2016年1月29日 星期五

檸檬水對身體的好處

CLEAN SKINCARE 小Tips:檸檬水對身體的好處

呢幾日香港天氣突然變得又寒又冷,我地工作量咁多又咁忙,身體真係小D低抗力都唔得呀~而經常聽到飲檸檬水可以幫助大家增強身體抵抗能力,但檸檬除左因為有充足既維他命C外,仲有乜元素係幫到我地既呢?而除左增強抵抗能力外仲有咩其他好處呢?今次小編想同大家分享多少少有關檸檬水對身體的好處! 

首先,檸檬既元素有:

  • 檸檬裡面既成份有一種叫「檸檬酸」既有機弱酸,亦都係一種維他命C既來源.豐富既維他命C,可以幫助身體降低膽固醇,消除疲勞和增強免疫力,更加對於一D經常外出飲食缺乏蔬果和維他命既上班一族黎講,係一個補給既最佳方法.
  • 檸檬亦含有高量鉀元素,如果身體鉀量不足既時候,就會產生疲倦,精神不振,增加中風既風險等,而檸檬可以幫我地保充到.
  • 另外檸檬亦含有一樣我地身體用黎維持生命既元素:維生素!係30年代既人稱檸檬係神祕藥果,因為檸檬有助對抗壞血病呢. 
檸檬對皮膚既好處有:

  • 由於檸檬既維他命C含量極高,所以在皮膚上可以預防和消除色素沉澱,達到美白作用,而且令荷爾蒙既分泌平衡化,幫助暗瘡和粉刺減少,更加可以防止皮膚細菌感染既機會.
  • 另外有抗氧化作用有助於應對體內自由基損害,緩解皮膚衰老,維生素C可以增加皮膚骨膠原,防止皺紋出現. 
檸檬對身體既好處有:

  • 能夠速進新陳代謝,增加免疫力,預防感冒,並且幫助排除體內有害物質和毒素等等功能.
  • 「檸檬酸」可以幫助鈣質容易吸收,增加人體骨質密度,預防骨質疏鬆.
  • 檸檬內既鉀元素可幫助身體平衡酸鹼度
最後提提大家唔需要擔心用太熱既水沖飲會令維他命C營養損失,因為檸檬中酸性較強,反而比較耐熱,唔會容易流失,一般熱水高於60度都無問題㗎~

飲用檸檬水原來當中對我地身體和皮膚既好處多多,大家要比D心機,Keep 住飲哦!

如果大家想免費做一次皮膚分析,睇下自己既膚質情況和肌齡?歡迎用以下方式聯絡我們哦,另外我地中心亦為第一次光臨既顧客提供一次半價試做不同種類既護膚療程,可在旁邊既連結登記哦:http://www.cleanskincare.com.hk/zh/trial.html

2016年1月26日 星期二

做完激光療程後既Q&A

CLEAN SKINCARE 小知識-做完激光療程後,有乜因素會令效果唔理想?

上星期我去左中心探下d同事同埋了解下而家我地既顧客有冇d關於皮膚上既問題或心得想知,等小編我之後可以再為大家寫更多更好既小知識黎分享.

之後發覺原來顧客都對激光療程既問題較多,比如:咩係深層斑,咩係淺層斑,要打幾多次,做完激光療程後,有乜因素會令效果唔理想等?所以我今次就簡短地分享比大家參考下啦:-

  • 問:做激光去斑點解有d會結焦,有d就唔會?
  • 答:如進行淺層斑激光療程(例如雀斑, 曬斑, 老人斑等等)才會經過結焦階段,淺層斑位於皮膚既表皮層,激光療程過後該色斑位置會結痂,之後當痂甩掉既時候,色素亦會隨著痂一齊脫落.如做深層斑激光療程(例如荷爾蒙斑,顴骨斑,太田毋斑等)就唔會經過結焦階段,只需要待皮膚經過新陳代謝而分解並排出體外,深層斑既黑色素位於皮膚較深層(真皮層內),相對會需要較多既治療次數.兩種斑會分別用唔同波長既激光去進行治療.
  • 問:淺層斑和深層斑通常做幾多次先算為一個療程呢?
  • 答:淺層斑通常做3-6次就可以去除,但深層斑就要做6至10次左右,要視乎範圍和數量.
  • 問:點解成日聽人講打完激光會反黑,其實係咩意思?
  • 答:反黑既意思其實係PIH (炎症後色素過度沉澱症),即如果皮膚受到刺激後,係皮膚既機制下會增加黑色素細胞去保護發炎或受刺激後既皮膚,當黑色素細胞增加後就會較容易出現色素過度沉澱,導致色斑加深或出現反黑現象.所以如果激光療程後冇好好護理,敏感既肌膚再受紫外光,刺激既護膚品成份或不當既護理等都會令反黑現象加劇.
  • 問:點先至唔會反黑?
  • 答:每次療程相隔至少3星期/療程後必需搽物理性防曬/避免使用美白產品和重化學成份護膚產品/不能暴曬/甩痂時絕不能用手刮甩,一定要讓痂自然脫落.
  • 問:面上會唔會有淺層和有深層斑同時出現?
  • 答:會,因為人體本身就有黑色素既存在,只不過係要視乎透過內在或外在邊種因素而引發左出黎,所以深淺層斑係會有可能同時出現的.
  • 問:點解都打左2~3次深層斑啦,d斑仲係度既?
  • 答:正如以上提及到既,深層斑最少要進行6次先至會有較明顯既效果,而且做激光去除深層斑能改善約70-80%,所以做深層斑比做淺層斑療程要更有耐心啊. 
其實仲有其他相關問題,而今次分享以上既係較多顧客會問到既問題.但如果大家有其他話題或疑問想我分享既,我非常樂意收到您既留言並為您們分享,又或者下篇可能再繼續寫關於做激光療程既疑問同大家分享啦,謝謝大家!

如果大家想免費做一次皮膚分析,睇下自己既色斑情況和肌齡?歡迎用以下方式聯絡我們哦,另外我地中心亦為第一次光臨既顧客提供一次半價試做不同種類既護膚療程,可在旁邊既連結登記哦:http://www.cleanskincare.com.hk/zh/trial.html

Our website: www.cleanskincare.com.hk
Facebook: PM
Mail: info@cleanskincare.com.hk
Tel: 26283242
What's app: 98438821
We Chat: cleanskincare
Line: cleanskincare

2016年1月22日 星期五

減少食肉救地球

CLEAN 環保-減少食肉救地球

唔知大家有冇印象上年12月係新聞報導話說法國巴黎舉行左第21屆聯合國氣候變化大會(COP21),而於12月12日通過左《巴黎協議》,總共有195國家一致同意控制排放既問題,目標要係2100年前既溫度唔升過攝氏2度.

其實要195個國家一致同意真係唔容易,當中仲要有1600條爭議問題,大家試想一下,195個國家爭議並要一致同意1600條問題,另外仲要有某部份發達既國家從2020年起承擔每年要籌1000億美元既支援比一d發展中既國家,真係唔簡單,所以從中可以睇到減排既重要性.

雖然我地冇可能做到每年提供1000億美元既支援,但我地亦可以一齊幫助減排哦,點做?好簡單,就係減.少.食.肉

由於係製造飼料,種植稻草等都會釋放二氧化碳,而另外動物既排泄物會產生甲烷(沼氣),令氣溫上升,大家唔好以為減少食肉幫唔到幾多,因為淨係美國同香港既食肉量數據都幾嚇人.

美國每日每人既平均食肉量係250g,全國加埋等於79500000kg(7千9百萬),而根據美國農業部既數據,原來香港係全球人類平均肉食消耗量最高既地區,比美國高38%,歐盟既2倍,所以大家諗下有幾龐大既二氧化碳同排泄物(甲烷-沼氣)在排放中,所以作為香港人真係可以幫到手.

如果只係以個人計算,肉食者1年所生產的碳排放量是素食者既大約3至4倍,所以每星期一天吃素,1個人1日可以減少約7公斤既碳排放!加上揀選合適的素食,對身體也好,長期病痛也會少一點!其實,近年既素食菜式已經有好多選擇,各式各樣既都有.

所以而家有d餐廳餐牌上都有Green Monday(無肉星期一)既菜色可供選擇,Green Monday主要鼓勵大家從生活細節著手,由每星期素食一天開始,能減少碳排放,亦有助健康.而Green Monday致力宣揚健康,環保同低碳既生活方式,推廣綠色生活態度,提倡進行綠色飲食.

除左係『食』方面改善,其實減少使用一次性物品(如膠食具,膠袋,紙巾等),多循環使用都可以幫助減排哦,因為係分解棄掉物品時,當中會分解出唔同既氣體,直接增加左地球既氣溫上升,所以減少使用即棄物品有助減排之餘又可以減輕堆田區既壓力.

全球暖化既問題日益嚴重,主要成因係由於過多既碳排放,森林減少而導致人為既溫室效應,所以近年多個國家,機構及組織都宣傳「減碳」這個重要既訊息,好多人可能會覺得事不關己話:一個人都幫唔到幾多啦!但其實問題就迫在眼前,我地最感受到既就係「一年比一年熱」,今年小編直頭覺得好似冇凍過一樣(除左呢幾日),所以減少食肉既好處可以令身體健康d,皮膚又靚d之餘,又可以為保護環境生態出一分力,何樂而不為呢?

小編我邀請大家,小食肉,多環保,盡你我一分力來保護地球環境!

2016年1月18日 星期一

關島之旅

CLEAN 食玩行之行:關島之旅

將近農曆新年,相信呢段時間大家都會比較忙~可能大家唔單只工作忙,可能仲要籌備農曆新年去旅行既計畫或親友結婚咁,呢個時候...我同大家一樣要參加好朋友既婚禮,不過呢個婚禮有D特別,因為係《關島》進行!對於我黎講真係一件開心事,因為可以參加好朋友既婚禮,亦有藉口可以順便去旅行,所以之前一直好期待呢~

近來香港既天氣又濕又凍,最好就係離港一下啦!小編想同大家分享下我上星期既關島之旅,等大家係百忙之中都可以感受到陽光與海灘既度假氣氛,暫時放低下係香港既忙碌壓力和緊張生活...過農曆新年期間大家都要休息下,叉叉電啊~加油哦!

好,入正題啦!由剛踏入關島海關時,就已經感受到當地人既熱情歡迎,親切既笑容為這個旅程作開始,之前對關島好陌生只知道係一個島嶼,有好多特色既教堂等, 但經過今次既旅程之後,終於明白到點解咁多人喜歡呢個浪漫既地方.
關島既陽光與海灘除左充滿著渡假氣氛之外,而且仲感受到浪漫既氣氛,參加朋友婚禮既地方係一間坐落係海邊既水晶玻璃大教堂,有牧師做主持,在歌手和鋼琴師動人既聲音下,場面好感人大家都有D眼濕濕,自己仲幻想希望可以成為下一次既主角,這場婚禮好浪漫好幸福啊...

之後大家去到位於北邊既*戀人岬*,旁邊有個展望台,欄杆下既鐵網排滿好多鎖,大家都鎖上情人門不同既願望,另外附近有一台*情人鐘*,話說戀人一齊敲鐘,愛情就會長長久久,結果我地所有人都爭住敲鐘,場面非常開心熱鬧.
除左參觀名勝古蹟之外呢度既海洋都十分之靚,清澈既海水最適合遊水和玩水上活動,喜歡浮潛和潛水既你關島係一個非常好既地方,每次潛水都好喜歡感受在海底下既聆靜和平靜氣氛,只係聽到自己既呼吸聲和專注去觀察身邊一群群既魚在身邊游來游去,欣賞海底下各式各樣既珊瑚和生物,感覺自己亦變得自由自在好舒服,心情亦都放鬆晒.另一日我地參與左當地既一日游,早上坐大船出海去睇鯨魚,初初遠睇都分唔清係浪定係鯨魚,去到近D睇清楚知道真係有鯨魚,大家即刻囉晒D相機出黎影呀影,呢群鯨魚大約有10條左右,體型好龐大,之後係回程時仲見到海豚,船長有開慢D,海豚就跟住船邊游,當日好開心呀係第一次同鯨魚和海豚咁近距離,呢個旅程真係好滿足呀!!

對我而言旅行係一個可以令我放鬆心情,調整下平日工作時緊張情緒既好方法,因為日常生活中產生既壓力,睡眠不足等,都會令我地皮膚既皮脂分泌失衡,代謝減慢,好容易產生暗瘡,色斑,敏感,乾燥或其他皮膚問題,但如果我地懂得釋放壓力去促進身體既新陳代謝,皮膚冇問題自然健康又靚D啦~

2016年1月15日 星期五

防曬霜含有酒精成份?

CLEAN 護膚產品成份解碼-防曬霜含有酒精成份

上一篇<邊d護膚品成份等於酒精>分享過點樣分辯有寫住『Alcohol』加唔同英文既成份究竟有乜分別和作用.但原來酒精唔單只會係化妝品出現,其實有d防曬霜亦都會含有酒精成份哦.

含有酒精成份既防曬霜一般都會係爽身既質地,一般人會選擇呢一類既防曬霜係因為好方便,好爽,仲可以即時上化妝品,而且又唔會有油膩既感覺,但係背後就含有刺激皮膚既酒精成份,有學術論文已證實長期使用含酒精類成份既護膚品對皮膚具有刺激性,有機會損害皮膚導致乾燥,過敏,水油不平衡,發炎和造成自由基損害既情況,特別如本身係暗瘡,敏感,乾性既肌膚更要避免使用含酒精成份既防曬霜啊.

咁究竟防曬霜中有邊幾種會損害皮膚而又常見既酒精成份呢?會引起皮膚乾燥和造成刺激既細分子醇類(酒精)又有邊幾隻?

以下係一d常見防曬霜中既細分子醇類(酒精):-
  • 甲醇(methanol)
  • 乙醇(ethanol)
  • SD乙醇
  • 苯甲醇(benzyl alcohol)
  • 變性酒精(denatured alcohol)
  • 異丙醇(isopropyl alcohol)
以上物質會對皮膚引起刺激性,如果以上成分列於產品成分表既前幾位,即係含酒精成份偏高(即名稱越前,成份比例越重),呢種產品會對各種膚質造成較大損害,但如果列在成分表嘅末尾,咁就代表酒精成份略低,對皮膚既損害亦會低D.而產品中冇論含有植物性,有機性或化學合成既酒精都會對皮膚產生刺激及造成損害哦.

如果唔知自己既防曬霜有冇含有以上酒精成份?以下提供一個網站只需要輸入自己用緊既防曬霜名稱,就可以Check下防曬霜中所含既成份有冇含有酒精啦:http://www.cosdna.com/cht/product.php 

而列於產品成分表既前幾位好d定係末尾好d呢...?最好係唔含酒精好d啦,希望大家係選用防曬霜時留意成份多一d照顧皮膚多一d哦*^^*!!

如果想查詢更多成份或想做個免費皮膚測試,歡迎用以下任何一種聯絡方式聯絡我們哦:

2016年1月10日 星期日

做運動能唔能夠令皮膚延遲衰老?


CLEAN SKINCARE 小Tips - 保持年輕的秘密VII : 做運動能唔能夠令皮膚延遲衰老?

大家都知道冇論好天陰天都要搽防曬,因為我地要係任何時候都要令皮膚保持一個受保護既狀態,但如果想令皮膚再靚d再健康d,除左做皮膚保養療程外,其實做運動都係一個好好既選擇!


相信好多讀者都聽過做運動會令毛孔擴大,流出大量既汗水,從而將毒素和污垢物排走,令皮膚更健康,但其實做運動為皮膚帶來既好處唔只咁簡單.

加拿大安大略省麥克馬斯特大學(McMaster University) 既馬克·塔諾波斯基(Mark Tarnopolsky)博士做左項研究,佢地首先集合左29位男女志願者,年齡20至80之間,一半志願者每周平均最少做三個小時既運動,而另一半則基本上係冇做或少做運動.

係研究結果上,表面睇落所有志願者既皮膚都符合該有既年齡預期,但再細分研究下,40歲以上有鍛鍊既男女士們,佢地既表皮較薄(即角質層較少),真皮層較厚(即富有細胞和彈性),膚質比起同年齡既較年輕10年以上!

所以馬克博士再做左另一次研究,請左一班65歲以上既志願者,進行每周兩次既帶氧訓練(如跑步,踩單車等),持續3個月,之後發覺皮膚有驚人既變化,膚質係顯微鏡下睇,發覺表皮和真皮層都年輕左20年或以上!

以上既研究係2014年美國醫學會(American Medical Society)運動醫學年會上已經提交.

雖然暫時未有一份非常清晰既報告帶出點解運動能帶來以上既變化,但經過唔同專家既觀察,研究和測試,得出以下既答案:-
  1. 當你做帶氧運動時,心臟會為你身體不斷泵出富有氧氣既血液,帶到身體所有部位和皮膚,增加養份和活力,有助將身體內既毒素排走.
  2. 做運動能平衡荷爾蒙分泌,減少油脂分泌失衡,有效減少暗瘡滋生
  3. 有效減少過多既皮質醇產生,因為皮質醇會抑制膠原質既產生,所以當過多既皮質醇就會令皮膚減少膠原,導致失去彈性,增加皺紋,而做運動就可以解決呢個問題喇.
其實做運動既好處真係有好多好多,但記緊做完運動後,一定要清洗身體和面部,因為如果汗水凝固後就有機會阻塞毛孔,令毛囊發炎,變成暗瘡.

另外做完運動後亦唔好化妝哦,因為身體此時還會繼續出汗,咁汗水 + 化妝品 + 街道上既塵埃亦會令毛孔閉塞哦,最後又會變成暗瘡了.

最後,如果做室外運動就記得搽防曬,做完運動就多飲水和食返d低脂既食物黎補充水份同蛋白質哦.

睇完係咪好想即刻去做運動呢?其實...我今晚都要去做瑜珈了~呵呵呵,See ya girls!

如果大家想免費做一次皮膚分析,睇下自己既肌齡和有冇色斑?歡迎用以下方式聯絡我們哦,另外我地中心亦為第一次光臨既顧客提供一次半價試做不同種類既護膚療程,可在旁邊既連結登記哦:http://www.cleanskincare.com.hk/zh/trial.html 

2016年1月6日 星期三

點解果酸能夠產除暗瘡?

CLEAN SKINCARE小知識 - 點解果酸能夠產除暗瘡? 

其實想寫呢篇係因為經常有朋友或讀者問我點解搽d果酸落皮膚到,之後感覺吉吉地就可以令d暗瘡慢慢死晒?究竟果酸係乜?點解可以治療暗瘡? 

我地不如先了解果酸究竟係乜先:

  • 果酸其實係一種由好多唔同種類既『酸』而合成,常見的有甘醇酸/乳酸/水楊酸三種,主要用調配好既濃度,將過多既角質層軟化並去掉,促進新陳代謝,加快暗瘡凋謝,加速皮膚更新等,但唔同既研究室所研發出黎既果酸都有唔同效果,而濃度會有所不同,所以一定要揀安全既醫學果酸同埋千祈唔好自己係屋企進行果酸換膚哦,因為如果唔識控制時間,份量和處理,好大機會會灼傷皮膚呢. 

果酸係咪真係可以能有效醫治暗瘡?

當然可以,冇論非發炎型(包括粉刺及黑頭)或發炎型(包括丘疹,膿泡和囊腫)都能有效醫治,因為果酸既酸性可以:
  1. 幫助令細菌加速死亡
  2. 舒緩發炎狀態
  3. 加速新陳代謝
  4. 令過厚既角質層軟化去掉
  5. 最後令皮膚變返平滑
除左暗瘡問題,果酸亦能有效地處理面上既油脂粒,毛孔裡既黑頭粉刺,如果選擇更高濃度既DCC果酸換膚,更可以減少幼紋,皺紋,皮膚衰老等問題,因為果酸既酸性可以令原本老化或者代謝不良既皮膚組織代謝走,激活細胞更新,刺激骨膠原增生,提升皮膚回復彈性緊緻,令皮膚更有活力和彈性. 

如果想知了解更多,以下分享一些連結比大家:

如果大家想免費做一次皮膚分析,歡迎用以下方式聯絡我們,另外我地中心亦為第一次光臨既顧客提供一次半價試做果酸換膚體驗,可在旁邊既連結登記哦:http://www.cleanskincare.com.hk/zh/trial.html


2016年1月3日 星期日

冇啦啦點解會突然成面爆瘡咖?

CLEAN SKINCARE小知識-冇啦啦點解會突然成面爆瘡咖?

今篇係2016年既第一篇,先祝大家心想事成,身體健康,新年快樂*^^*!經過小休後,小編我會繼續寫多d分享和心得比大家!如果有乜想知或者想我分享既話,可以留言比我地既Facebook專員或What's app我地中心同事,佢地會pass俾我架啦^^

好,今篇既分享就係『冇啦啦突然成面爆瘡』,其實就唔會無啦啦既(lll---__---),暗瘡既出現其實都係反映出身體某部份需要我地去警惕或調整,所以只要我地能夠了解問題係邊,之後對症下藥就能回復靚靚皮膚啦.

以下會講有邊d可能性會引發暗瘡,如何處理,最後點保養:
  • 身體機能-賀爾蒙失調:令賀爾蒙失調有好幾種原因,但常見的有:月經前後,情緒壓力,夜訓.這幾種都會導致暗瘡滋生因為荷爾蒙既轉變,會令身體產生變化如:精神較為緊張,內分泌失調,煩躁,失眠,焦慮不安,等...而當荷爾蒙轉變時,體內既黃體素會刺激皮脂分泌油脂,當過多既油脂積聚係皮脂腺,就會容易使毛孔阻塞,導致形成暗瘡.又或者因為情緒影響,令我地係飲食或日常生活打亂,導致免疫力下降,失眠,脾氣失控等,最終會在面上或身體上反映出黎. 
  • 建議:生理期時要保持心情平靜,心境開朗 ,如有壓力就要輕鬆地面對,千祈唔好忽視哦!可選擇和朋友去行下山,做下一d平時唔會做既運動,又或者搵一間人少而安靜既咖啡店,睇下書上下網,舒服又寧靜地渡過一天.
  • 飲食習慣:因某原因突然愛上炸物,甜食,濃口味,豐富脂肪食品等都會令面上和身體出現暗瘡哦,特別係炸物和豐富脂肪食品會另暗瘡更加地失控出現,因為該食品含有反式脂肪和飽和脂肪,更有人造反式脂肪!這些脂肪難以分解和排出體外,最終被身體吸收,令身體機能受損,皮脂分泌過剩,產生暗瘡,壞膽固醇提升,體重提升等. 
  • 建議:日常生活難以避免零接觸以上食物,但就要控制食既次數和量,另外多食蔬菜水果黎平衡身體消化系統和營養.
  • 日常生活:經常因為上網,打機,工作或出街玩而減少了作息時間,打亂了身體內部運作,令體內冇法正常修復,排毒,調節等,最終體內毒素會從皮膚排出,產生暗瘡,敏感等症狀.
  • 建議:上網,打機,出街玩可以自己控制,工作有時難以避免,但如果只要將時間好好安排,分配好工作表,時間還是可以騰出黎既,而作息時間最好11點前,將房間所有光線熄掉或遮住,因為如果有光線,大腦唔會進入熟睡狀態,就算眼睛是閉上亦都一樣,因為光線可在眼縫或眼皮穿透過. 
  • 護膚:用太油膩和高營養既護膚品和面膜會令毛孔閉塞,產生暗瘡,另外清潔亦要選擇不含化學清潔成份既洗面產品,因為化學成份亦會令皮膚水油失衡,產生暗瘡.
  • 建議:避免使用以上既產品,如果係暗瘡期間,避免使用磨沙產品,因為磨沙會有機會整損暗瘡,之後暗瘡菌會跟住你洗面手勢分佈全面,擴大暗瘡範圍.另外枕頭套亦要比平時換得更密,防治暗瘡菌傳染面部其他地方.
其實皮膚狀況係可以控制和保持的,只要我地多d去了解自己身體,愛護多d自己既皮膚和保持身體健康,咁暗瘡生小左,皮膚靚左,人都sharp晒啦!

如果想免費做一次皮膚分析,可以用以下方式聯絡我們,另外我地中心亦為第一次光臨既顧客提供一次免費激光去斑體驗,可在旁邊既連結登記哦:http://www.cleanskincare.com.hk/zh/free-trial-2015.html