2014年11月28日 星期五

膠原蛋白增生和退斑小tips小知識已到左尾聲了


不經不覺已經去到11月尾了,我地既膠原蛋白增生和退斑小tips小知識已到左尾聲了.雖然仲有好多關於呢一方面既分享,但我地暫時hold住先,下次有機會再同大家分享.

今個月既最後一個主題係:大家都想擁有去斑後令皮膚看上去更年輕的心願嗎?

其實呢一個月內都有唔少客人因為我地既激光優惠而光臨我地中心,好開心能得到你地既信任和能夠有機會比我地去為您們護理皮膚,希望我地能夠為更多既顧客做更多既護理和保養.

但提提大家,就算做完激光去斑後,之後都要好好護理我地既皮膚,比如做多d補濕,做好防曬,多留意化妝品和護膚品既成份,飲食同生活習慣都要多多注意,因為隨著年齡既變化,皮膚既抵抗力和復原力不斷下降,如果冇好好保護我地既皮膚就會好容易地再次出現色斑, 暗瘡暗粒,皺紋同皮膚鬆弛,雖然用激光係可以為你解決好多皮膚上既問題,但其實我地更希望能夠係色斑或皮膚問題出現前就處理好,所以記住要多保養同保護皮膚,令到皮膚更健康更有彈性!

如果對色斑有任何問題或疑問,歡迎隨時用以下既聯絡方式和我地聯絡啦!

2014年11月26日 星期三

Clean Skincare 11月下旬 Facebook promotion 最後倒數5日啦!!!

大家都想收細皮膚嘅毛孔,減少暗粒暗瘡,達到緊緻和細緻嘅年輕肌膚嗎??

我地11月下旬 (15-30號) 嘅專頁優惠係:

購買三次 [碳粉激光療程] 即送三次 [膠原再生面部激光護理] 都係$4050!一共6次
激光療程!

呢個療程適合暗瘡及油性皮膚,令真皮層及毛孔周圍膠原蛋白及彈性纖維重生,增強毛孔緊緻度,有效改善毛孔粗大,清除深層毛孔內皮脂分泌,減少暗瘡。

如果您從未做過激光療程,您亦可以用體驗試做價$945試做兩個激光療程 (可以自由選擇療程,整個療程時間約1小時,每人只限用試做價乙次!)

查詢/預約方式如下 :

Whatsapp: 9843 8821
電話: 2628 3242
E-mail: info@cleanskincare.com.hk
Facebook Fans Page: PM 我地

快D打黎預約啦!!

BB/CC cream有防曬成份啦,仲有需要搽防曬嗎?

可能最近因為講多左關於色斑形成和防曬心得,所以最近多左顧客問 {BB/CC cream有防曬成份啦,仲有需要搽防曬嗎?}而家就等我地來分享下啦!

BB/CC cream呢幾年雖然好流行,但用家未必太了解,所以首先簡單介紹一下BB/CC cream嘅功效.

- BB cream係Blemish Balm嘅縮寫,源自1960德國,最初係由一位德國皮膚科醫生用於保護治療後既脆弱而帶瑕疵既皮膚,作用係可以幫助受損皮膚得到修復和保護.後來被韓國化妝品界引進和改良後,從醫學美容演化集合遮瑕,隔離,防曬底妝等等功能.

- CC cream 係Color Control Cream嘅縮寫,可算係 BB cream嘅進階版, 因為比BB cream額外再添加護膚成分,能為皮膚提供保護,修護效果和均勻膚色等。

兩者大部分都加上防曬成份,希望成為多功能產品,但點解仲要額外搽防曬呢?

嚴格講 BB/CC cream嘅防曬能力係好低,即使添加咗各種防曬劑,大概都係得正常規定防曬量嘅1/4,如果再加多劑量就會嚴重影響膚色效果。所以 BB/CC cream嘅防曬成份係不足夠抵擋我哋每日接觸嘅陽光.極其量只可以應付係室內活動和工作嘅人.

所以個答案係:BB/CC cream裡面雖然有防曬,但唔可以和真正防曬產品相比並作為防止紫外光對皮膚傷害嘅用途,所以絕對要搽防曬先好出門呀!

2014年11月23日 星期日

美白產品可以去斑嗎?

相信好多人都有用美白產品,但亦有好多人問美白產品可以去斑嗎?呢次就等我地分享一下我地嘅心得啦!

大部分美白產品常見主要成份有:

- 對苯二酚 (Hydroquinone):化學合成品,可以破壞和分解已經形成嘅黑色素細胞,預防肝斑産生。不過高濃度長期使用會引起皮膚發炎,紅腫和過敏等,需要醫生指導下使用。

- A酸 (Tretinoin):屬於一種對皮膚帶有刺激性嘅藥物,主要針對痤瘡嘅外用藥物,但此藥物有副作用,需要醫生指導下才能使用.

- 麴酸 (Kojic acid):係一種天然嘅真菌代謝產物, 可抑制黑色素形成,具有美白功效,但日本厚生省用白老鼠實驗,發現會有機會致癌,所以要多注意該產品所含有嘅劑量才可使用.

- 維生素C (Vitamin C):以左旋維生素C效果較好,可以有抗氧化和修復傷口功效,保持皮膚健康.

但其實美白產品係可以短暫抑制黑色素增生或短暫減淡色素,但並唔係解決色斑問題嘅方法,因為:

1-) 用美白產品只可令皮膚短暫變白,唔會完全將黑色素分解.
2-) 長期使用美白產品只會過度抑制色斑嘅出現,反而會令皮膚細胞受到傷害.

所以我地建議首先做好防曬,因為我哋要防止色素嘅形成,之後可以用激光擊碎黑色素,令皮膚自然地還原透白嘅膚色.咁就可以美白得有效又安全啦.

2014年11月22日 星期六

有邊D食物可以增加皮膚底層嘅膠原增生呢?

其實大部份嘅人都會問 『有邊D食物可以增加皮膚底層嘅膠原增生呢?』,其實是否真係可以從食物去補充?今次就等我地黎為大家分享下啦!

首先要有一個正確嘅觀念!食物嘅膠原蛋白係一種非常巨大嘅成份,由唔同嘅胺基酸重複排列及折疊而成,而食物內嘅膠原蛋白分子係大到人體無法直接吸收利用,所以一定要經過消化系統在分解先至可以比身體吸收.

但係如經過消化系統,就會受到胃酸分解變成氨基酸(蛋白質嘅基本單位 )先至能被消化系統吸收,所以換言之係會失去左原本嘅結構同功效.就算有剩下小許功效,[膠原蛋白] 亦唔會只去我地嘅皮膚底層,極其量只係會補充到現代人已經不缺乏嘅蛋白質.

其實可以藉由其他方法刺激膠原蛋白增生:

1-) 激光雷射

原理係加熱皮膚深層,膠原蛋白受熱後使組織收縮。通常可以立即感受到皮膚變緊緻,且在治療後 3-6 個月膠原蛋白持續地增生。

2-) 打Sculptra針

一種與生物相容,唔會引起體內排斥,以及能被體內自行分解成二氧化碳,水,醣.1950年開始被用來做骨科,牙科及縫線嘅材料(羊腸線亦係採用類似成分),一開始係用於填補愛滋病患臉部凹陷皮膚,之後2009年美國食品藥物管理局(FDA)核准使用在改善臉部皺紋.

所以建議進食其他食物或食品去補充體內嘅其他營養如:鈣、葡萄糖胺、綜合維他命、植物多酚類等等..而唔係用來補充皮膚底層嘅膠原!

2014年11月21日 星期五

我地個Facebook專頁達成1000個贊好了!!!

1000人了! 我地個Facebook專頁達成1000個贊好了,萬分感謝所有Fans們!!因為有你地我地先會有今日既成果!我地Clean Skincare全體所有人係度同所有既Fans們講聲:

感謝!

我地承諾會一直做得更好,更貼心!!盡我地所能去改善我地每一位顧客既皮膚!!

Clean Skincare 上.

2014年11月19日 星期三

荷爾蒙斑係點樣形成? 點解不知不覺間會越出越多嘅?

今日同大家分享荷爾蒙斑係點樣形成? 點解不知不覺間會越出越多嘅?

首先要了解荷爾蒙斑嘅形態和特性: 有荷爾蒙斑嘅人,如受到熱力和紫外線刺激,皮膚下非常活躍嘅黑色素細胞就會大量產生.而荷爾蒙斑會出現係皮膚表層和沉積於皮膚底層,顏色有深有淺,呈淡褐色或深褐色,如經常係紫外線照射下荷爾蒙斑顏色會變得越來越深,形狀呈現不規則一塊塊或一達達,邊緣唔明顯,分佈係兩邊面頰,顴部,額部,上唇,鼻樑,甚至散佈整張臉.

雖然和荷爾蒙有關,但有荷爾蒙斑並唔代表荷爾蒙分泌失調,只係體內荷爾蒙分泌失去左平衡嘅影響,而荷爾蒙斑一般出現係20-50歲嘅女士或孕婦臉上,而部份因為懷孕而出現嘅荷爾蒙斑可能會在產子之後自然消失,亦有部份女性於停止服用避孕藥後,荷爾蒙斑會隨後消除.
  • 荷爾蒙斑形成嘅內部因素: 當身體部分嘅腺體和組織細胞分泌出荷爾蒙(激素)失衡嘅時候,體內黃體素就會增加從而產生荷爾蒙斑,另外遺傳,個人體質等內部因素亦容易產生荷爾蒙斑.
  • 荷爾蒙斑形成嘅外界因素: 經常接觸紫外線 / 使用化學成份化粧品 / 過度使用洗面刷,磨砂膏和去角質產品 / 經常攝取刺激辛辣食物 / 服食避孕藥 / 睡眠不足 / 情緒因素(如壓力,失眠,緊張,憂慮)等外界因素從而形成荷爾蒙斑.
CLEAN SKINCARE提提您:想預防產生荷爾蒙斑最緊要係搽好防曬,經期前14天係黃體期,曬太陽會製造"麥拉寧色素"嘅荷爾蒙,比平時會更容易產生色斑,所以搽防曬係非常重要,係可以預防色斑既形成.大家要好好保護自己既皮膚呀.

如果大家想了解自己既皮膚狀況,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既療程試做,可在旁邊既連結了解更多和登記哦:www.cleanskincare.com.hk/zh/trial.html
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫

2014年11月14日 星期五

做激光去斑安全嗎? 會痛嗎? 皮膚會變差嗎?

做激光去斑安全嗎? 會痛嗎? 皮膚會變差嗎?

好多人都做過或者聽過激光去斑,雷射去斑等等...但真正了解嗎?作為一間專業激光去斑美容護理中心嘅我地將會同你地逐一分享.

1-) 首先講下做激光去斑安全嗎?
  • 其實雷射(Laser)是Light Amplified by Stimulated Emission of
    Radiation的簡稱,簡單地形容就係”同一方向,單一波長,聚高能量特性,針對皮膚內某一特定組織(或黑色素),產生光熱分解作用,造成選擇性嘅破壞”
  • 而其理論架構最早是由愛因斯坦於1905年所提出,之後Maiman(西奧多•梅曼)工程師係1960年成功製造出全世界第一台雷射機(紅寶石雷射),再之後開啟了其後數十年雷射在各方面領域的蓬勃發展,其中又以在醫療的運用上最為成功
  • 所以雷射運用係醫療上已有數十年歷史了!技術上可以話係非常成熟了,而安唔安全就要視乎為你服務嘅美容護理中心是否用可靠和穩定性高嘅儀器,再加上是否經過有經驗嘅護理師為您服務之後再作定論了.
2-) 再來我地講下激光去斑會痛嗎? 皮膚會變差嗎? 
  • 由於激光係用光學原理去分解/擊碎皮層下嘅黑色素,所以係唔會有任何物理性嘅痛楚,療程過程只會感覺到熱能而皮膚亦只會作出微刺嘅正常反應. 
3-) 最後就係皮膚會變差嗎?

絕對唔會!因為激光去斑嘅主要目的就係分解/擊碎皮層下嘅黑色素,還原最原始嘅無印無斑皮膚!但做激光去班前同後一定要注意以下事情先可以健康地令皮膚復原:

  • 必需要了解該美容中心嘅儀器來源和穩定性,因為雷射技術係極細緻同極高能量嘅儀器,所以該儀器嘅能量輸出率要夠穩定和要有國際認可嘅証書來証明該儀器嘅認可性.
  • 療程過後一定要為面部作補濕,降溫和舒緩.
  • 剛做完雷射的皮膚會容易受陽光的刺激而產生色素沉著 (意味反黑),所以盡量避免直接日曬(比如海灘晒太陽,行山,等等...),出門須使用防曬產品.
祝大家都能夠擁有健康自信嘅肌膚啦.

如果大家想了解自己既皮膚狀況,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次半價既療程試做,可在旁邊既連結了解更多和登記哦:http://www.cleanskincare.com.hk/zh/Promotion-2016.html

免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2014年11月12日 星期三

千萬唔好認為冬天就唔駛防曬!

我地而家開始正式入冬了,但千萬唔好認為冬天就唔駛防曬,等我地一齊睇啦:

冬天有需要防曬嗎?

冬天嘅太陽係好溫暖但唔代表等於無左強烈嘅紫外線!

其實冬天嘅紫外線強度唔比夏天弱.根據專家分析,冬春兩季是一年四季中全球臭氧層含量最少嘅季節,缺少左臭氧層就等於地球無左件外套,而紫外線就可以直接射落地面,所以冬天嘅紫外線係絕對唔能夠忽視!

之前有同大家分享過防曬產品嘅化學性同物理性嘅分別,今次就講下防曬嘅度數分別啦!

基本分左兩類:

SPF = Sun Protection Factor(防曬係數),主要防UVB紫外線

簡單去理解就係延長達到曬傷時間嘅倍數,打個比如:當我地係某某時段曝曬十分鐘就已經曬紅了,但如果我地搽左SPF15嘅防曬產品,咁可以延長至15倍的時間,即係150分鐘後才曬紅,所以一般搽SPF30就已經非常足夠一日嘅防曬了.

PA = Protection Grade of UVA (UVA防衛級數),由於現時仲未有一個統一嘅防UVA指標,所以會比較常用由日本化妝品工業聯合會嘅PA值去作為防UVA指標.

簡單去理解PA值係防止因UVA而產生嘅黑色素同埋防止皮膚老化嘅防護程度,計算方式可分為PA+,PA++,PA+++同PA++++四級,+號越多,保護嘅指數就越高

PA+ = 2至3小時
PA++ = 4至6小時
PA+++ = 6至8小時
PA++++ = 8up

所以要視乎你會係太陽下嘅時間去決定用幾多個加(+)

結論:

如果您想皮膚(特別係面部和頸部)望落去淨白,健康同有彈性嘅話,咁您就要由而家開始注重防曬啦,防止被紫外線入侵您嘅皮膚而造成傷害同產生黑色素啦!

2014年11月10日 星期一

皮膚有斑時自己應該怎樣處理? 而雷射可以處理嗎?

皮膚有斑時自己應該怎樣處理? 而雷射可以處理嗎?

如果當你發現自己嘅皮膚開始有色斑,先唔需要害怕,因為每一個人都有機會係皮膚上產生色斑,我地只需要知道點去防止色斑擴大和處理就唔駛擔心啦!


-首先要知道有斑時自己應該怎樣處理:


當發現皮膚出現色斑時,首先要向醫生或治療師確診,檢查色斑屬於表層或深層先至可以知道如何處理.
切勿亂試淡斑產品,因為會有機會做成敏感或其他皮膚問題,甚至乎灼傷皮膚,所以要得到醫生或專業人士許可和建議先可以用.


避免陽光暴曬,因為紫外線係產生黑色素嘅元兇之一,所以要每日搽防曬出門,令皮膚得到保護.


- 而雷射可以處理色斑嗎?


絕對可以!而且雷射激光係現時可以稱為最有效嘅色斑治療,因為激光係單一波段嘅光能,意味住光線能量集中於一點,深入皮膚並集中擊碎異常色素,還原膚色.
絕大部份嘅色斑如雀斑,太陽斑,咖啡斑,太田班,荷爾蒙斑,老人斑等等...都能靠雷射激光醫治.
如果屬於表皮層嘅色斑,可能進行1-2次嘅激光治療已見效果,但如果係深層色斑,可能要進行4次以上嘅治療才能減退.


但由於激光雷射屬於高能量和極高精密度嘅儀器,所以請確保該儀器嘅來源產地,是否有國際認可証書來確保該儀器嘅穩定度同安全性才好進行激光去斑療程.

2014年11月7日 星期五

大家知唔知昨天係立冬呀?

大家知唔知今天係立冬呀?

立冬嘅意思係冬天來臨了.到左呢個時節,農夫嘅作物活動已經告一段落,準備將成品收割,另外動物都開始準備以冬眠嘅方式,度過冬天了.

大家朝早出門前記住要注意天氣,多帶件外套,另外亦要多注意補濕哦.

膠原蛋白對皮膚有咩影響呢同埋有幾重要??

我地嘅膠原蛋白每日隨著年齡嘅增長都在減少中,究竟膠原蛋白對皮膚有咩影響呢同埋有幾重要?我地一齊黎睇下 !

膠原蛋白係身體或皮膚裏都係擔任著重要嘅角色,我地嘅皮膚結構裡面有70%由膠原蛋白所組成.而作用係維持皮膚彈性,飽滿和修復各損傷組織.所以膠原蛋白係維持身體各機能不可缺少嘅重要成分,同時令身體保持年輕、防止老化既物質.

總結膠原蛋白對皮膚嘅好處係:
  • 保濕: 膠原蛋白含有天然保濕因子,鎖住水份去令皮膚保持濕潤和保持水嫩狀態,令皮膚水潤亮澤,散發健康的光彩。
  • 收緊 + 防皺 : 當皮膚真皮之間有豐富膠原蛋白嘅話,皮膚會增加緊密度,細胞會被撐起,產生皮膚張力,令毛孔縮小,使皮膚緊繃而富有彈性.再結合保濕和抑制皺紋作用,從而淡化細紋。
  • 滋潤: 膠原蛋白透過角質層與皮膚結合,保持角質層水分及纖維結構嘅完整性,改善皮膚代謝,改善皮膚細胞生存環境,增加血液循環而達到滋潤皮膚嘅效果。
但隨著年齡嘅增長,身體製造膠原蛋白嘅能力會越來越低,慢慢令到真皮層內嘅膠原蛋白逐漸减少,失去彈性,令皮膚變得鬆弛和產生皺紋,毛孔亦變得粗大.

所以我地要注意避免膠原蛋白流失嘅事項:
  1. 皮膚科醫生認為有90%以上嘅皮膚會受到紫外線傷害而做成膠原蛋白流失下提早老化,建議盡量避免陽光最強烈時(時間早上10:00-黃昏3:00)外出 ,平常亦要做好防曬準備。
  2. 多食天然抗氧化嘅蔬果和抗衰老食物去保護皮膚內嘅膠原蛋白,如士多啤梨,葡萄,奇異果,蕃茄,胡蘿蔔,紅甜椒, 椰菜,合桃,雞蛋及綠茶等。
  3. 避免吃高熱量,高脂肪,油炸食物這一來身體會產生大量自由基,增加對皮膚嘅傷害和加速皮膚老化,然後岀現皮膚鬆弛,毛孔粗大,有皺紋和產生色斑等問題。
如果大家想了解自己既皮膚狀況和肌齡,歡迎用以下方式聯絡我們預約做一次免費既專業皮膚分析哦,另外我地中心亦為第一次光臨既顧客提供一次30% off既納米點陣式射頻療程試做,可在旁邊既連結了解更多和登記哦:www.cleanskincare.com.hk/zh/rf.html 
免責聲明:以上所載的資料只供參考用途,均不能作為替代執業西醫的建議.在採取任何行動之前,你必須與有適當資格的執業醫療人仕諮詢.

2014年11月4日 星期二

深層斑嘅分類同結構.

上次同大家分享過表層斑嘅分類,今次就同大家講下深層斑嘅分類同結構:

1) 深層斑嘅分類 : 深層斑係當黑色素經由真皮層去到皮下組識而形成嘅斑塊,而係臨床上常見嘅深層斑有:

- 黑斑 (又稱荷爾蒙斑,肝斑, 黃褐斑, 蝴蝶斑)
- 胎記 (分為太田母斑, Becker's母斑, 蒙古斑)
- 顴骨斑
- 等等...

2) 深層色素嘅形成: 深層斑嘅色素位於真皮層最底層嘅部份,色素呈大塊狀,厚度不均,高低不平,色素間隔中有褐色,藍黑色和暗藍灰色等... 我哋每一個人嘅皮膚內都有一種"黑色素母"嘅細胞.當皮膚受到紫外線嘅刺激,"黑色素母"細胞就會產生《自我防護》嘅反應,大量分泌黑色素去保護真皮層.但因為真皮層冇辨法自我分解色素,所以色素會逐步向下沉澱和堆積,令我哋嘅皮膚慢慢產生深層斑.

- 深層色素形成嘅外界因素: 使用過期/化學成份含有重金屬物質(如鉛,汞,砷)嘅化妝品,紫外線照射,輻射,飲食不均等等...

- 深層色素形成嘅身體內部因素: 遺傳性, 經常過度疲勞(嚴重睡眠不足), 營養不良, 內分泌失調, 荷爾蒙失調, 懷孕期, 壓力因素, 新陳代謝減慢, 膠原蛋白流失等等...

為一些有需要嘅人跑出機會,跑出健康

而家香港人越來越喜歡跑步,但有冇想過你跑嘅時候,只需要記錄低就可以比到鼓勵比一些癌症病人??係十一月內只要報名同跑夠10公里(可分開累積)就可以幫到有需要嘅人啦,詳情睇下我地分享出來嘅連結啦,希望你我都能為一些有需要嘅人跑出機會,跑出健康

http://sfc.cancer-fund.org/hk/sfc-runonyourown