2014年10月25日 星期六

UVB & UVA 紫外線如何分別?對皮膚有什麼影響?

UVB & UVA 紫外線如何分別?對皮膚有什麼影響?

發覺身邊好多朋友原來都忽略左每日要搽防曬產品來保護自己,而且對UVB 和 UVA紫外線嘅影響都有不同見解,所以我地藉此機會來分享UVB和UVA嘅分別。

紫外線(Ultraviolet或簡稱UV) 係我地平時睇唔到嘅輻射,紫外線指數越高令皮膚及眼睛受傷嘅機會亦會越高。

一般嘅紫外線有兩種,分別係UVA 同 UVB

UVA:穿透力極强,對皮膚傷害大,無論有陽光或多雲甚至乎下雨天都有,可以穿透玻璃進入室內及車內。而且可直達真皮層促使皮膚老化,增加黑色素,眼膜炎,而且如果長時間累積落去嘅話,會使皮膚不知不覺間失去彈性導致皮膚鬆馳和失去緊緻,並產生皺紋。亦係造成黑色素沉澱產生色斑形成的元兇之一!!

UVB:穿透力無UVA強,但係UVB嘅紫外線可會引起皮膚即時曬傷,使皮膚角質增厚,暗沈,變紅,發痛和變得較乾,脫皮,嚴重的話會起水皰。

所以結論係UVB能量比UVA强,但UVB會較容易防護。

防禦紫外線小tips:

1-) 大家千祈唔好忽略每日出門前要塗上可阻隔UVA及UVB嘅防曬液
2-) UVA相關嘅防曬效能為PA+或以上,加號愈多代表防曬效能愈高
3-) 使用能阻隔紫外線的太陽眼鏡,避免造成眼膜炎嘅機會

大家記住要好好保護皮膚呀!!!