2015年12月28日 星期一

邊d護膚品成份等於酒精?!

CLEAN 護膚產品成份解碼 - 邊d護膚品成份等於酒精?! 

我地經常提醒顧客和讀者們盡量唔好用含有酒精成份既護膚品,因為酒精會刺激皮膚,使皮膚加速老化,變得乾燥,容易引起過敏,所以應避免選購含有邊d成份等於含有酒精?!

有時收到讀者既留言或顧客既查詢關於:係咪有寫住alcohol就係等於含有酒精啊?有d係alcohol前後寫住其他字,果d又係唔係酒精呀?點分呀? 

所以小編我會增加多一個話題『CLEAN 護膚產品成份解碼』黎分享關於護膚品成份既作用,好處和壞處等等. 

今篇就同大家講下係護膚品上寫住不同英文既alcohol究竟有乜分別和alcohol(酒精)對皮膚會構成既傷害.

Alcohol(酒精)在護膚品裡既作用:
  • 酒精係護膚品裡扮演著一個消毒防腐既角色,亦係一種作為溶解其他護膚原材料既溶解劑,護膚品內既酒精成份都係具刺激性,如果長久使用對某部份人有可能會造成敏感,水油不平衡而產生過多油脂或令皮膚變得乾燥脫皮,失去光澤變得暗啞,尤其對暗瘡發炎皮膚會造成刺激,使傷口難以復原,所以如果有其他更安全又有效既護膚品,點解仲要使用具刺激性既成份呢?
係咪寫住Alcohol就係酒精? 

唔係全部成份寫住Alcohol就等於係酒精,以下幾種雖然寫住Alcohol,但其實唔係酒精,而作用係保濕劑:
  • Cetyl Alcohol鯨蠟醇
  • Cetearyl Alcohol棕櫚醇
  • Stearyl Alcohol硬脂醇
  • Lanolin Alcohol羊毛脂醇
避免使用含有較高刺激性既酒精成份有以下幾種,而作用通常係抗菌,防腐及溶劑等:
  • SD Alcohol 變性酒精
  • Benzyl Alcohol苯甲醇
  • Ethanol 乙醇
  • Ethyl Alcohol 乙醇
  • Methanol 甲醇
  • Isopropyl Alcohol 異丙醇
  • Alcohol Denat 變性酒精
  • Isopropanol 異丙醇 
雖然好似好麻煩,每似買野都要check下睇下,但其實呢個動作都係為皮膚安全著想同保護皮膚呀,您我都想擁有年輕和美麗既皮膚嘛*^^* 

如果想查詢更多成份或想做個免費皮膚測試,歡迎用以下任何一種聯絡方式聯絡我們哦:

2015年12月24日 星期四

點可以預防頸紋皺紋和鬆弛呢?

CLEAN SKINCARE 小知識-點可以預防頸紋皺紋和鬆弛呢?

好多時候我地可能只顧住面部既保養,但就好容易忽略頸部既細紋.而頸部既細紋就正正係出賣我地年齡既『敵人』!如果我地疏忽保護頸部既皮膚,而令頸紋加深,咁我地既外表分分鍾會比我地實際年齡更加『年長』.

今次既分享,係想幫大家『預防頸紋皺紋和鬆弛』,最後也有頸部按摩既小貼士,希望各位女士們可以 keep 得再好D啦 ^^

其實我地年齡增長時皮膚既新陳代謝亦都開始慢慢減慢,出現老化跡象,而當皮膚失去彈性,皮下組織膠原流失也造成頸部動作頻密容易產生皺紋,例如低頭,仰首,向左右和扭頭等.

雖然呢個現象係一個不可避免既情況,但我地絕對可以預防和減輕頸紋皺紋和鬆弛,以下分享4點比大家參考:
  • 枕頭太高,頭頸姿勢向前傾,長期令整夜頸部皮膚皺褶著,造成皮膚鬆弛,產生皺紋
建議:選擇高度6~9公分,約1拳頭高枕頭,維持頸部水平.
  • 低頭按手機或動作不正確令皮膚維持皺褶狀態外,令淋巴循環欠佳,日積月累,頸紋自然都會加深.
建議:每30分鐘就要起身活動,轉動肩頸,舒緩肌肉.
  • 頸部欠缺防曬,令UVA破壞皮膚既真皮纖維組織,加速老化.
建議:30歲後,皮膚膠原蛋白流失,皮膚彈性變差,所以平時需要加強做好保濕和防曬,在搽面部護理既同時也必須注意到頸部護理,需要按摩促進吸收.
  • 要做好清潔卸妝工作,搽咗頸部防曬就一定要卸妝哦~但係注意頸部皮膚非常細薄脆弱,所以比面部皮膚更需要悉心護理.卸妝時,要用輕柔既手法,慢慢按摩清潔,切勿用力拉扯.
  • 最後會附上一張按摩圖比大家有時間就可以自己做下.
  1. 首先將按摩霜塗放在手掌心,以按壓方式慢慢均勻抹於頸部.
  2. 雙手以指腹用輕力由下而上交替提升按摩頸部皮膚.
  3. 右手食指和拇指輕捏頸部肌肉,自下而上慢慢揉動到下巴部位.
  4. 最後用四指輕輕按壓鎖骨上既淋巴結數秒慢慢再鬆開,然後從正中向肩膀外側進行淋巴導流按摩.
建議:每日每組動作做十至十五次,以收緊頸部皮膚.注意千萬唔可以向下推,相反的話有機會令頸紋增加出現既情況.

各位姊妹,皮膚既青春就在於我地平時點保養,加上年尾唔多唔少都會捱下夜同朋友聚一聚,所以呢段時間就要更加勤力去保養皮膚哦.

小編祝大家Merry Christmas!!!我都要去玩了~~大家都玩得開心d啦*^^*

2015年12月20日 星期日

點解每個月生理期前都會生暗瘡?

CLEAN SKINCARE 小Tips - 點解每個月生理期前都會生暗瘡?

點解每個月生理期前幾天面上都會生暗瘡?有冇方法可以避免呢?

以上問題其實係屬於正常現象,因為女性係生理期來臨前,身體既荷爾蒙會有轉變,會令身體有少許變化比如:精神較為緊張,內分泌失調,煩躁,失眠,焦慮不安,生暗瘡等...

而當荷爾蒙轉變時,體內既黃體素會刺激皮脂分泌油脂,當過多既油脂積聚係皮脂腺,就會容易使毛孔阻塞,導致形成暗瘡.而大部份係生理期前生暗瘡既位置主要喺額頭,面既兩則,下巴,背脊,前胸等部位,但當生理期過後暗瘡就會慢慢消退.

以下同大家分享點樣可以舒緩生暗瘡既情況:
  • 生理期時要保持心情平靜,心境開朗,避免捱夜.
  • 飲食方面唔好進食過量既甜食或太濃味既食物.
  • 多注重清潔方面,避免油脂積聚.
  • 避免用太油膩和高營養既護膚品和面膜.
  • 避免經常摸面,避免用手唧壓暗瘡.
大家記得時刻保持輕鬆,注意均衡飲食,定時作適當運動,用平常心迎接每個月生理週期,面上既豆豆好快就消失喇.

我們中心有提供免費皮膚分析哦,以下是我們聯絡方式:

2015年12月16日 星期三

面上多咗D凸面既粒粒,其實係咩黎架?!

CLEAN SKINCARE 小Tips:面上多咗D凸面既粒粒,仲要越生越多,其實係咩黎架?!

面上多咗D凸面既粒粒其實係『扁平疣』,初初發現時係透明色好似係油脂粒咁,但日子耐咗變咗啡色同埋大粒咗就以為係色斑,頸部都開始有仲好似越生越多咁,其實呢d似油脂粒,又有d似暗瘡,又似色斑既『扁平疣』係咪會傳染架?到底可唔可以清除架?點算啊~~~

唔洗擔心,等小編同大家一齊黎了解下啦~

大部份朋友起初都以為呢d係酒米或者油脂粒,所以都會用針清既方法認為可以清走,但係呢D其實係『扁平疣』係唔可以透過針清去清走架.

扁平疣係一種由人類乳頭瘤病毒HPV(Human Papilloma Virus)感染表皮而引起的無害性皮膚增生,主要透過人與人之間直接或間接接觸傳播,如果用手,毛巾或器具抓損患處,可以令疣擴散到其他身體部位或者傳染到同住既親友皮膚上哦.呢種病毒會感染表皮與黏膜組織,引起傳染性疾病.

扁平疣既形狀大細一般都係圓形或不規則狀,多數會生係眼蓋,臉頰或頸既位置,在皮膚表面微微凸起,顏色初期為透明肉色帶光滑面,時間久了面積會擴大和顏色會變為棕啡色,而感染或產生扁平疣既主要原因係:
  • 心情和生活不規律可降低人體免疫力,當皮膚免疫力較差時,傷口會容易受細菌感染.
  • 與公眾地方接觸,例如:赤腳於泳池、健身室等公眾地方行走等,都會容易感染細菌病毒.
  • 透過接觸傳染,如不潔既暗瘡針,洗面/化妝工具以及毛巾等間接傳染.
而現時處理扁平疣既方法有電離子治療,冷凍治療、激光治療等方法可以去除扁平疣.

如果想知道更多關於如何避免滋生扁平疣,可以按以下文章連結作參考: 

如何避免滋生徽菌,霉菌,扁平疣,暗瘡?細菌既源頭又來自邊度?

另外亦可以和我們中心聯絡預約一次免費皮膚分析,確認係唔係疣,以下是我們聯絡方式:

2015年12月13日 星期日

如何處理衣物更環保

CLEAN環保-如何處理衣物更環保

而家小左行街買衫,反而用多左手機,平板上網買衫,其實又真係好方便既,但由於咁方便,所以比以前買多左好多衫, 最後...一係就唔記得著,一係就著兩著就唔鐘意,咁D舊衫大家會點處理呢?

如果將D款式過時或唔合身既衣物拋棄會覺得好浪費,如果唔想咁浪費又想環保D,應該點樣處理D舊衫好呢?

小編有少少心得,希望大家可以參考以下既提議,處理舊衫之餘又可以幫助保護環境:
  1. 將自己唔會穿既新舊衣物唔好當垃圾丟掉,捐贈到附近既回收機構或衣物回收箱,香港環境保護署轄下既香港減廢網站內有提供不同回收機構及收集站地址可供查詢,而機構所收集到既衣物會將部分贈送給社會上有需要幫助既人仕,如送給獨居長者,露宿者等等...(亦可參考之前既文章:https://www.facebook.com/cleanskincare/photos/a.794366280613787.1073741828.781304455253303/1020714614645618/?type=3&theater
  2. 當買衫時可以考慮一下自己既需要,考慮衣服既顏色,可以多選擇淨色,耐用既質料和容易配搭既款式,避免購入使用太量染料既衣服去增加環境污染.
  3. 將破舊既衣物作循環再用,可以用作家居清潔時使用既抹布.
  4. 將自己唔會著既衣物布料DIY去做一d日常家居小物品.
希望大家可以好好珍惜和盡量善用每一件衣物,你我出一分力,又唔浪費又可以幫到人,仲可以保護地球啊.

2015年12月10日 星期四

做激光會唔會灼傷皮膚,有咩感覺,會唔會好痛架?

CLEAN SKINCARE小Tips-做激光會唔會灼傷皮膚,有咩感覺,會唔會好痛架?

大家選擇做激光治療前可能會考慮到儀器對皮膚既安全性,操控者既經驗和知識夠專業嗎?做激光會唔會灼傷皮膚,過程會唔會好痛,有D咩感覺等等.以下我地呢篇分享會帶大家了解如何選擇適合自己既激光療程和更多關於激光治療既資訊啦. 

激光儀器方面:
  • 選擇醫學用既激光儀器安全性會較高,醫學激光儀器持有國際認證既證書,有醫學報告和臨床實驗証實,有通過健康及安全既要求去確定治療時既穩定性,安全性和效果性. 
操控者方面:
  • 選擇專業激光師去操控儀器既安全性會較高,激光師持有效既香港政府認可牌照和國際認可執照,對激光儀器既原理有充份理解,再以專業既知識和豐富既經驗去分析和判斷皮膚既狀況,對進行激光療程時如皮膚有任何反應,亦能有更準確既反應來採取適當既處理,所以有激光師去操控儀器會相對安心和安全. 
激光會否灼傷皮膚?
  • 灼傷皮膚與否好多時係同評估皮膚狀況既經驗有關,如沒有正確地評估膚色,忽略是否經過陽光曬後,低估皮膚既水份度, 儀器既能量調較過高, 治療時間太頻密,唔清楚激光治療前後既護理等等...都會影響到皮膚,所以專業既皮膚評估是非常重要.
過程中既感覺方面:
  • 當進行激光治療時,激光會發出一點紅光,激光師會為客人帶上眼罩保護眼睛,而皮膚既感覺會因應做不同類型既激光有所不同,大部份激光會有『吉吉地』,『暖暖地』既感覺,如果相比起針清既痛楚,激光治療既感覺會輕鬆好多.療程後皮膚有機會出現輕微乏紅,1-2小時後就會散退.治療後做足保濕及防囇就可以漫漫看到理想既效果.
希望今次既分享可以令大家在選擇做激光治療前了解多一點,如果對激光治療有任何問題,歡迎隨時與我們聯絡:

2015年12月8日 星期二

返工返office或者室內工作都無曬到,其實駛唔駛搽防曬呢?

CLEAN SKINCARE 小知識-返工返office或者室內工作都無曬到,其實駛唔駛搽防曬呢?

白滑無斑既皮膚絕對係我地大部份女性都最想擁有,因為望落去唔單只會後生D,而且仲精神D添!但係點先可以一直保持白滑無斑既皮膚呢?而平時我地返工已經喺office或者在室內,工作時間又無太陽曬到,點解皮膚都會變得暗沉左同d斑又多左既?其實室內工作駛唔駛搽防曬?今次小編就同大家分享下我既心得啦!

相信大部份女性都知道搽防曬既重要性,防曬產品係可以預防陽光中既UVA和UVB所造成對皮膚既傷害,減低出現老化現象,防止皮膚加速衰老出現細紋,或阻止黑色素和黑斑形成等.

雖然我地大部份既工作時間都喺室內,而且無接觸到陽光,但點解皮膚依然變得暗沉左同d斑又多左既?原因好簡單,因為室內既燈光亦都會發放出唔同波長既UV光線,影響到我地皮膚黑色素增加:
  • 例如影印機光,射燈閃光,光管,水銀燈,慳電膽,LED燈光,紫外光殺菌燈,鎢絲燈等,都含有唔同波長既紫外光,引至皮膚色素加深,雖然一般都係微弱既紫外光,但每日7小時,每月30日,長期累積下,一樣不能輕視其傷害性哦.
  • 電腦既輻射都會產生靜電磁場,有機會激活黑色素細胞,雖然黑色素既出現可以使皮膚抵擋輻射,但如果沒有做好防護,都會引致黑色素沈澱使皮膚生出色斑.
注意事項:如何避免受到室內燈光曬出色斑?
  • 使用電燈最好距離我地皮膚至少30-40cm,避免射燈直接射在皮膚上.
  • 使用電腦時,最好每隔1小時就離開電腦一陣.
  • 使用電腦時,應避免放反光物品如鏡,閃爍擺設在電腦旁邊,以免紫外線和輻射經過鏡再折射後產生強光,引致色斑既產生.
  • 在室內或室外都應該要注重搽防曬產品.
希望今次既分享可以令大家明白到室內工作都要搽防曬既重要性,如果大家對以上內容想了解更多或者有其他皮膚問題都歡迎隨時聯絡我地架~

2015年12月4日 星期五

超營養食物「藜麥(QUINOA)」

CLEAN食玩行之食- 超營養食物「藜麥(QUINOA)」 

近年來大家都變得更注重健康,希望由飲食習慣開始改善健康狀況,而相信您地可能有聽過「藜麥(QUINOA)」呢種健康有機穀類食物. 

但到底「藜麥」對我地身體有咩好處呢?其功效和營養價值係乜呢?今次除咗想同大家一齊認識更多關於「藜麥」對我地健康既益處之外,仲有簡單藜麥salad 食譜分享哦!Let's GO!

首先藜麥(學名稱為:Chenopodium quinoa,西方語言quinoa).中文有好多唔同既名稱,比如奎奴亞藜,金穀子,灰米等等...種植歷史可追溯到7000幾年前,係南美洲安第斯山區居民主要既傳統食物,而現在被世界各地認為「藜麥」係對身體健康有好多好處既食物之一. 

而家就講下「藜麥」既功效及營養啦,要健康就要從內做起*^^*:- 

藜麥營養:
  1. 含豐富既蛋白質,蛋白質含量比一般既穀物高出16%-22%,而且其37%既蛋白質含有人體必需既氨基酸(人體必需既氨基酸係不能自己在體內自我產生的.)
  2. 含10種氨基酸,鈣質和礦物質,如有:錳,鋅,鈣,鐵,鉀,鎂,磷,鋰和銅等等..
  3. 0膽固醇及低鈉,藜麥脂肪屬不飽和脂肪酸,對控制和減低膽固醇非常有幫助.
  4. 纖維含量要比全麥高出50%,容易被人體消化吸收.
  5. 藜麥功效:
  6. 含有phytoestrogens (植物雌激素),可預防慢性病如:乳腺癌,骨質疏鬆和婦科疾病都有幫助.
  7. 藜麥中既礦物質可以緩解血管壓力和減少心臟病發生.
  8. 藜麥係水溶性和非水溶纖維素既優良來源,有效控制和減低膽固醇,保護心臟和調節血糖水平都有幫助作用.
  9. 改善體內酸鹼平衡,保持健康體質.(科學研究表明,身體酸鹼不平衡的話,會導致情緒不穩定,亦會影響身體健康.) 
簡單藜麥salad 食譜:

材料
  • 有機藜麥 ~70克
  • 水 ~85毫升
  • 蘋果 2個 ,有機菜一棵
  • 調味 (可按個人口味加減)
  • 黑胡椒少許,鹽少許, 橄欖油1-2茶匙 
做法
  • 先將藜麥清洗乾淨,然後加水煮30分鐘,弄鬆待涼,蘋果切粒,有機菜洗淨,再加入調味拌勻可食.  
聯絡我們:

2015年12月3日 星期四

有敏感症狀既人係秋季會更常發作?點解?

CLEAN SKINCARE 小Tips-有敏感症狀既人係秋季會更常發作?點解?

每年秋冬時大家有冇發覺皮膚或身體都會出現D敏感症狀,例如皮膚會變得乾燥,痕癢,鼻敏感會嚴重咗,流鼻水多咗,眼睛又會特別痕等等,點解會咁既?有冇方法可以舒緩以上既症狀呢?

由於進入秋天時氣溫由熱轉涼,空氣濕度下降,氣溫有時暖有時凍,天氣既變化會令身體未能適應,再加上進入冬季天氣變得寒冷乾燥,刺激呼吸系統影響肺部功能而出現氣管敏感,經常咳嗽,鼻炎及其他敏感症狀.

注意以下既小Tips可以預防過敏情況:
  1. 在室內或工作既桌上放置放濕器,可以保持空氣既濕度在穩定狀態.
  2. 要注意身體保暖和皮膚保濕,可以預防因乾燥而引致眼、鼻和氣管出現過敏狀況.
  3. 注意家居衛生,床單、枕頭袋要定時清洗保持乾淨衛生,可以放置在太陽光下日曬有助殺菌.
  4. 小喝酒,因為酒精會刺激鼻黏膜既血管擴張,引發鼻敏感狀況.
  5. 保持足夠既休息能夠增強身體免疫力,可以對抗敏感狀況免受侵襲.
  6. 飲食方面多攝取含豐富營養既蔬菜水果,可以有效地減低敏感狀況.
希望可以讓大家預防或避免係轉季時會出現敏感症狀啦.

2015年12月2日 星期三

DCM 果酸換膚療程篇

  • CLEAN SKINCARE 護理項目介紹-DCM 果酸換膚療程篇
  • 療程項目:DCM 果酸換療程
  • 適合給:暗啞皮膚,毛孔粗大,暗瘡黑頭粉刺皮膚,乾性油性皮膚
  • 功效:加速暗瘡凋謝,平衡油脂分泌
  • 療程所需的時間:40分鐘
  • 療程特色:深層清潔,去除暗瘡黑頭
  • 療程次數:4次
  • 價錢:$3400 (4 次)
聯絡我們:

2015年11月30日 星期一

原來眼紋係咁形成既...

Clean skincare小知識:原來眼紋係咁形成既...

眼部係好容易洩漏我地既年齡,由於眼部肌膚係全面最細緻,最薄弱既部位.就算日日都有搽眼霜都一樣有機會有細紋,乾紋既產生.

我地不同年齡層都有呢個狀況~就係當眼周皮膚開始比較乾時就會搽eye gel,之後慢慢覺得唔夠潤,搽極都係蹦蹦緊咁,跟住就會搽eye cream,但漸漸油得滯有時又生下油脂粒咁,咁到底有效既眼部保養應該點做好呀~><~?

其實當出現細紋時唔單只要注重搽既產品類型,同埋要了解下有細紋既成因,再注意下我地日常生活既一D習慣既影響,咁樣就唔會令細紋變皺紋啦^^

眼部有細紋既成因:
  1. 經常低頭看手機,長時間對住電腦而用眼過度,在過敏症狀下經常揉雙眼,以上都會導致眼部皮膚乾燥和缺水而引致細紋出現.
  2. 卸妝時力度過大,或者沒有清潔乾淨眼周而令化妝品殘留在眼周,都會產生細紋.
  3. 年紀增長下真皮層中既膠原蛋白纖維分泌不足或某部份膠原纖維開始老化,都會令眼周鬆弛而導致細紋,皺紋和眼袋既出現.
  4. 作息時間不定,經常夜瞓熬夜會令眼部皮膚血液循環變差,使皮膚加速老化下形成黑眼圈和細紋.
  5. 用不合適既眼部護膚品和化妝品,如成份中含有酒精,香料或不良既化學成份都會使眼周漸漸變得乾燥而出現細紋.
改善眼部細紋既方法:
  1. 注意日常飲食習慣:多喝水,多攝取新鮮蔬菜水果係可以增強皮膚細胞既修復功能,使眼周肌膚減少細紋,同時令眼周增加緊緻度.
  2. 按摩可以改善眼部疲勞:適度地按摩可以緩解眼部疲勞,讓眼周得到休息放鬆,如在辦公室工作時,可每隔1-2個小時輕閉眼睛休息2-3分鐘或用中指輕輕壓在眼球上,沿著半球輪廓輕柔按壓,可以增加血液循環帶走積聚在眼部周圍既水份,幫助改善浮腫問題,拉緊眼部鬆弛既皮膚,及抵抗和減淡細紋.
  3. 輕柔卸妝:眼部卸妝既方法和步驟係非常重要,要選用成份溫和無刺激性既卸妝產品,去避免刺激和傷害眼周既柔嫩肌膚,而且在卸妝時一定要輕柔細緻不可以太大力啊.
  4. 選用合適既眼霜:小用劣質既眼部化妝品:多看看產品成份多選用天然成份,不用含大量化學成份既產品去避免刺激眼周,要防止水分流失在晚上11:00-2:00係身體既修復時間,要有充足既睡眠習慣哦.

眼部護理:定期到皮膚中心做眼部護理,可幫助疏通眼周圍微血管及加強眼部血液循環功效,能有效去除眼部四周毒素,分解眼部沉澱色素和阻塞物,可改善黑眼圈眼紋眼袋等問題.

如果有興趣知更多有關眼部既資訊,可遊覽我地個Blog睇更多既眼部護理:http://clean-skincare.blogspot.hk/search/label/%E7%9C%BC%E9%83%A8%E8%AD%B7%E7%90%86

希望今次既分享可以幫助大家解決眼部有細紋既問題,如果想了解更多有關任何眼部問題和其他皮膚問題都可以隨時聯絡我地哦.

2015年11月26日 星期四

黑眼圈和鼻敏感真的有關係?

CLEAN SKINCARE 小Tips - 黑眼圈和鼻敏感真的有關係?

自從今個月既眼部全方位護理優惠推出後,發現不少顧客來到我們中心既時候都會問一個問題:其實黑眼圈同鼻敏感有冇關係呢?

所以我決定今天分享一下黑眼圈同鼻敏感既關係究竟係點.

鼻敏感(過敏性鼻炎),可分為季節性(某天氣或環境致敏)和持續性(外來刺激致敏,如塵埃等.),主要症狀有打噴嚏,流鼻水,眼睛痕癢等...屬於香港常見的一種炎症,而高峰年齡層會係21 – 30歲之間.

而鼻敏感導致黑眼圈既講法係真既,有鼻敏感既人會比冇敏感既人更容易有黑眼圈,主要係因為靜脈瘀血積係下眼袋,慢慢形成黑眼圈!點解?

其實係正常情況之下,眼部周圍既靜脈血液會先經鼻腔既靜脈慢慢一路流到心臟,而有過敏性鼻炎既人,會因為經常鼻塞,令到鼻內黏膜腫脹而導致部份既靜脈受到迫壓而變窄,造成血液阻塞,令血液回流到眼部周圍,最後瘀血積係下眼袋而變成黑.眼.圈啦.而某部份人因出現眼睛痕癢症狀,所以會不斷卒眼或經常擦眼旅而令黑眼圈加劇添.

所以如果您有黑眼圈和鼻敏感既話,建議雙管齊下,提升自身抵抗力,注意飲食均衡,食含營養豐富既天然食物,多做運動,保持足夠睡眠,另鼻敏感減少發作.

另一邊廂注意減少會令黑眼圈加劇既因素(可參考:有勁黑既黑眼圈?!係咪搽D野,早D 訓就無事咖...真係得㗎?http://clean-skincare.blogspot.hk/2015/06/dd.html).定期做眼部護理,令眼部周邊血液循環,減少瘀血毒素積存,回復良好血液循環.

到時鼻敏感好返晒,黑眼圈又冇埋,成個人都靚晒啦*^^*

如果有興趣知更多有關眼部既資訊,可遊覽我地個Blog睇更多既眼部護理分類:http://clean-skincare.blogspot.hk/search/label/%E7%9C%BC%E9%83%A8%E8%AD%B7%E7%90%86 

又或如果對今個月既眼部全方位護理優惠有興趣想知更多和睇療程前後既分別,請進:www.cleanskincare.com.hk/zh/Promotion-2015.html 

如有任何查詢隨時歡迎您與我們聯絡:

2015年11月22日 星期日

水腫簡單去?!

CLEAN SKINCARE小知識 : 水腫簡單去?!

對於經常要返office長期坐喺度工作既OL而言,除左要擔心腰間脂肪積聚問題之外,下半身水腫問題亦都係相當懊惱呢.如果我地係日常生活飲食方面未有好好改善,再加上冇適當地紓緩,慢慢水腫問題就好有可能導致成為靜脈曲張架!

其實水腫係反映出我地身體內既水分和鈉之間既新陳代謝出現左水份滯留既情形,而造成局部性水腫.

所以小編今次想分享有關幫助去水腫既食物和簡單動作,希望大家可以得到改善.

首先食物方面有以下4種都可以幫助去水腫:
  • 飲蘋果醋:含有果膠,維他命,礦物質 (磷和鉀) 及酵素.蘋果醋中酸性成份具有殺菌功效,去除油膩,促進新陳代謝,降血脂增加體內益微生物,而且果醋內既酸鹼值有利尿排毒既功效.
  • 香蕉和番茄:含豐富鉀質,幫助人體排出多餘既鹽份和鈉,改善水腫,有助消化,預防及解決便秘問題.
  • 燕麥:燕麥除咗有豐富既纖維外,其實都可以幫助去水腫功效.但建議唔好買3合1個種,因為3合1裝燕麥有機會含有大量鹽或糖分.
  • 薏仁水:促進體內血液和水分既新陳代謝,有幫助於利尿,消水腫等作用,係最天然和最健康既方法之一,加上薏仁含有豐富既蛋白質,可以令皮膚變得有彈性和白滑D・
另外辦公室消手/腳水腫小運動:
  1. 動作:用左手抓住右臂外側,由手腕一直向上到手臂根部,用抓緊,放鬆方式緩慢往上刺激,換手臂,兩邊各握3-5次.
  2. 動作:將左手中拇指貼於右手肘既內側,輕輕按壓約10秒,再換另一隻手,右手肘內側淋巴豐富,輕壓可以促進停滯既淋巴液流通.
  3. 動作:首先手腳垂直站立,雙手靠牆身,提起腳尖令身體向上提升,雙腳向前伸直,可以幫助伸展小腿及紓緩腳腫. 
  4. 動作:由腳踝開始,用指腹輕輕用力按壓然後慢慢向上移,透過指腹既力輕按小腿位置至膝蓋,按摩時水腫皮膚會隨擠壓既按壓動作向下陷,重復按摩動作10次.
建議:每日練習3次,每個動作每次平均左右手腳各做10下. 

如對以上既消水腫小運動有任何疑問,歡迎隨時與我們聯絡哦:

2015年11月20日 星期五

淺層激光去斑療程篇

Clean Skincare 護理項目介紹-淺層激光去斑療程篇 
  • 療程項目:淺層激光去斑療程
  • 適合給:雀班,曬斑,咖啡牛奶斑,老人斑
  • 功效:去除表皮層色斑
  • 療程所需的時間:60分鐘
  • 療程特色:快見效,容易處理
  • 療程次數:3次
  • 價錢:$4050 (3 次) 

2015年11月18日 星期三

皮膚keep 住好dry!? 又唔想搽d好笠既cream?

CLEAN SKINCARE 小Tips:皮膚keep 住好dry!? 又唔想搽d好笠既cream?

最近天氣開始越黎越乾,保濕都做多左,返工既日子d皮膚keep 住好乾!返到公司仲慘,去到中午乾到好似想龜裂咁ToT,但又唔想搽d好笠既cream?點算好,有D咩方法可以預防一下呢?

其實我地皮膚表面有層叫皮脂膜,主要功能係保護皮膚防治細菌生長和調節角質內既水份(保濕),但如果皮脂膜受到破壞,角質就開始硬化,甩皮,令皮膚水份降低,產生痕癢等症狀.所以一定要好好保護皮脂膜,鎖住d水份係皮膚內,咁就唔洗再驚乾到好似想龜裂咁啦*^^*

但點解皮脂膜會受到破壞?因為...:
  • 較熱既水洗臉,清潔時間又過長,洗面時候太大力等都會令皮脂膜受破壞或被洗去.
CLEAN 建議大家:用室温或溫水清潔肌膚,力度輕柔,洗完面要搽爽膚水.
  • 些藥物既副作用會令皮膚變得更加乾燥.(如類固醇,抗高血壓藥等)
CLEAN 建議大家:如需服用以上藥物,請多飲水,令體內有足夠既水份補充,多做補濕護理(DIY水份面膜可參考:http://clean-skincare.blogspot.hk/2015/01/diy_30.html
  • 水不足夠,令皮膚細胞沒有足夠水分來維持新陳代謝.
CLEAN 建議大家:多飲水,小飲加工或高糖高鈉飲料.
  • 時小吃蔬菜水果,令皮膚缺乏營養和水分,導致皮膚細胞抵抗力下降.
CLEAN 建議大家:攝取以下幾種蔬果都可以幫皮膚補充水份哦,菠菜 ,番茄 ,木瓜,奇異果,菠籮等.(詳細功效可參考:http://clean-skincare.blogspot.hk/2015/01/blog-post_24.html
  • 常係有冷氣既地方,而冷氣系統會影響濕度降低,令皮膚變得乾.
CLEAN 建議大家:控制冷氣溫度和風速,盡量減小室內外的溫差,避免冷氣直接吹到自己.
  • 膚產品含有酒精或其他化學成份,另皮膚受傷害.
CLEAN 建議大家:留意產品成份,避免使用含有酒精(alcohol),防腐劑(Parabens),人造香料(Fragance)等等
  • 為皮膚做好「補水,保水,儲水」
CLEAN 建議大家:可參考http://clean-skincare.blogspot.hk/2015/01/blog-post_26.html

其實只要皮膚有足夠水分,做好補濕護理,咁就唔洗一定要搽好笠既cream先可以令皮膚得到滋潤啦.

2015年11月15日 星期日

CLEAN SKINCARE 護理項目介紹-高效注滲面部護理療程篇

CLEAN SKINCARE 護理項目介紹-高效注滲面部護理療程篇
  • 療程項目:高效注滲面部護理療程
  • 適合給:任何肌膚,缺水皮膚,敏感皮膚,適合作果酸及激光療程後之深層保濕修護
  • 功效:深層補濕,修復細胞,提升緊緻
  • 療程所需的時間:50分鐘
  • 療程特色:滲透技術,長效水潤,效果持久
  • 療程次數:5次
  • 價錢:$3750 (5 次)
Our website: www.cleanskincare.com.hk
Facebook: PM
Mail: info@cleanskincare.com.hk
Tel: 26283242
What's app:9843 8821
We Chat: cleanskincare
Line: cleanskincare

請多愛護大樹伯伯和花草妹妹

CLEAN 環保-請多愛護大樹伯伯和花草妹妹


每天早上搭車返工既時候,都會留意馬路旁邊周圍既花草樹木,每次望到D植物開得好靚,各形各態都會令人感到賞心悅目,心情好舒服好平靜架.


但望下望下,D植物下會發現有各色各樣既垃圾,比如:紙包飲料包裝,罐裝飲品,煙頭,飯盒,膠袋,報紙雜誌等等...


其實大樹伯伯和花草妹妹佢地一直幫我地做好多好多淨化既工作,但我地人類就不停製造污染,而呢d污染會傷害到佢地架,所以我地要好好愛護環境,愛護植物,因為植物為我地帶來好多好多既好處架,比如:

  • 淨化空氣:樹木能夠進行光合作用,植物的葉片含葉綠素和水分,兩者是進行光合作用的必要元素.植物在夜間會吸入二氧化碳,到太陽出來既時候,它們會利用葉綠素和水分進行光合作用,製造出葡萄糖及氧氣分子,然後把兩者釋放出來.將二氧化碳轉化成氧氣,能淨化空氣中既污染物,為我們提供潔淨空氣.
  • 醫藥用途:樹木由花、果、葉、樹皮到樹根等各部份都能製成不同中藥.
  • 綠化城市:一些闊葉大樹可遮擋猛烈陽光,提供樹蔭乘涼,樹木亦有隔音和防塵作用,也能防止山泥傾瀉.
  • 為昆蟲和雀鳥提供生態環境:為昆蟲,雀鳥提供食物及棲息之所,能夠締造健康的生活環境. 

大自然花草樹木,可以幫助改善人類既生活環境,更有助維持大自然生態平衡及生物多樣化.我地只要每人出一分力,分享訊息比身邊既親友,不要在公眾地方丟掉垃圾,不要去傷害它們的生長.

大家要好好愛護花草樹木,好好珍惜大自然喔.

2015年11月11日 星期三

激光護理真係可以收到毛孔?

CLEAN SKINCARE小知識:激光護理真係可以收到毛孔?

有做過激光護理既朋友可能都聽過「碳粉激光」,但未做過既朋友可能會懷疑:真係可以收到毛孔?能清潔毛孔內既油脂?仲可以嫩膚?等等既問題,但小編我可以確實告訴您「是真的可以」,以下我就會分享小小心得和解說有關「碳粉激光」既原理:

毛孔點解越來越大?

形成毛孔大既原因係因為皮膚分泌過多既油脂令毛孔堵塞,跟住就會形成黑頭粉刺,日子耐左毛孔就會被黑頭粉刺撐大,如果仲要常用手去擠,毛孔就會變得更大,最後仲有機會變成暗瘡添.

「碳粉激光」既原理:

早在2004及 2005年國際雷射醫學研討會上就發表左相關臨床文獻報告說道:「碳粉激光」能有效收細毛孔和有嫩膚既功效.

做碳粉激光護理既過程中會先將天然碳粉搽上面,令碳粉能進入毛孔並吸收油脂,再利用碳粉和激光接觸時所產生既能量將皮脂腺收縮,而呢種能量能有效清除堵塞毛孔既油脂污穢,減少油光並除去老化角質,另外碳粉既色素會加倍吸收激光中既能量來刺激骨膠原增生,達到收細毛孔和嫩膚既功效. 

「碳粉激光」適合皮膚類型:
  • 暗瘡,黑頭,粉刺,油脂分泌過盛型皮膚
  • 毛孔粗大,皮膚粗糙型膚質
  • 毛孔擴張 ,鬆弛,暗黃型皮膚
「碳粉激光」特點:
  1. 過程安全,不損真皮.
  2. 完成程序後可即時化妝,不影響正常生活.
  3. 一般而言,需 4到 6次療程可以看到毛孔縮小及明顯既嫩膚效果,每次療程間隔約 3星期,通常約有 80%至90%既人仕可以在前 2次療程就見到明顯療效.
如果大家想免費做一次皮膚分析了解下自己既皮膚類型同狀況,歡迎用以下方式聯絡我們哦,另外我地中心亦為第一次光臨既顧客提供一次半價試做不同種類既護膚療程,可在旁邊既連結登記哦:http://www.cleanskincare.com.hk/zh/trial.html 

2015年11月9日 星期一

胸部護理同身體健康有關連?!

CLEAN SKINCARE小TIPS : 胸部護理同身體健康有關連?! 

上星期同D舊同學聚會,成班女人講下健康,講下點keep 住個身形等等,閒談間提到胸部護理,發覺每個人對胸部護理都有唔同既睇法,有D同學就覺得可以提升線條,有D同學就覺得尷尬而比較少發言.

但其實我希望大家都能多注意胸部既健康,唔好覺得尷尬去和身邊既朋友討論或定期去做些胸部護理,因為胸部係我地身體既一部份,而對女性就更加重要添. 

女性既胸部同子宮及卵巢係互相關連既器官,由於乳房管道係由九條經絡及十一條淋巴腺而運行,與卵巢互通接收,所以我地一定要維持良好既循環系統才能令身體有更加健康既狀態哦.

以下我想分享一D有關胸部一般常見既問題和胸部護理既好處比大家:
  • 胸部常見問題有:淋巴腺堵塞,乳線增生,脂肪移位,膠原流失,鬆弛下垂,輪廓扁平等等.
  • 胸部按摩護理既好處有:
  1. 可以有效去維持胸部循環處於良好狀態
  2. 促進乳房既淋巴及血液循環暢順,能夠提高新陳代謝,有助排毒和有效疏通乳腺,改善炎症.
  3. 強化胸部既結構循環,可以令脂肪更集中保持胸部緊緻而有彈性,有助解決胸部老化問題. 
如果我地維持胸部循環處於良好既狀態,令胸部變得更健康,身形更fit,咁精神狀況都會好d,人都會自信d啦.大家都一齊黎擁有更健康,美麗既身型啦. 

如果有任何關於胸部護理上既疑問,歡迎隨時與我們聯絡哦:

2015年11月6日 星期五

好想快d可以去旅行呀!

CLEAN食玩行 : 好想快d可以去旅行呀!

已經踏入年尾了,大家既心情係點呢?期待,興奮,浪漫?我就梗係期待去旅行啦, 而家D機票咁平,雖然就要早小小要買定,但都係值得既!

一唸起要策劃行程就好開心,因為期待可以去見識到唔同既文化,食物,事物,環境,風景等等...而我覺得去旅行可以放鬆心情之餘,其實都係生活既一種態度,因為我相信大家每日都面對著不同既事和要處理既事項,而係不知不覺間呢d事會慢慢係我地既情緒上累積然後再變成壓力.

所以如果我地唔去好好處理呢d情緒既壓力,咁就有可能係自己都冇發覺既情況下開始產生負面情緒,跟住有機會影響自己身體既健康甚至身邊既朋友添,當然,要處理情緒壓力有好多方法,比如做運動,行山,聽音樂等,但我覺得去旅行既放鬆係深層d既,因為您所有既專注會轉移到新既地方,電話唔會不停咁響,眼睛亦唔會一直放係個電話螢幕上,而係將目光放係身邊既人和風景上,連呼吸既模式都會有小小改變.

係我既旅行途中有小小得著而又覺得幾有意義既事想同大家分享下,如果你地都有同感既話,不妨一齊都分享出黎啦*^^*:
  • 可以認識到新朋友,接受新的想法,體驗每個國家中唔同既文化.
  • 訓練自己更加獨立自主,一個陌生既環境尋找自己想去的地方,到達目的地.
  • 學習與人一起相處之道,當有意見不一致既時候,點去互相遷就,互相包容.
  • 明白到原來壓力和緊張會令到我地失去左微笑,而一個放鬆既心情會令笑容更加燦爛.
  • 最重要心境開朗了,身邊既所有事情自然會變得更美好啦.

2015年11月2日 星期一

濕疹又發作?乜唔係夏天多汗時先至發作?

CLEAN SKINCARE 小知識:濕疹又發作?乜唔係夏天多汗時先至發作?

天氣最近慢慢開始轉涼,皮膚亦開始變得好乾燥又唔舒服!如果你本身係濕診皮膚既話就要加倍注意護膚啦,因為唔係只有潮濕既天氣或炎熱既天氣先發作哦.

其實濕疹(Eczema)係皮膚炎症既一種,種類繁多,症狀有:皮膚紅腫,痕癢,水泡,結痂等等,而濕疹皮膚比一般膚質乾燥, 無論任何年紀既人士和任何部位都有機會患上.

點解天氣轉熱和潮濕天氣會有濕疹出現既情況?係因為天熱令身體排汗多左,而當汗液停留係皮膚上太耐,亦會引起敏感反應,加上潮濕天氣令細菌更容易滋生.另外天氣太乾燥都會容易引起濕疹發作,因為濕疹皮膚偏乾燥,在沒有油脂層保護既情況下,導致水分流失,造成皮膚過敏或發炎既反應而引發濕疹發作.所以秋冬天亦要加倍注意哦!

除左以上情況,另外會引發濕疹亦有以下既原因:
  • 遺傳性
  • 身體抵抗力下降
  • 食物敏感(如奶製品,雞蛋,花生,海產甲殼類等)
  • 情緒不穩或壓力
  • 刺激物包括:(如羊毛,化學清潔劑,化妝品,金屬品,灰塵,塵蟎等)
所以不妨多做以下既事黎避免或舒緩濕疹發作啦:
  1. 時常要放鬆心情,有足夠睡眠,保持運動.
  2. 飲食要均衡,平日應多進食含豐富胡蘿蔔素,維他命E既食物,幫助舒緩皮膚乾燥及痕癢.
  3. 多進食天然既食物,減少進食含添加劑既加工食物,令身體吸收更多既營養來提升抵抗力.
  4. 沖涼用品應選擇低(或零)化學成份,因為化學成份較高的產品會容易刺激皮膚或令皮膚更加乾燥.
  5. 定時搽潤膚露,唔好等到皮膚乾時先搽,要鎖住皮膚既水份,令皮膚保持濕潤,避免皮膚過乾而引起濕疹發作,而要注意應選擇不含人工香料既潤膚露或天然潤膚油哦.
  6. 可以搽冷壓椰子油, 椰子油含有豐富既月桂酸,有消炎及提高免疫力既的作用,能夠加強皮膚整體既療癒能力.
  7. 如出汗後要即時抹乾皮膚,因為汗液長期係皮膚表面會對皮膚造成刺激.
如果有任何關於皮膚上既疑問,歡迎隨時與我們聯絡哦:

2015年10月31日 星期六

CLEAN SKINCARE 護理項目介紹-毛孔緊緻激光療程篇


CLEAN SKINCARE 護理項目介紹-毛孔緊緻激光療程篇
  • 療程項目:毛孔緊緻激光療程
  • 適合給:黑頭,暗瘡,油性皮膚,毛孔粗大,暗啞皮膚
  • 功效:深層清潔毛孔內皮脂分泌,減少黑頭粉刺的形成
  • 療程所需的時間:50分鐘
  • 療程特色:平衡油脂,收細毛孔
  • 療程次數:3次
  • 價錢:$4050 (3 次) 
Our website: www.cleanskincare.com.hkFacebook: PM
Mail: info@cleanskincare.com.hk
Tel: 26283242
What's app: 9843 8821
We Chat: cleanskincare
Line: cleanskincare

2015年10月29日 星期四

有保濕同無保濕既皮膚有乜分別?

CLEAN SKINCARE 小Tips:有保濕同無保濕既皮膚有乜分別?

想擁有健康既肌膚就需要有充足既水份,所以做保濕係沒有分季節性,一年四季都需要注重,而且無論邊種膚質都需要做好保濕!咁...有做保濕同冇做保濕既皮膚會有咩分別?用邊種保濕成份好D呢?

有做保濕=健康肌膚:
  1. 當細胞間有充足既水份就可以抵抗外來既刺激,增強皮膚既防禦力,防止細胞與真皮層既水份流失,避免肌膚受到傷害,亦可延緩皮膚衰老.
  2. 當細胞得到滋潤,可減低細紋既出現,皮膚會顯得較平滑和有光澤,毛孔都會變得細緻d.
  3. 當肌膚處於水份充足既時候,可以減低或舒緩敏感症狀.
冇做保濕=乾燥肌膚:
  1. 當角質層保濕度不足時,皮膚會失去自我保護力,令角質層間隙變大和鬆散,加速底層水分流失而造成皮膚乾燥.
  2. 肌膚因為乾燥而且經常泛紅,嚴重時還會產生脫屑,發癢,發炎和敏感症狀,漸漸皮膚變得粗糙暗沉.
  3. 當角質層含水量低時,基底層無法分裂出健康細胞,令真皮層既彈力纖維受損流失,皮膚漸漸失去彈性產生細紋皺紋.
而有效既保濕成份我個人會建議以下幾種:

透明質酸/維他命 B5/尿酸/甘油
  • 此類保濕成份既分子都比較細,容易滲透至真皮層,可以增加肌底層既含水量,刺激膠原蛋白增生,有抗衰老功效.

甜杏仁油/牛油果油/荷荷芭油/玫瑰果油
  • 此類天然植物油可以促進角質層既保濕因子生長,為肌膚調節水份形成鎖水屏障,保持皮膚健康水潤. 
大家係選用保濕產品既時候要注意成份喔,日常護膚中用有效既保濕成份係可以加強皮膚既保濕度,同時令肌膚水油得到平衡,皮膚都會變得健康d啦 *^^*

2015年10月25日 星期日

點解暗瘡會生到頸,背,心口都有呀?!

CLEAN SKINCARE 小知識:點解暗瘡會生到頸,背,心口都有呀?! 

好多朋友鍾意冬天多過夏天(其實我都係v^.^v),所以準備踏入冬季心情就好開心好興奮.因為衣著方面可以有更多唔同既造型同變化,但同d朋友傾開計之後發覺原來有d係因為從衣著可以遮掩頸部,背部,心口既油脂粒,暗瘡同暗瘡印.

諗下諗下記得以前都有呢個煩惱,之後為咗想皮膚既健康著想,所以就搵左好多資料同解決辦法,最後都好番晒!所以我今次想將d心得分享比大家.

首先身體生暗瘡既成因:
  • 身體狀態偏差或抵抗力低,偏愛甜食同鍾意吃煎炸油膩食物,荷爾蒙分泌等情況都會引發生暗瘡.不過主要成因係荷爾蒙分泌旺盛令皮脂分泌過多,加上皮膚表面既角質變厚,如果油脂積聚於毛孔上並氧化,就會堵塞毛孔並容易引起毛囊發炎而形成暗瘡.
而暗瘡點解會生到頸部,背部,心口呢d位置呢?
  • 背部既毛髮比起面部會較粗,所以容易令皮脂堵塞於毛孔,然後形成暗瘡.
  • 如果本身較為容易出汗和大汗,而出汗又唔經常擦拭,汗液會導致細菌繁殖,令暗瘡滋生蔓延.
  • 經常穿著如人造纖維或尼龍等既不透氣物料衣服,都會激發暗瘡生長.
  • 使用刺激性強沐浴露或洗澡時太用力,都會令暗瘡情況加劇嚴重.
  • 有些沐浴露,護髮素既滋潤成份會堵塞毛孔,清洗得不夠乾淨都會容易形成暗瘡.
以下既方法可以預防身體皮膚形成暗瘡: 
  • 減少食辛辣,味濃,甜食和煎炸油膩既食物.
  • 避免穿不透氣既衣服物料,使經常摩擦到皮膚.
  • 留意在沖洗護髮素時,要徹底沖洗乾淨,沒有殘餘在皮膚上可預防毛孔堵塞生暗瘡.
  • 定期1星期幫身體皮膚做一次去角質,去角質係對於暗瘡印,暗粒,暗瘡疤最為有效既方法,可以幫助減少角質變厚堵塞毛孔.
  • 另外亦可以定期做果酸換膚療程去減少暗瘡和暗瘡印,果酸換膚療程既原理係加快皮膚既新陳代謝,促進皮膚更新, 移除過厚既角質層,幫助修復受損既外層皮膚, 有消炎殺菌功效,可平衡油脂分泌,使暗瘡加速凋謝,令暗瘡印快速消失,有效預防毛孔阻塞,改善暗瘡膚質,適合乾性或油性膚質.

如果大家想了解更多有關皮膚既問題都可以聯絡我地哦.

2015年10月21日 星期三

去水腫既簡單面部按摩

CLEAN SKINCARE 小Tips - 去水腫既簡單面部按摩

大家都有水腫既情況嗎?通常夜收工就會夜食晚餐,有時又喜歡吃d濃味食物(打完邊爐,麻辣雞煲),加上睡眠時間不足,生活緊張,情緒壓力等等以上既情況都會形成水腫架~

如果唔想朝早起身見到塊面浮浮腫腫,咁就要留意下平時既飲食習慣呀,同埋可以做一d簡單既按摩,都可以舒緩面部水腫問題哦.

面部按摩動作(如圖)
  1. 緊握拳頭用關節位由下巴開始,揉按向上推,然後滑下,可舒緩面部浮腫.
  2. 用無名指由內到外按壓眼睛下方,可改善眼腫和加速微循環.
  3. 用三隻手指,由耳後向下推,可將毒素排走.
  4. 用四隻手指,沿頸兩側慢慢向外推,可改善淋巴循環.
面部按摩既好處有:
  • 改善面部浮腫-幫助加速血液循環,排走淋巴管道內積聚在面部周圍既多餘水份.
  • 改善肌膚鬆弛-按摩動作可以幫助加速皮膚新陳代謝,令面部肌肉增加彈性,防止皮膚鬆弛.
  • 改善乾紋-幫助緊緻及抵抗面部皮膚鬆弛,減淡細紋.
  • 改善色素-加速血液循環,預防色素沉澱,防止形成色斑.
大家按摩面部時,可以多用天然有機護膚品或天然冷壓既植物油,豐富既維他命和抗氧化能力可預防皮膚衰老,滋潤皮膚,改善乾燥膚質,消除皺紋,有排毒功效,提高新陳代謝,可以保護皮膚和增強皮膚抵抗力.

每日按摩5至10分鐘或每個動作每邊按8次,輕輕鬆鬆就可以令包包面消失,大家都一齊試下啦.

2015年10月18日 星期日

預防或減少膠原蛋白既流失

CLEAN SKINCARE 小知識:預防或減少膠原蛋白既流失

最近同身邊朋友傾計既時候,發現大家都好努力咁保養自己既皮膚,比如有d朋友會轉用天然護膚產品,另外有d就會食用保健產品,定期做下皮膚護理等等...但佢地一見到我就追住問:膠原蛋白點解會流失既原因?係咪每日都在流失呀?點樣可以減少流失而保持年輕肌膚呢?點樣預防流失?!...(-_-lll)

所以靈感一觸就想為大家寫一篇有關膠原蛋白既分享啦!

先了解一下膠原蛋白的作用:

  1. 皮膚成分裡含有70%膠原蛋白,膠原蛋白提供皮膚彈性及韌性,幫助肌膚鎖住水分保持濕潤,當皮膚含有足夠既膠原蛋白時,就可以強化真皮層既網狀纖維,使皮膚維持彈性,同時修補及支撐凹陷組織使毛孔平滑細緻化,有抗皺、淡化細紋既功效.膠原蛋白亦有助皮膚組織變得緊密,令皮膚緊緻平滑.所以保持皮膚有足夠既膠原蛋白係好重要咖. 

而膠原蛋白會流失既原因係:

  1. 皮膚內既膠原蛋白含量會因年齡上升而逐漸減少,年紀愈大,流失既情況會愈大.皮膚既屏障和彈性受到削弱,皮膚和毛孔變得鬆弛而導致失去承托力,臉上會出現細紋及皺紋,另外皮膚因鎖水不足,會變得乾燥粗糙,導致痕癢脫皮和敏感,還有影響病菌防護功能.
  2. 生活既習慣如:吸煙,曬太陽和過度嗜甜等等.這都會大量產生令細胞衰老既自由基,最明顯既係外表既變化,皮膚會出現粗糙,鬆弛,皺紋等老化現象.
如果想減少膠原蛋白既流失,可以從以下入手:
  1. 攝取食物-抗氧化既水果有番茄,葡萄,甜椒,各種莓類等..番茄既茄紅素和維他命C能幫助延緩老化,愈細粒既番茄所含既維他命C越高,葡萄含有大量白藜蘆醇,花青素和類黃酮化合物,特別存在於葡萄皮跟籽中,甜椒亦含維他命C,類黃酮化合物及花青素等,以上都可增強皮膚抗氧化力,具有抗發炎既功效.各種莓類如巴西莓,蔓越莓和藍莓等,都含有維生素C,前花青素,獨特既抗氧化酵素,胺基酸,鈣,鐵和大量微量元素,尤其係巴西莓,抗氧化能力係水果之中既第一位,可以使皮膚保持年輕,降低發炎並清除自由基,防止衰老.
  2. 蛋白質-從日常飲食中多攝取蛋白質,蛋白質食物有奶、蛋、肉、魚及豆類、堅果與五穀根莖類等食物,以上食物經分解後既胺基酸會合成膠原蛋白.
  3. 避免吃油炸食物-食物經油炸後,再進食入體內,會增加自由基的生成加速老化,造成膠原蛋白既流失
  4. 搽防曬霜- 皮膚科醫生認為紫外線既照射係皮膚衰老既頭號原因,紫外線會分解膠原蛋白加速膠原蛋白既流失,令皮膚提早老化,所以應每天搽防曬霜去保護皮膚免受紫外線照射,咁就可以減少膠原蛋白既流失.
  5. 激光護理-激光既熱能會刺激皮膚細胞層既膠原蛋白纖維增生,令膠原蛋白新生重組合成,持續的膠原增生另皮膚表層回復彈性,細紋慢慢消失,而粗糙既皮膚亦因為膠原蛋白持續既增生,令皮膚密度提高,皮膚和毛孔變得細緻和嫩滑.(了解更多膠原再生面部激光療程

想保持年輕既樣貌和擁有健康既皮膚,大家都一齊努力啦~

膠原再生面部激光療程

Clean Skincare 護理項目介紹-膠原再生面部激光療程
  • 療程項目:膠原再生面部激光療程
  • 適合給:毛孔粗大,鬆弛皮膚,皮膚不平滑,虎紋,皺紋等
  • 功效:令肌膚回復彈性緊緻,收細毛孔和減淡幼紋
  • 療程所需的時間:50分鐘
  • 療程特色:全面刺激自身膠原蛋白增生
  • 療程次數:3次
    價錢:$4050 (3 次) 
聯絡我們:

2015年10月14日 星期三

CLEAN 環保:大家覺得辦公室搬遷,應該點做會環保D呢?

CLEAN 環保:大家覺得辦公室搬遷,應該點做會環保D呢?

因為最近好朋友公司要搬遷,叫我去幫下手執拾下...點知發現佢地公司有好多野都話唔要~尤其係文具呀!
  • 我話 :吓!唔要,點解呀?全新冇用過都唔要好浪費下喎~
  • 好朋友答:唔緊要啦!拎來拎去咁麻煩,買過D新咪得囉~
  • 我話 :吓!咁點得架!咁樣太浪費喇!
我估有好多朋友同我一樣都有試過辦公室搬遷既經驗,大家想法係咪都一樣?當要搬遷時發現某D唔常用既文具例如:紙張,筆芯,電池,包書膠和膠紙等等都會全部丟掉,可能因為價錢便宜又容易買到再加埋唔常用,所以就懶得拎來拎去,遲d再要用先再買過既心態.

但希望大家可以換個想法『請珍惜資源,唔好浪費每一樣物件』,要培養物盡其用既習慣呀~

我地都分享下當辦公室要搬遷,可以根據以下幾點去做就能變得更環保哦:
  • 節約或減少購買不必要既物品,不要浪費,減低資源耗用.
  • 物盡其用,不要隨便丟棄有用物品,要物盡其用 ,減低製造廢物及污染大自然.
  • 循環再用,把自已沒有用而新凈既物品轉送給有需要既人仕或機構,將破損而可回收既物品做回收,再造成有用既物品,重覆運用資源.
  • 環保選購,多選用用環保物料製成既產品
We Love the Earth:點解我地要環保?

我地平常都會為自己既住屋做清潔做美化,咁我地住係地球上係地球既一份子,都有責任要保護地球,愛錫地球,唔好去破壞佢,所以大家請多D關注下環保既事宜去出一分力哦.

好開心可以分享今次既經歷和感受,環保其中一個意識係循環再用,其實好簡單咁只要我地每個人都習慣下循環再用,咁就已經為地球做緊環保架啦 ^_^,大家都多D分享下不同既環保意識比身邊既家人朋友,令大家都為地球幫幫手出小小力啦...

CLEAN SKINCARE Website

世界乳腺癌防治月

最近大家係咪都有見到一d有關女性乳房檢查既宣傳呢?其實因為每年既十月被定為世界乳腺癌防治月,起因是由於雅詩蘭黛集團資深副總裁伊芙琳·蘭黛和美國《自我》雜誌主編彭尼女士於1992年10月發起,世界各國的政要,名流,影視明星都會佩戴標誌性的“粉紅絲帶”呼籲大家關注女性乳房健康,於是每年十月被定為世界乳腺癌防治月.

我地大家都好希望能夠盡一分力去宣傳和告訴身邊既朋友,要多關注自己既身體健康和生活習慣,當自己健康強壯時,咁就有足夠既能力去照顧更多身邊既人啦!希望大家都提醒一下身邊既親人朋友要定期做乳房檢查哦!以下機構可供參考,希望大家都能盡一分力分享出去啦:-

2015年10月11日 星期日

點解有人做激光療程後皮膚會好左,但有d就會差左?!

CLEAN SKINCARE 小Tips:點解有人做激光療程後皮膚會好左,但有d就會差左?! 

呢個夏天去左好多戶外活動,D皮膚曬到好乾又出左好多色斑,好想去做下激光去斑,聽人講會越做越多斑,又擔心做完激光皮膚會變差,有個朋友做完半年後就生番晒d斑出黎,但另一D朋友做完就keep得好好,點解有咁大既分別既?點算好呀,做唔做好呢...? 

相信大家曾經都有聽過以上類似既說法,去做激光療程前都會擔心效果理想嗎?但又真係好想整走晒面上既色斑,咁其實做激光治療去除色斑好嗎等等問題...所以我會係呢一篇分享下做激光點解會有以上咁大既分別. 

首先激光治療係被証實和認可為最有效處理色斑既治療,而現時既醫療級激光儀器具安全性及穩定性,效果顯著,而且激光治療唔會引起任何化學刺激,所以採用醫療級的激光儀器來處理色斑問題係安全而有效地去除色斑喔. 

如果想效果顯著,避免反黑,皮膚變差等等問題,建議由一開始進行激光療程到完成之後,個人護理方面都需要加倍注意,而以下3點係較為重點注意的:

  • 激光療程後皮膚要更新所以感光度相對提高,對紫外線較為敏感,如果防曬工作未做足既話,皮膚底層既黑色素細胞會容易被紫外線刺激到,細胞會分泌大量黑色素去保護真皮層,之後色素又再逐步向下沉澱和堆積,慢慢又產生新既色斑. 
  • 唔係所有防曬產品都可以阻隔紫外線(UVA),要選擇用物理性防曬才能有效阻隔紫外線(UVA),搽防曬是對皮膚做保護,這層保護非常重要,除可以令皮膚免受曬黑,最緊要係防止色斑形成,保護皮膚水分流失,防止老化現象等等既好處. 所以防曬霜每日都要用喔,如在戶外工作,需要每隔2-3小時再補搽一次,如防曬不足皮膚會容易產生其他問題,所以選擇適合既防曬產品是非常重要喔. 
  • 激光治療時間每次不應相隔太密,這會對皮膚做成負擔和產生不良反應,皮膚更新周期大約21-28天,如針對色斑既激光治療時間大約3-4星期進行一次.(注意:不同既激光儀器針對不同問題,所以選擇其他類型既激光治療時要了解清楚治療相隔既時間)

今次既分享係想令大家了解多D激光治療既護理方面,因為如果選擇醫療級既激光儀器去處理色斑問題,定時進行治療,而療程時開始用物理性防曬霜,平時用保濕型護膚品,咁就唔使擔心做激光會傷害到皮膚,D斑越做越多呢D情況出現啦 ,另外話個小貼士您聽,激光治療既熱能會刺激膠原蛋白既增新,令皮膚真皮層既厚度增加,皮膚既膚質都會細緻幼嫩D哦*^^*.

 如果想知道醫療級既儀器有邊d證書或者想了解更多關於儀器和療程細節,歡迎您預約我地既免費激光去斑體驗,由皮膚分析到整個療程都是免費哦,有興趣就用以下方式預約啦: