2015年2月26日 星期四

膠原蛋白既流失會導致毛孔變得粗大嗎?


Clean Skincare 小知識




要擁有毛孔細緻既肌膚,主要係靠膠原蛋白纖維既彈性去維持,但我地25歲之後皮膚裏既膠原蛋白會隨住年齡增長而慢慢流失,當新陳代謝開始減慢,自我制造膠原蛋白既能力慢慢下降,令到原本緊緻既肌膚難以去鎖住水份和維持彈性,慢慢皮膚就會變得乾燥,出現細紋和毛孔鬆弛等現象.

係人體皮膚既組成物質中,膠原蛋白占70%,膠原蛋白係皮膚主要既蛋白質,佢有保濕儲水既作用,含有膠原蛋白既真皮層去支撐住表皮層,作用係維持肌膚彈性及保持皮膚含水量,令肌膚保持年輕和維持滋潤狀態.

另外某些膠原蛋白既護膚產品搽上皮膚後都只能到達表皮層,為皮膚增加保濕度,但無法補充到真皮層失去彈性既肌膚,因為通常護膚產品既膠原蛋白分子較大,好難滲透到皮膚底層.

而飲食膠原蛋白産品會先經胃腸道消化,而經過消化系統後,就會受到胃酸分解變成氨基酸(蛋白質嘅基本單位 )先至能被消化系統吸收,所以換言之係會失去左原本嘅結構同功效.就算有剩下小許功效,[膠原蛋白] 亦唔會只去我地嘅皮膚底層,最終只係會補充到身體各部份.

其實毛孔粗大既原因除左膠原蛋白既流失外,仲有其他原因如:
  • 用手過度擠壓
  • 油脂分泌旺盛而導致毛孔堵塞被撑大
  • 生暗瘡後留下既暗瘡疤痕等

如果想避免毛孔變大,我地應該要保持皮膚潔淨,定期去角質,做好保濕黎避免形成暗瘡.另外紫外線對皮膚造成既傷害,亦會加速膠原蛋白流失,令皮膚提早老化,所以係日常既肌膚保養過程,應先做好防曬既工作哦^^

2015年2月23日 星期一

激光如何治療暗瘡和暗瘡印?

Clean Skincare 小Tips

上篇我地建議大家避免採用針清或用手擠壓既方法去處理暗瘡問題,因為過程中會留下紅印和傷口,容易令皮膚受到損傷,毛孔會變得粗大或留下暗瘡疤痕,如工具上有細菌的話,將會引致暗瘡和周邊皮膚受到感染.


而上篇我地亦有講過可以用激光來治療暗瘡而不會使皮膚表面受到損傷,但怎樣處理?大家一齊黎了解下啦:


激光既能量能夠穿過皮膚表層而不讓皮膚受傷既情況下來進行皮膚治療,其能量不但可以消炎殺菌,仲能夠有效地擊碎色素和令骨膠原自我增生!


而暗瘡其實係皮膚炎症既一種,所以透過激光既穿透力和能量來治療,有效地將暗瘡發炎既情況消除並減退紅腫,以達到不讓皮膚表皮受損既情況下而得到有效既治療.


而且,激光治療亦可以幫你解決暗瘡印既問題,其實嚴格黎講暗瘡印係叫炎症後色素沉澱,原因係過度既擠壓造成皮下瘀血積聚,慢慢沉澱到真皮層,最後就變成暗瘡印.而激光治療還可以將一直沉澱係真皮層既色素擊碎,等身體慢慢排走,回復原有既膚色


如果想進一步了解或有任何疑問,歡迎隨時用以下既方式來聯絡我地或預約到我們中心做一次免費皮膚分析 *^^*

2015年2月17日 星期二

點解黑頭,暗瘡,粉刺生完又生既??


又生左粒暗瘡!?擠左佢先!但成日都生黑頭,暗瘡,粉刺,點解生完又生既...

講到暗瘡,通常係因壓力,睡眠不足或者情緒都會令油脂分泌增加而生暗瘡,另外亦由於我地因為工作或社交既需要而化妝,但面上既化妝品當混上塵埃,油脂,加埋化妝品裏夾雜既色素和香料,對細菌黎講簡直係繁殖既好地方!再加上經常用手摸面都會將手上既細菌帶到面部,咁都會增加生暗瘡既機會.

而當生暗瘡既時候,大家千其唔好去擠,因為手勢和力度不對的話,會好容易整傷皮膚引致再發炎,而有人喜歡用針清黎處理暗瘡(針清=用工具去擠或針吉暗瘡),過程會產生痛楚,針清完面上都會留下紅印和傷口,令皮膚受到損傷.

另外過程中如手或工具上有細菌的話,將會引致暗瘡受到感染,而殘留既膿包黏附在皮膚上,會令細菌跑到傷口附近位置,所以暗瘡周邊生完又生.而過度既擠壓還會造成皮下瘀血積聚.傷口若經過刺激而使皮膚增生,還會形成隆起既疤痕,另外常擠暗瘡亦會讓發炎既範圍擴大,使復原過程中產生纖維化,出現色素沉澱變成深色既疤痕.如果未成熟既的暗瘡被擠壓後,就好似氣球被整爆一樣,表皮不規則破裂,癒合時還會形成不規則既凹凸疤痕.所以擠暗瘡對皮膚黎講真係冇好處.

其實我地可以預防及減少生暗瘡,黑頭及粉刺既,下面同大家分享一下點預防啦:-

1)注意衛生
  • 唔好經常用手去摸面,頭髮都要經常保持乾爽,清潔.
  • 如有化妝,睡前要徹底卸妝
  • 被子,床單,枕頭袋,洗臉毛巾等都要保持清潔,勤清洗
2)適量運動
  • 可促進身體及皮膚去排毒,促進新陳代謝減少暗瘡滋生
3)注意飲食
  • 避免進食快餐,零食,煎炸油膩等既食物
  • 多進食含豐富纖維既蔬菜水果可以增強皮膚對細菌既抵抗力
4)注意心情
  • 精神壓力都係產生暗瘡既成因,所以要常保持心情愉快
5)注意暗瘡皮膚既清潔
  • 潔面產品要選用弱酸性產品(PH5.5~7)對皮膚最溫和,因為我地皮膚既PH值係5.5屬弱酸性.避免選用鹼性潔面產品,大家會誤以為清潔力強既潔面產品對暗瘡性皮膚有效,但其實清潔力強既潔面產品多為鹼性,這對皮膚造成刺激,水油失去平衡,油脂分泌產生更多而引致生暗瘡既惡性循環. 
記住哦~請勿用手或用工具去擠壓暗瘡,生暗瘡期間避免忍唔住手去擠,選擇適合既防曬去保護皮膚,唔好讓紫外線令暗瘡印變得更深色,另外,果酸換膚療程和激光療程都可以溫和地處理暗瘡和暗瘡印哦!


2015年2月14日 星期六

收毛孔既產品就可以有效地收到毛孔嗎?


CLEAN SKINCARE 小Tips - 收毛孔既產品就可以有效地收到毛孔嗎?

毛孔變得好大,望到自己塊面好多細洞,等我買支收毛孔產品收細佢先!但...真係只要搽收毛孔既產品就可以有效地收到毛孔嗎?

不如先了解一下毛孔變大既原因: 

油脂分泌旺盛 
  • 由於面部油脂分泌過多,加上日常既灰塵和污垢常黏附在皮膚表面, 所以容易做成毛孔堵塞,如果清潔功夫做得唔好,毛孔就會因為比D污垢物撐大毛孔而變得越黎越大!
老化
  • 老化其實除左因為歲月既關係使膠原蛋白流失,另外紫外線亦會令皮膚急速老化,而後果就係會令毛孔周圍既皮膚組織變得鬆弛,當毛孔變大後,就算清潔功夫做得好,但毛孔依然冇法收細,因為老化既原因已令皮膚失去彈性和收縮功能 
 受傷
  • 呢個原因係最常見亦係最傷害皮膚既一個原因,好多時候睇到面上生暗瘡就忍唔住去擠,但係呢個過程做得唔好唔單只解決唔到粒暗瘡仲要令皮膚受到損傷!因為皮膚組織係你用力擠既時候,除左表面有損傷仲有唔少膠原纖維會被你壓斷,令到皮膚失去支撐,最後輕則就會毛孔變大唔會收細,嚴重既就會變成凹凸洞.
睇完以上既原因大家就會理解到毛孔粗大係由內至外,所以一般市面上既外用產品係好難真正地收細毛孔,但如果你想有效地改善毛孔粗大既問題,而得到真正既健康肌膚既話,可以參考以下既小小心得:
  1. 日常清潔避免用刺激性產品和注意清潔方法&手勢
  2. 出門前搽有效既防曬產品
  3. 盡量避免用化學成份多既化妝和護膚品
  4. 避免用有酒精成份既產品
  5. 有暗瘡絕不能擠,可以選擇做果酸換膚或做激光治療,令暗瘡自然凋謝和徹底清除毛孔深處污垢, 

如果大家想免費做一次皮膚分析了解下自己既皮膚狀況,歡迎用以下方式聯絡我們哦,另外我地中心亦為第一次光臨既顧客提供一次半價試做不同種類既護膚療程,可在旁邊既連結登記哦:http://www.cleanskincare.com.hk/zh/trial.html 

2015年2月12日 星期四

DIY蘆薈面膜

今次想為大家分享一款做完會令皮膚嫩滑既面膜*^^*,建議大家一個禮拜做一至兩次這款DIY面膜令皮膚吸收不同既營養來改善膚質.

材料有2樣:

1. 青瓜
2. 蘆薈

功效:

青瓜含有維他命A,B1及C.青瓜既營養素可以滋潤肌膚,使皮膚變得柔軟嫩滑,有強力既保濕作用,具有抗氧化,消炎,美白既功效 .

蘆薈含有豐富既維他命A,B,C及D,氨基酸和多糖類物質,這些營養素使皮膚變得光滑、白嫩、柔軟,有效減少細紋,滋養保濕,舒緩敏感,亦具有消炎作用。

使用方法:

份量1:1

將青瓜連皮用攪拌機搾汁或磨成蓉狀,再將蘆薈去皮,搾汁或剁成蓉和青瓜汁一起攪拌均勻.然後直接均勻敷上面或用面膜紙浸入敷上臉,敷10-15分鐘後沖洗乾淨.

其實大家可以多選擇用來自大自然既珍貴植物為我地既肌膚做保養,令皮膚慢慢地變得白白滑滑而且肌膚裏會透出健康亮麗既光澤添*^^*!

2015年2月10日 星期二

如何能夠自動收到我地既小知識,小Tips和最新優惠?



 第一步:
請輸入你的email地址到以上紅色箭咀指住的空格內
輸入完後請按Submit
 第二步:
之後就會出現以上畫面,此時請輸入綠色字句(請注意大細楷),輸入完後請按Complete Subscription Request

第三步:

之後會出現以上畫面,請按Close Window 


 第四步:
登入你所填的email,此時你會收到一封由FeedBurner寄來的電郵,請按紅色箭咀指住的連結

 第五步:

出現以上畫面表示你已成功,我們有任何新的小知識,小Tips和最新優惠都會自動傳去你所填的email地址去了

2015年2月8日 星期日

激光療程後是否會反黑/皮膚又變黑?做幾多次治療才能有效地擊退色斑?

Clean Skincare 小Tips

大家都知道激光療程係可以將你皮膚既不同色斑,色素擊退,令你回復健康膚色!但究竟要做幾多次治療才能有效地擊退色斑?激光療程後是否會反黑/皮膚又變黑?

一般淺層斑(如雀斑)只需進行2至4次就可以全面擊退,深層斑(如荷爾蒙斑)則需要至少6次既激光療程.

有人會問:激光療程後色斑更多, 係唔係反黑呀?反黑既意思又係唔係因為做激光療程後將皮膚下潛藏中既黑色素引發左出黎呀?

其實皮膚下潛藏中既黑色素本身係每個人體內都有,而引發出色斑或色素係面上既主要元兇係紫外線而唔係激光,做激光療程既主要功效係擊退黑色素而不是亦不會引發黑色素形成,所以處理皮膚色斑都會用上激光治療.

之前我地有講過斑既形成,詳文可回顧:http://clean-skincare.blogspot.hk/2014/11/1-beckers.html

激光療程後皮膚既感光度會提高,對紫外線較為敏感,而當出門時防曬功夫未做足既話,皮膚底層既黑色素細胞就會較容易被陽光既紫外線刺激到,令到"黑色素母"細胞產生《自我防護》嘅反應,大量分泌黑色素去保護真皮層,之後色素又再逐步向下沉澱和堆積,慢慢又產生色斑.

簡單講,如果唔做好防曬,惡性循環就一直不斷發生,所以如果唔想有反黑既情況就要好好地做好防曬功夫,選擇適合自己既防曬產品!咁就唔洗驚做完激光療程後會有反黑既情況發生啦. (如果想知更多防曬既知識,請閱讀:http://clean-skincare.blogspot.hk/search/label/%E9%98%B2%E6%9B%AC%E6%97%A2%E9%87%8D%E8%A6%81%E6%80%A7

Clean Skincare 提提你

做完激光去斑療程後應:
  • 不能使用任何有美白成份或減淡色斑產品
  • 不能使用刺激性既洗面產品(如磨沙膏,含有果酸,美白,酒精成份等等)
  • 出門前一定要搽有效既防曬產品
  • 做好補濕和保濕護理

2015年2月5日 星期四

美白三步曲

我地大家都好想擁有又白又滑既肌膚,因為無瑕既肌膚睇起黎會健康D年輕D人都靚D啦! 

但係日常既飲食習慣,生活習慣,紫外光,壓力及荷爾蒙等因素,都會令皮膚變得不再亮白而且睇起黎黯啞乾燥.如果想回復又白又滑既皮膚,咁就要一齊進行以下美白三步曲,實行內外夾攻啦! 

  1. 飲食注意:多攝取含豐富維他命C嘅食物, 例如蘋果、蕃茄、士多啤梨、奇異果、橙等等,維他命C能夠中斷黑色素形成,加快皮膚的還原變白.另外薏仁,杏仁,豆漿是美白肌膚的天然食品,多飲用綠茶和檸檬水,除美白仲可以為肌膚,身體排毒及延緩衰老. 
  2. 搽美白產品注意:美白產品成份比較複雜及具有刺激性 ,一般人難以知道那一種成份適合或不適合自己,使用上亦有不同要注意既地方,最好不要在日間塗抹,因為感光性既美白產品會令皮膚容易吸收更多的紫外光使皮膚變黑,安全D就係晚間使用啦. 
  3. 面部治療: Laser Facial係一款有效既美白皮膚治療, 釋放激光於皮膚底下真皮層可以破壞黑色素細胞,有效改善皮膚大部份色素問題,達到美白嫩膚既效果. 

要擁有健康白滑既肌膚除左要內外夾攻,仲要有充足既睡眠,適當地舒緩生活壓力.大家都可以讓皮膚變得白滑有光澤啦!



2015年2月2日 星期一

激光療程除左可以幫我地去斑之外,仲可以為我地皮膚帶來乜野好處呢?

CLEAN SKINCARE Tips:激光療程除左可以幫我地去斑之外,仲可以為我地皮膚帶來乜野好處呢?

我地之前有唔少既帖都係講關於激光去斑,但其實激光療程除左可以幫我地去斑之外,仲可以為我地皮膚帶來乜野好處呢?從今篇起我地會為大家一一解釋!

有時係網上或FB見到相中有D人既皮膚好光滑,好細緻,好似冇毛孔咁,就好似BB仔D皮膚咁嫩滑一樣,之後就會有人諗:係咪執過d相黎呀?!點解個個睇落個樣都咁細個咁後生既?!大家都係20至30歲,而我D皮膚睇落好似好老化同埋好似好粗糙咁既?!又或者會諗:成40幾50歲仲咁靚keep得咁好既?!點解會無皺紋?係咪整過容黎呀?

其實唔洗執相或整容都真係可以擁有嫩滑細緻既皮膚,而方法就係利用激光療 程既另一種主要功能!

首先了解一下點解皮膚會變得老化粗糙又有紋呢:

出現皮膚老化粗糙或細紋,原因係皮膚彈力纖維失去功能,令皮膚鬆弛,下垂,部份位置凹陷等等..內在原因有:年齡遞增,飲食習慣,睡眠習慣等等..外在原因有:吸煙,紫外線,自由基等等..

而激光療程利用熱能刺激皮膚深層既膠原蛋白纖維,令到膠原蛋白持續地增生,皮膚表層慢慢會回復彈性,細紋慢慢消失,而粗糙既皮膚亦因為膠原蛋白持續地增生既關係,令到密度提高,皮膚變得細緻和嫩滑,就好似BB仔既皮膚一樣.

所以透過激光治療,我地個個既皮膚都可以變得健康又嫩滑!個樣睇落細個又後生啦!