2015年4月25日 星期六

點解已經搽左防晒啦都有出斑既?


Clean Skincare小知識

夏天快到啦…你地準備好未,準備好每日都要搽好防曬產品先出門口呀!

如果之前有留意開我地分享既朋友都會知道其實不論冬天,夏天,晴天,雨天,甚至陰天都要塗上防曬產品先出門口,因為紫外線真係無處不在,如果唔想加速皮膚老化又或者唔想d斑走晒出黎,咁我地就唔可以偷懒啦!搽防曬呢一步真係唔可以skip架~

最近有客人朋友講開搽得多化學性防曬產品係咪會對皮膚唔好,又話已經搽防晒啦都有出斑既,所以關於化學性防曬產品既疑問我地都想係呢到分享一下!

首先我地用最簡單既方式去理解化學性防曬(即係用化學性成份做出來既防曬產品),化學性防曬既原理係利用化學紫外光吸收劑進入皮膚,藉以吸收紫外線達到防曬既效果. 但係大多數既紫外光吸收劑都能夠全面吸收UVB,而 UVA就只能吸收少部分.但要知道 UVA係佔紫外光既98%,而UVA亦都係令皮膚曬黑和長斑既主要元凶,所以大家都疑惑點解搽防曬產品但係都繼續長d斑出黎呢,答案就係因為化學性防曬產品並未能有效地阻隔 UVA!

化學性防曬產品中最常見既化學成分包括有Octyl Dimethy PABA(對氨基苯甲酸鹽),Para Amino Benzoic Acid(PABA)(胺基安息香酸),Dioxybenzone (二苯甲酮),Oxybenzone(羥苯甲酮),Octyl Salicylate (水楊酸鹽類)等等,通常還會加入其他化學成分,令調配出來既防曬乳質地較透薄自然,少有泛白既情况出現,而成份中既紫外光吸收劑本身係會對皮膚造成一定既負擔同威脅, 最大既弱點就係刺激性大,有不少實例指出可能引致皮膚紅腫和痕癢等過敏反應.

化學性防曬劑本身既複雜成份在清潔方面如只用一般既洗面產品係無辦法卸得乾淨,建議大家在清潔方面要先用上卸妝產品溶解化學性防曬劑,之後再用潔面產品作第二次清潔,我地需要每日清潔乾淨皮膚避免任何化學成份殘留在皮膚上,讓皮膚減輕負擔.

如果防曬成份長期留於皮膚裏會有以下皮膚問題:
  1. 影響皮膚油脂分泌而失去平衡,油脂唔能夠正常排出,毛孔會變得粗大.
  2. 皮膚呼吸困難會影響新陳代謝,容易産生膚色臘黃和暗啞,或長出斑點等情況.
  3. 減慢角質層既代謝而使之變厚,皮膚慢慢會有出現粉刺和暗瘡等問題.
  4. 皮膚變得乾燥,容易發紅,脫皮等問題.
  5. 皮膚變得痕癢和有敏感既情況出現.
所以大家在選擇防曬產品時應放棄用化學性防曬產品而採用物理性防曬產品,物理性防曬既原理是在皮膚表面加左一層保護膜而不會進入皮膚裏,原理係先保護皮膚然後讓紫外線反射出去.常見成份有紫外光反射劑 Titanium Dioxide 及 Zinc Oxide,以上兩種成份係目前美國FDA和歐盟獲批准既防曬劑成份,可以全面阻隔 UVA 及 UVB,性質溫和又可以保護皮膚.

結論係化學性防曬產品裏既化學成份會直接影響到我地既皮膚質素,希望今次既分享可以幫助大家了解更多關於化學性防曬產品,如果大家都想擁有健康既皮膚就要由選對防曬產品呢一步開始啦~

2015年4月22日 星期三

大家要注意自己用既產品中有沒有以下防腐劑及其他有害化學成分

Clean Skincare小Tips 

其實我地每個人既皮膚在每一日裡都會接觸到各式各樣既護理產品,而成份中既防腐劑及其他有害既化學成份加起來可對皮膚造成頗大既傷害,有研究結果顯示,即使係微量既防腐劑,在日積月累既使用下都會令皮膚既細胞加速老化及變得脆弱.

其實大家有冇留意到自己每日用緊既清潔產品,護膚品到化妝品既成份裏,有沒有以下既防腐劑及其他有害既化學成份呢?而呢d成份對我地皮膚或身體有什麼影響呢? 

化學成份有好多種,而大部份既化學成份都冇通過人體安全檢驗,仲要好多都係對皮膚及身體有害或者係一d會致癌既物質,當皮膚吸收後就會走入血液及其他器官裏,日積月累下,有害既化學成份會引致皮膚變得敏感,缺水,加速皮膚老化,破壞DNA細胞,干擾荷爾蒙及免疫系統,影響神經系統,生殖能力,抑鬱等問題,如嚴重既可引致癌症,尤其會增加女性患乳癌既風險. 

所以使用個人護理產品時,我地應先仔細睇下護理產品是否含有化學防腐劑,人工香料,人造色素,酒精等刺激性成分.這些成份不但對肌膚無益處,反而為肌膚添加負擔,使肌膚變得敏感脆弱.不如大家一齊睇下以下既防腐劑及其他有害既化學成份對皮膚對身體有什麼影響:- 


1.防腐劑既種類:
  • Parabens / 對羥基苯甲酸酯類 (如 ethyl-parabens, methyl-parabens, propyl-parabens)
  • Formaldehyde / 甲醛類 (如 Quaternium-15,Imidazolidinyl Urea,Diazolidinyl urea,DMDM Hydantoin)
  • Salicylic Acid / 水楊酸類 (如 BHA, Beta-Hydroxy Acid)
  • Benzoic Acid / 苯甲酸 
  • Sorbic Acid / 山梨酸 
  • Diazolidinyl Urea / 尿素醛 

防腐劑對皮膚既影響:
  • 形成結構鬆散既角質層,易受外界刺激,防禦力下降,肌膚水份流失
  • 加速細胞老化,漸漸失去彈性,容易產生鬆弛皺紋, 使皮膚粗糙,黯淡
  • 損害細胞既DNA,令新生細胞受損,影響膚質,吸收力下降
  • 與美白,抗老化成分互相抵觸,令產品功效降低
  • 毒性強,可致癌,可導致肝臟受損,刺激皮膚、引起過敏,可能會引發使用者過敏、引發濕疹等症狀 

2.化學起泡劑既種類:
  • SLS(如 Sodium Lauryl Sulphate / 十二烷基硫酸鈉)
  • SLES(Sodium Lauryl Ether Sulphate / 月桂基乙醚硫酸鈉) 
 
化學起泡劑對皮膚既影響:
  • 過度去油,鎖水力下降,引發刺激
  • 刺激眼睛,會引起眼結膜充血、刺痛
  • 清潔劑殘留,不易被清除,需要用含有酒精的爽膚水「再做一次清潔」,對皮膚構成新既刺激 

3.香料既種類:
  • Fragrance,Perfume,Flavour 香料
  • Butylphenyl Methylpropional丁苯基甲基丙醛
  • Lyral / 新鈴蘭醛 (Hydroxyisohexyl 3-cyclohexene carboxaldehyde, HICC / 羥異己基 3-環己烯基甲醛 )

香料對皮膚既影響:
  • 可掩飾化學成份既異味或產品變質後既氣味,係脆弱皮膚既致敏原,會引發炎症和造成過敏
  • 對於敏感皮膚既朋友,人造香料除會令皮膚過敏、紅腫,甚至可以導致過敏性鼻炎、哮喘等更嚴重既病症.

4.乙醇/酒精既種類:
  • alcohol,grain alcohol,ethyl alcohol,benzyl alcohol,isopropyl alcohol,denatured alcohol,myristyl alcohol,Ethanol,Methanol,glycol

酒精對皮膚既影響 :
  • 長期使用會造成皮膚保濕能力及免疫力降低,造成皮膚乾燥,粗糙,皮脂分泌旺盛,毛孔粗大,皮膚會更快衰老和逐漸黯淡無光澤.
  • 酒精會麻痹細胞,使細胞難以區分營養物質既優劣,從而吸收一d對皮膚有害既物質,例如鉛,水銀,讓皮膚不再健康
 
化學品除對皮膚有害,更會污染河流,影響環境生態.其實我地係選擇護理產品上可以選擇產品上有列明 No Parabens,No SLS,No Alcohol, Fragrance Free,Mineral oil free等等,又或者可以選用全天然有機既產品都可以減低接觸有害化學成份既風險.


大家要遠離化學成份而使用多d天然有機產品啦,咁就可以享受健康,美麗既同時,又可以創造更多綠色既生活空間同保育環境添!

2015年4月21日 星期二

Clean Skincare 護理項目介紹 - 激光去斑療程篇

  • 療程項目:深層激光去斑療程
  • 適合給:荷爾蒙斑,顴骨斑,藍色伊藤痣,太田痣,炎症後色素沉澱.
  • 功效:去除深層斑色斑.
  • 療程所需的時間:45分鐘.
  • 療程特色:快見效,能打散底層黑色素.
  • 療程次數:3次
  • 價錢:$4050(3次)
聯絡我們:

2015年4月19日 星期日

暗瘡皮膚可以化妝嗎?

Clean Skincare 小知識 -  暗瘡皮膚可以化妝嗎?

大家有時都會用粉底或遮瑕膏遮住D暗瘡嗎?外於美觀或者唔想比人見到生D暗瘡,但係心裡又會有疑問 『可以化妝嗎?成日焗住D暗瘡得唔得架?如果化妝的話咁化妝品既成份會唔會令到D暗瘡愈來愈惡化呢?』我地一齊黎睇下到底生暗瘡時要化妝有什麼要注意呢?

其實即使皮膚生暗瘡都係可以化妝既,而我地只要留意以下幾點:-

1)底妝或遮瑕膏方面我地應選用天然成份既產品,以低刺激性和不會阻塞毛孔為主.
  • 天然礦物粉(Mineral Powder)— 因為不含任何損害皮膚或刺激皮膚既成份如:酒精,   人造色素,油份,人造色素,人造香料或有害防腐劑等等.天然礦物質具有促進皮膚細胞既更新和保持水份等功能. 
  • 天然礦物成份如:二氧化鈦(Titanium dioxide)可以均勻膚色,同時與氧化鋅(Zincoxide)同樣具物理性防曬和有助紓緩皮膚既功效.

2)選用專為暗瘡肌而設既化妝品,以具有消炎和抗菌成份為主.
  • 蘆薈(Aloe Vera)含有舒緩、保濕和治癒特性,而且可以幫助暗瘡皮膚有消炎、殺菌和抗氧化等功能.
  • 洋甘菊(Chamomile)使皮膚得到消炎抗菌和抗敏感之功效.
  • 金盞花油(Calendula)對暗瘡皮膚具有消炎,殺菌,使細胞再生既作用.金盞花以皮膚疾病如:皮膚凍傷、尿布疹、皮膚病、疤痕、靜脈屈張,燒燙傷以及擦傷等都有很好既功效.
  • 茶樹精油(Tea oil)具有消炎殺菌,淨化皮膚,平衡皮膚油脂分泌和收細毛孔之作用,對於油性及暗瘡皮膚,治療化膿傷口及灼傷、曬傷都好有幫助.

3)胭脂方面我地建議應選用粉狀胭脂和天然成份比較好, 對於Cream狀既胭脂係會比較容易阻塞毛孔,因為多數既胭脂係由人功色素和化學成份而製成,而這些成份係會傷害皮膚,亦會刺激暗瘡皮膚.

4)帶妝時間方面:縱使我地已經用天然既化妝品,但係我地都要盡量將帶妝既時間縮短(例如當回到家中就馬上卸妝清潔),讓皮膚休息呼吸,因為我地既皮膚在日間都會出汗和分泌油脂,再加上空氣中既塵埃和化妝品黏在皮膚上這都會阻塞皮膚毛孔.


最後提提大家暗瘡皮膚應盡量避免選用有酒精或化學成份既産品,這都會使暗瘡問題惡化.記得定期做有關暗瘡皮膚既護理和加強皮膚既保濕度,希望大家都可以擁有健康既皮膚啦!

2015年4月16日 星期四

天然蔬果汁為皮膚去排毒


今次想同大家分享一款可以幫助皮膚排毒美肌既{天然蔬果汁},做法好簡單而且每日都可以飲,又排毒又可以美肌,大家一齊試下啦! 


  • 好處:促進代謝,排毒,抗氧化,美白,提升免疫能力.
  • 材料:西芹1條,青瓜2條,番茄1個,橙1個,蜂蜜1茶匙
  • 營養成份:鈉,鉀,鈣,磷,鐵,膳食纖維,蛋白質,維他命A,B,C,K,礦物質和氨基酸.
  • 做法:將以上蔬果洗乾淨,切粒,放入攪拌機打勻,最後加入蜂蜜調勻.
  • 最好既飲用時間:想有最好既效果,早上「空腹」時係飲新鮮蔬果汁既最佳時機,因為水果內既食物酵素會在空腹時完全地吸收和完成消化,唔會停留係胃裏,但如果餐後先飲,咁即係d食物未消化完成下飲蔬果汁,蔬果汁會長時間停留係胃裡,咁樣水果既糖質會發酵,阻礙食物消化.

大家飲鮮榨蔬果汁最好唔好同其他食物一齊進食或者係餐後飲用哦,如果食飯既話,就至少要等二十至三十分鐘後先可以飲蔬果汁.最後提提大家蔬果汁榨好後要馬上飲,如果放得太耐,蔬果汁就會氧化,酵素力就會降低,維他命等營養都會容易流失,果汁會分離,味道仲可能會變,所以要新鮮飲用喔.

如果每日持續都飲一杯天然蔬果汁,除可以為身體皮膚去排毒,仲可以抗衰老添,我地既體質將會慢慢地改變,身體和皮膚都會變得更健康,人都會愈來愈靚啦.

2015年4月13日 星期一

暗瘡皮膚食A酸

 Clean Skincare 小知識 - 暗瘡皮膚食A酸

上一篇同大家分享過生暗瘡而去睇中醫既一D心得,其實除咗去睇中醫師之外,相信亦有d朋友想快D根治好暗瘡既問題去睇西醫,而西醫醫生通常都會開一種叫A酸(Isotretinoin)既藥比求診者,我地大家一齊黎了解下A酸藥既作用,好處,壞處,有冇副作用和後遺症等等,希望大家可以對A酸有更多既了解啦~
  • A酸藥既作用:
A酸既作用主要係改變皮膚既結構,抑制皮脂腺既分泌,抑制毛囊角化,抑制細菌既繁殖,抑制毛囊發炎,如果抑制時間夠長而且劑量足夠,就可以將一個油性既膚質改變成比較接近中性既膚質,到時候暗瘡就會越來越少.一般用於中度至嚴重既暗瘡肌膚,而不應該使用在青春期出現既暗瘡肌膚上!
  • A酸藥既好處:
服A酸既療程可長達 3 至 8 個月,一般人 4 至 6 個月便可痊癒,醫生亦會因應患者既進度改變服用既劑量及延長療程,嚴重者可能需要服藥一年或以上.大約有八成人服食 A 酸後,不再有暗瘡既問題.
  • A酸藥既壞處同埋有冇副作用:
 服用A酸藥都會出現一般和較嚴重既副作用,有導致敏感既可能性,對A酸過敏者可能會形成A酸性皮膚炎,少數患者在服用A酸初期可能有〔爆痘期〕,未必每位服用者都會產生副作用.

可能產生既副作用有:-

一般既副作用:
  1. 全面發紅,面腫,癢痛
  2. 皮膚極乾燥、敏感,出現脫皮
  3. 嘴唇變得乾燥以及乾裂
  4. 鼻腔乾燥,有時甚至出現流血
  5. 眼睛乾澀,變得容易疲
較嚴重既副作用:
  1. 身體長出濕疹
  2. 體重增加或減輕
  3. 月經失調
  4. 牙齦出血
  5. 頭痛、頭暈
  6. 視線模糊
  7. 腹瀉
  8. 抑鬱
  • A酸藥既後遺症:
 A酸對孕婦絕對係禁忌,如果孕婦食用會造成胎兒畸形,產後若正在哺育母乳,也不宜服用A酸.長期使用者,肝功能與血脂肪可能受到影響.另外A酸可以調節腦部既基因表現,因此某些人在服用A酸治療後,有可能影響中樞神經系統既作用.

  • 服用A酸要注意既事項:
  1. A酸具有對光既敏感性,所以建議晚上服用,避免皮膚有反黑情況.
  2. 避免日曬,做好防曬措施.
  3. 當皮膚有乾燥或癢痛出現時,需要告知醫生,並且要擦上保濕產品,加強皮膚保濕度.
  4. 注意產生既副作用,適時與醫生溝通,聽取醫生既專業指示.
  5. 避免捐血.
以上既分享希望可以有助大家對A酸既認識,服用A酸還是需要在醫生定期既監督下進行,不可以自行配藥或更改服用份量,所以我地必須要緊記遵從醫生既建議下服用A酸哦.

2015年4月12日 星期日

Clean Skincare 護理項目介紹 - 有機皮膚護理篇

  • 療程項目:垂盆草補濕修護療程
  • 適合給:任何肌膚,缺水皮膚,有色斑,有暗瘡,曬傷後,有敏感及特別適合激光治療後之修護人士
  • 功效:天然有機既垂盆草含有豐富既氨基酸和微量元素,具有:
    1. 強效癒合功能
    2. 含特效補濕成份,能鎮靜過敏性肌膚
    3. 平衡油性肌膚
    4. 淡化色斑
    5. 促進各類型肌膚的健康,使肌膚保持年輕
  • 療程所需的時間:60分鐘
  • 療程特色:療程中獨有既天然香氣和治療既修護中讓您在感受著清新和舒服既感覺,使您得以放鬆和休息.
  • 療程次數:5次
  • 價錢:$3750
聯絡我們:

2015年4月10日 星期五

生暗瘡而去睇中醫呢?


Clean Skincare 小Tips 

大家有無試過因為生暗瘡而去睇中醫呢?相信大家選擇睇中醫既原因係因為覺得中藥既成份會較溫和.但我地建議大家要睇既話就睇有專業執照註冊既中醫師哦,因為註冊左既中醫在專業操手上都以保障病人既健康同權益行先,對求診者都會安全D和安心D啦! 

藉著呢個機會不如就同大家分享下睇中醫一般既就診過程: 

中醫師會先了解病人既整體體質,主要根據每個人既身體狀況、舌象、脈象、暗瘡分布位置、形態、顏色,透過了解病人既狀況然後處方中藥,達到治療效果. 

而中醫認為一般生暗瘡既成因主要係體質內熱,脾胃及內分泌功能失調,壓力大,不良既飲食同生活習慣影響等等而令致生暗瘡. 

  • 內熱:是指經常捱夜,喜歡食辣,煎炸和零食等既食物,少飲水,都容易有內熱既情況.內熱既人通常舌同嘴都偏紅,暗瘡既顏色多數鮮紅色,手心同腳心都偏熱,唔容易散熱,脈搏偏弱及經常口乾,經常食生冷食物. 
  • 脾胃及內分泌功能失調:是指壓力,緊張既生活節奏同沉重既工作壓力,考試壓力,睡眠不足晤夠休息等,都對脾胃及內分泌功能有影響,尤其女性係經期前都會容易長暗瘡. 
  •  不良既飲食同生活習慣:會令身體既抵抗力變差,容易令到皮膚及身體產生炎症,其實暗瘡發炎,皮膚敏感,濕疹,都係由發炎所致. 

另外大家要多關注和留意中藥既品質,中藥既來源,由種植到演變成中藥之過程都要了解一下,最好選用註冊香港衛生署既中藥材商所發售出既中藥或中成藥,註冊既標準會經過品質,安全定期檢測和含量測試如下:
  • 沒有重金屬及有毒元素
  • 沒有農藥殘留
  • 微生物限度檢查
  • 沒有黃曲霉毒素
  • 沒有水份及浸出物

最後大家要有心理準備,中醫會建議求診者戒口,而食中藥去改善暗瘡問題一般都要一段長時間既調理,總結係睇中醫想可靠D就要睇有註冊既中醫師,食有註冊既中藥,咁就睇得放心,食得安心啦! 記住千企晤好亂睇冇註冊既中醫,因為如果長期食D劣質既中藥(如重金屬,水銀含量超標等),咁就對身體帶來嚴重既傷害.

2015年4月7日 星期二

果酸換膚去暗瘡印可以嗎?

 Clean Skincare 小知識

今年冬天都冇乜點凍過,話咁快就到春天了~呢段期間香港既天氣好反覆,變得又熱又焗,令皮膚開始有分泌過多油脂既狀況,亦都因為咁而變得容易產生暗瘡,如果處理得唔好,慢慢就會變成暗瘡印添.如果你亦都有呢個煩惱就要留意以下既分享啦!

首先講下暗瘡印係點樣形成既:- 

暗瘡印從發炎和擠壓而形成:
  • 發炎:暗瘡係發炎期間會令到皮膚組織既血管擴張,當暗瘡清除後,皮膚組織唔會馬上收縮血管,只會留下紅紅既色素,因為發炎之後既色素沉澱會令生過暗瘡既位置留低黑黑紅紅既顏色,咁樣就形成咗暗瘡印.
  • 擠壓:有d時候我地都會忍唔住用手或用工具去擠壓D暗瘡,當我地皮膚既組織受到傷害就會作出一種自我修復反應,當傷害深到真皮層又或者表皮有大面積既嚴重損傷,咁樣皮膚表皮就唔可以再生長,呢個時候我地既真皮層纖維細胞,骨膠原細胞和增生既血管就會取代,以上既情況都會留下暗瘡印或形成凹凸不平既暗瘡疤痕. 
 以下有幾個方法可以防止暗瘡印形成:
  1. 當生暗瘡時,千萬唔可以用手或用工具擠壓D暗瘡,因為會好容易導致細菌感染和表皮皮膚既損傷.暗瘡係痊癒期間,都唔可以用手揭痂,要等佢自然脫落,咁就唔會做成疤痕或者細菌感染.
  2. 我地盡量要保持頭髮既清潔乾爽,避免頭髮黏住面部和頸部皮膚,因為頭髮(尤其係長頭髮和額頭有瀏海)如果沒有保持乾淨而油膩膩既頭髮又黏上面部和頸部既皮膚,咁樣油脂+塵埃就會導致毛孔倒塞因而長出暗瘡,之後就留下暗瘡印.
  3. 另外亦要定期做果酸換膚療程去激退暗瘡和暗瘡印,果酸換膚療程既原理係加快皮膚既新陳代謝,促進皮膚更新, 移除過厚既角質層,幫助修復受損外層皮膚, 令暗瘡和暗瘡印快D 消失,有效預防毛孔阻塞,改善暗瘡膚質,消炎殺菌,去除暗瘡黑頭,平衡油脂分泌,無論乾性或油性既膚質都適合.

Clean 選用既果酸換膚係一個好安全又有效既療程,換膚療程已獲歐盟CE認可,並於歐洲,亞洲,美國,加拿大及全球多個國家廣泛使用.我們有不同既換膚療程去針對不同既皮膚問題,所以療程效果相對提高.

大家如果對果酸換膚有其他疑問,歡迎隨時與我們聯絡:

2015年4月5日 星期日

果酸換膚後要注意既事項


Clean Skincare 小Tips

果酸換膚後要注意既事項 

繼上個月和今個月既 (暗瘡果酸換膚,更生緊緻換膚療程) FB優惠推出後,身邊既朋友和顧客們對果酸換膚後既注意事項都會提出不同既疑問,所以我地今次不如將呢d果酸換膚後要既注意既事項一一分享比大家作個參考啦. 
  1. 療程前後5天不能使用任何去角質,磨砂等刺激性產品,或塗抹含有果酸成份,含酒精成份和美白成份既卸妝或護膚產品.
  2. 療程前後14天應避免曝曬,照太陽燈或其他紫外光照射,亦不應該接受激光、彩光、射頻、微針、海藻矽針等療程.
  3. 療程後請勿使用過熱既水去沖洗治療部位和不應該進行蒸氣浴和焗桑拿等.
  4. 每天應使用SPF30度或以上之防曬產品.
  5. 完成更生緊緻換膚療程後可能會有輕微脫皮現象,脫皮部位不可大力抹掉,應讓它自然脫落.( 暗瘡果酸換膚則不會有脫皮現象) 
  6. 療程後要對肌膚作出加倍保濕,可以用蘆薈保濕啫哩面膜或其他水份保濕面膜. 
  7. 原先皮膚既底層有機會積聚了過多既污垢及多餘既油脂,所以剛剛做完第一或第二次療程後,面部可能會呈現被排出既暗粒,屬正常現象. 
 祝大家做完果酸換膚療程後皮膚好似剝殼雞蛋咁,變得又白又或滑啦!