2016年12月27日 星期二

藍光真的會傷害到眼睛嗎?

CLEAN SKINCARE小tips - 藍光真的會傷害到眼睛嗎?

雖然有好多關於藍光會傷害眼睛既文章,而身邊既朋友亦會提醒我地藍光會傷害視力,但事實真係會咁?如果係真,咁點解同點避免呢?希望呢篇文章可以幫到您同身邊既朋友對藍光有更深既了解啦。

藍光:屬於能量最高既可見光,如果將藍光直射向眼睛,可直接穿入眼球最深處既視網膜(又稱視衣),而長時間照射的話,便可引起的黃斑部病變 (Macular Degeneration),甚至令相目失明。

而黃斑部病徵係視像模糊或者視像既中心有一撻灰色遮住影像,後期會將直線變曲線,最後會分辨唔到顏色,閱讀唔到,甚至於睇唔到人樣。

而藍光唔係只會出現係LED既產品上,其實陽光中亦有藍光,室內LED燈亦有,所以除非係長期戴住淡黃色鏡片既眼鏡才能完全隔絕,如果唔係,藍光基本上係冇處不在。

但其實如果要引起黃斑部病變或失明主要係要長期不斷地俾藍光照射先會發生,比如每日12小時不斷地被照射並維持數年或數十年先算係長期,而且暫時未有臨床研究或例子因3c產品而患上黃斑部病變。

當然,咁唔代表手機或電腦既螢光幕唔會傷害眼球,只不過係指如果適當地使用既話咁就對眼球既傷害可以減到最低啦,而適當使用比如:

  • 凝視40分鐘手機或電腦既螢光幕後應暫停離開視線並休息10分鐘或以上,舒緩眼球
  • 當眼睛感到疲勞時,可望向遠處舒緩眼球
  • 將手機或電腦既螢光幕既光暗度調低,降低對眼球既刺激度
  • 為手機裝上過濾藍光既Apps或將電腦既螢光幕調整至淡黃色
  • 係戶外時應配戴防 UV既太陽眼鏡黎保護眼睛
  • 避免係移動狀態中(如在車上行駛時)凝視螢光幕
  • 避免係黑暗既環境凝視手機或電腦既螢光幕

其實令眼球受傷害既凶手並唔只係藍光,反而係當我地不適當地使用手機或電腦既螢光幕,缺乏保護和沒有保養眼睛先會令我地視力受損,如果大家都希望一直擁有健康既視力,咁就要盡早開始注意保護和保養自己既眼睛了。

2016年12月26日 星期一

暗瘡會傳染俾其他人嗎?

CLEAN SKINCARE 小知識 - 暗瘡會傳染俾其他人嗎?

當面上有暗瘡時都會建議唔好用手去摸,又或者唔好用磨沙產品洗面,因為會有機會令d暗瘡菌感染其他部位,但如果同自己既伴侶或家人接觸到皮膚既話咁會唔會傳染到俾人呢?或者用同一條毛巾又會唔會被傳染呢?

其實暗瘡唔會傳染俾其他人,因為暗瘡並唔係一種傳染病,而可能係因為荷爾蒙分泌失調令油脂分泌過剩引致毛囊發炎,又或因衛生因素令毛囊閉塞而引致發炎和滋生暗瘡菌,所以暗瘡係屬於慢性皮膚炎既一種.

但點解唔好用手去摸又或者唔好用磨沙產品洗面?其實正確應該話以上咁做係會令其他暗瘡部位擴散同惡化,因為暗瘡菌既繁殖速度好快,所以當暗瘡菌同面上既其他暗瘡菌交叉感染就會加快其繁殖速度,令暗瘡情況惡化和擴散更大範圍.

但如果雙方伴侶或家人都有暗瘡問題,咁就建議唔好共用毛巾,枕頭袋等,因為會有機會造成交叉感染令本身既暗瘡惡化並擴散,所以要多注意哦!如果想令暗瘡減少滋生,其實只要:

  • 注重個人用品清潔度(如毛巾,化妝掃,帽子等等)
  • 運動後必需清洗皮膚,避免汗水細菌停留面上造成毛孔閉塞
  • 避免使用太過油膩既護膚產品
  • 避免進食油膩(如炸物,零食等)或過甜食物
  • 保持良好生活習慣(如有足夠既作息時間,有適當既運動和均衡飲食等)

如果暗瘡問題持續或有惡化情況,必需向專業人士求醫並且不能自行擠壓面上既暗瘡,因為處理不當或用力過度就會傷害到皮膚組織,造成凹凸洞皮膚或留下暗瘡印.

而現時有效既暗瘡療程當中有果酸治療或激光治療,如果想了解多d果酸治療或激光治療如何能改善暗瘡皮膚,歡迎用以下方式聯絡我們同事,另外我地中心亦為第一次光臨既顧客提供一次半價既果酸療程或激光療程試做,可在旁邊既連結了解更多和登記哦:http://www.cleanskincare.com.hk/zh/trial.html


免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2016年12月24日 星期六

做完激光療程可以用果酸產品嗎?

CLEAN SKINCARE 小tips - 做完激光療程可以用果酸產品嗎?

每次完成激光療程後,我地中心既激光師都會細心提醒顧客回家後要注意加強保濕,因為做完激光療程後皮膚有可能會出現短暫乾燥,另外亦有同事跟進顧客皮膚在療程後既狀況,確保療程後既皮膚健康狀況和效果進度,但除此之外其實亦要留意家中既潔面產品或護膚產品有冇果酸成份.

因為皮膚做完激光療程後既期間係需要等待更新,但萬一家中既潔面產品或護膚產品含有果酸既刺激成份,咁就會令皮膚認為受到刺激既情況下就會開始製造黑色素黎作出防禦,最後累積左既黑色素經沉澱後就有機會令色斑或膚色變得更深色.

如果產品當中含有果酸成份而又長時間使用既話(如洗面產品和護膚品),就好大機會會對皮膚做成刺激和傷害,比如:

  1. 皮膚會因為過度去角質而出現乾燥同埋缺水既情況,因為果酸產品主要功能係幫助皮膚加快去除過多既角質,但過度去角質的話就會導致皮膚失去防護屏障,未能及時鎖緊水份,令水份出現流失問題.
  2. 失去防護屏障既皮膚會較易引致敏感,發炎,痕癢紅腫等問題.
  3. 果酸係屬於感光類產品之一,即係話會令皮膚對紫外線既反應較大,增強皮膚既感光度,吸取更多既紫外線,令黑色素細胞變得較為活躍,導致皮膚出現反黑和色素加深既情況.

其實做完激光療程後並不需要太多既『特別』護理,只需要注重:

  1. 保濕:因為激光療程後會流失部份既水份,而且皮膚亦需要有足夠既水份去進行更新,咁樣可以使療程後有更好既效果.
  2. 防曬:使用物理防曬去保護皮膚,因為皮膚在更新過程中需要得到好好既保護,去抵擋紫外線既傷害,防止及避免產生反黑和色素加深既情況出現.

如果想使用含有果酸成份既產品,咁就要係做激光療程前後隔開5日才好使用哦,同埋另一邊要搽好物理防曬去保護皮膚,如果想了解多d皮膚上既問題,激光療程上既細節或者想預約做一次免費既專業皮膚分析(如色斑種類和分佈,肌齡,含水量等),歡迎用以下方式聯絡我們同事,另外我地中心亦為第一次光臨既顧客提供一次半價既激光療程試做,可在旁邊既連結了解更多和登記哦:www.cleanskincare.com.hk/zh/Promotion-2016.html

免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2016年12月19日 星期一

CLEAN 護膚成份解碼-滑石粉

CLEAN 護膚成份解碼-滑石粉

大家有冇留意下我地用緊既產品中如爽身粉,粉餅,碎粉,眼影,胭脂,睫毛膏,指甲油,甚至面霜,護膚品,防曬產品裏都有標示“不含滑石粉”“Talc FREE”.滑石粉(Talc)究竟呢種成份係乜?有乜唔好處?點解越來越多產品都避免再用?.大家有興趣就一齊黎了解下啦.

滑石粉是什麼?

滑石係一種天然礦石,由其他礦物係地下發生長期既物理及化學變化而成,所以係屬於一種變質既礦物,通常由鎂既岩石變質而成.高品質既滑石呈白色粉末結晶,而品質較低既會呈現灰色或者深綠色. 

滑石粉係產品上既作用?

有吸附,填充,滑順及低吸油低吸水性之作用,可給予粉末狀或霜狀產品柔滑觸感,可增加產品既滑潤度及延伸力.

點解越來越多產品都避免再用?

當滑石粉係採礦時,經常伴有石綿礦物,所以未經過濾既天然滑石粉,可能會含有石棉,而石綿原屬於工業材料,用途廣泛到從早期屋頂用既石綿瓦,水管用既石綿管,建材用既隔音板,層板等都含有石綿成份.如長期將石綿由呼吸系統吸入肺部,咁係會危害健康,因為有積存性傷害,另外滑石粉亦會導致皮膚過敏,所以不適宜直接使用,現在全世界既政府都在積極制定禁限使用當中,而歐盟亦要求所有含有滑石粉既嬰兒用品及化粧品都必須要使用經過過濾既滑石粉,以免混雜有石棉.香港法例規定業界需要使用經過濾後不含石棉既滑石粉,但醫學界一直都質疑,即使濾走石棉仍有健康風險.所以好多產品都已經停用滑石粉呢種物料了。

而家有好多成份都可以取代滑石粉,包括粟米粉Cornstarch,米粉Rice Powder,高領土Kaolin,皂土Betonite,小蘇打粉 Sodium Bicarbonate,仲有礦物粉Mineral Powder,包括二氧化钛Titanium Dioxide,氧化锌Zinc Oxide,氧化鐵Iron Oxide等等...

建議大家在選擇買化妝品及個人護理產品既時候,不妨多看看後面既成份,做個精明既消費者,小心揀選適合自己又安全既產品去使用啊!!

如果大家想了解自己既皮膚狀況,歡迎用以下方式聯絡我們預約做一次免費既專業皮膚分析哦。
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.



2016年12月14日 星期三

木材(如d木筷子,木碗,木鑊鏟等)可以回收嗎?

CLEAN 環保-木材(如d木筷子,木碗,木鑊鏟等)可以回收嗎?

之前我地分享過塑膠回收,金屬回收,玻璃回收等等既文章,而其實好多屋苑亦有呢d物料既回收箱,但係好似冇乜見到有木製產品回收箱喎,其實有冇得回收木製廚具既呢?比如d木筷子,木碗,木鑊鏟等...

係香港每日有大慨360公噸既大形木材如卡板,傢具,建築材料等會被運去堆填區,而可惜呢類既物料回收公司並唔多,因為廢木材既價值低,但運輸成本高,所以回收市場並唔活躍.

另外我地家中既木製廚具亦暫時沒有回收地方或方法,只能丟去堆填區,所以用木製廚具其實係唔環保既事哦,因為製造過程要鋸掉樹木(毀壞大自然生態),再用化學物質加工(污染環境),到我地用完後仲要冇得回收(製造廢物),所以呼籲大家避免再買木製廚具了,用金屬或玻璃類會較為耐用和環保.

另外有報導指出即用即棄既木筷子其實係好唔衛生,因為香港暫時未有任何對入口木筷子既監管條例,而大部份既筷子係來自內地,但好多木筷子又唔係用原材料製造的,而係用回收用過既筷子再加工消毒再推出市場,而消毒方法會以120度高溫消毒,而且亦會用化學物質或漂白劑,所以當我地用呢類含有化學物質或漂白劑既筷子進食時,該化學物質或漂白劑亦會進入我地身體內,最後誘發氣喘或其他身體慢性疾病.

而傳聞亦指出木筷子上端既圈圈係代表已經回收左幾次既次數,最多能回收三次,但當然亦有不法商家會隱瞞回收次數並繼續推出市場.另外亦有機會用硫黃熏蒸或雙氧水浸泡已發霉的筷子,再用工業石蠟拋光之後推出市場.

其實即用即棄既木筷子係好方便,但係經過了解以上既製造過程,相信大家會對即用即棄既木筷子有卻步既念頭,所以大家叫外賣時唔好再用即用即棄既木筷子啦,而木製廚具雖然係好靚,好有大自然既感覺,但亦都好唔環保之餘又會容易發霉,另外d調味料又易『食』左入去d木紋裡面,難以清洗,影響健康,大家都不如開始棄用木製廚具,保護樹木,減少廢物,食得健康又環保啦*^^*

2016年12月12日 星期一

維他命B同維他命B雜既分別

CLEAN SKINCARE 小tips - 維他命B同維他命B雜既分別 

相信大部份既人都知道維他命C既功效,但大家有無留意維他命B既功效呢?又或者有無聽過維他命B雜呢?維他命B同維他命B雜有冇分別呢?有效減少生暗瘡或令暗瘡凋謝既功效?

其實因為維他命B有好多種類,如B1 / B2 / B3 / B6 / B12等等,所以維他命B雜係指混合既維他命B,但身體係咪全部都需要?答案係既,身體不能缺乏任何一種維他命B哦,因為如果缺乏以下既維他命B就會:
  • B1:提唔起精神,失眠,神經系統問題,抑鬱
  • B2:口腔/口角或舌頭發炎,皮膚乾燥,眼睛變得乾燥或出現紅血絲
  • B3:消化系統不良,皮膚免疫系統下降
  • B5:思考力下降,大腦反應變慢,四支反應變慢
  • B6:神經繃緊,失眠,有機會出現抑鬱
  • B7(又名生物素或維他命H):令體內酵素失去功能造成皮膚乾燥粗糙,肌肉酸痛,血液過酸
  • B9 (葉酸):紅血球製造力下降,身體虛弱,口腔或舌頭發炎
  • B12:思考力下降,情緒控制力下降,記憶力衰退
但亦有傳聞話維他命B雜能有效減少生暗瘡或令暗瘡凋謝,雖然暫時未有研究論文証實維他命B雜能有效減少生暗瘡或令暗瘡凋謝,但係美國加州大學有研究指出維他命B12會令皮膚上既「痤瘡丙酸桿菌」細菌變得活躍,攝取太多太密時會有機會令暗瘡皮膚惡化。

所以維他命B對身體既機能而言係已肯定係不可缺少,但如果係想改善暗瘡皮膚,咁就建議做好皮膚清潔,注重健康飲食,或亦可參考我地既文章:暗瘡皮膚護理,但如果暗瘡問題較嚴重既話可以做果酸換膚(半價試做登記)或暗瘡皮膚激光療程(半價試做登記)黎改善暗瘡皮膚問題。

至於從邊可以吸取以上維他命B?其實基本係榖殼類或豆類已能吸取到大部份既維他命B,雖然某些維他命B可從肉類或內臟吸取(如B2 / B3 / B5 / B12),但還是建議少食肉同內臟,減少身體負荷。

如果大家想了解自己既皮膚狀況,歡迎用以下方式聯絡我們預約做一次免費既專業皮膚分析哦。
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2016年12月9日 星期五

原來化學性防曬會對海洋造成巨大污染!?

CLEAN SKINCARE 小知識 - 原來化學性防曬會對海洋造成巨大污染!?

之前都同大家提及過冬天雖然太陽冇夏天咁猛,但都唔可以忽視哦,仲要記住唔好搽化學性防曬哦,因為冬天遊冬泳或夏天去旅行玩水上活動時,咁自然就要搽防曬產品,但原來化學性防曬會對海洋造成巨大污染!

之前都提及過市售既防曬產品分為化學性防曬及物理性防曬兩類,而大部份化學性防曬產品含有化學物質氧苯酮(Oxybenzone),全球大約有3500種防曬產品含有氧苯酮,氧苯酮不但令珊瑚礁白化,更有機會引致皮膚敏感,損壞細胞,甚至干擾荷爾蒙.

塗上含有氧苯酮(Oxybenzone)既化學性防曬產品後去進行浮潛,游泳等水上活動後,身上既氧苯酮就會殘留係水中和大海,跟住就會流入珊瑚礁,經過統計每年就有6,000至14,000噸既防曬產品殘餘物係海水裡,雖然目前冇任何防曬產品保證對珊瑚無害,不過使用物理性防曬既天然礦物防曬成份會有利保護環境.

海洋佔地球70%既面積,有無數既海洋生物,而珊瑚礁既角色非常重要,它為25%既海洋動植物提供生活環境,科學家指出常見既化學防曬成分,即使係微量都可能會誘發潛藏在與珊瑚共生既蟲黃藻(zooxanthellae)中既病毒繁殖,在蟲黃藻死亡後,大量既病毒會釋放到海洋中,會對水裏其他生物造成影響,而和它共生既珊瑚都無法存活,最後導致「珊瑚白化」現象.珊瑚礁如果白化和死亡,海洋生態就會面臨嚴重威脅,或者有人會懷疑,係海洋中加入一兩滴化學防曬產品會造成D咩影響?其實珊瑚礁既生態十分脆弱,如果係6.5個奧運標準泳池既範圍內放一滴氧苯酮(Oxybenzone),都足以造成污染,會破壞成年珊瑚既DNA,令小珊瑚變形難以成長繼而死亡.

近年珊瑚白化(Coral bleaching)現象影響全球,澳洲大堡礁,台灣墾丁及加勒比地區都出現大規模珊瑚白化,而香港既生態教育及資源中心於2014年既調查中,亦發現香港東面多個潛水熱點既珊瑚已出現白化現象,尤其係橋咀,牛尾,白腊仔及大蛇灣等特別嚴重,除左係氣候暖化問題,相信防曬產品既污染亦都係主要原因.

所以大家都一齊關注下係選用防曬產品時應多留意成份,不要選用化學性防曬產品避免傷害環境,而考慮選用物理性防曬產品,其主要成份是天然礦物既光粒子,可在皮膚表面形成一層薄膜,然後折射和阻隔紫外線,既不會滲入皮膚,對環境亦較無害.

2016年12月6日 星期二

如何能減少甩頭髮?

CLEAN SKINCARE小tips - 如何能減少甩頭髮?

近來咁流行韓國既風格,就連髮型都好想同佢地一樣,因為韓國風既髮型一般感覺都可以帶出一種自然凌亂美,髮量多而且有質感,加上望落重有好豐盈既效果,真係好靚.

但有時係髮型舖有聽到唔少人有頭髮稀疏或脫落既問題,搞到我都好似覺得自己頭髮真係比以往減少咗,所以就即刻揾相關既資料同問專業人士既意見,有左呢d資訊就梗係想分享比大家啦,如果你都想知道到底如何可以減少甩頭髮?咁就一直睇落去啦!

大部份既亞洲人每人約有十萬條頭髮,而西方人約有十五萬條左右,實際數量要取決於每個人頭皮既毛囊多少而定,而毛囊既密度亦會隨著年紀增長導致有減少既現象出現.

例如:童年既毛囊時期,如每平方公分(1cm2)大約係1000個,到咗青少年時期下跌到大約600個,最後成年時期變得剩餘300左右,而平均每人每日甩頭髮大約50-100條都係正常 ,只要毛囊健康未受損害,大部份都會再次生長.

聽落毛囊確實係會受到年紀影響而變得減少亦係自然既現象,但甩頭髮問題就愈來愈年輕化,除咗男性之外,連女性都變得普及.其實係我地對頭皮缺少咗一份照顧,因為頭皮屬於身體皮膚既之一,只不過比起其他皮膚地方有毛髮蓋過,如果受到細菌感染,壓力同埋內分泌失調一樣會造成頭皮發炎,導致甩頭髮問題.

如何能減少甩頭髮?應由清潔用品開始!因為頭髮產品係我地每日都用到既產品,所以會直接影響頭皮健康,所以:
  1. 首先要避免用過度滋潤既洗頭水產品,洗頭清潔用品主要用途係去除頭部多餘既油脂和細菌,而過於滋潤既洗頭水產品就做唔到清潔油脂和細菌既功能,仲會造成油脂積聚係毛囊中令細菌繁殖,導致頭皮發炎造成脫髮現象.
  2. 而護髮素既成份(特別係有矽成份)中容易殘留在頭皮上,容易堵塞毛囊令脂肪粒出現同埋產生脫髮問題,建議只搽係髮尾上並避開搽係頭皮裏.
  3. 如果發現有甩頭髮或髮質變幼既跡象,要及早選擇適合既防脫髮產品,部份防脫髮產品性質溫和,適合每日使用,作用可鞏固頭皮同埋頭髮既健康,假若唔立即正視的話,相信要花更長既時間護理先可解決到問題喇.
但其實除左產品會影響頭皮健康外,另外吸煙亦會導致頭皮毛細管收縮,阻礙頭髮既生長,所以應盡量減少吸煙.

總之身體內外既健康同樣重要,太長時間受到焦操不安既情緒困擾都會引起脫髮問題,應保持適當既運動量,令心境開朗,消除疲勞,多進食一D含鐵質,蛋白質同埋維生素E既食物(例如:天然既黑豆和黑芝麻食物等),都可幫助頭皮健康護理和皮膚問題哦・ 

免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2016年12月1日 星期四

激光同一波長是否可針對所有皮膚上嘅問題?

CLEAN SKINCARE小知識 - 激光同一波長是否可針對所有皮膚上嘅問題?

相信有部份既顧客對激光儀器有一定既了解,比如作用,來源,功效等等...但有時就會問:乜係1064或者532nm?點解呢種皮膚問題要用呢種波長既激光既?唔係同一個波長就可以解決晒d問題咩?

其實波長係代表激光從表皮進入皮膚後既長度或深度,而NM(nanometer)係代表尺寸單位,但由於精確既方程式係要將能量,速度等元素加入,所以我地就簡單去理解為532nm可去到表皮層(0.15至0.4mm)而1064可去到真皮層(1.5mm至4mm).

但表皮層和真皮層既色素會在皮膚唔同既深度裏,所以激光師會因應色斑既種類去用唔同既波長進行療程,而且經過臨床實驗後,唔同既色斑亦要用唔同既激光能量進行,如果唔係效果就會唔理想,比如『夠深但唔夠能量』或者『太淺又太大能量』等問題.

另外激光亦可以有效去皺紋,去暗瘡印,刺激骨膠原增新和嫩膚等,雖然波長都係用1064,但能量同其他設定模式又會唔一樣,所以激光師會用唔同既激光模式或能量去針對唔同個別既皮膚問題而非單一種激光就已經可以解決所有既皮膚問題哦.

而且亦需要因應當時既皮膚狀態而決定是否能直接進行激光療程,比如有時可能皮膚水份偏低或皮膚在敏感狀況下,咁就唔太適宜進行激光療程住,因為會有機會令皮膚過敏或受到刺激,所以在進行激光療程前我地會為顧客先用水份測試機量度皮膚既含水量是否足夠,總之要安全地進行激光療程前大家要先了解多d有關儀器既細節同埋自己既皮膚狀況哦.

如果想了解多d皮膚上既問題(如色斑,鬆弛下垂,暗瘡等),激光療程上既細節或想預約做一次免費既專業皮膚分析(如色斑種類和分佈,肌齡,含水量等),歡迎用以下方式聯絡我們同事,另外我地中心亦為第一次光臨既顧客提供一次半價既激光療程試做,可在旁邊既連結了解更多和登記哦:www.cleanskincare.com.hk/zh/Promotion-2016.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2016年11月28日 星期一

經常著高踭鞋會對身體有甚麼影響?

CLEAN SKINCARE 小知識 – 經常著高踭鞋會對身體有甚麼影響?

小編曾經有一段時間都好鍾意著高踭鞋,覺得著左高踭鞋人高d,身形拉長d瘦d感覺好似自信d,以前除左返工時會著,行街又會著,重要場合更加會著啦,跟住著到雙腳同埋腰部開始痛同埋痺,要去睇醫生治療先至認真去正視呢個問題,所以而家減少左著住黎行路,盡量縮短著既時間,因為長時間著高踭鞋會傷及到腰背膝各部位,除此之外對身體既影響仲有:-
  1. 高踭鞋個踭同地面接觸面好細又唔穩陣,唔可以有效咁支撐和平衡身體,當我地每行一步時身體既肌肉要比正常用多D力去平衡,時間長左肌肉會過勞而引發痛症.
  2. 著高踭鞋行路時會令膝關節內側既壓力增加,壓力刺激下增加負荷,時間短可能引致膝蓋關節移位,附近軟組織勞損,扭傷足踝,長時間的話會導致退化性膝關節炎.
  3. 著高踭鞋時身體會自然地重心向前傾,身體為左要平衡會用全身既肌肉去向後靠,目的係將重心拉返中間,當身體越用力去平衡肌肉就越繃緊,咁樣身體各部份係好容易受傷,另外小腿肌肉都會因長時間收緊而導致抽筋或勞損.
  4. 著高踭鞋最常見既影響仲包括有腳趾及腳掌變形,盤骨向前傾,腰椎移位,腰椎弧度增加和肌肉受傷,如果鞋頭太尖仲可能會引致姆指向外翻,而鞋踭太高就會導致前腳掌長時間受壓而痛楚.
  5. 如每日著高踭鞋行5小時,而每星期又著多過6日,小腿前方既肌肉會比著平底鞋發達多2倍,漸漸小腿變得越來越粗壯.腳部血液循環好與壞要視乎腳踭活動既幅度和次數,著高踭鞋其實係用腳尖行路,腳踭既活動幅度自然減少,血液循環會變差而出現腳部浮腫水腫狀況.
其實為左身體健康著想,建議從而家開始和留意減少著高踭鞋既時間,如果唔能夠避免或因工作需要時穿著,咁就要考慮係返工放工時著返波鞋或平低鞋,有時間就做下腿部既伸展運動或拉筋,定時按摩下小腿,款色方面盡量揀選鞋踭面積較大和矮踭既款式,同埋用高踭鞋專用既鞋墊,以上都可以減低對身體各部份既影響哦.

免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢. 

2016年11月24日 星期四

通淋巴有甚麼好處

Clean 小知識:通淋巴有甚麼好處

日常生活中,大家未必會注意到有關一D行為習慣如:長時間定格對住部電腦,經常着高踭鞋等,呢d都會影響緊淋巴既健康問題,如果我地淋巴通道受到阻塞同埋唔夠暢通既話,不但身體會出現水腫既問題,而且連健康都一樣會影響到哦~

但係淋巴係乜呢?作用又係乜呢?

  • 淋巴其實係人體內既系統之一,英文叫Lymphatic System-淋巴系統,係由淋巴管(與血管相似既管道),淋巴液同埋淋巴核組成.淋巴系統係獨立運作並走遍我地身體每個角落既循環系統之一,連接住淋巴既器官包括有頸部,胸部,腋窩,腹部同埋腹股溝等.
  • 而作用係當血液輸送養份同氧氣既過程同時,淋巴系統會收集其中既毒素同埋代謝等廢物過濾然後淨化,之後會將已收集既毒素再輸送至腎臟,經過腹股溝到排泄系統,最後排出體外,另外亦會記得攻擊過身體既微生物或病毒,下次再次攻擊時就會形成抗體並作出反擊,所以淋巴系統係幫助清理整個循環系統和增強免疫作用既重要系統.

如果受淋巴回流受到阻塞時會有機會出現以下情況:

  • 水腫
  • 免疫力下降
  • 滋生暗瘡
  • 經常感到疲倦
  • 頭痛,關節痛,腋窩下痛
  • 等等。。。

其實要確保身體健康就要先確保淋巴系統運作正常,因為就如以上所說,淋巴系統就等於我地身體既清道夫,血液循環指揮官,抗體士兵!以下分享幾個淋巴部位和相對既反應,如果大家有以下問題不妨試下用手指或者手掌揉或捏既方法按摩相對既位置,令肌肉放鬆,促進淋巴血液循環,而每個部位進行3-6次動作,咁就可以幫助改善身體既問題哦*^^*

1)頸部淋巴(包括動脈,頸椎,肩頸,鎖骨,腋下淋巴,頭部相連)

  • 可以幫助改善睡眠,頭暈頭痛同埋面部既膚色暗啞問題.
  • 預防肩周炎,肩頸疼痛.
  • 幫助腦部循環,預防老年痴呆,心腦疾病.
  • 改善咽喉腫痛,改善雙下巴出現.

2) 腋下淋巴 (包括胸部,手臂和肩頸)

  • 防止腋下淋巴結堵塞,預防胸部疾病
  • 改善胸部脹痛,促進人體代謝和排毒.
  • 增強免疫力,心臟供血功能.
  • 更加可以改善副乳既問題.

3) 腹股溝淋巴(包括女性有肌瘤,卵巢囊腫,宮頸糜爛,月經不調等)

  • 提高腎功能,幫助女性生殖健康.
  • 可以改善下半身肥胖問題.
  • 清宮血,排宮毒,改善婦科炎症.
  • 改善下半身循環,腹股溝腫大.

記住平時要有足夠既睡眠,均衡飲食,再配合輕鬆又愉快既心情,就可以有更好既抗能力啦~

免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2016年11月20日 星期日

用蔬果敷面能被皮膚吸收嗎?

CLEAN 小Tips -用蔬果敷面能被皮膚吸收嗎?

而家既護膚概念對比以前既分別係著重健康,天然,冇害,所以產品既成份變成必須要關注同注意.

但係香港要買到天然既產品又唔係咁容易就買到,所以好多時都要上外國網站訂購,又或者會買d天然蔬果自己做面膜黎補濕,清潔,去角質等,但係咪所有蔬果都能夠被皮膚吸收呢?

其實又未必,因為蔬果本身既分子冇細到可以直接進入皮膚,另外當你切開個蔬果時就已經會開始氧化,而且氧化速度係會快過你既皮膚吸收速度,所以到最後能夠吸收到既已剩冇幾.

但市場上點解有咁多以天然蔬果(如巴西莓,蘆薈,提子等)做既護膚品?

原因係呢一類既天然產品要先經過處理去提取蔬果和植物裡既萃取物,所以冇論分子既大細同濃度係比原整既蔬果和植物唔一樣,咁樣既天然產品先可以被皮膚吸收!

咁講即係用原整既蔬果做護膚係冇效?

咁又唔係,如果想做一般既磨沙清潔或補濕其實仍然有效,只不過建議先將d材料用攪絆器攪成泥狀才用黎敷面,咁樣可以將d分子變得較細較容易吸收,而材料亦建議選擇一d較溫和既,因為每種蔬果既酸性同PH值都唔同,所以選擇材料時要小心哦,比如可選擇溫和既士多啤梨,香蕉,蜜糖,原味冇糖既乳酪等。

但如果想解決一d皮膚上既問題如色斑,鬆弛下垂,暗瘡等情況就建議到皮膚護理中心聽取專業既意見同療程建議。如果大家想了解自己既皮膚狀況,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既療程試做,可在旁邊既連結了解更多和登記哦:www.cleanskincare.com.hk/zh/trial.html


免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2016年11月17日 星期四

女子適合做健身嗎?

CLEAN 運動-女仔適合做健身嗎?

個個女仔都想身體健康D,身型既線條變得緊緻D收長D ^_^,其實做健身並冇分女老少都適合去做既,咁當然如果係年輕時就開始培養有做健身既習慣,咁身型就可以一直維持住係年輕時有既緊緻線條,身型靚D自信心都強D啦.

但有部份既女士會驚越做越大隻,整到對腳一舊舊D線條粗晒~><~,但其實係咪真既呢?

健身會唔會變成肌肉女?
  • 雄性激素睾酮對肌肉生長有重要既作用,肌肉訓練會刺激睾酮既分泌,而睾酮會促進蛋白質合成,抑制蛋白質分解,男性通常比女性多肌肉,係因為雄性激素既原因,但呢種刺激作用係女性身上就唔明顯,所以從先天條件上女性即使想練肌肉,難度會比男性大好多.
  • 女仔要結實緊緻就要做重量訓練,有氧運動主要消耗脂肪,而重量訓練就可以增加肌肉令身型線條增加,肌肉量多基礎代謝率越高.
  • 除了天生肌肉型體質既女性和運動員外,一般女性進行力量訓練並不會長大肌肉,只會提高肌肉品質,增強身型線條感.
其實女仔就算想變成大隻女都唔係咁容易哦,所以適當既重力訓練係有助修改線條,而且做健身既好處有:
  1. 排毒:能夠加促血液循環,促進新陳代謝,每日所累積既毒素和廢物會隨著腸道,皮膚既汗液,尿道排泄出體外.如果每日都抽到30分鐘到1個鐘去鍛鍊,咁身體既毒素小D皮膚都會靚D,脂肪又唔會積聚身體都會健康D啦.
  2. 年輕:健身可以通過改變人體既DNA結構令人變得更加年輕,經常健身鍛煉者既細胞內與壽命相關既端粒(端粒在DNA結構裏,長度是年齡標記),比久坐既朋友長好多,每日鍛煉30分鐘既人要比唔健身既人睇起黎會後生10歲.另外健身者既心率也較慢,血壓和膽固醇水平較低,少數會出現高血壓和高血脂既症狀.
  3. 聰明:一個人成年後,大腦內細胞既生長和分裂速度會減慢,而運動鍛煉會令細胞既分裂和生長速度加快,令到大腦代謝變得健康,而有氧運動可以持續為大腦供氧而調節整個身體既代謝,對大腦和整個生理機能都有益.
  4. 心情:健身有利於社會高節奏帶來既精神和心理緊張壓力,運動最能促進體內釋放一種多肽物質—內啡吠,可使人產生持續愉快和鎮靜既心情.
  5. 降低患病率:健身者會比晤健身既人小D患病,就算患上了也痊癒得比較快.因為健身者既新陳代謝功能會較強.
但健身要注意既事項?
  • 對於健身初學者,關於儀器或健身既動作可根據合資格健身教練建議既方法作為訓練參考.每個人體質強弱既差異,都會令進度有所不同.不用勉強模仿別人既訓練方法,要選擇適合自己既方法,持之以恆去做呀.
  • 如果有病在服藥期間,就避免去做健身或做運動,要給身體多休息.
大家係時候要抽下時間郁下,為自己既身體,身型,皮膚去做下健身做下運動啦,為自己既身體努力呀^_^

2016年11月14日 星期一

食煙對身體產生負面影響亦會影響環境生態嗎?

CLEAN 環保:食煙對身體產生負面影響亦會影響環境生態嗎?

寫呢一篇文章前,我訪問過身邊既朋友和網上既朋友,發現大部份既人初初開始食煙既時候,通常都係受到家人或者朋友既影響,之後到進入社會工作後就認為食煙可以幫助提神減壓同埋抒緩情緒既一種方法.但直至呢幾年慢慢身邊所有人都變得更加注重健康和熱愛運動,所以減少食煙都變成一個話題.

但點解要戒煙?食煙係咪真係對身體構成傷害?又會唔會對地球環境構成傷害呢?香煙只係一種天然既植物嗎?呢篇我會逐一解答,而如果你冇抽煙既習慣,請閱讀完幫忙分享呼籲給抽煙者閱讀呢篇文章啦,如果你是一位吸煙者就更加要閱讀和分享哦!

香煙到底係咩黎?只係一種天然既植物嗎?

香煙/香菸(Cigarette)係屬於一種叫菸草既植物製成,品種大約有70幾種.而菸草係需要長時間烤乾後再切成絲狀,最後製造條狀變成香煙.

但大部份既香煙成份都唔只菸草一種,一般生產商會加入各種唔同既添加劑,令到質量同埋防腐可保存之外,更加等到在吸食時有更好既味道,而且有部份亦會加一種植物叫(丁香 Clove),令到吸煙時肺部會出現少量痲痺,產生輕微既快感.

以下係一般香煙內有既成份:
  • 焦酒(Tar)
  • 阿摩尼亞(Ammonia)
  • 尼古丁(Nicotine)
  • 乙醇(Acetaldehyde)
  • 味道添加劑(Flavor Additives)
  • 甘草(Liquorice)
  • 巧克力(Chocolate)
  • 可可油(Cocoa Butter)
煙草生產過程係咪會影響環境生態架?

會!因為製造煙草除咗要花大約半年既時間用於一塊豐富既泥土種植之外,而且時間又比起一般農作物長,另外加上消耗樹木既木材亦好多,因為製造煙草同時要用火加工烤製,例如:如果要烘烤1公頃面積既煙草就要成3公頃面積既木材,約果平均烘烤1公斤煙草就會要用7.8公斤木材,損失大量樹木哦.

除此之外製造卷煙紙既同時都需要約20棵大樹去造大約10萬噸既卷煙紙,而造紙業污染亦相當高.估計每年若果生産10萬噸,就會導致642.4萬噸既污水,排放COD(主要污染物化學需氧量)0.3萬噸,耗水量1000萬噸等.所以製造香煙既過程會產生過度砍伐樹木,浪費水源同埋環境污染既問題.

而吸煙者對環境帶來咩影響呢?

食煙時噴出既煙霧散發出超過四千種氣體和粒子物質,其中有四十種在身體上或者動物身上都可引致癌病,呢D粒子飄浮在空氣中可停留數小時,若果其他唔食煙人士吸進體內,可能會混合埋一種叫氡氣體中,對身體健康造成嚴重傷害如:
  1. 阻礙我地既呼吸系統問題,當支氣管內積聚過多既有毒物質停留在肺部時,令肺部氣囊破裂,導致呼吸困難.
  2. 尼古丁會影響神經系統,所以會令心跳加速和血管收縮,血壓上升既情況.
  3. 血液中既膽固醇和纖維蛋白素向上增加,容易造成血凝塊阻塞血管,引發心肌梗塞和心臟病.
  4. 容易引致心血管疾病,例如:冠狀動脈心臟病 (冠心病),動脈瘤,末梢血管病(PVD)同埋中風等等.
  5. 男性會減低荷爾蒙分泌,導致減慢生殖器官既反應,出現陽痿機會較高.
  6. 而女性食煙既話生育能力亦會下降.
其實有好多心理學家都會認為,食煙只係一種習慣,一種心癮,大家只要將一D唔好既壞習慣轉移到其他有興趣事項如運動,烹飪,行山等既話,咁唔單只係令自己身體健康D,就連環境生態都可得到保護添,快D一齊行動戒煙同分享出去啦 ^^

2016年11月9日 星期三

皮膚過乾會有甚麼影響?

CLEAN SKINCARE小Tips-皮膚過乾會有甚麼影響?

最近皮膚好似出油多左,繃住繃住咁,知唔知點解呢?原來呢種情況係代表皮膚口渴了,缺水了.但點解皮膚缺水會出油既?其實係因為皮膚為了避免過乾,所以就會製造油份黎保護皮膚,但如果一直唔理就會造成水油失衡,導致黑頭,粉刺,膿瘡等問題出現.

其實以上嘅問題係小問題,因為如果皮膚一直處於缺水狀態既話就會好有可能導致以下更嚴重既問題:
  • 皮脂膜變薄既警號:皮脂膜既主要功能係防止水份蒸發同埋調節PH度,但如果皮膚出現乾燥情況既話,咁意思係皮脂膜開始變薄,所以補濕同保濕護理就要做得比之前更密了.
  • 導致出現濕疹症狀:由於皮膚出現缺水情況既時候,防衛力會相對下降,如果患有濕疹者會係呢個時候發作,因為皮膚變得敏感,所以免疫系統會認為被攻擊,所以就會開始還擊,導致濕疹發作.
  • 出現敏感症狀:皮膚防衛力下降,抵抗唔到外來既刺激如:細菌,紫外線,致敏原等,令皮膚產生過敏症狀.
  • 皮膚彈性降低:皮膚內既膠原蛋白纖維其實就好似一舊海棉咁,當有足夠既水份時就會膨脹,即皮膚會睇得出飽滿既感覺,但冇水份既時後就收縮和硬化,皮膚亦一樣會收縮,令皺紋細紋出現.
  • 皮膚暗啞:因為皮膚表層的角質細胞沒有足夠既水份時,排列會出現紊亂,而肌膚係光線照射下變得無法均勻咁反射,所以肌膚就會有種黃黃暗啞既顏色.
其實皮膚都係身體既一部份,身體需要水份皮膚亦都需要,所以當覺得皮膚開始繃緊冇光澤既時候就係一個警號哦,唔好等以上情況出現才去急救哦.

如果想知道多d關於補濕既知訊,可以遊覽我地既保濕護理篇(請按此),又或者如果大家想了解自己既皮膚狀況,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既高效注滲護理療程試做,可在旁邊既連結了解更多和登記哦:www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2016年11月8日 星期二

一邊使用化學性產品而同時如果有搽番多D護膚品,咁係咪可以抵銷左化學性產品對皮膚既傷害?

CLEAN SKINCARE 小知識:一邊使用化學性產品而同時如果有搽番多D護膚品,咁係咪可以抵銷左化學性產品對皮膚既傷害?

最近收到另一位讀者留言問到:個人比較喜歡用化學性防曬產品,因為質地好乾爽,完全冇癡蠟蠟既感覺,一搽就好似吸收晒入皮膚裡面,但都知道如果長期用化學成份好似唔係咁好,但又唔鍾意搽d物理性防曬產品(即以天然礦物質成份為主),因為都係覺得癡蠟蠟咁,所以想問如果平時搽返多幾款唔同既精華素同埋敷返多d mask,咁係咪應該可以抵銷返d化學性產品對皮膚既傷害呢?

其實化學性產品既物質會漸漸滲入你既皮膚,入侵人體,接著透過位於真皮既微血管散佈到全身,之後會積存係皮下組織內,當用上一段時間後有可能會引起皮膚敏感,細胞損壞,甚至干擾荷爾蒙,阻塞毛孔等的各種問題,而實際上有d化學性物質通過皮膚吸收後係可以引起細胞變異,嚴重會導致皮膚產生各種炎症.

所以就以上程度既傷害情況,平時就算會搽多幾款唔同既精華素同埋敷多d mask都唔可以抵銷倒化學性產品對皮膚和身體既傷害,就等於吸煙人士如果食多幾個橙同維他命c都冇可能抵消到吸煙對身體既傷害一樣,所以想令皮膚靚d健康d都係少用化學性產品啦,上面提到既化學性防曬產品只係我地用護膚品其中既一樣,我地每人每日從頭到腳都用到好多款既產品,累積起黎都有唔小份量入侵身體,所以提提大家要多留意自己用緊既每款產品成份,逐漸遠離d化學性成份產品而換成天然成份既產品,長遠黎講對自己皮膚身體都好d啦.

備註**:比起化學性防曬產品,物理性防曬產品既成份zinc oxide(氧化鋅) 和 titanium dioxide(二氧化鈦) 較不會對皮膚做成傷害,成份既粉粒較大,所以只停留於皮膚表面,避免滲入既風險,穩定性較高和不易致敏.

如果大家想了解自己既皮膚狀況,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既療程試做,包括有激光療程,凹凸洞射頻療程,眼部療程等,可在旁邊既連結了解更多和登記哦:www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2016年11月6日 星期日

酒精會令皮膚加速衰老嗎?

CLEAN SKINCARE 小tips - 酒精會令皮膚加速衰老嗎?

剛剛過去既萬聖節,唔知大家係咪同小編一樣都會約埋家人或者朋友一齊聚下呢?!係節日之中,難免都會飲返幾杯輕鬆一下,有時酒精確實可以令我地心情變得愉快同埋放鬆D,但飲得多除左對身體有負面影響外,對皮膚又會做成咩影響呢?而酒精會令皮膚加速衰老嗎?

其實酒精係一種容易揮發,易燃燒,但就唔會傳電既透明液體,成份主要為乙醇.現時乙醇用途非常廣泛,例如在製造飲品,香精,染料,護膚產品和燃料等,另外係醫療上亦可作為消毒用途,而且可以溶解多種化學物質既作用.

當飲用酒精時會經過我地個胃同小腸先,繼而進入血液裡再到腦部,之後就會減慢神經細胞既活動,做成放鬆既感覺,但如果飲進過量既酒精就會令肝功能既排泄秩序變得混亂和過度負荷,導致肝臟受損害,嚴重既話會造成脂肪肝,肝炎,肝硬化等問題.

以下係酒精除左對內臟構成影響外既問題:

  • 酒精會令血管擴大,膚色變得泛紅和感覺溫熱,而且毛孔亦都會變得粗大粗糙.
  • 由於酒精揮發度較高,會令皮膚水份流失得好快,使皮膚變得乾燥敏感,頓時使水份和油脂失去平衡,可引致皮膚加速衰老.
  • 酒精在身體產生既化學作用會令皮膚産生對光源更敏感既反應,令皮膚內既黑色素更容易加深,嚴重既話會有機會產生黑色素瘤問題.(*黑色素瘤屬於皮膚癌既一種)
所以都係建議小飲酒精飲品,如果真係要飲要適量,咁就記住要飲多d水同埋要做好補濕護理,去減低對身體和皮膚既負荷.

另外提提大家要選用一d冇酒精成份既護膚產品喔,因為護膚產品內既酒精成份會傷害皮膚,比如抽乾皮膚水份,引致敏感,毛孔亦容易變得粗大粗糙,加速衰老等等問題.所以建議大家:

  • 減少用有酒精成份既護膚產品,雖然產品添加酒精目的係可以令質地變得清爽,但同時亦會令皮膚水份流失,缺少彈性而變得衰老.
  • 定期做運動可以幫助我地加速新陳代謝,促進血液循環排走身體皮膚既毒素.
  • 增加膠原蛋白可以令皮膚變得更有彈性,減少細紋和毛孔變得粗大既情況出現.

如果想知道更多關於對護膚品既酒精成份和其他既疑問,可以遊覽我地個Blog既 「邊d護膚品成份等於酒精?!」
http://clean-skincare.blogspot.hk/2015/12/blog-post_28.html

如果大家想了解自己既皮膚狀況,歡迎用以下方式聯絡我們預約做一次免費皮膚分析哦,另外我地中心亦為第一次光臨既顧客提供不同既療程半價優惠,想知有邊幾種療程就進入:http://www.cleanskincare.com.hk/zh/trial.html

免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2016年11月1日 星期二

大隻奶粉會令皮膚爆瘡嗎?

CLEAN SKINCARE 小知識 - 大隻奶粉會令皮膚爆瘡嗎?

唔知係咪最近睇韓劇睇得多,我身邊果位又話要健身又話要食大隻奶粉但又驚會爆瘡,之後又問我會唔會架...哈哈哈,我見到真係好好笑,因為佢就好似我地d女仔咁,又想咁但又驚咁但又想咁,哈哈哈哈.

但其實諗諗下,我身邊既男性朋友都真係有食開大隻佬奶粉但有d都話食完有爆瘡既情況,但有d又冇,所以不如今次就分享一篇以男性主題既文章啦*^^*

其實大隻奶粉正確黎講叫蛋白質補充劑,主要係補充或增加身體內既蛋白質,從而轉化為肌肉(即製造肌肉既原材料),一般會係做完運動後飲用,因為運動後既肌肉纖維會經過裂開之後重組,所以係呢段時間補充蛋白質就係最好時機.

而一般既大隻奶粉既主要成份為乳清(Whey),簡單去解釋就係牛奶萃取既高純度低糖低脂既蛋白質,但市面上既大隻奶粉會加上其他成份如糖,維他命,味道加添製等,所以如果要飲用既話就要多留意食物標籤上既成份會唔會係高糖或高脂等.

一個80Kg既男士每日既蛋白質攝取量需要約96g既蛋白質(1Kg 需要1.2g既蛋白質),而100g既肉類約有18至20g不等既蛋白質,所以一日兩正餐基本上係已經有足夠既蛋白質供應比身體,但如要增肌肉就要吸取較多既蛋白質黎組織更多既肌肉纖維,所以健身或增肌肉中既男士會飲用大隻奶粉黎補充更多蛋白質,因為係較方便和較高純度既補充劑.

但如果吸取過多蛋白質會有乜影響?同滋生暗瘡有關?

有!因為如果沒有配合相當既運動量而攝取過多既蛋白質就會變成脂肪同尿酸,身體會開始一直累積脂肪,腎臟又會加重負荷黎分解同排出尿酸,最後由於腎臟已經過度負荷,新陳代謝減慢,毒素累積,令身體荷爾蒙產生變化,所以有機會令皮膚滋生暗瘡.

其實滋生暗瘡係小事,但造成身體負荷影響健康才是大事,所以如果想大隻得黎又健康,健議吸取天然植物蛋白好過肉類同加工蛋白.如果眞係有需要食大隻奶粉,咁就要記得飲多D水,計好份量做返相對既運動,減小食肉,咁就可以大隻得黎又健康啦!

如果大家有暗瘡或其他皮膚問題想問,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次50% off既暗瘡激光療程試做,可在旁邊既連結了解更多和登記哦:www.cleanskincare.com.hk/zh/Promotion-2016.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2016年10月27日 星期四

果酸做得多會令皮膚會變薄嗎?

CLEAN SKINCARE 小tips - 果酸做得多會令皮膚會變薄嗎?

早前收到一位讀者留言問到:唔知係咪因為較早前受到天氣又濕又熱既影響關係,皮膚突然出咗好多暗瘡,重變得好粗糙㖭!想做果酸換膚療程,不過聽人講果酸換膚最多 2 星期只可做一次,如果我想再做得密 d去keep住又唔知得唔得呢?做得多會令皮膚會變薄嗎?

以往係果酸换膚篇當中都有同大家分享過做〔果酸換膚〕既心得,比如:功效,注意事項,療程後護理等,而果酸換膚其一既主要功效係去除過厚既角質再清理毛孔內既油脂污洉,清走黑頭,暗瘡同埋粉刺等.

但如果我地做果酸療程過密會出現咩情況呢?

如做得過密,皮膚表層會變得脆弱,因為由於角質層係皮膚最表層,由10至30薄層無核細胞所組成,主要係減少皮膚水份流失同時亦可吸收水份令皮膚保持濕潤,而且可以防止皮膚受到細菌感染造成各種傷害,但如果角質層未完成更新跟住又再進行果酸換膚,咁只會削減皮膚既保護能力.

所以過密去角質的話,皮膚會出現以下問題:
  • 皮膚未有足夠時間更新,未能幫皮膚製造新角質層去保護.
  • 皮膚水分難以鎖緊,導致皮膚缺水出現敏感和血管擴張既主要原因.
  • 有機會造成過度刺激導致皮膚受傷.
所以正確黎講果酸換膚只係去除皮膚表層角質,加快皮膚更新,令底層污垢物或黑色素加快排出,但就唔會令皮膚變薄,相反,如果正確地進行果酸療程係可以幫助皮膚改善以下既情況哦:
  • 幫助我地皮膚去除過厚或老化既角質層.
  • 加速皮膚既新陳代謝,減淡黑色素(如暗瘡印)
  • 令皮膚變得更嫩滑.
  • 刺激骨膠原增生令皮膚更加緊緻.
其實大家要留意皮膚係需要時間更新~而角質層過厚雖然唔好,但亦唔能夠缺少,所以建議2-4星期做一次果酸換膚療程係最安全令皮膚更新既方法啦,如果想知道更多關於果酸换膚和换膚既疑問,可以遊覽我地個Blog既暗瘡果酸换膚疑問篇文章:http://clean-skincare.blogspot.hk/2015/03/blog-post_18.html 

如果大家想了解自己既皮膚狀況,歡迎用以下方式聯絡我們預約做一次免費皮膚分析哦,另外我地中心亦為第一次光臨既顧客提供一次半價果酸換膚既去角質面部護理試做,可在旁邊既連結登記哦:http://www.cleanskincare.com.hk/zh/trial.html

(*)免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人士諮詢

2016年10月26日 星期三

落妝產品既成份

CLEAN 護膚產品成份解碼-落妝產品既成份

市面上有好多不同種類既落妝產品,分別有落妝水,落妝乳,卸妝膏,卸妝gel,卸妝油等等...但大家係選購時會唔會留意下落妝產品既成份?雖然落妝產品比較起化妝品或護膚品接觸皮膚相對較短時間,但由於我地女性每日都會用,所以絕對唔可以忽視哦!

市面上有d成份會慢性傷害皮膚,有d成份就會阻塞毛孔然後導致生暗瘡生暗粒,如果未知用邊d落妝產品既成份會好d呢?今篇既分享就非常適合你啦,一齊黎了解下啦^^

大家睇成份時要睇包裝背後全成份表,唔好淨係睇到包裝前面主成份個幾樣就算呀,而構成以上問題既產品成份如下,應避免購買或使用含有以下成份既清潔落妝產品哦:  
  1. 酒精 (如寫上Alcohol, Ethanol, Ethyl alcohol, Methanol, Benzyl alcohol, Isopropyl alcohol, SD alcohol, Alcohol denat等) ,用後皮膚會產生緊繃既感覺,酒精係引致敏感既原凶,仲會令皮膚會越黎越乾添.
  2. 防腐劑 (如寫上Paraben, Methylparaben, Propylparaben, IIsoparaben, Butylparaben, Formaldehyde, BHT等),基本上所有護膚品都有加入防腐劑,保存期有2-3年以上都一定要放防腐劑,防腐劑對皮膚既傷害係: 加速細胞老化,令皮膚粗糙,暗啞,阻塞毛孔引致生暗瘡等等問題.
  3. 人工香料 (如寫上Fragrance, Parfum等) 市面上好多落妝和護膚產品都有加入人工合成香料,經常使用人工香料既產品會造成皮膚過敏或者引致皮膚炎,仲可能會引起色素沈澱.
  4. 石油 (如寫上petroleum, petrolatum, mineral oil, liquid paraffin and paraffin wax等) ,礦物油係石油副產品,礦物油就好似保鮮膜咁包住左皮膚,使皮膚無法排出毒素阻塞毛孔,仲會干擾皮膚既天然免疫屏障,導致水油失衡,提早老化.
建議使用含以下天然成份既清潔落妝產品:
  • 天然植物油 (如葡萄核油grapeseed oil、可可巴油jojoba oil、甜杏仁油almond oil、椰子油coconut oil等天然植物油)
  • 天然植物萃取成份 (如蘆薈、黃瓜、綠茶、甘菊、海藻、蜂蜜等等)
另外經常聽到大家話用卸妝油或卸妝膏後皮膚有生多左油脂粒和暗粒,其實呢類問題係同落妝產品既其中一個成份有關,就係『礦物油』啦,呢個成份會阻塞毛孔,所以建議大家多選用天然植物油而避免用有礦物油成份既落妝產品.

其實大家係選購護膚或落妝產品時可以多選用一d採用天然有機成份既護膚品牌,避開用一d會傷害皮膚既成份,多了解產品既全成份,揀啱產品您會發覺皮膚會係不知不覺間好左又健康左哦. 

免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2016年10月20日 星期四

什麼是紅斑狼瘡,可以進行激光療程嗎?

CLEAN SKINCARE 小知識 - 什麼是紅斑狼瘡,可以進行激光療程嗎?

紅斑狼瘡其實係一種免疫系統失調症,免疫系統主要防守我地每一個器官(皮膚亦是其一器官),當有任何外來威脅時,免疫系統就會反擊!

但患有紅斑狼瘡既患者,佢地既免疫系統會失調,引致免疫系統會攻擊自身好既器官和細胞,令到身體不斷地受損,久而久之就會引起種種病症,嚴重的話會影響器官功能甚至乎停止運作!所以紅斑狼瘡一定要小心護理.

但點解會產生紅斑狼瘡症?

暫時未有一定既因素,但以下幾種係經過研究而得出既可能性:
  • 遺傳因素
  • 賀爾蒙
  • 紫外線
  • 藥物
我點知自身有既就係紅斑狼瘡症?
根據美國風濕病學會既資料,如同時有幾項(至少4項)以下症狀時,代表你好有可能已患上紅斑狼瘡症了,所以如果一有以下症狀,建議立刻向醫生就診哦:
  • 紅色皮疹(有點似濕疹,面部位置較常見到)
  • 肌肉痛楚
  • 突然持續發熱
  • 關節感到痛楚或腫脹
  • 深呼吸時胸痛
  • 手指或腳趾變白或青紫
  • 對陽光或紫外線敏感
  • 眼睛腫脹
  • 甩頭髮
  • 生口瘡
  • 腺體發腫
  • 持續十分疲乏和感到嚴重頭痛
咁紅斑狼瘡症患者係咪唔進行得激光啊?

正確,因為紅斑狼瘡症患者對外來既刺激會比一般人敏感好多,所以為安全起見當患有紅斑狼瘡症係唔適宜進行激光療程,其實除左療程外,平時既生活習慣亦要開始改變,比如:
  • 多留意護膚或化妝品成份,避免用帶有酒精成份和太多化學成份產品(想知道更多關於產品成份請按此:護膚產品成份解碼)
  • 要有定時和足夠的休息睡眠
  • 保持運動如:重力訓練(加強關節保護),帶氧運動(保持良好血液循環和暢順既呼吸系統),伸展運動(減輕肌肉痛楚和硬化),但請留意不要做太劇裂和太長時間既運動,避免長時間暴露係陽光下,建議進行該運動前應向主疹醫生諮詢
  • 多注意和調節自己情緒,因為紅斑狼瘡症患者既情緒會有較大既波幅
其實無論係任何情況下,多關注自己身體既變化,多和自己既身體溝通,多了解自己身體,作出適當既調整和調養,咁就可以一直都健健康康啦*^^* 
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2016年10月18日 星期二

女仔跑步會跑到腿部變粗嗎?

CLEAN 運動:女仔跑步會跑到腿部變粗嗎?

大家有冇跑步既習慣呢?有時放左工我都會去附近跑步徑跑步,試過分別唔同時間去都發現有唔同年齡層既人喜歡跑步,我好享受係跑步徑跑步既氣氛和感覺,因為縱使大家係唔相識但係就一齊同一個方向在跑步,而且每次跑完步出左一身汗當晚會好訓d,第二日都精神d,但係身邊既女性朋友有d都想試下跑步但就怕跑到腿部變粗,其實跑步係咪真係會跑到腿部變粗架?

如果跑步前後有做好拉筋而跑步既姿勢又正確,咁係可以瘦身瘦腿既,而且跑步對身體仲有好多好處架,以下會分享下跑步有咩好處,咩原因跑步會令腿部變粗,跑步時既正確姿態同埋要注意既事項,大家一齊了解多D咁就多一種運動可以做囉^-^

跑步會令腿部變粗既原因有以下幾點:
  1. 跑步前冇拉筋:冇拉筋既情況去跑步會令小腿肌肉快速僵硬和腫起來.
  2. 跑步時用錯力:跑步時如垂頭望地,放鬆上身,大腿無力,將用力點完全集中在小腿,小腿因為要支撑身體和過多運用所以另其變粗.
  3. 如果習慣以腳尖落地跑步,施力點唔平衡,時間久了有機會導致小腿變粗,甚至對膝蓋做成負荷.
跑步時既正確姿態:
  1. 頭部要自然放直,不要前傾後仰.
  2. 眼望前方,下巴不要突出.
  3. 挺起胸膛,頸部腰部和背部要保持直線挺直.
  4. 手肘曲至直角,手掌自然張開,並貼近身體隨步伐擺動.
  5. 膝蓋可以微彎緩衝腳部落地既壓迫.
  6. 腳跟先落地,接著全腳掌觸地,輕碰地面再往前帶到腳尖,以上有保護膝蓋既作用.
  7. 跑時應放鬆雙腿,步伐不要過大,否則只會快速消耗體力,大腿外側肌肉要有力地提升,帶動整條腿郁動.
跑步要注意以下既事項哦:
  1. 吃飽飯後跑步建議要隔一小時以上,跑前不宜喝太多水避免腹痛.
  2. 跑步前要拉筋,係想先叫醒身上每組肌肉,等佢地習慣活動,到真正用力跑時,腿上多組肌肉都會互相幫忙,去減低只用小腿發力既情況.
  3. 跑步後同樣要拉筋,可以舒緩和放鬆肌肉,減低充血後繃緊既情況.
  4. 研究都指出運動後半小時到一小時進食有助於身體既修復和能量補充.
跑步既好處?
  1. 減肥:跑步係屬於有氧運動,只要每次跑步能持續30分鐘以上,一般慢跑控制係6-8km/每小時,身體就會有效地消耗脂肪,慢跑和隔斷地跑,同樣能夠提升心跳率,到達消脂狀態.
  2. 改善腿型線條:長跑慢跑既速度,唔會強化負責爆發力既小腿肌肉,反而會令腿型整體變得更有線條更修長.
  3. 改善脂肪肝:在慢跑既過程中,身體既血糖和脂肪通過有氧氧化既過程而轉化為能量,去應付運動所需要既能量,所以肝臟和内臟脂肪都會隨之減少.
  4. 改善頸椎和肩部既不適-經常坐係電腦前既朋友或多或少都會有肩頸膊痛既問題,正確既跑步姿勢係要求背部挺直放鬆,所以對久坐,肩部及頸椎既不適有好大改善.
  5. 減低血脂和膽固醇水平:持續長跑會強化心臟血管系統,跑者既血液質量會變好,可速進新陳代謝,減低血脂和膽固醇水平.
  6. 提升心理質素,專注力和決心:係經歷你幾乎要放棄既長跑或其他項目後,你會發現係跑步過程中所產生既意志和體魄係會增強和提升心理質素,令你係其他方面都有著同樣既專注力和決心.
  7. 抒發心理壓力:經研究證實大腦係跑步時會分泌令人興奮既物質(安多酚或腦內啡/endorphins)有「快樂嗎啡」之稱,係一種大腦既神經傳導物質,會令人產生幸福及快樂感,所以係跑步既過程中,我地容易忘記煩惱而產生愉快既情緒.

2016年10月15日 星期六

金屬是如何環保再造?

CLEAN 環保:金屬是如何環保再造?

又到分享CLEAN既環保啦 ^^ 相信大家都好心急想知道小編我今次同大家分享D咩呢?!上次係中秋節既時候我分享過係2014年地球之友曾經估計過中秋後全港被掉既月餅罐約有300萬個之多,約重750噸,如果叠起黎就會等如414座中銀大廈既高度,但其實香港每日既廢鐵回收量亦相當驚人,2013年每日既廢鐵量有144公噸,每月就有4320公噸,而且廢鐵回收價不斷下跌,令回收循環唔理想,所以大家要盡量循環再用所有鐵皿哦,另外亦可以將鐵罐或其他鐵皿放進回收箱,減少對堆田區既壓力.

好啦,講左咁多回收既事,而加等我分享一下「金屬是如何環保再造?」啦!究竟眾多金屬物料之中,到底邊一種先可以有真正回收既用途?回收後既過程係點?希望透過今次既分享可以幫助大家對金屬既環保了解更多啦~

首先在金屬生產過程中,由原礦石進行採集,冶煉完後再加工,先可以變成為各種鋼材物品和有色金屬產品等,稱為「原生金屬」,而成本亦相當之高.同時,開採礦場,取出物料,製造過程等等都係剝削地球資源和破壞環境!

雖然我地沒有能力立即阻止,但我地可以減少購買和拿去作循環金屬,因為金屬最大優勢係可以不斷循環再用,而當我地回收金屬越多既的話,就等於礦業採集金屬就自然減少,環境既污染會減輕,地球資源亦會減少過度採集,所以大家都盡一分力回收所有唔用既鐵皿,令環境變得好D啦~.

以下就分享金屬回收既類別同過程啦:

金屬分為2種
  1. 含鐵金屬:生鐵或鑄鐵,合金鋼碎料,錫片
  2. 有色金屬:鋁,銅,合金
  • 可回收既金屬有:鐵/鋁罐,奶粉罐,煮食器具,月餅/糖果/餅乾盒罐等.
  • 不可回收金屬有:含有鋁金屬層膜既塑膠包裝袋/紙包飲品/牛奶盒,地拖,醫藥用容器,壓縮氣體罐,化學物容器等.
回收既過程和處理:
  1. 先收集:金屬係屬於一種有價值既物料,同其他收集過程有D唔同,部份人先將金屬廢料保留然後再出售,所以一般都在收集商出讓
  2. 分類:利用磁鐵和傳感器將混合左電子物料既廢金屬和含金屬固體等廢料進行分類
  3. 加工:將金屬切碎,幫助加快熔融過程
  4. 熔化:將廢金屬放入一個特定爐中熔化
  5. 純化:以確保最終產品既質量和零雜質
  6. 凝固:然後冷卻和固化金屬
  7. 運輸:最後送到各個工廠生產成新產品,金屬回收再造後產品例如:指示牌,鐵路的路軌等.
最後提提大家千其唔好睇少鋁罐既價值呀~相信鋁罐係我地日常飲料接觸得最多既一種,當廢罐溶化後係可以無數次循環再變新罐架,而且仲可以製成汽車和飛機零件,甚至乎我地既家庭用具添~大家都合力一齊盡一分力啦!

2016年10月12日 星期三

為什麼納米點陣式射頻療程能改善凹凸洞皮膚?

CLEAN SKINCARE小知識-為什麼納米點陣式射頻療程能改善凹凸洞皮膚?

續上篇分享的『納米點陣式射頻療程特別之處是?』,大家對儀器已又一定既了解,但究竟『納米點陣式射頻療程』點樣可以有效改善凹凸洞既皮膚呢?而凹凸洞同暗瘡印係咪一樣既問題?

有時人們會將凹凸洞同暗瘡印混為一談,但其實係兩種唔同既皮膚問題:
  • 凹凸洞:當皮膚組織受到破壞(如過度和強行擠暗瘡,曾生水痘等)令纖維組織收縮同纖維化,傷及大量真皮層既膠原蛋白,於是令真皮層(即係皮膚底層)受損,之後纖維化組織會扯住表皮向底層拉,最後形成了凹陷既凹凸洞,所以凹凸洞係屬於皮膚組織問題.
  • 暗瘡印:皮膚底層細胞遭受破壞,黑色素不斷係皮膚底層增加,慢慢係皮膚底層形成黑印,所以暗瘡印係屬於色素增生問題.
而納米點陣式射頻療程點解能夠改善已凹陷既皮膚呢?
  1. 首先治療時在皮膚上產生只有納米(1納米 = 0.000001 mm)細小既微細加熱區,熱能高達60度並將表皮老舊組織去除.
  2. 而更換皮膚淺層既同時熱能滲透皮膚深度達500微米,熱能直達入真皮層並刺激纖維母細胞增生真皮層膠原蛋白,在修復過程中細胞既機制下會大量製造骨膠原,從而將凹陷既皮膚(如凹凸洞或皺紋)承托起來,有效收細毛孔,撫平凹陷皮膚和改善膚質.
  3. 由於射頻熱能會在皮膚組織內不斷運行直到熱力散去,所以令膠原蛋白細胞快速持續增生,令療程效果更快和效果更顯著.
但療程後既復原期會好耐嗎?
  1. 治療過程中皮膚不需經過出血階段和沒有明顯傷口,但療程後皮膚會出現短暫時間紅腫(約數小時),之後在1至3日之內會逐漸減退.
  2. 療程後24至72小時後所產生在皮膚上細細點深褐色既老舊組織亦會慢慢脫落,但由於細點非肉眼能容易睇到,所以療程後的第二天已能化妝,但呢段時間不能用磨砂產品或大力洗面.
  3. 而皮膚會利用周圍健康組織既幹細胞來填充和產生更多新既細胞來癒合,所以復完時間相對較短,從而減低以往舊有既治療後所引起之照顧不周而感染既風險.
幾多次為一個療程?每次療程後能看到效果?
  • 一般治療期需進行4次或以上,每次要相隔3-4星期先可進行下一次治療,而膚質和凹凸洞會在每次治療後能看到明顯改善哦.
如果大家想了解自己既皮膚狀況或想知道更多有關納米點陣式射頻療程,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次30% off既納米點陣式射頻療程試做,可在旁邊既連結了解更多和登記哦:www.cleanskincare.com.hk/zh/rf.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2016年10月8日 星期六

納米點陣式射頻療程特別之處是?

CLEAN SKINCARE 小知識 - 納米點陣式射頻療程特別之處是?

續上篇分享的『甚麼是射頻療程?』講到CLEAN SKINCARE既納米點陣式射頻療程有別於一般射頻療程,療程可以修復凹凸洞,暗瘡疤痕,妊娠紋,眼袋等,但復原速度比一般創傷性治療快,基本上療程後的第二日已可化妝,唔洗再成面紅當當幾日?

因為納米點陣式射頻療程既特別之處係機頭上有160支超幼細既針,每支都能平均地輸出高達62mj既能量,不用刺傷皮膚既情況下就確保能均勻地將能量(熱能)滲透皮膚深度達500微米,相比一般射頻能量滲透得更深更平均地刺激纖維母細胞,促進新膠原蛋白合成,從而將凹陷既皮膚(如凹凸洞或皺紋)承托起來,改善不同既皮膚問題.

而每一次將機頭移開時,射頻能量所產生既熱能足以將微孔凝結,令皮膚創傷減到最低,所以皮膚唔會有出血情況和冇明顯傷口.

另外CLEAN既納米點陣式射頻仲可以調節唔同能量既密度來配合唔同既皮膚問題,使療程達致最佳既效果.

納米點陣式射頻醫學儀器已獲得美國FDA 和歐盟CE認證,現時全球已有過百位醫生在使用納米點陣式射頻治療:可以改善皮膚凹凸洞,毛孔粗大,妊娠紋,皮膚鬆弛,痤瘡疤痕,皺紋,眼袋,色斑,細紋,肌膚紋理等等,而療程效果獲得非常好的評價!

如果大家想了解自己既皮膚狀況或想知道更多有關納米點陣式射頻療程,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次30% off既納米點陣式射頻療程試做,可在旁邊既連結了解更多和登記哦:www.cleanskincare.com.hk/zh/rf.html 
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2016年10月6日 星期四

暗瘡印問題其實做激光好定果酸好?

CLEAN SKINCARE 小tips - 暗瘡印問題其實做激光好定果酸好?

有跟隨我地個blog既朋友們應該睇過我地之前分享有關暗瘡印既文章,其實暗瘡印既學名係炎症後色素沉澱,屬於色素問題既一種,因為皮膚受傷害(發炎既暗瘡)所以黑色素細胞走出黎保護皮膚,但之後d黑色素冇分解不特止,仲要積聚係該患處位置(即前暗瘡位置)變成暗瘡印.

有一d暗瘡印會隨住時間慢慢減淡或者消失,但有d就一直都分解唔到,一達黑色紅色印咁,如果之前暗瘡發炎時冇好好處理又或者經常大力擠佢,咁好大機會就會變成凹凸洞,凹凸位置會令暗瘡印既顏色睇落去就更明顯.

而現時較有效既治療有「激光治療」和「果酸治療」,但好多時都會被問到邊種會快d,有效d?其實應該係視乎暗瘡印既階段和皮膚狀況而定斷,因為:
  • 激光治療係透過激光能量,聚焦一點射到暗瘡印位置,將皮膚底層沉澱既色素擊碎,再透過新陳代謝下排出體外.
  • 而果酸係利用調配好既濃度和酸性,將皮膚過多既角質層軟化並脫落,令皮膚加速更新,將皮膚表層色素去除和改善膚色不均勻問題,而且果酸能有效地令暗瘡凋謝,平衡油脂分泌和抑制粉刺生長.
所以兩種療程都可以治療暗瘡印問題,但就要留意係唔同既階段進行適合既療程,比如:
  1. 〈果酸療程〉適合於較為初期色素沉澱,少於3個月既色素或初期既炎症後色素沉澱(暗瘡印),因為呢個階段色素只停留係皮膚表層,所以會較容易減退.
  2. 〈激光療程〉適合於炎症過後較為長時間已變為啡色或紅色既印,一般呢種既色素已沉澱到真皮層內,令色素較難分解,所以需要利用激光到達皮膚真皮層將色素擊碎.
但如果你已經形成有凹凸洞既問題,咁就可以做〈納米點陣射頻療程〉來處理凹凸洞問題,因為呢個治療會利用熱傳導由皮膚表層到真皮層,刺激皮膚既膠原蛋白增生,能量滲透深度深達500微米,改善皮膚凹凸不平既問題.

稍後我地會分享一篇「為什麼射頻療程能改善凹凸洞問題?」,大家要密切關注我地個Facebook專頁了!

如果大家想了解自己既皮膚狀況或想知道自己既暗瘡印階段適合做那一種療程,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既激光去暗瘡印療程試做,而家仲會送多一款激光療程俾您試做哦(即一共可試做兩款激光療程),可在旁邊既連結了解更多和登記哦:http://www.cleanskincare.com.hk/zh/Promotion-2016.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2016年10月3日 星期一

甚麼是射頻療程?

CLEAN SKINCARE 小知識 - 甚麼是射頻療程?

相信射頻技術或多或少大家都會有聽過,而CLEAN SKINCARE既納米點陣式射頻療程有別於一般射頻療程,納米點陣式射頻療程可以修復凹凸洞,暗瘡疤痕,妊娠紋,下垂和鬆弛既肌膚,改善膚質等功效.

但射頻其實係乜?原理係點?安唔安全?今次小編我會帶大家了解更多有關射頻技術等等,而今篇等大家有了更多對射頻技術既了解之後先再分享CLEAN SKINCARE既納米點陣式射頻既原理啦!

射頻是什麼?
  • 射頻又稱為無線電電磁波,屬於電流既一種,就如無線電(WI-FI,對講機等),微波爐,X光等.如果同光線(如激光)相比,電磁波既頻率係比較「低」而波長較「長」既能量,所以射頻既滲透力會比光線強好多,因為激光主要係焦點式將能量射出,而射頻係將能量轉為熱力慢慢滲透入皮膚既真皮層內,刺激底層既膠原蛋白增生,從而處理凹凸洞,疤痕和鬆弛既肌膚問題等. 
射頻點解可以發熱而溫度可以達到幾高?安全嗎?
  • 簡單理解就係射頻等於電流,而當電流經人體時會產生阻力〔即電阻效應〕,之後皮膚組織內的水分子係瞬間產生高速振盪並互相摩擦,從而產生高達60度既熱能,慢慢令皮膚組織溫度上升,不斷慢慢滲透皮膚底層(可達到脂肪層上),並刺激底層既膠原蛋白增生.而射頻技術係1993年3月時美國FDA已批准左射頻技術用於美容療程上,所以現時世界各地已有十分多醫生在進行納米點陣式射頻療程來改善和修復凹凸洞,暗瘡疤痕,鬆弛和下垂既皮膚,改善膚質等問題了.

但提提大家,如果各位有用開家用既射頻機既話,請留意是否安全如能量輸出和溫度既穩定性,另外亦要有充份既安全知識和對機器既了解才好使用,雖然家用的射頻儀器一般溫度會較低(約30至35度),可以作一般保養用途,但都必須要小心使用哦.

之後我地會分享:『為什麼納米點陣式射頻療程能改善凹凸洞問題?』和『納米點陣式射頻既原理』,如果想知就要密切留意我地既分享哦*^^*

如果大家想了解自己既皮膚狀況或想知道更多有關納米點陣式射頻療程,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次30% off既凹凸洞射頻療程或妊娠紋射頻治療,可在旁邊既連結了解更多和登記哦:www.cleanskincare.com.hk/zh/rf.html 
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2016年9月30日 星期五

遊水運動量大嗎?可以瘦身嗎?

 CLEAN運動-遊水運動量大嗎?可以瘦身嗎?

大家喜歡游水嗎?係香港游水都算係較方便既運動之一,因為幾乎每一區都有泳池,有d區仲有暖水池添,其實游水既好處真係有好多,除左能夠郁動全身既肌肉,又有物理治療同紓解壓力既效果,仲係屬於有氧運動添,最大既好處就係可以提高心肺功能,對減重瘦身都好有幫助架.

因為根據以體重50kg既成人以30分鐘運動既熱量消耗黎睇,快行可消耗110卡、踩單車可消耗75卡,但游蛙式就可以消耗297卡,游自由式仲可以消耗435卡,雖然係水裡面有浮力,好似輕飄飄咁,但由於水既阻力亦好大,所以游水算係頗能消耗熱量既運動之一.

相比起其他運動因為係水裡身體唔需要負重呢個係優點,一來可以減少關節既傷害,即使係較年長、有關節炎既人士,都可以藉著游水去鍛煉身體,增強抵抗力哦.

但游水點解可以瘦身既?
  1. 水既密度同傳熱性比空氣大,所以消耗既能量會比其它運動要多,係12度既水中停留4分鐘所消耗既熱量,相當於係同等溫度既陸地1小時所消耗既熱量,所以係同等時間下水中消耗既熱量會比陸地大好多.運動中所消耗既能量係靠體內既糖同脂肪來不斷補充,所以經常游水係會逐漸消耗掉體內既多餘脂肪.
  2. 當人係水中活動時既阻力會比起係陸地上大12倍,係水中運動時你會感受到手腳有強大既阻力,所以背部、胸部、腹部、臀部和腿部既肌肉係游水時都能夠得到好好既鍛煉.
  3. 游水時人既新陳代謝速度好快,30分鐘就可以消耗掉300-500卡熱量,而且呢個代謝速度係你離開水之後仲能夠保持住一段時間,所以游水係可以減肥瘦身.
但游水要注意以下既事項哦:
  • 忌飯前飯後游水,空腹游水亦會影響食慾和消化功能,有可能出現頭暈乏力既情況,飽肚游水亦會影響消化功能,有可能產生胃痙攣,甚至嘔吐或腹痛等情況.
  • 忌長時間曝曬游泳,長時間曝曬會產生色斑,或會引起急性皮炎或灼傷,為防止色斑既出現要做好防曬,定時補搽防曬霜,上水後最好用傘遮陽或到有樹蔭既地方休息,亦可用大毛巾蓋在身上保護皮膚.
  • 如經物理治療師檢查而診斷有膝關節內側韌帶撕裂或盤骨髂關節既人仕便不宜游蛙式了,患有急性肩周炎既人仕亦不應游水,應待關節痛楚稍為減輕才去游水.
  • 患心臟病、高血壓、肺結核等嚴重疾病,沙眼、中耳炎、皮膚病等傳染性疾病人仕都不適宜游水.
  • 游泳池裡面有氯氣,如天天都游水對皮膚和毛髮會受損,時間長了頭髮乾燥分叉,皮膚變得乾燥,所以每次游水後要為皮膚頭髮搽上護膚霜哦.

2016年9月28日 星期三

吸光或對光敏感是什麼意思?

CLEAN SKINCARE 小知識 - 吸光或對光敏感是什麼意思?

有時都會聽到有客人話“ 我D皮膚會好吸光咖”又或者係“ 我皮膚有對光敏感咖”唔知可唔可以做激光治療呢?

其實皮膚吸光同光敏感係兩種唔同既問題,但呢兩種問題都同「紫外線」有關,咁到底“吸光同光敏感”既意思係代表D咩呢?

首先講關於「光敏感」

簡單d理解就係一種皮膚對紫外線既過敏症,如果受到紫外線既照射或曬到太陽後,某d人皮膚會出現紅疹,產生刺痛或痕癢等情況,呢d就係紫外線過敏=光敏感

而光敏感(Photosensitivity) 有分為兩種:
  1. 光敏感(photoallergy) 係經過紫外線照射後,只對皮膚造成表面既傷害,就好似曬傷咗時會出現紅腫同埋痛既反應,光敏感於約半數係系統性紅斑狼瘡既患者.
  2. 光毒性(phototoxicity)亦係經過紫外線照射後,誘發我地身體既免疫反應而造成既皮膚發炎,伴隨有腫脹,痕癢和痛楚,如嚴重時候更會形成水泡等症狀,然後皮膚會出現色素沉澱情況現象.
其實光敏感既成因係紫外線與皮膚上過敏物質之間既互動,可能係局部用既產品(如:香水、皮膚護理產品、藥膏),還有服用既醫藥產品(如:抗生素藥、抗抑鬱藥、消炎藥等等),接觸以上後光敏感情況未必會立刻發生,而係同陽光紫外線接觸後48小時後出現.

但吸光又係乜意思呢?

皮膚本身唔識「吸光」,但對光(亦即紫外線)會有反應,比如會溫度提升,會痛,會變黑等等,但呢d係「反應」而唔係「過敏」,所以唔好混亂.

所以好多人話:我D皮膚會好吸光咖!其實正確d黎講係:我D皮膚對光較易有反應,黑色素會較為活躍,所以照到紫外線後會比一般人較高機會出現色斑.

但皮膚對光較易有反應係因為先天性?當然唔係,除左某些人係天生皮膚對光較易有反應,其實外在因素亦會有影響哦,比如:
  • 日常生活中,我地所選用既護膚產品和攝取既食物中,有某d會造成和增加皮膚既感光度(=提高對光既敏感度),因為護膚產品既成份同物質會通過皮膚吸收而食物就經過消化系統後會分布到皮膚組織裏,導致皮膚對光既敏感度提升,黑色素細胞亦會較為活躍,最後還造成色素沉澱,形成色素和斑點等情況.
但睇完以上分享又唔需要太過擔心既,以下分享點樣避免或造成皮膚對光敏感既事項:
  • 應避免進食感光(=提高對光既敏感度)既既食物如:田螺、油菜、菠菜、萵苣、無花果、香菜、芹菜、韭菜、紅豆等.
  • 注意可能引發光敏感既藥物有: Fluoroquinolones類抗生素,A酸既抗痘藥物,Retin-A ,利尿劑hydroc-hlorothiazide,鎮靜劑Chloropro-mazine,口服抗生素四環黴素Tetracyclines,降血糖藥Chlorpropamide,非類固醇消炎藥Piroxicam,Naproxen,另外還有抗病毒藥物,抗黴菌藥物和抗精神劑等等.
  • 注意可能會帶來光敏感既疾病有:先天性遺傳疾病如:柯凱因氏症候群 (Cockayne Syndrome)、布隆氏症候群症(Bloom Syndrome)、白化症、紫質沈著症(Porphyria)等,另外青春痘、酒糟鼻、異位性皮膚炎、日光性蕁麻疹與紅斑性狼瘡等疾病,以上患者也常出現光敏感反應.
總言之大家出外時應避免直接曝曬,盡量要保護好皮膚,同埋做好防曬措施,例如:攜帶有防曬度數既傘,穿上防曬薄外套,擦SPF30~50指數既物理性防曬產品等,咁就可以減少受到光對皮膚造成既傷害!而如果當你發現面上開始有色斑既出現,記得要去做皮膚分析,睇下自己皮膚既底層會唔有更多既色斑,及早發現係可以阻止色斑問題惡化哦!

如果大家想了解自己既皮膚狀況或想知道自己既皮膚底層會唔有更多既色斑,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既療程試做激光去斑治療,可在旁邊既連結了解更多和登記哦:http://www.cleanskincare.com.hk/zh/Promotion-2016.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2016年9月23日 星期五

深層斑的種類

CLEAN SKINCARE小Tips - 深層斑的種類

上篇「淺層斑的種類」分享過關於幾種較為普及既淺層色斑,而今篇我就會繼續分享有關深層斑既出現位置,特徵和成因.

何謂深層斑?

我地皮膚分為三大層:表皮層 (Epidermis),真皮層 (Dermis) 和皮下組織 (hypodermis),而深層斑係位於真皮層內.

真皮層內既組織包含左:基質(細胞既一種),纖維組織,細胞,血液及淋巴液和神經等,而真皮層是皮膚組織中最厚的部分,手掌或腳掌可達3mm厚呢,當黑色素係皮膚深層形成斑點時就叫做深層斑,一般有荷爾蒙斑,顴骨斑,炎症後色素沉著和太田母斑,以下我會將每一種斑既特點資訊分享比大家作參考的:

荷爾蒙斑
  • 出現位置:面頰兩旁,鼻樑,顴部,額部,上唇,甚至散佈整張臉.
  • 特徵:淺啡色,平滑,不規則,大面積一塊塊或一達達.
  • 成因:體內荷爾蒙分泌失去平衡,沒有搽防曬而經常接觸紫外線,使用化學成份化粧品,服食避孕藥,情緒因素(如壓力,失眠,緊張,憂慮)等. 
顴骨斑
  • 出現位置:顴骨位置
  • 特徵:深啡色或帶小許藍色既斑點或斑塊,平滑,不規則.
  • 成因:荷爾蒙變化,遺傳,日積月累護膚或化妝品中既重金屬,沒有搽防曬而經常接觸紫外線等. 
炎症後色素沉著
  • 出現位置:皮膚上任何一個位置(如面,手掌,手臂,腳,背等)
  • 特徵:平滑,不規則,淺或深啡色,有機會1星期內自然退去或一直不退.
  • 成因:皮膚發炎後(如生暗瘡後,割傷,擦傷等),皮膚底層細胞遭受破壞,黑色素不斷係皮膚底層增加,慢慢係皮膚底層形成黑印.
太田母斑
  • 出現位置:單則面頰至眼皮,眼球
  • 特徵:紫藍色,大面積,平滑,不規則
  • 成因:先天性,可能胚胎發育過程時細胞移動異常,但有代確實原因.

以上均是較為普及既色斑,而所有色斑都建議在初期時及早治療,因為到後期時有機會導致色素性病變,到時將會需要更多既治療和時間才能解決,多點關注自己身體既變化才能更健康哦!

如果大家想了解自己既皮膚狀況或想知道自己的斑點是屬於那一類的話,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既療程試做激光去斑治療,可在旁邊既連結了解更多和登記哦:http://www.cleanskincare.com.hk/zh/Promotion-2016.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.