2015年9月30日 星期三

眼下既淚溝越來越凹陷,我唔想再嚴重落去,有冇得救呀?

CLEAN SKINCARE 小知識 - 眼下既淚溝越來越凹陷,我唔想再嚴重落去,有冇得救呀?

大家有冇覺得..唔知從幾時開始照鏡果陣,覺得自己既眼部淚溝位置越來越凹,個樣睇落好唔精神!有時我又留意下其他人既淚溝位置平復D睇落去整個面容都後生同精神好多㗎~><~而家個淚溝仲要越來越凹陷,點算好呀!?

其實準確黎講淚溝既正確位置係眼下半月型既凹位個位置度(即係眼睛對下),由内眼角開始在下眼廉伸延到鼻側既一條凹溝 ,而淚溝位既形成主要有以下3類:-
  1. 家族遺傳
  2. 年齡增長眼部位置既組織開始老化從而出現鬆弛情況,另外膠原蛋白既流失亦會造成眼部脂肪萎縮,令眼睛失去支撐,這時淚溝和眼紋就會更加明顯顯現.
  3. 經常捱夜和長期對住電腦手機,這會令到眼睛老化既情況提早出現.

為咗避免眼部淚溝越來越凹陷既情況再嚴重落去,我地可以係日常習慣中多留意,比如:

1-) 如長期對住電腦或手機,會引起血液循環減緩,造成眼睛過度疲勞這會提早出現老化問題而導致有黑眼圈,眼袋和淚溝等情況出現.
  • 建議:適量地讓眼睛休息,最好每對住電腦或手提電話一小時後就給自己休息5分鐘,再提醒自己要定時移開目光.
2-) 配戴隱形眼鏡時,好多時會大力拉扯到上下眼皮,眼部皮膚被反覆拉扯,有可能會導致色素沉澱或產生鬆弛問題從而形成淚溝.
  • 建議:配戴隱形眼鏡時要非常小心力度問題,避免力度過重拉扯到眼部皮膚.
3-) 眼周皮膚比面部既皮膚要薄,如果經常搓揉眼睛,會容易令眼部底下既微絲血管破裂形成黑眼圈,亦會出現有鬆弛情況和產生淚溝.
  • 建議:如果眼睛癢時,盡量避免用手搓揉,最好閉眼休息去舒緩.
4-) 經常熬夜會導致眼周既循環代謝變差,加上熬夜時並沒有充分時間給眼睛休息,這都會加速眼部脂肪消耗,速成淚溝和淚溝型黑眼圈既形成.
  • 建議:晚上11點到凌晨2點係身體既修復時間,要有充足既睡眠習慣哦.
另外眼部護理方面,多選用含天然成分既眼部產品,可以幫助促進眼周既血液循環,分解色素和強化眼肌底層,慢慢改善淚溝凹陷等問題...

希望呢篇分享可以幫到大家減少淚溝凹陷既問題啦!*(^^)*

之前我地亦有一篇講過一d可以去除黑眼圈,眼袋和解決淚溝既護理,如果大家有興趣想睇既話就到以下連結啦:http://clean-skincare.blogspot.hk/2014/10/blog-post_20.html

如有任何查詢隨時歡迎您與我們聯絡:

2015年9月27日 星期日

DIY毛孔清潔面膜


CLEAN SKINCARE 小Tips-DIY毛孔清潔面膜

近日經常在戶外工作,又汗水又塵埃咁,攪到D皮膚好污糟,面上仲多左好多黑頭粉刺添,今晚就做一個天然既**DIY毛孔清潔面膜**啦!

今次分享既呢款毛孔淸㓗面膜,建議大家一個星期可以做一至兩次,令毛孔位置得到徹底既潔凈咁D毛孔都會變番細D皮膚都乾淨D哦.

材料有2種:
  • 新鮮藍莓:10粒
  • 純乳酪:一湯匙
藍莓功效:
  • 含有豐富維他命 A,B,C,E ,熊果素,蛋白質,花青素等美白營養成分,具有抗氧化功能,針對暗瘡黑頭肌膚具有清潔作用,改善皮膚暗啞乾燥,保持水份流失,能滋養皮膚延緩肌膚老化等狀況.
乳酪功效:
  • 含有豐富蛋白質,酵素,鈣,磷,鋅,鎂,核黃素,維他命A,B1,B2,B6,B12和葉酸等等,乳酪能潔淨毛孔和收細毛孔,軟化和去除老化角質層令肌膚變得嫩滑柔軟,有效擊退暗啞泛黃既膚色,增添皮膚明亮光澤感,有效幫助肌膚抗氧化,促進膠原蛋白的合成,為肌膚提供深層滋養.
使用方法 :
  • 首先將藍莓壓碎成泥狀,之後加入乳酪攪拌均勻然後將面膜敷在臉上,避開眼睛和嘴巴位置 ,敷10至15分鐘後用溫水沖洗乾淨,之後塗上保濕型護膚產品.

以上既材料仲可以一邊吃一邊做呢個簡單就整到既天然DIY毛孔清潔面膜,成份新鮮又好玩,想皮膚變得潔淨細緻,大家一齊動手黎做啦!

2015年9月21日 星期一

CLEAN環保-如何減少廚餘


CLEAN 環保:珍惜食物減少浪費

我地香港人一向都好熱心救援工作,如世界各地譬如發生海嘯,地震,水災等大家都會毫不猶豫地去作出幫助或捐款,除此以外其實我地平常都可以將呢顆熱心放去保護我地既地球上,大家都有責任去保護我地擁有既地球,即使係每人只出小小既一點力量,都可以幫助好大哦~

近年政府都推出咗好多關於環保教育和宣傳活動,先有節約用水用電,後有減少用膠袋數量和處理廚餘等問題,環保意識增加下大部份人都有自備購物袋既習慣,已經開始為環保踏出咗一步喇大家一齊努力呀.

提到廚餘問題,目前香港每日產生約3648公噸既廚餘,有2/3來自家居,其餘1/3來自工商業,而近年工商業既廚餘棄置量不斷上升由2002年400公噸增加到2013年既1003公噸,數字非常驚人.其實廚餘會嚴重影響環境因為本身容易腐爛,棄在堆填區內會產生大量温室氣體如甲烷和高污染滲濾污水,所以長期棄置廚餘到堆填區並不環保.

關於廚餘其實我地大家都可以幫幫手去減少廚餘既產生,可以先從減少浪費食物呢個源頭開始做起,就以下兩方面我地都容易做得到:

家居方面

• 屋企用餐應該養成習慣食幾多煮幾多既習慣~每餐應按每人既食量去做大約既分量,寧可煮少勿煮多既概念避免有剩餘要丟掉,另外每餐食得太飽都唔健康,應該少食多餐又可以減少廚餘既產生.
• 要定期檢查雪櫃或存放食物地方內既食物保存期,將早前購買既食物放在最前面,根據先入先出既原則先行進食即將過期既食物先,以免存放到過期冇食到然後又要棄掉,避免浪費食物哦.

外出用餐方面

• 出外食飯時避免一次過點太多款式,應以食幾多叫幾多為主,先詢問食物份量大細,衡量每人可進食既份量避免叫過量,待確定有需要時再加,而且如果有剩餘,可以自備餐盒打包剩餘食物避免浪費.
• 尤其食自助餐或放題時,大家要特別注意自己可以食幾多叫幾多,可以食幾多取幾多既習慣,避免有剩餘既食物製造廚餘,避免浪費食物哦.
• 要習慣列出購買清單及有計劃地購買食物,當你手持購物袋去補給食物時,請三思而買不要過量購買食物,以免日後因過期而要丟掉造成浪費.

最後希望大家可以盡量善用廚餘,部分瓜皮果皮可用作烹煮材料, 部分蔬菜皮和葉可製作湯類,如柑橘類既果皮可用作除臭用, 茶葉和咖啡渣亦可以用作除臭吸濕等.

大家要珍惜大自然既食物呀,有些地方每日都有人因為沒有足夠既食物而飢餓,有些人在面對三餐温飽不足既狀況,所以我地要珍惜食物不要浪費呀~大家都可以做得到!!

2015年9月19日 星期六

家用導出導入儀器種類

CLEAN SKINCARE 小知識:家用導出導入儀器種類

近幾年好流行家用導出導入美容儀,大家都有用緊嗎?但家用美容儀既款式係市場上有好多選擇,有d係超聲波導入有d係離子導入~有唔同嗎?效果OK嗎?

導出導入儀器標榜可以表達成:導出毛孔內和殘留在表皮的污垢,幫助促進皮膚既血液循環,然後導入護膚精華產品至皮膚深層,讓成份更有效地逼入皮膚中,所以用導入儀會相比起只係用手去搽護膚品既吸收力高,而且仲可以令皮膚水份增加,使粉底更貼面.

市面上的導出導入美容儀主要分為兩大類: 

1) 離子導入 / 出儀
  • 原理:利用電荷既特性,將精華從毛孔和汗孔滲入皮膚,簡單咁去理解就係磁石一樣,{同性相拒,異性相吸}既原理,因為電荷有分正負極 ,即係如果d精華係{正極},而當我地將導入儀亦較成{正極}既話,咁d{正極}精華就會同發揮緊{正極}既導入儀反方向咁走入d皮膚裡面(等如導入).而導出就係將帶有{負極}既毒素細菌用{負極}電荷導出.另外有部份離子儀配有溫熱導頭,鋁金屬導頭有收緊皮膚毛孔,減淡細紋的幫助.
  • 小提示:離子導入儀是須要配合用離子化(Ionization)產品做導入,因為如果精華冇帶正極既特質,咁導入儀係冇可能發揮同性相拒既功效,將精華導入皮膚裡,所以一定要買註明已離子化既產品哦. 
2) 超聲波導入儀
  • 原理:超聲波係利用震動原理令角質層細胞間隙加大,而護膚品成分由細胞間的空隙送入真皮層,對皮膚產生細微且高密集既震動,會加速護膚品成分既吸收.而且另外有部份離子儀配有溫熱感覺,有助皮膚的血液循環.
  • 小提示:超聲波儀最好配合用天然產品做導入,如植物精華或維他命等成份,基於所有成份都會導入至皮膚,所以要小心部份產品內含如防腐劑,人工香料,酒精,色素,化學物等亦會一併導入至皮膚內,這反而令肌膚受損.

其實如果用法合當選對產品,導入儀係可以加強護膚品既滲透力 ,就如同洗面機一樣,用手都可以洗面,但洗面機就可以深層d去清潔毛孔,導入儀都係一樣,平常搽護膚品都會吸收,但用導入儀就好似我地一邊搽護膚品一邊按摩咁、將護膚品既吸收效果提升.

最後提提大家在使用前,最好先了解清楚使用說明和用法哦!

2015年9月15日 星期二

從飲食習慣入手,真係可以令暗啞變黃左既皮膚變番白滑肌嗎??

CLEAN SKINCARE 小Tips:從飲食習慣入手,真係可以令暗啞變黃左既皮膚變番白滑肌嗎??

近來見番D舊同事,個個都話我個樣後生左白左?!我拎番之前d相睇,個樣又黃又灰,睇落真係好老囉,原來皮膚白同暗啞真係可以爭好遠咖!

其實開始做Laser之後皮膚係白滑左,但除咗做美白嫩膚激光之外,我地仲可以從飲食習慣入手,內外兼備去令皮膚變得再白d滑d.(如果想了解多d關於美白嫩膚激光既好處,請進入http://clean-skincare.blogspot.hk/2015/08/blog-post_30.html

如果大家都想皮膚變得白皙D,不妨多吃含維他命C和抗氧化類既食物,維他命C能中斷黑色素形成既過程和減少黑色素沈著,減退皮膚既色斑,重點係踢走暗啞變黃左既膚色,令皮膚變番白裏透紅.

另外仲有其他含有不同維他命既食物都可以令皮膚有增白既效果哦,比如:
  • 飲檸檬水:其豐富的維他命C能幫助氨基酸合成膠原,防止形成皺紋及使肌膚帶有光澤,維他命C能夠促進新陳代謝,有抗氧化作用,有助於體內自由基既損害,可延緩衰老,能防止和消除皮膚色素沉著令皮膚顯得白皙.
  • 青瓜 : 含水量高達90%,是所有食物中含水量最高,能補充體液增加皮膚水份,青瓜含有豐富的鉀鹽,胡蘿蔔素,維他命A, B1, B2, B3, B5, B6, B9, C, E,糖類,蛋白質以及芥,磷,鐵等營養成分,具有美白、抗氧化的效果.
  • 豆漿 : 含有豐富的維他命 E,大豆蛋白、異黃酮、卵磷脂等物質,能防止黑色素沉澱,令肌膚變得白滑,還有補充體力能調節女性荷爾蒙既作用,具有抗氧化能力,能幫助對抗老化,延遲肌膚細胞衰老、維持皮膚彈性等等.
  • 天然有機蜂蜜: 含人體所需既氨基酸和礦物質及多種維他命、鈣、鐵、鉀、銅、鈉、鎢、鋅、錳、鎂、磷、等微量元素.常喝蜜糖水可以補充人體需要的營養,排出毒素改善暗啞膚色使皮膚變得紅潤細嫩有光澤. 
除左以上食物外,如蘋果,蕃茄,橙,士多啤梨,蕃石榴,奇異果,車喱子,苦瓜及紅色燈籠椒等等,都對皮膚美白有好大既功效.

其實想皮膚由內靚到外,就要從日常飲食習慣開始啦!大家可以多攝取有機種植既蔬果,咁就可以食得健康D,皮膚就自然變得靚得又白滑D啦!


2015年9月11日 星期五

如何避免滋生徽菌,霉菌,扁平疣,暗瘡?細菌既源頭又來自邊度?


CLEAN SKINCARE 小知識:如何避免滋生徽菌,霉菌,扁平疣,暗瘡?細菌既源頭又來自邊度?

如果你身邊有朋友或者你本身有生疣,經常生暗粒或暗瘡,皮膚痕癢等問題,希望大家可以花小小時間睇下我地今次分享既文章啦.

其實生疣,暗粒,暗瘡,皮膚痕癢等種種問題都係因為細菌而引發,如果你唔好好處理,咁D細菌就會擴散,令到周邊既皮膚都會受感染.
所以注重清潔同皮膚護理好重要,但除左清潔同皮膚護理外,鏟除細菌源頭都一樣重要哦!咁問題先可以算係真真正正地解決喇.

而最大嫌疑既地方就係『毛巾』!因為毛巾同我地塊面係直接咁接觸,而濕毛巾本身係一個細菌最喜歡既溫床地方,仲要係各種細菌都有,比如徽菌,霉菌,暗瘡菌,等等...點解?因為:
  • 毛巾用完之後一定冇可能完全擰乾,而放置一段時間後,空氣中既懸浮黴菌同各種唔同既細菌孢子就會降落到毛巾上,之後就好似一個溫室培植場咁,D細菌就會不段咁繁殖.
  • 而且毛巾通常放置既地方都會係廁所裡面,但由於廁所本身已經係一個好潮濕既地方,而D細菌處於一個又潮濕又唔通風既地方時,繁殖既速度就會加倍,仲要如廁後沖水既時候,會有超多細菌湧上黎再降落到唔同地方,而毛巾亦會係其中一個『降落點』.
  • 所以毛巾確係一個各種細菌/黴菌既繁殖安居好地方,仲要呢D細菌最長時間可以存活至少2個月到2年不等哦.
聽落去好似好驚咁,但係其實好易解決:
  1. 建議首先要改善浴室通風狀況(如抽氣扇要保持正常運作和乾淨,門要保持打開等).
  2. 毛巾唔可以用超過一日(每日最多兩次),今早和晚間用完就要清洗乾淨加曬乾.
  3. 早上用完要放在一個太陽完全曬到既地方黎殺菌同曬乾,千祈唔好放濕毛巾係廁所裡面.
  4. 如廁後沖廁時要將廁板蓋閉上.
  5. 皮膚受感染時唔好用手去經常摸,抓或用磨砂膏卒,否則會擴大感染範圍,甚至留下色素沈澱和疤痕等. 
  6. 如果面上或身上已經有扁平疣既話,就唔好用毛巾周圍抹其他部位,因為扁平疣係一種由人類乳頭瘤病毒HPV(Human Papilloma Virus)感染表皮而引起的無害性皮膚增生,主要透過人與人之間直接或間接接觸傳播,如果用手,毛巾或器具抓損患處,可以令疣擴散到其他部位既皮膚或者親友既皮膚上哦. 

如果大家想了解更多有關皮膚既問題都可以聯絡我地哦.

2015年9月9日 星期三

做毛孔緊緻激光護理有什麼好處,同鼻上既黑頭粉刺有冇關係呢?


CLEAN SKINCARE 小TIPS:做毛孔緊緻激光護理有什麼好處,同鼻上既黑頭粉刺有冇關係呢?

Mandy:由讀中學開始就發現鼻上有黑頭同粉刺喇,初初用手㩒下D粉刺,之後會用暗瘡針,D黑頭,但係大左就發現D黑頭粉刺除左會係咁生之外D毛孔仲要越來越,變咗士多啤梨鼻好外眼店算好呀!有冇辦法可以解決...

其實毛孔變大係同毛孔周邊既結締組織有關係,黑頭同粉刺長期撐大毛孔,周邊膠原蛋白同彈性蛋白會逐漸流失,失去彈力和失去原本可以繃緊毛孔既作用,於是毛孔一直維持被撐大既狀態下,就算清潔D粉刺,會留下大大既孔洞哦

大家先了解一下毛孔變大既成因:
● 皮膚油脂分泌較多,容易引發生暗瘡黑頭,令毛囊阻塞使毛孔變得粗大
● 經常用手或用暗瘡針去擠壓毛孔位置,令毛孔變大
● 皮膚清潔不足會令表皮既代謝物阻塞毛孔上,例如殘留既汗水、塵埃、化妝品、護膚品,任何一樣都會造成毛孔管道不通,導致毛孔阻塞粗大.

有乜方法可以有效地減少生黑頭,粉刺和收細毛孔?

現時能夠有效地收毛孔和處理以上問題既方法就係激光護理,利用激光可以點樣有效地令皮膚減少黑頭粉刺,而且可以令毛孔變得更緊緻?一齊睇以下解說啦:

毛孔緊緻激光護理處理方法:
● 激光護理既熱能可以有效地去除老化角質,清潔和疏通毛孔內既油脂污垢,能幫助皮膚平衡油脂分泌,減少暗瘡形成和去除黑頭粉刺等問題.
● 另一方面激光既熱能還可以刺激毛孔周圍細胞,促進膠原蛋白增生,同時有收細緊致毛孔功效一般進行數次療程後就可以見到皮膚既改善
● 激光護理對皮膚是屬於溫和既治療,完成後面上不會有傷口,不會傷害皮膚幼嫩既纖維組織,沒有紅腫既情況還可以即時化妝,皮膚漸漸會變得乾淨而平滑. 

CLEAN SKINCARE提提您:
當我地皮膚上有黑頭粉刺及暗瘡時,唔好用手指或暗瘡針去㩒D暗瘡,因為好容易細菌感染令皮膚發炎更惡化,仲會令毛孔變大!只要保持皮膚清潔,唔好經常摸面就能減少細菌滋生維持正常既作息時間都好重要架,充足睡眠能讓荷爾蒙分泌規律正常,平衡皮脂分泌能避免毛孔問題
毛孔緊緻激光治療除左可以處理毛孔既問題外,其他激光治療還可以處理不同類型既皮膚問題,而CLEAN SKINCARE採用有國際品質認可証書既激光儀器,來確認儀器既穩定度,安全性和治療效果,大家如果想了解多D激光既療程,隨時歡迎您與我們聯絡:



2015年9月6日 星期日

近期外國非常流行既 OVERNIGHT OATMEAL(隔夜原片燕麥)?

CLEAN SKINCARE 食玩行:近期外國非常流行既 OVERNIGHT OATMEAL(隔夜原片燕麥)?

今日係星期日,忙碌左成個星期今日梗係好好休息下啦,我自己就會選擇享用一個美味又豐富既健康早餐作為一日既開始,但我d朋友都會話:星期日梗係訓晏d啦,咁早起身整早餐><

其實早餐都可以係夜晚預先整定架,仲要原來隔咗一晚d營養會再豐富d好味d哦,咩黎既?就等我介紹一下外國非常流行既OVERNIGHT OATMEAL啦~~

Overnight Oatmeal係指隔夜原片燕麥(----__----III),其實係指將未經處理過或未煮過既麥片,乾果類和液體 (即奶,蜜糖等...)放進一個可密封既玻璃器皿裡,然後再放入雪櫃一晚,咁第二日加埋水果就可以食喇.

其實因為西方飲食文化都以生食 (Raw Food)為健康飲食,因為未經過煮沸或處理過先能夠保持食物既營養,而OVERNIGHT OATMEAL亦算係其中之一種,而且有研究顯示大部份既穀類(包括燕麥)都有一種叫Phytic acid既酸性會阻礙身體吸收某些營養(如鐵,鈣,蛋白質等),但浸泡過程可以將呢種酸性中和,所以將燕麥浸泡一晚後,除左能將燕麥變成軟身,另外亦由於中和左Phytic Acid,所以當食用時身體可吸收得更好更多既營養.

總言之OVERNIGHT OATMEAL係一種高纖維,高營養和超易整既美味食物!

好啦,講左咁耐,而家就分享Overnight Oatmeal既製作方法啦:
  1.  首先將原片大燕麥與同等份量既液體(如乳酪/鮮奶/果汁/豆漿),加天然蜂蜜、再加乾果(可選擇紅莓乾、藍梅乾、提子乾等)混合。
  2. 將食材倒入可密封既玻璃容器中,擰實,然後靜置隔夜.(建議放入雪櫃冷藏)
  3. 當食用既時候可以再加d水果,果仁等等就食得啦!

下面分享三款唔同既材料俾大家都試下自己整個Overnight Oatmeal啦:

1. 香蕉奇異果Overnight Oatmeal

材料:
  • 一杯脫脂奶
  • 1/4杯原片大燕麥
  • 1/2湯匙奇異籽
  • 1個奇異果
  • 1隻香蕉
  • 杏仁少許 
2. 士多啤梨奇異籽Overnight Oatmeal
材料:
  • 1/2杯原片大燕麥
  • 1/2杯無糖杏仁奶
  • 1/2杯脫脂酸奶
  • 1湯匙奇異籽
  • 1茶匙天然蜂蜜
  • 4個草莓,切片
  • 1茶匙切碎的果仁
3. 蘋果肉桂Overnight Oatmeal材料:
  • 1個小的紅蘋果
  • 1/3杯原味乳酪
  • 1/3杯牛奶
  • 1/4茶匙肉桂粉
  • 1/2杯燕麥
  • 1茶匙天然蜂蜜
  • 1湯匙花生碎 
其實想食得健康可以好簡單,Overnight Oatmeal又可以瘦身又可以令皮膚變得靚靚,仲可以節省時間煮早餐,真係好啱我地每一個繁忙嘅都市人架。希望今次既分享能帶俾你地享用一個豐富又健康既早餐啦.

2015年9月3日 星期四

點樣揀適合自己膚質既洗面產品呢?而市面上既洗面產品有不同款色,同埋洗面產品係咪可以洗走d黑頭粉刺呢?


CLEAN SKINCARE 小知識:點樣揀適合自己膚質既洗面產品呢?而市面上既洗面產品有不同款色,同埋洗面產品係咪可以洗走d黑頭粉刺呢?

空氣中既塵埃再加埋面部既油脂分泌,會令污垢物好容易積聚係d毛孔裡面,產生黑頭粉刺容易令毛孔變得粗大,更有可能變成暗瘡添!

所以洗面時千祈唔可以求其哦,一定要先了解自己皮膚狀況,再揀適合自己既洗面產品來洗面,咁就可以令自己皮膚靚d又乾淨d,暗瘡都生少d啦*^^*

好!等我先為大家講下一般常用到既洗面產品同分類先:

1-) 洗面膏:
  • 屬於清潔力較強既一種洗面產品,但由於要達到咁強既清潔能力,所以一般鹼性亦都較強,所以洗完要即刻為皮膚補濕,而且補濕後要保濕,建議搽返面霜或Cream狀既護膚品.
  • 適合皮膚:油脂分泌特別旺盛既皮膚
2-) 洗面奶:
  • 液體形狀,成份一般較溫和,通常唔含鹼性,對皮膚亦唔會太過刺激,而且可以幫助皮膚保濕同滋潤,令皮膚洗完面之後唔會過乾.
  • 適合皮膚:暗瘡皮膚,敏感皮膚
3-) 洗面啫喱 :
  • 現時一般賣既洗面gel都含有化學成份,起泡劑,香料等等,所以如果您中意用洗面啫喱既話,咁就一定要注意成份哦,因為化學成份唔單止從食物進入體內,從皮膚亦能進入哦,所以建議揀d無人造香料(Fragrance),無防腐劑(Parabens),二恶烷(Dioxane)等等,盡量揀d天然成份既洗面啫喱.
  • 適合皮膚:中性,油性皮膚
4-) 洗面磨砂膏:
  • 通常成份一般有蜂蠟,羊毛脂,精油等等,作用可以幫助皮膚清理角質層(俗稱死皮),防止毛孔阻塞,但購買時亦要注意d顆粒係乜野物料做成哦,有d係用天然物料如植物,穀物等,但亦有另外一d會用氧化铝,人造顆粒等合成物料,所以記得了解清楚先哦.而建議每星期只做一至兩次磨砂,做既時候唔可以太大力,敏感和暗瘡皮膚唔可以用哦.
  • 適合皮膚:油性皮膚

點解洗來洗去都仲係咁多黑頭粉刺?

其實一般用手打圈既方法洗面係好難可以洗去黑頭粉刺㗎,因為黑頭粉刺藏係毛孔裡面,而只用手打圈清洗既話只可以清除到面上表面既污垢物,所以建議定時做磨沙去角質層,之後配合適當既潔面產品,再用洗面工具將毛孔裡面既污垢物,黑頭粉刺都洗走晒,如果想了解多d關於洗面工具,可進入:http://clean-skincare.blogspot.hk/2015/05/blog-post.html

大家如果想毛孔更細緻,冇晒d黑頭粉刺,皮膚再平滑d,白嫩d,咁就要了解下我地今個月既限定購買優惠『毛孔緊緻激光護理』和『美白嫩膚激光護理』啦,優惠只限今個月咋,快d入去下面條Link了解更多啦:
www.cleanskincare.com.hk/promo/laserpromo.html