2014年12月27日 星期六

如何在產後可以保持一個健康胸部既形態



Clean Skincare Tips

今次既分享可能對媽媽們又或者就快做媽媽既女士們會較為重要,因為我地今次要分享既係如何在產後可以保持一個健康胸部既形態

其實我地女性懷孕既時候胸部會不斷脹大,因為懷孕期會刺激到女性荷爾蒙增加,而乳腺組織亦會開始製造乳汁,所以我地個胸部會變大,

而女性係哺乳期結束後,胸部就會開始變小或下垂,因為哺乳期時,乳房表面既皮膚會擴展,而乳房既彈性亦會降低,同時哺乳期過後腺體開始萎縮,乳房就會出現變細和下垂既現象.呢個係自然既影響,但如果我地多注意係哺乳期和哺乳後既保護和保養,咁我地就可以減輕乳房下垂或萎縮既出現,而家我地一齊睇下點樣去保護和減輕乳房下垂或萎縮既出現啦:

1.堅持穿戴胸圍

從懷孕期開始就要堅持配戴有承托力既胸圍,因為如果無戴,而胸部重量不斷增加,久而久之乳房就會容易下垂.所以配戴合適既胸圍可以令乳房有足夠既成托和支撐,讓血液循環暢通,對促進乳汁既分泌和提高乳房既抗病能力都有好處.

2.正確餵奶

媽媽們要採取正確既餵奶方式,兩邊乳房要交替餵奶,當BB只吸一邊乳房時,媽媽要將另外一邊既乳房用吸奶器吸,保持兩邊乳房大小對稱

3.胸部按摩

可以去有胸部護理既美容中心做適當既胸部按摩,可以預防胸部變小,下垂和促進血液循環,媽媽亦可以係每晚臨晏訓前或起床前按摩乳房(方法:將食指,中指,無名指合埋,放係對側乳房上,以乳頭為中心點,順時針由乳房外緣向內側劃圈,兩邊乳房各做10次)

4.不能過度節食減肥

如果長期處於飢餓狀態,人體會調動儲藏既脂肪和蛋白質黎應付,而乳房既主要結構成份就係脂肪和膠原蛋白.當胸部既脂肪減少,皮膚會鬆弛,肌肉流失,而營養不足又引起腺體組織萎縮,整個胸部形狀都會縮細,連接胸肌和乳房既結締組織亦因此而減少,所以胸部就會變小和下垂了.

5.堅持運動

媽媽們通常係產期3個月後就可以進行全身運動,比如去做GYM或者跳帶氧舞蹈等等,仲要堅持每日做簡單既擴胸運動,幫助鍛煉胸部肌肉,維持胸部肌肉既彈性

如果你能堅持以上既事項,咁就算產後都可以維持身體滿分,做個靚靚媽咪啦!^^