2015年7月31日 星期五

洗完面有冇需要用爽膚水,爽膚水有乜作用?

Clean Skincare 小TIPS - 洗完面有冇需要用爽膚水,爽膚水有乜作用?

大家洗完面會唔會用爽膚水呢?有人鍾意用,有人冇用

而某部份既人可能會諗:洗完面已經好乾爽,唔使用爽膚水都得啦,有時懶懶地都想搽小一樣,我諗直接搽面霜都可以夠喇!其實唔用爽膚水對皮膚都唔會有太大影響掛!

但到底爽膚水有什麼作用呢?用爽膚水對皮膚既好處係乜?如果唔用對皮膚會又有D咩影響?

關於以上對用爽膚水既疑問,我地想同大家分享一下,仲會講下爽膚水既成份,選擇方面和用法.

爽膚水既作用
  • 皮膚既新陳代謝係需要大量既水分來幫助完成,而每次潔面後都會造成水分流失,使肌膚變得乾燥,所以潔面後立刻拍上爽膚水係可以即時為肌膚補充水分,係作為潔面後既第一層保護和保濕,主要作用係軟化角質,平衡皮膚的pH值(酸鹼度),令毛孔中既油脂及水份可以得到平衡.

用爽膚水既好處
  • 爽膚水可以作第二次肌膚清潔,清除殘餘的油垢,幫助帶走老廢角質,再滋潤角質層細胞,而且可以使其後塗上的精華素及面霜更易吸收至皮膚內,因此用爽膚水對肌膚係有好處.

唔用爽膚水對皮膚有什麼影響? 
  • 每次潔面後造成既水分流失如果之後唔用爽膚水既話,皮膚在沒有保護和保濕既情況下再加上鎖唔住水份,就會出現乾燥既情況,毛孔會變得粗大,肌膚變得粗糙難以吸收其後護膚產品,所以塗爽膚水是護膚保養中好重要的步驟哦.

市面上有唔同成份既爽膚水,比如有:添加香料,色素,化學防腐劑和其他化學成份等,但當中亦有部份用有機及100%天然植物成份,無任何傷害肌膚成份既爽膚水.所以請大家在選擇時要注意成份喔,建議多選用天然成份,避免使肌膚受損.

以下是常見的爽膚水成份:

  • 酒精-揮發性高令皮膚有清爽感覺,有殺菌 ,抗真菌,控油等功效,但同樣地會刺激皮膚,令皮膚產生紅熱,甚至過敏狀況.不建議乾燥,敏感,易紅既皮膚使用.
  • 果酸-針對油性肌膚的爽膚水都含有果酸成份,當中會混合多種化學成份,果酸也會刺激皮膚,可能會令肌膚過敏.
  • 薄荷-只有清涼感覺,有短暫冰涼感覺但就沒有護膚功效.

以下是一些用天然植物製造既花水:

  • 有機玫瑰花水-內含保濕因子是皮膚天然的保濕劑,能增加並保持皮膚裡的水份含量,減少皺紋,對中性、乾性、成熟及敏感性,或暗啞肌膚都有明顯的改善功效
  • 有機茶樹爽膚水-具有較強的抑菌、殺菌作用,加快消炎適合暗瘡人士使用.
  • 有機羅馬洋甘菊爽膚水-能夠鎮靜紅疹,敏感及皮膚發紅等症狀,用於處理燙傷,曬傷,紅班性痤瘡,粉刺等問題,還可以改善油性、敏感性肌膚.
  • 有機橙花爽膚水-能夠平衡油脂分泌,適用於想改善油脂過度分泌的油性肌,又可收斂毛孔粗大和改善粉刺等問題,同時又能活化肌膚呈現明亮光澤,因此適合敏感膚質及油性膚質使用.

使用爽膚水既程序
  1. 潔面後用化妝棉+爽膚水輕輕抹一次全面作第二次肌膚清潔,清除殘餘的油垢及塵埃.
  2. 然後將爽膚水倒在手心, 讓手的溫度傳到面上再輕輕按壓,這讓爽膚水更易被肌膚吸收,爽膚水可滋潤角質層細胞,之後再塗上精華素及面霜
  • 早上:潔面後>塗上爽膚水>精華>面霜>物理性防曬產品>化妝品
  • 晚上:潔面後>塗上爽膚水>精華>塗上面霜
  • 敷面膜:潔面後>塗上爽膚水>搽上面膜>過水>塗上爽膚水>精華>塗上面霜(先平衡皮膚的酸鹼度,使面膜既營養更易被肌膚吸收)
總結今次既分享就係「用爽膚水是護膚程序中不可缺少的」如果想皮膚得到全面保護和保濕,想完全吸收後續既保養產品既話就要記住用爽膚水喇*^^*

2015年7月26日 星期日

DIY 夏天有機保濕控油MASK

Clean Skincare小TIPS - DIY 夏天有機保濕控油MASK

呢個夏天真係都幾熱下~大家有無發覺自己本來皮膚都唔係屬於油性肌,但夏天既高溫令油脂增加尤其係T字位會勁出油?如果要化妝既朋友,應該有同感呢頭化完妝頭一出去又溶妝又要補妝,好煩厭喔!

其實平時我地敷保濕MASK之外,到夏天都可以敷下控油MASK,可以平衡油脂分泌又可以減低我地溶妝既情況發生,今次就同大家分享一個夏天可以敷既DIY有機保濕控油面膜,有保濕和平衡油脂作用.

材料有2樣:

1-) 1/2個有機番茄 (小形)
2-) 1/2茶匙有機生蜂蜜

功效:
  • 有機番茄含有茄紅素、胡蘿蔔素、磷、鐵、鉀、鈉、鎂、維他命A、B、C等,番茄的酸性汁液有助平衡皮膚既PH值,能改善過多的油脂分泌,清除表皮老化角質污垢.
  • 有機生蜂蜜含有豐富既礦物質,氨基酸,酶,維生素和糖類,可幫助皮膚促進細胞再生,軟化角質為肌膚補充水份, 有潤澤皮膚作用.

使用方法:
  • 首先將1/2個有機番茄(小形)連皮壓爛成泥狀,或可以放入攪拌機攪勻,然後混合1/2茶匙有機生蜂蜜,攪拌均勻然後將面膜敷在臉上,避開眼睛和嘴巴位置,敷10至15分鐘後用溫水沖洗乾淨,之後塗上保濕型護膚產品.

建議大家一個星期可以做一至兩次這款有機保濕控油面膜,做法簡單又天然有機, 敷完呢款面膜大家就可以解決勁出油同埋溶妝既問題啦,咁就唔駛怕尷尬喇~

2015年7月23日 星期四

CLEAN SKINCARE CENTRE的經營理念

CLEAN SKINCARE CENTRE的經營理念

在公司創立之前就已經定下一個理念:『成為一間可信可靠的美容院』,這口號雖然看似簡單而且不切實際,但如果要實現並履行,這絕對需要全心貫注並持有實行的決心和信心.

CLEAN SKINCARE如何做到可信:
  • 堅持反傳統地『』硬銷 (Hard Sell) 而採用公開式的價目表,讓顧客可以在CLEAN SKINCARE的網址上查詢各項療程的價格和細節,為大家提供一個更清晰的價格平台,讓大家可以安心隨意地選擇.
  • 與顧客並肩同行,了解顧客們的『所需』和『所想』,提供合適和準確的療程,產品和護理資訊,用心用力地去改善顧客的皮膚問題,時常提供護膚美容,扮靚心得,健康資訊等給大家,務求讓大家對美容有更深的了解和認知,令每個人都成為自己的美容專家.
  • 療程中所用的產品或護膚品都會對顧客保持高透明度,讓顧客能隨時知道產品的來源和成份.

CLEAN SKINCARE如何做到可靠:
  • 設定3次為一個療程,是因為我們的激光儀器極具穩定性,經過臨床經驗和數據顯示進行3次療程就能獲得明顯效果,之後可再判斷是否需要繼續,這樣的方法和次數可使顧客有彈性地得到最高的治療成效.
  • CLEAN SKINCARE的專業團隊擁有十年以上的美容及激光護理知識經驗,而激光師都持有國際專業認可資格證書和香港政府認可證書,讓顧客得到專業,安全和悉心的照顧.
  • 激光儀器方面只會嚴選採用有國際品質認可證書的激光儀器製造商(如FDA,KFDA,CE等),確保儀器的安全性和穩定性,同時亦可以確保療程得到最好的效果.
  • 不採用化學合成成份(如礦物油,石蠟、凡士林、合成矽油、顏料、香料、有致癌隱患的人造防腐劑等)的產品,致力採用天然成份和有機護膚產品為保養治療,讓顧客吸收天然有機成份,用得安心又可以長期使用.

我們會不斷地堅守和實行以上的承諾,讓每位顧客得到真心,真誠,真情的對待!

另外,有數據證明化妝品,護膚品,個人及家居清潔用品中的人造化學成份危害人體健康,同時也嚴重破壞環境,給土壤和水源帶來污染等問題!

所以CLEAN SKINCARE有責任去提升顧客的皮膚質素同時亦要保護地球生態,所以我們提倡多使用天然或有機產品,由個人護膚品再伸延至家居及個人清潔用品等,培養出天然有機的環保生活方式,因為環保要先從個人第一步做起,再感染身邊的人一起去為環境,為大自然出一分力,這樣才算得上對自己的健康和生態環境盡責,而我們亦會時常分享有關環保的知識和資訊給大家. 

*保護環境,你我齊心* 

CLEAN SKINCARE全體人員致上

2015年7月18日 星期六

搽眼霜時既簡單眼部按摩

Clean Skincare 小知識-搽眼霜時既簡單眼部按摩

係現今既生活中,大家對住電子儀器(如電話,電腦,平板等)既時間越黎越長,而呢D儀器會令眼睛過度疲勞,眼乾,眨眼次數大量減少,之後就會自然地開始大力卒眼,緊閉雙眼等動作,最後就導致眼部衰老,眼紋,黑眼圈,眼袋等問題出現,再加上年齡既增長,所有問題都會日漸加劇,所以大家要讓眼睛有好好既時間休息之外,係搽眼霜時做一d 簡單既按摩都有幫助㗎~

簡單既按摩動作(如圖) 
  • (A-1)將眼霜放一點係無名指上,輕輕U形點拍(無名指因為相比食和中指力度細,而且較好控制)
  • (A-2)輕輕向內打圈掃三次
  • (B)用拇指放在眉頭下既凹位輕用拇指按壓,打小圈按摩10秒
  • (C)用一隻手既無名指{8}字咁打圈,重複6次
  • (D)一隻手輕輕撐開眼角,另一隻手用無名指打圈按摩
  • (E)用雙手磋熱後放係眼部,之後雙手開始變涼既時候就慢慢從眼,耳背,頸按到去鎖骨.
 而眼部按摩既好處有:
  • 改善眼部浮腫-幫助排走因血液循環而積聚在眼部周圍既水份,改善浮腫既問題
  • 改善眼紋-幫助拉緊及抵抗眼部皮膚鬆弛,減淡細紋
  • 改善黑眼圈-加速血液循環,防止色素沈澱形成黑眼圈
    改善眼肌鬆弛-按摩動作可以幫助強化眼部周圍肌肉,防止眼皮下垂
 當大家搽眼霜時我地要有耐性地慢慢用手指按壓,因為用力過度和太快都會影響眼部薄弱既皮膚,而且眼霜既份量亦要好好掌握,唔可以搽太多,因為如果次次D份量太多既話,會有機會令到眼部生油脂粒㗎~

其實每日按摩3~5分鐘,可以幫助我地眼部血液循環,改善黑眼圈和眼袋,眼部疲勞等問題,希望今次既分享令大家明白到眼部按摩原來咁簡單,而且對我地有咁多好處,大家一齊按下啦^_^ 

2015年7月14日 星期二

吃有機既蔬菜水果係咪會令皮膚靚D,又健康D呢?

Clean Skincare 小Tips - 吃有機既蔬菜水果係咪會令皮膚靚D,又健康D呢?

上一篇既小知識分享咗DIY 夏日美白果汁,今次想同大家講下關於食有機既蔬菜水果對皮膚有什麼好處?

近幾年大家都開始越來越注重健康,又會選擇食有機種植既蔬菜水果,其實有機種植同普通種植又有咩分別呢?有機種植係咪好d呢?營養價值一樣嗎?

有機種植是指:

  • 有機農業提倡注重和保持蔬果的天然成份,因此可以保持食物原有的營養價值.
  • 原全不用化學肥料,化學農藥和人工合成物,並重視生產過程.有機栽種的蔬果沒有農藥殘留,而其根部和表皮的部分不必去除並可以食用,如此一來則可攝取更多的酵素、抗氧化劑、礦物質和纖維素.在有機生產的理念下,不用含基因改造的種子,種植物及肥料.
  • 而進食有機食物後其營養會由血液帶到皮膚層,有機蔬果含有大量的營養價值,如:抗氧化維他命A 、C 、E ,當皮膚細胞攝取維他命後,會有效中和體內破壞組織的游離基,增加皮膚的抗氧化功效,大大防止人體機能衰老,由內至外皮膚也能保持得更健康.
普通種植是指:
  • 使用化學農藥和肥料,能在短期內讓土地肥沃增加生產,但長遠會令土地退化流失,更會破壞生態,污染環境,同時使食品質量下降,令蔬菜流失營養價值,重金屬及致癌既硝酸鹽含量較高, 部份成份在進入人體後,更危害健康,葉菜類是最會殘留硝酸鹽的作物.

今次既分享希望給予大家認識有機種植和普通種植下既蔬果之分別,愛地球,愛自己,愛惜生態環境,大家多d攝取有機種植既蔬果和支持買本地既有機種植食物,食到新鮮既蔬果又可以健康d皮膚都靚d啦!

2015年7月10日 星期五

DIY 夏日美白果汁


 
Clean Skincare 小知識:DIY 夏日美白果汁 

夏日炎炎 .....最想就係可以飲一杯好fresh既果汁消暑解喝,天然既果汁營養成分高,除左可以令身體健康之外,仲可以幫助皮膚有美白功效,做法好簡單,呢個夏天就一齊黎試下自己DIY 啦!
  • 材料:菠蘿1/3個,西柚1/2個,蘋果1/3個,檸檬1/2個,生蜂蜜一茶匙
  • 營養成份:維生命B,C,E,蛋白質,蘋果酸,檸檬酸,鈣,鐵等礦物質
  • 做法:將以上蔬果洗乾淨,去核後將材料放進果汁機打成汁後,最後加入生蜂蜜調混即可.
  • 對皮膚的好處:防止皮膚粗糙長斑,有美白排毒功效,作日曬後既保養.
  • 對身體的好處:幫助腸道消化,提升免疫力,預防呼吸道感染.
  • 建議:做鮮榨果汁時,可以將小量蘋果皮,西柚皮和檸檬皮一起放進果汁機中打成汁,令果汁增加營養成分和增加美白效果,最好即榨即飲,不可放置超過1小時,否則果汁會氧化失去效果.
不同既蔬果都可以令皮膚有增加美白既作用,如紅椒,蕃茄,奇異果,士多啤梨,甘筍,橙等等...以上蔬果都含有豐富既維他命C幫助皮膚淡化色斑,又可以增加皮膚對紫外線既抵抗力,令我地既皮膚變得更白晢有彈性和富有光澤,而維他命E有促進血液循環,防止黑色素沉澱和抵抗皮膚老化問題等.

平常大家都會經常外出食飯但就小吃蔬菜水果,所有當在家既時間大家不妨多d試下DIY不同種類既蔬果汁,咁樣就可以一齊擁有又白又滑既皮膚和健康既身體啦...*^.^*

2015年7月6日 星期一

做淺層班激光護理有什麼好處,同雀斑有冇關係呢?


Clean Skincare 小知識-做淺層班激光護理有什麼好處,同雀斑有冇關係呢?

酷熱既天氣加埋猛烈既太陽下最好就係去游下水,暑假去下旅行,放假行下山去下郊外,參與下d戶外活動啦!但一諗起咁曬法,皮膚會好黑仲會出好多雀斑咼!之前去游水已經令我塊面出多咗D雀斑,以後我係咪唔可以再去戶外活動喇,我D斑係咪唔會消失,係咪越生越多架?點算好!?

其實雀斑係最常見既淺表層色斑,形狀細小不規則,斑點顏色呈淺或深啡色,多數出現係容易受到陽光照射既位置,如:兩邊面頰,鼻樑,肩膊或手背等.

而雀斑的成因有:
  • 主要係因為日曬經常受紫外線照射,使表皮層既黑色素細胞過份活躍,令黑色素增加而形成斑點.
  •  膚色白既人士對陽光既敏感程度會較膚色黑者高,所以白皮膚既人士會較容易生成斑點.
  •  雀斑亦跟遺傳有密切關係 ,因為雀斑係一種常染色體顯性既遺傳性色素沉著斑點,不過唔一定遺傳自你既父母,有可能是隔代遺傳.
雀斑的處理方法:

1)搽美白產品

如果選擇用美白產品清除雀斑既話,就首先要了解產品D成份,因為美白產品既成份多屬刺激性,而美白產品係可以短暫抑制黑色素增生或短暫減淡色素,但並唔係解決色斑問題嘅方法,因為:
  • 用美白產品只可令皮膚短暫變白,但並唔會完全將黑色素分解.
  • 長期使用美白產品只會過度抑制色斑嘅出現,反而會令皮膚細胞受到傷害.
2)激光治療  

使用激光治療清除雀斑是現時最有效和最快既處理方法,比起各種外塗產品或者傳統既治療效果會更好,更具安全性,效果更為顯著,而且激光治療唔會引起任何化學刺激,絕對係非常安全而有效地去除雀斑色素既治療之一.
  • 激光處理雀斑的原理:光能照射到雀斑後,黑色素會被光能吸收,激光能量會將黑色素擊碎,隨著皮膚代謝循環,慢慢結痂,然後慢慢脫落,當{痂}甩掉後色素亦跟隨甩掉或變淺色,然後慢慢消失.
  • 治療次數會因應雀斑既數量,色素既深淺去釐定,有部份沉積於較深位置既色素,就需要較長時間讓皮膚內既巨噬細胞慢慢吞噬去除.但一般來說療程所需既次數為3至5次不等
另外治療後要做好防曬護理既習慣,斑點就唔會咁容易重新長出,所以平常搽好防曬產品是不可缺少哦.

CLEAN Skincare提提您*^^*:

當我地參與戶外活動時,如去旅行,行山或到郊外和空抗地方時,只要搽好物理性防曬既產品,並每隔兩小時補搽一次,而最好帶備太陽眼鏡,闊邊帽,太陽傘等等,做足以上防曬措施就可以避免色斑既產生哦,咁就可以放心去玩又唔駛擔心會越生越多啦!

激光治療除左可以有效和較快地清除雀斑外,還可以處理其他不同類型既色斑,而CLEAN Skincare採用有國際品質認可証書既激光儀器,來確認儀器既穩定度,安全性和治療效果,大家如果想了解多D激光去斑既療程或想預約一次免費體驗,隨時歡迎您與我們聯絡:

2015年7月2日 星期四

大家放假會做d乜去放鬆平日緊張既生活/工作壓力呢?


從今天起我地除左CLEAN 小知識和CLEAN小Tips外,將會加多一樣分享叫做{CLEAN食玩行},主要係分享生活上既不同事物,希望透過分享能夠為大家帶來更多趣味性既文篇,將更多開心和健康既事物都帶進我地每個人既生活裡,真真正正地做出CLEAN Skincare既理念,就係要令我地大家從內至外都一樣開心,健康!

好啦!一齊黎進入主題啦:

CLEAN食玩行 - 大家放假會做d乜去放鬆平日緊張既生活/工作壓力呢?

七月份開始咗啦~剛剛過完一日紅假,大家去咗邊度舒緩下緊張既生活和工作壓力呢?

我呢~就去左行山啦,點解?因為可以遠離一個’石屎森林’,回歸大自然呀.最初大家可能認為行山係一件好辛苦既事,平日已經早起床工作,而且工作不只時間長,量又多,再加上腰酸背痛?~點解仲要咁辛苦去行山喎!

但大家試想像下,平時我地面對住好多既高樓大廈,汽車廢氣,煩躁既人群喧嘩聲等...呢D都令人有窒息既感覺,如今去到郊外我地只見到綠草樹木,聞到既植物花香,聽到雀仔既聲音...呢一刻所有緊張既壓力,急速既腳步都要暫時停頓落黎~享受當下既平靜~

另外行山帶比我地有一個清晰既目標,就係要有堅定既意志和集中力先可以完成,因為有時會行上一座崎嶇不平既山,橫越過樹林,溪澗,沙灘等,又或者走完一段難行既路都好.呢條路係唔會有捷徑之餘,仲一定要靠自己雙腳一步一步走,當中有不少自己獨處既時間,可以靜靜去思考或者聽下大自然既雀鳥聲,樹葉摩擦聲,當完成過程後發覺自己全身是汗,滿足感相當大,心情亦都輕鬆晒.

行山既好處可以幫助我地放鬆心情之外,亦都係一項好好既運動使我地身心都健康,活動身體可以令肌肉變得結實,呼吸新鮮既空氣,欣賞下大自然給予我地既一切,將自己和大自然融合在一起,完全忘記日常既工作和生活壓力,對所有事物都會開始睇開D冇咁執著,心境變得平靜祥和D,人與人之間相處亦變得寬容D,而最重要就係皮膚身體都自然靚d健康d啦~

行山前既準備和安全措施:
  • 出發前要注意天氣情況,特別要留意有無雷暴警告和風雨等.
  • 物品:指南針,充足食水,足夠食物,雨傘,急救箱,哨子,記事簿和筆等.
  • 要熟悉行山路線,留意警署,郊野公園管理站和求救電話位置.
  • 穿着一些輕便既服裝和行山鞋,以及搽上防曬(每隔2小時補搽一次)和帶備防曬用品太陽帽太陽眼鏡等等.
  • 不要單獨前往,要結伴同行,互相照應.
  • 如果途中迷路,應選擇原路折返,切勿強行前進.
  • 行程中如遇上意外,應儘快尋求協助.