分析,睇下自己既皮膚情況和肌齡係點?歡迎用以下方式聯絡我們哦,另外我地中心亦為第一次光臨既顧客提供一次半價試做不同種類既護膚療程,可在旁邊既連結登記哦:http://www.cleanskincare.com.hk/zh/trial.html

與我們聯絡:

2016年3月7日 星期一

皮膚敏感的原因?

CLEAN小知識:皮膚敏感的原因?

上一篇講到唔同皮膚類型有唔同既特性,但敏感型肌膚既人會因皮膚敏感呢個症狀而感到煩惱,因為當敏感發作時皮膚就會變得緊繃,痕癢同埋有甩皮等症狀...而呢D症狀有時發作得頗頻密添,究竟有咩原因會令到皮膚變得敏感呢?有冇辦法可以避免或者減輕呢?

其實構成敏感型肌膚既其中一個原因係角質層一般偏薄弱,水份會流失較快,對外來刺激亦會較敏感,另外亦有其他因素如:免疫力系統反應,酸鹼度等都會另皮膚變得敏感,所以敏感型肌膚要比一般既肌膚做更多既照顧和保養,另外內在因素亦不可忽視,因為情緒同飲食習慣都會對皮膚有直接既影響哦,以下5點係較常會引發皮膚敏感既情況:

體質因素:身體免疫力降低時,新陳代謝會開始減慢,再加上受外界既有害物質或刺激性物質入侵,會容易導致皮膚有過敏症狀.
  • 改善建議:做多d帶氧運動,如跑步,跳舞,體能訓練等來改善血液循環,加速新陳代謝,排走體內和皮膚下既毒素,之後再加上為皮膚做好補濕和鎖水,令皮膚變得更健康更充滿水份.
生理因素影響:壓力,精神緊張,情緒激動等都會令抵抗力減弱,加上情緒會令賀爾蒙產生變化而影響皮膚質素.
  • 改善建議:多做情緒控制訓練,多做內心調整,放假時可以參與做一d平時冇做過既事來放鬆心情,比如未試過放假行山就試下,或者試下早d起身做運動再搵一個舒適既地方享受早餐等等.. 
氣候變化影響:皮膚未能及時適應或未能及時改用適合當時天氣既護膚品.
  • 改善建議:秋冷天氣改用較補水同鎖水既護膚品,而春夏就以較爽身為主,這會因每人膚質唔同而有所不同,所以最好要多d留意自己皮膚既變化.
護膚產品影響:當中含有香料,化學物質,酒精,刺激皮膚既防腐劑等等,都會令皮膚容易產生過敏.
  • 改善建議:除左購買護膚產品時要看成份,亦可以留意我地既CLEAN 既POST-成份解碼,以下亦提供一個網站只需要輸入自己用緊既護膚品名稱,就可以Check下當中所含既成份啦:http://www.cosdna.com/cht/product.php 
受紫外線影響:過度在日光曝曬下,皮膚容易變得失去水份和發紅,脫皮和灼熱感.
  • 改善建議: 建議選購物理性防曬SPF 30既防曬產品,另外亦要注意選用無香料既(Fragrance-Free)成份哦.
希望今次分享完可以幫助大家明白到要增強皮膚和身體抵抗能力既重要性,令自己擁有更健康既皮膚狀況哦~

如果大家想免費做一次皮膚分析了解下自己既皮膚類型同狀況,歡迎用以下方式聯絡我們哦,另外我地中心亦為第一次光臨既顧客提供一次半價試做不同種類既護膚療程,可在旁邊既連結登記:http://www.cleanskincare.com.hk/zh/free-trial-2015.html 

2016年3月3日 星期四

油性皮膚?真係?

CLEAN SKINCARE 小Tips油性皮膚?真係?

唔知各位有冇試過塊面成日出油但一直用控油產品都好似冇乜改善?係咪因為自己屬於油性皮膚所以先會咁?但有d人話出油唔一定代表你係油性皮膚,點解?不如今次就同大家分享下皮膚的類別啦!

皮膚對人類黎講是一個非常重要既器官,因為:
  • 皮膚係由多層細胞組織而合成,如角質層,透明層,顆粒層等.
  • 皮膚佔左整個身體既15%重量
  • 皮膚可以保護我地既身體
  • 皮膚可以產生感覺
  • 皮膚可以幫我地調節溫度
  • 皮膚有免疫作用
  • 等等...
所以皮膚係一個非常複雜既器官,而類別可分為5大類:
  • 乾性:洗完面未搽任何護膚品時,會覺得皮膚好拉扯,好唔舒服,過多一陣,面部有機會開始出油,而風大或者天氣乾燥時可能會甩皮,易紅.
  • 中性:所有情況都好平均,比如唔會太易出油但又唔會太乾,毛孔亦唔會好大
  • 油性:面部出油情況較嚴重,毛孔粗大,較容易滋生暗瘡
  • 混合型:即乾性同油性既情況會一齊出現(T字位屬油性,其餘則屬乾性)
  • 敏感型:皮膚會較容易因環境既溫度,濕度,或其他物質(如塵埃)既刺激而作出反應,如:發紅,痕癢,甩皮,出疹等.
至於點解塊面成日出油但一直用控油產品都好似冇乜改善?

其實有時面部出油唔係因為你屬於油性皮膚,反而你可能因為皮膚缺水而出油,因為皮膚當缺水既時候,就會自我調節(與調節溫度相似),但皮膚不能自我產生水份,所以就會分泌油脂黎保護皮膚.

如果要解決呢種情況,就應該要『補水』,『保水』,『儲水』,點樣做到?請進入:http://clean-skincare.blogspot.hk/2015/01/blog-post_26.html 

我地既皮膚就好似一個小生命咁,要不斷去留意,關心,呵護,保護同保養,因為如果有一刻忽略左去照顧皮膚,咁就要花好多倍既努力先『可能』回復,所以大家要多d關注自己既皮膚哦.

如果大家想免費做一次皮膚分析了解下自己既皮膚類型同狀況,歡迎用以下方式聯絡我們哦,另外我地中心亦為第一次光臨既顧客提供一次半價試做不同種類既護膚療程,可在旁邊既連結登記哦:http://www.cleanskincare.com.hk/zh/trial.html